„ქალი ოჯახს, ბავშვების სანაცვლოდ, ფულს სთხოვდა…“ – დააკავეს სუროგაციის შუამავალი, რომელმაც 300 000 ლარზე მეტი მიითვისა

საქართველოს პრემიერ-მინისტრმა, მთავრობის ადმინისტრაციაში გამართულ ბრიფინგზე, განაცხადა, რომ გრიგოლ ლილუაშვილი აღარ დაიკავებს რეგიონული განვითარების მინისტრის თანამდებობას. მისივე თქმით, ამ გადაწყვეტილებამდე სამთავრობო გუნდი ერთობლივად, ლილუაშვილთან კონსულტაციების შედეგად მივიდა."მივიღეთ გადაწყვეტილება, რომ ბატონი გრიგოლ ლილუაშვილი აღარ დაიკავებს რეგიონული განვითარების მინისტრის თანამდებობას. საქართველოს რეგიონული განვითარების მინისტრად დაინიშნება ბატონი კახაბერ გულედანი, რომელსაც აქვს მართვისა და რეგიონულ საკითხებზე მუშაობის ძალიან ფართო გამოცდილება - წლების განმავლობაში, ის მუშაობდა ჯერ კერძო სექტორში, შემდეგ იკავებდა რეგიონული განვითარებისა და ინფრასტრუქტურის მინისტრის მოადგილის თანამდებობას. მოგვიანებით, იყო სამგორის რაიონის გამგებელი, ქალაქ თბილისის მუნიციპალური სამსახურის ხელმძღვანელი. დღემდე, კახა გულედანი იკავებდა თბილისის მერის მოადგილის თანამდებობას",- აღნიშნა ირაკლი კობახიძემ.

მთავარი მიზეზი, რატომაც არ მიდიან პარლამენტში, საგამოძიებო კომისიაში, არის ის, რომ მათ არ აქვთ პასუხები იმ კითხვებზე, რომლებიც სხდომაზე აუცილებლად დაისმება, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტის კითხვის პასუხად განაცხადა, რომელიც ბადრი ჯაფარიძის საგამოძიებო კომისიის სხდომაზე გამოუცხადებლობას შეეხებოდა.ირაკლი კობახიძის თქმით, ისინი მძიმე ქმედებებში არიან ეჭვმიტანილი, როგორც წინა ხელისუფლების პირობებში, ისე დღესაც, ვინაიდან დაკავებული არიან ანტისახელმწიფოებრივი საქმიანობით.„სინამდვილეში, ამ ადამიანებს არაფერი აქვთ სათქმელი. თქვენ იცით, რომ ისინი საკმაოდ მძიმე ქმედებებში არიან ეჭვმიტანილები, განსაკუთრებით, წინა ხელისუფლების პირობებში, თუმცა არა მარტო მაშინ, დღესაც ხედავთ, რომ ისინი მთლიანად არიან დაკავებული ანტისახელმწიფოებრივი საქმიანობით“, – განაცხადა პრემიერმა.

რეგიონული განვითარების მინისტრის თანამდებობას კახაბერ გულედანი დაიკავებს.ამის შესახებ საქართველოს პრემიერ-მინისტრმა ირაკლი კობახიძემ განაცხადა.რეგიონული განვითარების მინისტრად გრიგოლ ლილუაშვილი დასახელდა, თუმცა, როგორც ირაკლი კობახიძემ აღნიშნა, კონსულტაციების დროს გაირკვა, რომ სამინისტროს მუშაობაზე განხვავებული მიდგომები არსებობდა. „შესაბამისად, ლილუაშვილი არ დაიკავებს ამ თანამდებობას“ – განაცხადა კობახიძემ.

