„ქართული ოცნების“ პოლიტსაბჭოს სხდომა გაიმართა, რომელსაც პარტიის საპატიო თავმდჯომარე ბიძინა ივანიშვილიც ესწრებოდა

"რა ხდებოდა თბილისის ქუჩებში, გეგონება მონღოლები შემოიჭრნენო. მონღოლებმა იცოდნენ, რომ შემოიჭრებოდნენ კარვებს გაშლიდნენ ხოლმე. ვერა ვაკეზე რა გინდა, რომ მიდიხარ ვერა ვაკის საზღვარზე ბოლო ბოლო ვერელ ბიჭებს გამოიყვან წყობიდან, სხვანაირად შეხედონ, - ისინი არ უყურებენ "ამან ეს გვითხრა, იმან ეს გვითხრა"... თბილისია, რა... "- ამის შესახებ ბოდბელმა მიტროპოლიტმა, მეუფე იაკობმა წმინდა გიორგის დღესასწაულზე, ბოდბის წმინდა ნინოს მონასტერში ქადაგებისას ოპოზიციის აქციების თემაზე საუბრისას განაცხადა. "ევროპას რომ თავისთან ჩვენი მიღება უნდოდეს, ასე გვაწვალებდა? უკრაინას როგორ ექცევა- უკრაინა სჭირდება და ხედავთ, რა სიტუაციაა. მოლოდვაში ყველაფერი მოწონთ და ჩვბენი რა არ მოწონთ? ის გაუტეხლობა არ მოწონთ. ის არ მოწონთ, რომ ვიღაცეების ღმერთებს არ ვაღიარებთ. მე მადლიერი ვარ ევროპარლამენტარების იმ ნაწილის, თუნდაც ბორელის, ევროკომისრების, რომლებიც გვეუბნებიან ხოლმე, - ევროკავშირშ შემოსვლა არც იფიქროთ, თუ ოჯახური ფასეულობების კანონს თუ არ გააუქმებთო. მადლიერი იმიტომ ვარ, რომ არჩევანს მაძლევენ, საკითხი დამიყენეს, როგორც წმინდა გიორგი დაუყენეს. უფალი განსაცდელს ტყუილად არ მოუვლენს ხოლმე ერს. არჩევნები რომ ტარდებოდა, ერთი ძალა იყო - ოჯახური ღირებულებები, მეორე ძალა - იმის გამო, რომ უცხოეთმა მხარი დაუჭიროს, ჰგონიათ რომ უცხოეთი გადაწყვეტს და არ იციან რომ უფალი მეფობს...ევროპა როგორც ჩაერია, ზეწოლაც არ ჰქვია, ძალადობა იყო, როგორც იქცეოდნენ... იმათზე ნაკლები ჭკუა არა გვაქვს, საქმის კურსში ვარ რაც ხდება მსოფლიოში ჩვენი მისამართით. გავედით არჩევნებზე, 2 მილიონზე მეტმა კაცმა თავისი არჩევანი გააკეთა და რა გამოვიდა, - როდესაც ევროპაც ფიქრობდა და დღევანდელი ოპოზიციური პარტიები, რომ ბორელის ნათქვამი რამეს წარმოადგენდა ჩვენთვის, ან როთს იპოვიდნენ გერმანიაში და ჩამოიყვანდნენ, ნახეს რომ იმდენი ხმა არა აქვთ, გამოვიდნენ ქუჩაში. რა ხდებოდა თბილისის ქუჩებში, გეგონება მონღოლები შემოიჭრნენო. მონღოლებმა იცოდნენ, რომ შემოიჭრებოდნენ კარვებს გაშლიდნენ ხოლმე. ვერა ვაკეზე რა გინდა, რომ მიდიხარ ვერა ვაკის საზღვარზე ბოლო ბოლო ვერელ ბიჭებს გამოიყვან წყობიდან, სხვანაირად შეხედონ, არ უყურებენ "ამან ეს გვითხრა, იმან ეს გვითხრა"... თბილისია, რა... " - განაცხადა მეუფე იაკობმა.

"ნაციონალურ მოძრაობის" პოლიტიკური საბჭო წევრი გიორგი ბარამიძე საქართველოს პრეზიდენტ  სალომე ზურაბიშვილისგან მსჯავრდადებული ექსპრეზიდენტის მიხეილ სააკაშვილის შეწყალებას მოითხოვს. "რაც შეეხება  ქალბატონ სალომე ზურაბიშვილს, (რომელსაც, ბოლოდროინდელ  ბევრ განცხადებაში ვეთანხმები) ბევრმა იკითხა, უნდა მოვთხოვოთ თუ არა მას მიშას გათავისუფლება?  აი ხომ არ შევაწუხებთ, ხომ არ გაბრაზდება, გაგვინაწყენდება  და ასე შემდეგ. კიდევ ერთხელ მკაფიოდ უნდა ვთქვათ, რომ ცხადია უნდა მოვთხოვოთ, აბა რა უნდა ვქნათ? მოთხოვნაზეა საუბარი და არა რამის ხვეწნაზე! მილიონჯერ გვაქვს ნათქვამი, რომ მიშას გათავისუფლება  ქალბატონი სალომეს (როგორც პრეზიდენტის თანამდებობაზე მყოფის) არა მარტო უფლება,  არამედ ვალდებულებაცაა. და სწორედ მისი ამ ვალდებულების შესრულებას  მოვითხოვთ მისგან. წინააღმდეგ შემთხვევაში ვერ დავიჯერებ მის გულწრფელობას,  რომ მას მართლა უნდა საქართველო იხილოს როგორც ჭეშმარიტად ევროპული სტანდარტისა და რუსული რეჟიმისგან თავისუფალი ქვეყანა. რა ევროპულ სტანდარტებსა და ევროკავშირში გაწევრიანებაზე საუბრობს იგი, თუ ქვეყანაში პოლიტპატიმრები გვყავს, (მით უფრო  როგორიც პრეზიდენტი სააკაშვილია) და შეუძლია და არ ათავისუფლებს? მარტივია, როცა ქვეყნისთვის სასარგებლო და პრინციპულად სწორი გადაწყვეტილების მიღება  შეუძლია  და შეგნებულად არ დგამს ამ ნაბიჯს,  ესეიგი უბრალოდ თავის კერძო პოლიტიკურ თამაშს თამაშობს და არა ასრულებს მის საპრეზიდენტო  მოვალეობებს. თავისუფლება მიშას! თავისუფლება საქართველოს!🇬🇪✊✌️" - წერს გიორგი ბარამიძე.

