პარასკევი, ივლისი 11, 2025

ფონდი „ქართუ“ ზუგდიდში სარაგბო ბაზას აშენებს

ზუგდიდში, ფონდ ,,ქართუს“ დაფინანსებით რაგბის კომპლექსი შენდება. სამშენებლო სამუშაოებს ფონდის აღმასრულებელი დირექტორი ნიკოლოზ ჩხეტიანი, ზუგდიდის მერობის კანდიდატი მამუკა წოწერია, პარლამენტის წევრი დავით კაჭარავა, სახელმწიფო რწმუნებული გიორგი გუგუჩია და რაგბის კავშირის პრეზიდენტი იოსებ ტყემალაძე გაეცნენ.

ზუგდიდის მერობის კანდიდატის მამუკა წოწერიას შეფასებით, ფონდი „ქართუს“ მიერ, ქალაქ ზუგდიდში მიმდინარეობს უმნიშვნელოვანესი სპორტული ინფრასტრუქტურის  მშენებლობა – „პროექტი მოიცავს ორ მოედანს, ბუნებრივი და ხელოვნური საფარით, ასევე გათვალისწინებულია სასტუმრო და ყველა მნიშვნელოვანი ინფრასტრუქტურა. აქედან გამომდინარე,  ჩვენ მივიღებთ ძალიან მალე უმნიშვნელოვანეს ობიექტს, რომელიც ასევე იქნება წამახალისებელი ამ უბნის, როგორც ინფრასტრუქტურული ასევე, ურბანული განვითარებისთვის“ – განაცხადა „ქართული ოცნების“ ზუგდიდის მერობის კანდიდატმა მამუკა წოწერიამ. მან მადლობა გადაუხადა ფონდ „ქართუს“  ზუგდიდში განხორციელებული პროექტებისთვის – „მადლობა იმ იმიჯის შემქმნელი ობიექტების მშენებლობა-რეაბილიტაციისთვის, რომელიც მიმდინარეობს ან დასრულდა ჩვენს ქალაქში, ეს გახლავთ დრამატული თეატრი, ნიკოსეული სასახლე, რომელიც დასრულებულია ასევე, ბოტანიკური ბაღის საპროექტო სამუშაოები. ეს გახლავთ ის დახმარება, რომლის გარეშეც ამ  ობიექტების რეაბილიტაცია წარმოუდგენელი იყო ადგილობრივი ბიუჯეტით“ – აღნიშნა მამუკა წოწერიამ.

ზუგდიდის სარაგბო ბაზა დააკმაყოფილებს საერთაშორისო მოთხოვნებს. ექნება, როგორც ბუნებრივსაფრიანი, ასევე ხელოვნურსაფრიანი მოედანი. სტადიონი საერთო ჯამში გათვლილია 5000-ზე მეტი მაყურებელისთვის.

„ფონდი „ქართუ“ ახორციელებს რაგბის მხარდაჭერის პროგრამას, ჯამში ჩვენ თოთხმეტი ბაზა გვაქ გაკეთებული მთელი ქვეყნის მაშტაბით, დაწყებული გვაქვს ზუგდიდში მორიგი ბაზის მშენებლობა, ეს იქნება საკმაოდ მოზრდილი ბაზა ოთხ ჰექტარზე გაშლილი, როგორც ხელოვნური ისე ბუნებრივი საფარის მქონე მოედნით და ასევე გაკეთდება ტრიბუნები და სასტუმრო, სადაც შეძლებენ გაჩერდნენ გუნდები, ნაკრებები. ეს პროექტი ზუგდიდისთვის იქნება დადებითი სპორტის განვითარების კუთხით, ასევე მთელი რეგიონისთვის, ვინაიდან აფხაზეთიდანაც შეძლებენ მსურველები მონაწიოლეობის მიღებას და ვფიქრობ ძალიან კარგი საქმე გაკეთდება ამით“ – განაცხადა ნიკოლოზ ჩხეტიანმა.

ზუგდიდის რაგბის სტადიონი იქნება მეორე სარაგბო ბაზა სამეგრელო-ზემო სვანეთის რეგიონში, ფონდმა „ქართუმ“ ზუგდიდამდე სარაგბო კომპლექსი ფოთში ააშენა.

„ბაზის მნიშვნელობა იქნება უმნიშვნელოვანესი, იმიტომ რომ აფხაზეთის სიახლოვეს გვაქვს კომპლექსი და იცით როგორი ინიციატივაა იქიდანაც, რომ მეზობელი სოფლებიდან ბავშვებს უნდათ სიარული, ამიტომ დღეს ჩვენ მოვიარეთ, დავათვალიერეთ, ვნახეთ სამშენებლო ტემპი და ვფიქრობთ რომ უახლოეს პერიოდში აქ მოედანზე ბავშვები შეძლებენ ვარჯიშს და მათგანაც უკვე რაგბის კავშირი გამოიკვებება მაღალპროფესიული მორაგბეებით. სულ რაღაც 5 დღის წინ 18 წლევანდელები გახდნენ ევროპის ჩემპიონები და დიდი გამარჯვებები გველოდება წინ“ – განახადა იოსებ ტყემალაძემ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ნახეთ, ვინ და როგორ შეძლებს თანხის მიღებას-დაგროვებითი პენსია 22 135-მა პირმა გაიტანა – ჯამურად 89.3 მლნ ლარი

საპენსიო სქემაში გაწევრიანებულ მონაწილეთა რაოდენობა მილიონ 623 ათასი ადამიანია. ამის შესახებ საპენსიო ფონდის მიერ გავრცელებულ ინფორმაციაშია აღნიშნული.მათივე ცნობით, 2025 წლის 30 ივნისის მდგომარეობით, დაგროვებითი პენსიით ისარგებლა 22 135-მა პირმა, მათზე პენსიის სახით გაიცა 89.3 მლნ ლარი.„ივნისი, საპენსიო ფონდის პორტფელებისთვის, მიმდინარე წელს, ერთ-ერთი საუკეთესო თვე აღმოჩნდა, რაც დიდწილად საერთაშორისო ბაზრებზე აქციების ფასების ზრდამ განაპირობა. აღნიშნული დადებითი დინამიკა ინვესტორთა განწყობის გაუმჯობესებას უკავშირდება, რაც თავის მხრივ სავაჭრო მოლაპარაკებებში მიღწეული პროგრესითა და ახლო აღმოსავლეთში კონფლიქტის დეესკალაციით იყო გამოწვეული.რა ფორმით და რა ოდენობით შეგიძლიათ საპენსიო დანაზოგის გატანასაპენსიო ასაკში პენსიის გაცემა შესაძლებელია მოხდეს სამი გზით:1. პროგრამული გატანის გზით, რაც გულისხმობს მონაწილის პენსიაზე გასვლის თარიღისთვის მის ინდივიდუალურ საპენსიო ანგარიშზე აღრიცხული მთლიანი საპენსიო აქტივების ღირებულების სიცოცხლის მოსალოდნელ დარჩენილ ხანგრძლივობაზე გაყოფას და ყოველთვიური პენსიის სახით მიღებას;2. ინდივიდუალურ საპენსიო ანგარიშზე აღრიცხული საპენსიო აქტივებით სადაზღვევო ანუიტეტური პროდუქტის შეძენის გზით, რაც გულისხმობს მონაწილის მიერ კერძო საპენსიო სადაზღვევო პროდუქტის შეძენას და პენსიის მიღებას სიცოცხლის ბოლომდე;3. მონაწილის პენსიაზე გასვლის თარიღისთვის მის ინდივიდუალურ საპენსიო ანგარიშზე აღრიცხული მთლიანი საპენსიო აქტივების ღირებულების გზით. ასეთი მეთოდით, პენსიის გატანა შესაძლებელია, იმ შემთხვევაში, თუ პირი გაწევრიანდა საპენსიო სქემაში საპენსიო ასაკამდე არაუმეტეს 5 წლით ადრე.

მედია: ღაზაში, ქალებს და ბავშვებს ცეცხლი მაშინ გაუხსნეს, როდესაც ისინი საკვების რიგში იდგენენ, დაიღუპა 82 ადამიანი

ახლო აღმოსავლეთში საბრძოლო მოქმედებებია. "ცაჰალი" ღაზაში სამხედრო ოპერაციას განაგრძობს. ისრაელის იერიშებს, ბოლო 24 საათის განმავლობაში, 82 ადამიანი ემსხვერპლა. არიან დაჭრილები.მედია, წერს, რომ 15 ადამიანი ღაზის ცენტრალურ ნაწილში, ჰუმანიტარული დახმარების პუნქტთან დაიღუპა, ქალებს და ბავშვებს ცეცხლი მაშინ გაუხსნეს, როდესაც ისინი საკვების რიგში იდგენენ.ღაზაში ცეცხლის შეწყვეტაზე ისაუბრა ისრაელის პრემიერ-მინისტრმა, ბენიამინ ნეთანიაჰუმ, რომელიც აცხადებს, რომ ისრაელი მზადაა, ომი დაასრულოს, თუ ტერორისტული ორგანიზაცია "ჰამასი" ისრაელის პირობებს დათანხმდება.

“ანა წითლიძე დაფასდა იმისთვის, რომ დაშალა ზუგდიდში “ნაცმოძრაობის” ორგანიზაცია, შემდეგ გადმოვიდა თბილისში, აქ დაწინაურდა და გახდა “ოცნების” შტატგარეშე კოორდინატორი” – ტატა ხვედელიანი

"ერთიანობა - ნაციონალური მოძრაობის" ერთ-ერთი ლიდერი ანა წითლიძე აცხადებს, რომ წინა არჩევნებში, რამდენიმე მუნიციპალიტეტში, "ნაციონალურმა მოძრაობამ" და პარტიამ "გახარია საქართველოსთვის" კოალიცია შექმნეს.პარტიაში "გახარია საქართველოსთვის" ყოფილ სახელისუფლებო პარტიას წითელ ხაზად მიიჩნევენ და ანა წითლიძეს "ქართული ოცნების" შტატგარეშე კოორდინატორად მოიხსენიებენ."ჩვენ შეