ქართველ ხალხს პირდაპირ ეუბნებიან, თუ შენ გააკეთებ ისეთ არჩევანს, რაც მე მაწყობს, მაშინ შენს სახელმწიფოზე ასეთ გავლენას მოვახდენო, ეს არის საარჩევნო პროცესში უხეში ჩარევა – ქადაგიშვილი

გარემოს ეროვნული სააგენტოს ცნობით, 26 ოქტომბერს, გვიან ღამემდე, საქართველოში მოსალოდნელია წვიმა, დასავლეთ საქართველოში ზოგან ძლიერი, შესაძლებელია ელჭექი და ქარის გაძლიერება, ზღვაზე 2-3 ბალიანი ღელვა.მოსალოდნელმა ნალექებმა შესაძლებელია დასავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს(საფრთხის დონე დაბალი).

პარტია „გახარია საქართველოსთვის“ პოლიტსაბჭოს წევრი, რუსუდან თევზაძე აცხადებს, რომ უარს ამბობს საპარლამენტო მანდატზე და ტოვებს პარტიას.ამის შესახებ რუსუდან თევზაძემ სოციალურ ქსელში დაწერა.მისივე განმარტებით, აღნიშნული გადაწყვეტილება არ არის მიმართული „გახარია საქართველოსთვის“ წინააღმდეგ.„მოგეხსენებათ, რომ 2021 წლიდან ვარ პარტია „გახარია საქართველოსთვის“ პოლიტსაბჭოს წევრი და განათლებისა და კულტურის მიმართულების კურატორი. სწორედ, პოლიტიკური პარტიის წევრის სტატუსით ვცდილობდი, ქვეყნისთვის სასიკეთო საქმეების კეთებას. მოგეხსენებათ ისიც, რომ მაქვს დეპუტატის მანდატი, რომელიც კოლეგებთან და მეგობრებთან, რთული და წინააღმდეგობებით აღსავსე ერთობლივი მუშაობით მივიღე.თუმცა, დღეს და ახლა, საქართველოსთვის უკიდურესად მძიმე საშინაო და საგარეო გამოწვევების ფონზე, მივიღე ადამიანურად ურთულესი, მაგრამ ვფიქრობ, მოქალაქეობრივად სწორი გადაწყვეტილება, ჩემი შვილებისა და მათი თაობის მომავლის სასარგებლოდ. უარს ვამბობ პარლამენტის მანდატზე და ვტოვებ პარტიას.პ.ს. ხმამაღლა და მკაფიოდ ვაცხადებ, რომ ჩემი გადაწყვეტილება, არცერთ შემთხვევაში, არ არის მიმართული პოლიტიკური ძალის „გახარია საქართველოსთვის“ წინააღმდეგ. ჩემი კოლეგები, ჩემთვის კვლავაც რჩებიან მეგობრებად და ჩემთვის პატივსაცემ პროფესიონალ ადამიანებად და ვუსურვებ მათ წარმატებას ამ გზაზე“, – წერს რუსუდან თევზაძე.

„თავისუფლების მოედნის“ ლიდერის, ლევან ცუცქირიძის განცხადებით, პროტესტი არსად წასულა, ბრძოლა გაგრძელდება მანამ, სანამ ხალხის მოთხოვნები არ შესრულდება.როგორც ცუცქირიძემ რესპუბლიკის მოედანზე, სადაც რუსთაველის გამზირის მიმართულებით საპროტესტი მსვლელობა - „ბოლომდე, გამარჯვებამდე!“ მიმდინარეობს, განაცხადა, დღევანდელი შეკრება წარმოადგენს ერთწლიან სიმბოლოს - იმ დღიდან, როცა „ქართულმა ოცნებამ“ „საზოგადოებას არა მხოლოდ ხმები, არამედ თავისუფლებაც და მომავალიც წაართვა“.„დღევანდელი შეკრება აღნიშნავს იმას, რომ ერთი წელის შემდეგ, მას შემდეგ, რაც „ქართულმა ოცნებამ“ გადაწყვიტა, ჩვენთვის არა მხოლოდ ხმები წაერთმია, არამედ თავისუფლებაც და მომავალიც, ამასთან ეგონა, რომ დავიშლებოდით, დღეს ვიკრიბებით იმის სათქმელად, რომ არსად წავსულვართ, აქ ვართ და გავაგრძელებთ ბრძოლას მანამ, სანამ არ შესრულდება ხალხის მოთხოვნები“,- განაცხადა ცუცქირიძემ.მისი თქმით, პროტესტი არის წინააღმდეგობის მთავარი ფორმა, თუმცა მხოლოდ აქციებით შემოფარგვლა არ უნდა მოხდეს:„პროტესტის გამოხატვა არის წინააღმდეგობის ერთ-ერთი მთავარი ფორმა. ეს აჩვენებს იმას, რომ აქ ვართ, დაუკმაყოფილებელია ჩვენი მოთხოვნები და არ ვეგუებით იმ უსამართლობას, რაც ხდება. გარდა პროტესტის გამოხატვისა, სხვა გზებიც უნდა იყოს გამოყენებული, რაც არის დიპლომატიური და პროტესტის სხვა შესაძლებლობები. ვფიქრობ, რომ ახლა არის მომენტი, როდესაც ჩვენი წინააღმდეგობა უნდა გადავიდეს ახალ ეტაპზე. ამასთან დაკავშირებით „თავისუფლების მოედანს“ ხვალ, 11:00 საათზე, გვექნება ბრიფინგი და დამატებით ვიტყვით იმ ნაბიჯების შესახებ, რომლებსაც გადავდგამთ“,- განაცხადა ცუცქირიძემ.მისივე თქმით, ხელისუფლებას ხალხის მოთხოვნები რომ მოესმინა, პროტესტი არ გახდებოდა საჭირო.„ხელისუფლება ხალხის მოთხოვნებს, რომ უსმენდეს, აქამდე გაიგებდა. მათ არ სურთ ხალხის მოსმენა, მაგრამ პატივს სცემენ ძალას. ერთადერთი ენა, რაც მათ ესმით ეს არის ძალის ენა, ამიტომ ჩვენ, მშვიდობიანი და დემოკრატიული ძალა ვაჩვენოთ ყველას - ერთმანეთსაც და საერთაშორისო თანეგობრობასაც“, - განაცხადა ცუცქირიძემ.

ირინა სარიშვილი 26 ოქტომბრის აქციასთან დაკავშირებით სოციალურ ქსელში პოსტს აქვეყნებს, სადაც წერს, რომ “ფედერალისტების” ერთ-ერთი ლიდერი აქციაზე ხალხს “როგორც დიასახლისი ისე ეპატიჟება”.„ამ წამს რომელიღაც სააგენტოს ვიდეო ვნახე, სადაც თამარა ჩერგოლეიშვილი დღევანდელ 26 ოქტომბრის აქციაზე როგორც დიასახლისი ისე ეპატიჟება ხალხს. ხოდა მე ამ ქალბატონს ყველა გვერდიდან დაბლოკილი ვყავარ, არადა წასვლას ვაპირებ და იქაც ბლოკებით იდგება? ვინც ჯერ კიდევ ხართ კონტაქტში ეგებ კითხოთ და გამაგებინოთ. თან იმდენი ვართ რო დაბლოკილთა მარშსაც "მოვხოდავდით" რო რამე”- წერს სარიშვილი.

საუკუნის ძარცვა ამწის გამოყენებით და გაქცევა მოტოციკლებით - ლუვრის ძარცვის საქმე ამ დრომდე გაუხსნელია. გუშინ დააკავეს 4-დან 2 ეჭვმიტანილი. სამართალდამცველები ბრალდებულებთან ერთად მთელი საფრანგეთის მასშტაბით, სამეფო გვირგვინებს და უნიკალურ ძვირფასეულობას ეძებენ.მსოფლიოში ყველაზე ცნობილი მუზეუმიდან წაღებულია იმპერატორ ნაპოლეონის მიერ მეუღლისთვის ნაჩუქარი ბრილიანტებისა და ზურმუხტების ყელსაბამი, ეუხენიას საიმპერატორო ტიარა და გულსაბნევი, ასევე დედოფალ მარია-ამელიას სამკაულები.როგორ გაძარცვეს ლუვრი რეკორდულ დროში - 7 წუთში? ბოროტმოქმედებს ნიღბები ეკეთათ და ხელოსნების უნიფორმა ეცვათ. მძარცველები დარბაზში აივნის ფანჯრებიდან შევიდნენ, აივანზე კი მოძრავი სატვირთო ლიფტით მოხვდნენ. ისტორიული სამკაულები ლუვრის სამხრეთ ფლიგელის მეორე სართულზე, "აპოლონის გალერეის" ორ ვიტრინაში ინახებოდა. ამავე ფლიგელშია დაცული ლეონარდო და ვინჩის “მონა ლიზა" და სამი უდიდესი ბრილიანტი.მძარცველებმა ყველაფერი ვერ წაიღეს, სიჩქარეში მათ ბრილიანტებით მორთული გვირგვინი დაუვარდათ, რომელიც დაზიანდა. შემთხვევის ადგილზე დარჩათ ინსტრუმენტები, ხელთათმანები და რადიოგადამცემი, რაც გამოძიებას დამნაშავეების ძებნაში დაეხმარა.100-მდე გამომძიებელი იძიებს "საუკუნის ძარცვას". დრო სამართალდამცველების წინააღმდეგ მუშაობს. მოპარული სამკაულები პირველადი სახით შეიძლება უკვე აღარც არსებობს.