პოლიტიკოსები და ადამიანები, რომლებიც უარყოფენ და ღვთის კანონის წინააღმდეგ მიდიან, მიუღებელნი არიან, – ამის შესახებ თბილისის ვაკის მაცხოვრის ფერიცვალების სახელობის ტაძრის წინამძღვარმა, დეკანოზმა, შალვა კეკელიამ განაცხადა. „აქციებში არანაირად არ ვერევი. მინდა, ყველამ ერთი რაღაც გაიაზროს, ჩვენი ქვეყანა და ერი ქრისტეს უნდა ემსახურებოდეს. ქრისტეს მსახურებაა, რამაც დღევანდელ დღემდე მოგვიყვანა. პოლიტიკოსები და ადამიანები, რომლებიც უარყოფენ და მიდიან ღვთის კანონის წინააღმდეგ, ყველანაირად მიუღებელნი არიან. უმთავრესია, რა დამოკიდებულება აქვს ადამიანს ეკლესიასთან და ღმერთთან. ამ ქვეყანას ვერავინ ვერ უშველის, საქართველოს მთელ ისტორიას რომ გადავხედოთ, მეგობარი ქვეყანა არასდროს გვყოლია, ეს ქვეყანა დედაღვთისმშობელმა და ღვთისმშობლის ერთგულებამ გადაარჩინა. არასდროს, არცერთი ქვეყანა გვერდით არ დაგვდგომია. უნდა გაიგოს ყველამ, ღვთისმშობლის და მისი ერთგულების გარდა ეს ქვეყანა ვერ გადარჩება ვერასოდეს“, – განაცხადა დეკანოზმა, შალვა კეკელიამ. ამასთან, როგორც მან აღნიშნა, ქრისტიანისთვის ყველანაირი ძალადობა მიუღებელია. „მიუღებელია ადამიანი, რომელიც უზრდელობს, ყველანაირი ფსიქოლოგიური და ფიზიკური ძალადობა, ეკლესია ყველა მათგანს ემიჯნება. როგორ შეიძლება, ეკლესია რომელიმე ძალადობის მომხრე იყოს, ეს ხომ წარმოუდგენელია“, – აღნიშნა დეკანოზმა.

მე-10 მოწვევის პარლამენტის საპროცედურო საკითხთა და წესების საპარლამენტო კომიტეტის თავმჯდომარემ ირაკლი ქადაგიშვილის თქმით, სამანდატო კომისია განიხილავს შემოსულ ყველა დოკუმენტაციას პარლამენტის წევრობის კანდიდატებთან დაკავშირებით. „პირველი სხდომის გახსნას სჭირდება ცენტრალური საარჩევნო კომისიის თავმჯდომარის მოხსენება, რომელიც გაგვაცნობს (არჩევნების) საბოლოო შედეგებს, რომელიც პრინციპში უკვე გამოქვეყნებულია. ამ პერიოდში სამანდატო კომისია განიხილავს შემოსულ ყველა დოკუმენტაციას პარლამენტის წევრობის კანდიდატებთან დაკავშირებით. შემდეგ უკვე იქნება კენჭისყრა და დამტკიცდება პარლამენტის უფლებამოსილება“, - აღნიშნა ქადაგიშვილმა. შეგახსენებთ, მე-11 მოწვევის პარლამენტი ორშაბათს  შეიკრიბება/

საქართველოს მართლმადიდებელი ეკლესია 23 ნოემბერს წმინდა გიორგის ბორბალზე წამების დღეს აღნიშნავს. დილიდან ყველა მოქმედ ტაძარში სადღესასწაულო წირვა ჩატარდება. საქართველოს მართლმადიდებელი ეკლესია გიორგობას წელიწადში ორჯერ აღნიშნავს – 6 მაისს წმინდანის აღსრულების დღეს და 23 ნოემბერს მისი ბორბალზე წამების დღეს. საეკლესიო გადმოცემის თანახმად, წმინდა გიორგი მესამე საუკუნის მეორე ნახევარში კაბადოკიაში, მდიდარ ქრისტიანულ ოჯახში დაიბადა. მოგვიანებით, რომის იმპერატორ დიოკლეტიანეს მმართველობის დროს მხედართმთავარი გახდა. მას შემდეგ, რაც ქრისტიანების დევნა დაიწყეს, წმინდა გიორგი იმპერატორს განუდგა. ამის შემდეგ რომის კერპთაყვანისმცემელმა იმპერატორმა წმინდანს ქრისტეს უარყოფა მოსთხოვა. წმინდა გიორგის 303 წელს თავი მოჰკვეთეს.