სამშაბათი, მარტი 18, 2025

შალვა პაპუაშვილი – სააკაშვილის განაჩენის ფონზე არ უნდა დაგვავიწყდეს, რომ საქართველოში შემოპარებამდე ევროკომისიისა და ევროპარლამენტის წარმომადგენლებს შეხვდა იმ დროს, როცა უკვე მისჯილი ჰქონდა ექვსი წელი

სააკაშვილის განაჩენის ფონზე არ უნდა დაგვავიწყდეს, რომ სააკაშვილის საქართველოში შემოპარება დაგეგმა და განახორციელა უკრაინის სამხედრო დაზვერვამ, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

პაპუაშვილის თქმით, საქართველოში შემოპარებამდე რამდენიმე დღით ადრე სააკაშვილი იმყოფებოდა ბრიუსელში და შეხვდა ევროკომისიისა და ევროპარლამენტის წარმომადგენლებს.

„ეს იმ დროს, როცა მას უკვე მისჯილი ჰქონდა ექვსი წლით თავისუფლების აღკვეთა გირგვლიანის მკვლელობისა და გელაშვილის ცემის საქმეებზე“, – წერს პაპუაშვილი.

საზღვრის უკანონო კვეთის საქმეზე მიხეილ სააკაშვილს ოთხი წლითა და ექვსი თვით პატიმრობა მიესაჯა, განაჩენთა ერთობლიობით კი სასჯელის ვადად 12 წელი და ექვსი თვე განესაზღვრა.

 

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

ნიკა გვარამია – „საბოტაჟის საქმეზე“ პოლიტიკოსები და არასამთავრობოები იქნებიან დადანაშაულებული – ვიცით, რას ნიშნავს „ქართული ოცნება“, როცა ევროპას აყადაღებს საბჭოთა კავშირი – ამის შესაძლებლობას...

„კოალიცია ცვლილებისთვის“ ლიდერი, ნიკა გვარამია არ გამორიცხავს, რომ „საბოტაჟის საქმეზე“ პოლიტიკოსები და არასამთავრობო ორგანიზაციები დაადანაშაულონ.როგორც მან დღევანდელ ბრიფინგზე განაცხადა, „ძალიან არასწორი ადრესატია ჟურნალისტი ნანუკა ჟორჟოლიანი და თუ ხელისუფლება ნანუკა ჟორჟოლიანთან დაკავშირებით რაიმეს გეგმავს, ისინი არც მას და არც ფონდებს არ დათმობენ“.„ჩვენ არ ჩაგიგდებთ ხელში ადამიანს, რომელმაც ბოლო პერიოდში სრულიად წარმოუდგენელი რაღაცები აკეთა, არც სხვა ფონდებს იმიტომ, რომ ჩვენ ვიცით ეს სადამდე მიდის. ჩვენ ვიცით, რას ნიშნავს, როცა სიკეთეს ბოროტება აყადაღებს. როცა სიყვარულს, სიძულვილი აყადაღებს. ჩვენ ვიცით, რას ნიშნავს „ქართული ოცნება“, როცა ევროპას აყადაღებს საბჭოთა კავშირი. ჩვენ ეს ვიცით და ამის შესაძლებლობას არ მოგცემთ“, - განაცხადა გვარამიამ.მისი განმარტებით, ფონდების დაყადაღება არ არის არც პირველი და არც უკანასკნელი ამბავი, რასაც „ქართული ოცნება“ აკეთებს. თუმცა, გვარამიას აზრით, ნანუკა ჟორჟოლიანის ფონდის დაყადაღება არასწორია.„ამის შემდეგ, „საბოტაჟის საქმეზე“ ცხადია, პოლიტიკოსები და არასამთავრობო ორგანიზაციები იქნებიან დადანაშაულებული, მაგრამ ძალიან არასწორი ადრესატია ნანუკა ჟორჟოლიანი. თუ ვინმესგან შიში არასდროს მინახავს, საკუთარ თავზე მეტად, ეს შემიძლია ნანუკა ჟორჟოლიანზე ვთქვა“, - განაცხადა გვარამიამ.როგორც მან აღნიშნა, საქართველო ბელარუსი გახდება, თუ ძალიან მალე ვითარება არ შეიცვალა.„საქართველო ბელარუსი არ იქნება“, ჩვენ ეს ბევრჯერ გვაქვს მოსმენილი, მაგრამ საქართველო ბელარუსი იქნება, თუ ჩვენ ძალიან მალე ამ ვითარებას არ შევცვლით. საერთოდ წარმოუდგენელი ამბავი ხდება ერთი შეხედვით, მაგრამ ამ რეჟიმისგან წარმოუდგენელი არაფერია. გუშინ დააყადაღეს 4 ფონდი: „ნანუკას ფონდი“, ე.წ. გილაურის ფონდი“, ფონდი „ერთმანეთისთვის“ და „თბილისის ადამიანის უფლებათა სახლი“. ეს იცით, რა ფონდებია? ეს არის ფონდები, რომელიც ეხმარებიან მაგალითად, პატიმრების ოჯახებს. ამ ყადაღით, დღეს პატიმრები, რომლებიც ისედაც უკანონო პატიმრები არიან, ისინი და მათი ოჯახის წევრები მნიშვნელოვანი დახმარების გარეშე დარჩებიან. ყველა პატიმრის ოჯახმა იცის, რამდენად მნიშვნელოვანია ამ დროს ფინანსური დახმარება, მორალურიც, მაგრამ აუცილებლად ფინანსურიც. ეს იცით რა ფონდებია? განსაკუთრებით, „ნანუკას ფონდი“, რომელმაც ამ ქვეყანაში მართა გურიის უმნიშვნელოვანესი პრობლემა. გააკეთა ის, რაც სახელმწიფოს უნდა გაეკეთებინა. ეს ის ფონდებია, რომელიც უკანონოდ დაჯარიმებულ ადამიანებს, ჯარიმებს უხდის“, - განაცხადა გვარამიამ.

მარკ რუტე – ტრამპი პრეზიდენტ პუტინს კარგად იცნობს, მჯერა, რომ სამშვიდობო შეთანხმების მიღწევას შეძლებს

ნატო-ს გენერალურ მდივანს, მარკ რუტეს სჯერა, რომ აშშ-ის პრეზიდენტი დონალდ ტრამპი შეძლებს უკრაინასთან დაკავშირებით სამშვიდობო შეთანხმების მიღწევას.მარკ რუტეს თქმით, არ სჯერა, რომ დონალდ ტრამპი ვლადიმერ პუტინს ენდობა.„პირველი ვადიდან პრეზიდენტ პუტინს კარგად იცნობს. ასე რომ, ტრამპმა იცის, როგორ უნდა დარწმუნდეს, რომ გარიგების მიღწევას შეძლებს. მე ამის მჯერა“, – განაცხადა მარკ რუტემ.

საქართველოს ტექნიკური უნივერსიტეტი ტრაგიკულად დაღუპული სტუდენტის ოჯახს სამძიმარს უცხადებს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, უნივერსიტეტის ადმინისტრაცია, ინფორმატიკისა და მართვის სისტემების ფაკულტეტის დეკანი, პროფესორი თალიკო ჟვანია, სტუდენტები და პროფესორ-მასწავლებლები, ინფორმატიკისა და მართვის სისტემების ფაკულტეტის მეორე კურსის სტუდენტისა და ამავდროულად, ახალგაზრდა კოლეგის, გურამ ადუაშვილის ტრაგიკულად დაღუპვის გამო, ოჯახსა და ახლობლებს სამძიმარს უცხადებენ.„საქართველოს ტექნიკური უნივერსიტეტისთვის უმძიმესი აღმოჩნდა ჩვენი სტუდენტის, ინფორმატიკისა და მართვის სიტემების ფაკულტეტის ნიჭიერი და იმედისმომცემი ბაკალავრისა და ჩვენი ახალგაზრდა კოლეგის, გულისხმიერებით, სიკეთითა და სიყვარულით სავსე გურამ ადუაშვილის ტრაგიკულად დაღუპვის ამბავი.გურამი იყო არამხოლოდ შრომისმოყვარე და მიზანდასახული სტუდენტი, არამედ აქტიური მკვლევარიც, გამორჩეული გონიერებით, ცნობისმოყვარეობითა და ინოვაციისადმი ერთგულებით. მისი საქმიანობა უნივერსიტეტის ჟიული შარტავას სახელობის ტექნიკისა და ტექნოლოგიების სასწავლო კვლევით ლაბორატორიაში ნათელი მაგალითი იყო ცოდნისა და მეცნიერებისადმი მისი სიყვარულისა.მისი მოულოდნელი და უდროო გარდაცვალება აუნაზღაურებელი დანაკლისია ჩვენი აკადემიური საზოგადოებისათვის, მისი თანაჯგუფელებისთვის, კოლეგებისა და მეგობრებისთვის. გვიჭირს ამ უმძიმეს წუთებში, სამძიმრით მივმართოთ ოჯახს.საქართველოს ტექნიკური უნივერსიტეტისთვის გამორჩეული სტუდენტისა და კოლეგის, გურამ ადუაშვილის სახელი დიდხანს დარჩება მოუშუშებელ იარად. მსუბუქი ყოფილიყოს გურამისთვის ქართული მიწა“, – აღნიშნულია საქართველოს ტექნიკური უნივერსიტეტის სამძიმარში.ინფორმაციას საქართველოს ტექნიკური უნივერსიტეტი ავრცელებს.

მე არ ვარ საკანონმდებლო ორგანოს წარმომადგენელიო. თუ სახელმწიფოს არ წარმოადგენს საქართველოში, აბა რას წარმოადგენს?! ასეთ აბსურდულ პასუხს, რომ დაწერს ელჩი და ასეთ მდგომარეობაში ჩააგდებს...

„ხალხის ძალის“ აღმასრულებელი მდივანი, გურამ მაჭარაშვილი,  ჩეხეთის პარლამენტის კომიტეტის რეზოლუციას ეხმიანება, რომელიც საქართველოს შიდა საქმეებში ჩარევას ეხებოდა.მაჭარაშვილის განცხადებით,  ჩეხეთი ჩაერია არა მხოლოდ ქართულ პოლიტიკაში, არამედ, საზოგადოების გადასაწყვეტი საქმე გადაწყვიტა მათმა  საკანონმდებლო ორგანომ და ამან მინიმუმ ისეთ მდგომარეობაში ჩააყენა მათი  ელჩი  საქართველოში, რომ პასუხიც კი ვერ გასცეს კითხვაზე, იყო თუ არა ეს ჩარევა საქართველოს შიდა საქმეებში.„ჩაერია არა მხოლოდ ქართულ პოლიტიკაში, არამედ, საზოგადოების გადასაწყვეტი საქმე გადაწყვიტა ჩეხეთის საკანონმდებლო ორგანომ და ამან მინიმუმ ისეთ მდგომარეობაში ჩააყენა ჩეხეთის ელჩი  საქართველოში, რომ პასუხიც კი ვერ გასცეს კითხვაზე, იყო თუ არა ეს ჩარევა საქართველოს შიდა საქმეებში და აბსურდული პასუხი თქვა ელჩმა, წარმოიდგინეთ - მე არ ვარ საკანონმდებლო ორგანოს წარმომადგენელიო. აბა ვინ არის, რას წარმოადგენს  ჩეხეთის ელჩი?! თუ, სახელმწიფოს არ წარმოადგენს საქართველოში, აბა რას წარმოადგენს?! ასეთ აბსურდულ პასუხს, რომ დაწერს ელჩი და ასეთ მდგომარეობაში

ვოლოდიმირ ზელენსკი აცხადებს, რომ ვლადიმერ პუტინი ომს აჭიანურებს

უკრაინის პრეზიდენტი ვოლოდიმირ ზელენსკი აცხადებს, რომ რუსეთის პრეზიდენტი ვლადიმერ პუტინი ომს აჭიანურებს.„ერთი კვირა გავიდა, პუტინმა ვერ შეძლო „კი“-ს თქმა ცეცხლის შეწყვეტის შეთავაზებაზე“, – აცხადებს ზელენსკი სოციალურ ქსელ X-ში გავრცელებულ ვიდეომიმართვაში.ზელენსკის თქმით, 30-დღიანი ცეცხლის შეწყვეტის შესახებ წინადადება არის ის, რამაც უნდა შეაჩეროს სისხლისღვრა და გზა მისცეს დიპლომატებს, იმუშაონ გრძელვადიან მშვიდობაზე.„ომის დროს ყოველი დღე ადამიანის სიცოცხლის საკითხია. საჭიროა ზეწოლა, რათა მოსკოვმა საბოლოოდ აღიაროს, რომ ეს ომი უნდა დასრულდეს“, – განაცხადა ზელენსკიმ.

ბოლო სიახლეები