ივანიშვილის მმართველობის შედეგი – მტრებს ვიმატებთ, მეგობრებს ვკარგავთ და ქვეყანას სრული კატასტროფა ემუქრება. ივანიშვილის პოლიტიკამ საქართველო საერთაშორისო იზოლაციაში მოაქცია, – ამის შესახებ „სტრატეგია აღმაშენებელის“ ლიდერმა, გიორგი ვაშაძემ განაცხადა.მისი თქმით, მეგობრების გარეშე დარჩენილი საქართველო ზუსტად ის არის, რაც მტერს სურს – მარტო, დაუცველი და ადვილად დასაპყრობი.„ევროპასა და ამერიკას მტრად აცხადებს, სანაცვლოდ კი არცერთი მოკავშირე არ ჰყავს, ვინც ჩვენს უსაფრთხოებას დაიცავს.ივანიშვილი, წლებია, მიზანმიმართულად ანგრევს ჩვენი უსაფრთხოების არქიტექტურას. მეგობრების გარეშე დარჩენილი საქართველო ზუსტად ისაა, რაც მტერს სურს – მარტო, დაუცველი და ადვილად დასაპყრობი.ამ ვითარებაში „ოცნების“ დარჩენა ნიშნავს სრულ კატასტროფას და მზარდ საფრთხეს ქვეყნის უსაფრთხოებისა და მშვიდობისთვის.დავსვათ მარტივი კითხვა: როდის იყო საქართველო უფრო დაცული, როცა ჩვენ გვერდით გვედგა აშშ, ევროკავშირი და მათი ძლიერი ეკონომიკა თუ ახლა, როცა მარტონი დავრჩით მტრის პირისპირ? ივანიშვილის რეჟიმის ყოველი დღე ზრდის საფრთხეს. რაც უფრო დიდხანს რჩებიან, მით უფრო მძიმე იქნება შედეგი. მოეშვით ყალბ პროპაგანდას „მშვიდობაზე“ – მშვიდობა არ მოდის საუბრით, ავტოკრატიით და გაძარცული ქვეყნით. მშვიდობა და დაცულობა მოდის მხოლოდ ძლიერი მოკავშირეებით, სანდო პარტნიორებით, ხალხის ნდობით აღჭურვილი მთავრობით და განვითარებული ეკონომიკით“, – აღნიშნავს გიორგი ვაშაძე.

9 აპრილს ვიბრძოლეთ სუვერენიტეტისთვის და დამოუკიდებლობისთვის, ვიბრძოლეთ, რათა ქვეყანა დაგვეხსნა საბჭოთა მოსკოვის დიქტატისგან, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს ბრიფინგზე განუცხადა.პაპუაშვილის თქმით, იმისთვის არ ვიბრძოდით, რომ მითითებები მიგვეღო ტალინიდან, ვილნიუსიდან და ეკარნახათ ქართველი ხალხისთვის, ვინ აირჩიოს და როგორ განვითარდეს.„რამდენიმე დღეში აღვნიშნავთ 9 აპრილს, ჩვენი დამოუკიდებლობის გამოცხადების დღეს. 9 აპრილს გამოვედით და ვიბრძოლეთ ჩვენი ქვეყნის სუვერენიტეტისა და დამოუკიდებლობისთვის, ვიბრძოლეთ, რათა ქვეყანა დაგვეხსნა საბჭოთა მოსკოვის დიქტატისგან. ჩვენ იმისთვის არ ვიბრძოდით, მითითებები მიგვეღო ტალინიდან და ვილნიუსიდან. სამწუხაროა, რომ ყოფილი საბჭოთა რესპუბლიკები, რომლებსაც, წესით, ყველაზე კარგად უნდა ესმოდეთ, რას ნიშნავს ცენტრის ქედმაღლობა, მისი წარმოდგენით, პერიფერიის მიმართ, ახლა თავად რომ იქცევიან იმ სტილში, როგორც იქცეოდა საბჭოთა მოსკოვი თბილისთან, ტალინსა და ვილნიუსთან მიმართებაში, თავად რომ ემსგავსებიან საბჭოთა მოსკოვს, მგონი, ის მომენტია, როდესაც თვითრეფლექსია უნდა ჰქონდეთ.ჩვენ სუვერენიტეტისთვის იმიტომ არ გვიბრძოლია, რომ ტალინიდან გვკარნახობდნენ ქართველ ხალხს, ვინ აირჩიოს და როგორ განვითარდეს. სუვერენიტეტს ყველამ პატივი უნდა სცეს. ეს არის საერთაშორისო სამართლის პრინციპი და თუკი რაიმე არ მოსწონთ, როგორც თავად ამბობენ, რუსეთის საქციელში, არ მოსწონთ საერთაშორისო სამართლის დარღვევა, თვითონაც ნუ დაარღვევენ და ნუ შელახავენ ქართველი ხალხის სუვერენიტეტს“, – განაცხადა შალვა პაპუაშვილმა.