ქობულეთში ხანძრის შედეგად მამაკაცი დაიღუპა

„გაგუას კლინიკა“ სოციალურ ქსელში სასიხარულო ინფორმაციას ავრცელებს და წერს, რომ მათ კლინიკაში 17 დეკემბერს სამი ტყუპი გოგო – მარიამი, ნატალი და კატო დაიბადნენ. კლინიკა ტყუპების დედასთან ინტერვიუს გვთავაზობს, სადაც ნინი ირემაძე ამბობს, რომ ტყუპების დაბადება მისთვის უდიდესი ემოცია იყო.„გაგუას კლინიკაში კიდევ ერთი განსაკუთრებული ისტორია დაიწერა – ერთდროულად სამი პატარა სიცოცხლე მოევლინა სამყაროს.  სამი ტყუპის დაბადება ჩვენი გუნდისთვის დიდი ემოცია და ამავდროულად, უდიდესი პროფესიული პასუხისმგებლობა იყო.  გაგუას კლინიკა – ერთად პირველი ჩასუნქთვისთვის“, – წერს კლინიკა.

რუსეთის პრეზიდენტი, ვლადიმერ პუტინი კრემლში ირანის ეროვნული უშიშროების საბჭოს მდივანს, ალი ლარიჯანის შეხვდა, – ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.ოფიციალური პირის ვიზიტის შესახებ აქამდე ინფორმაცია არ იყო გავრცელებული.პარალელურად, რუსეთში ირანის ელჩის განცხადებით, განხილვის თემები მოიცავდა ორმხრივი ურთიერთობების გაფართოებას, განსაკუთრებით ეკონომიკურ კავშირებს, ასევე ახლო აღმოსავლეთისა და საერთაშორისო საკითხებს.მანამდე, 16 იანვარს ვლადიმერ პუტინმა ირანის პრეზიდენტ, მასუდ ფეზეშქიანთან ისლამურ რესპუბლიკაში არსებული ვითარება განიხილა. ირანის მიმართულებით აშშ-ის სამხედრო ძალების მობილიზების საპასუხოდ, თეირანმა განაცხადა, რომ მზადაა, უპასუხოს შეერთებული შტატების ნებისმიერ თავდასხმას.

საქართველოს მართლმადიდებელი ეკლესია 31 იანვარს აღნიშნავს მიცვალებას ქართველთა კეთილმორწმუნე მეფისა თამარისა და ასევე იხსენიებს ღირს  ეფრემ მცირეს, ღირს ალექსი მღვდელმონოზონს,  ათანასე და კირილეს ალექსანდრიელ მთავარეპისკოპოსებს და  ღირს მარკიანე კერკირელის.Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.თამარ მეფესაქართველოს ისტორიაში ერთადერთი  მეფე ქალი მე-12  საუკუნის ბოლოს და მე -13 საუკუნის დასაწყისში მეფობდა. მის დროს საქართველო კავკასიის უძლიერეს სახელმწიფოდ იქცა.თამარი ატარებდა ტიტულს: „მეფეთ მეფე და დედოფალთ დედოფალი აფხაზთა, ქართველთა, რანთა, კახთა და სომეხთა, შირვანთა და შაჰანშათა და ყოვლისა აღმოსავლეთისა და დასავლეთისა თვითმფლობელობითა მპყრობელი“. მემატიანე მას მოიხსენიებს, როგორც: „დიდება ამა სამყაროსა და სარწმუნოებისა, მესიის მოვლენილი. საქართველოში თამარობა წელიწადში ორჯერ აღინიშნება, 31 იანვარს, როცა საქართველოს მართლმადიდებელი ეკლესია თამარის მიცვალებას აღნიშნავს და 14 მაისს მისი ხსენების დღეს.

თბილისის მერის, კახა კალაძის განცხადებით, ხელისუფლება ყველაფერს გააკეთებს, რათა ვერავინ შეძლოს, საქართველოს შიდა პოლიტიკურ საქმიანობაში გარედან ჩაერიოს.ამის შესახებ კალაძემ ჟურნალისტებს ყალბ მისამართებზე დარეგისტრირებული არასამთავრობო და მედიაორგანიზაციების აღმოჩენასთან დაკავშირებით დასმული კითხვის პასუხად განუცხადა.„უკვე აღარაფერს ერიდებიან, პირდაპირ ამბობენ, რომ ეძებენ შავ ხვრელებს, რათა საქართველოში პოლიტიკის დასაფინანსებლად შემოიტანონ თანხები სხვადასხვა ფორმით და გზით. ეს წარმოუდგენელია. არცერთი ნორმალური, განვითარებული ქვეყანა ამას თავის მოქალაქეებს არ აკადრებს და მიიღებს შესაბამის გადაწყვეტილებებს. რა თქმა უნდა, ჩვენც ყველაფერს გავაკეთებთ, რომ გარედან ჩარევა მაქსიმალურად შეიზღუდოს. არავის აქვს უფლება, ქვეყნის შიდა პოლიტიკურ საქმიანობაში ჩაერიოს, გარედან მითითებებს იძლეოდეს და პირდაპირ ფული იხარჯებოდეს ქართულ პოლიტიკაში“, – განაცხადა კახა კალაძემ.რაც შეეხება კითხვას იმასთან დაკავშირებით, როგორ უნდა იფუნქციონიროს არასამთავრობო სექტორმა იმ შემთხვევაში, თუ ხელისუფლება დასავლურ ფინანსურ წყაროებთან წვდომას შეუზღუდავს, კალაძე პასუხობს, რომ აღნიშნულმა ორგანიზაციებმა კანონის ფარგლებში უნდა იმოქმედონ.„არასამთავრობო ორგანიზაციებს ჩვეულებრივად შეუძლიათ არსებობა. არსებობს კანონი, უნდა დარეგისტრირდნენ და გამჭვირვალე უნდა იყოს ყველაფერი. ძალიან მარტივია, კეთილი უნდა ინებონ, დარეგისტრირდნენ და საქართველოს თითოეულმა მოქალაქემ უნდა იცოდეს, კონკრეტული არასამთავრობო ორგანიზაცია ვისგან იღებს ფულს და რა კონკრეტულ პროექტებში ხარჯავს. დაივიწყეთ ის დრო, როცა ვიღაცებს აქ თანხები შემოჰქონდათ, ვითომ რაღაც კეთილი საქმეებისთვის და ხან ტელევიზიები ფინანსდებოდა, ხან პოლიტიკური საქმიანობა, სახელმწიფო გადატრიალების მცდელობები, რევოლუციის მოწყობის რამდენიმე მცდელობა. მორჩა, ასე ვეღარ გაგრძელდება. სახელმწიფო ყველაფერს გააკეთებს იმისთვის, რომ დაიცვას ქვეყნის სუვერენიტეტი, დამოუკიდებლობა და არავის მისცემს შესაძლებლობას, გარედან უხეშად ჩაერიოს და სახელმწიფო გადატრიალებები მოაწყოს. ჩემი ქვეყნისთვის ყველა მტერია, ვინც არღვევს ქვეყნის სუვერენიტეტს. ჩემთვის, ჩემი თანაგუნდელებისა და მოსახლეობის უმრავლესობისთვის კატეგორიულად მიუღებელია, რომ გარედან შემოდიოდეს თანხები და იხარჯებოდეს, მაგალითად, სარწმუნოების, ეკლესიის წინააღმდეგ ქართულ პოლიტიკაში გაუმჭვირვალე თანხები, ვითომ სასიკეთო პროექტების განსახორციელებლად და რეალურად იყო სახელმწიფო გადატრიალების მოწყობის რამდენიმე მცდელობა, საზოგადოების გახლეჩის, დაპირისპირების. მომიყვანეთ ერთი ნორმალური ევროპული  სახელმწიფოს მაგალითი, სადაც დაშვებულია გარედან შიდა პოლიტიკის დაფინანსება. არ არსებობს ასეთი. არცერთი ნორმალური სახელმწიფო, რომელიც ზრუნავს თავის სუვერენიტეტზე, არავის მისცემს უფლებას, ჩაერიოს შიდა პოლიტიკურ საქმიანობაში“, – განაცხადა თბილისის მერმა.ინფორმაციას თბილისის მერია ავრცელებს.

მსახიობი კეტრინ ო’ჰარა, რომელიც ფილმში "მარტო სახლში" კევინის დედის როლს ასრულებდა, 71 წლის ასაკში გარდაიცვალა.ემის ჯილდოს მფლობელი მსახიობის გარდაცვალების შესახებ ინფორმაციას ადასტურებს მისი მენეჯერი.გარდაცვალების მიზეზი ამ დროისთვის უცნობია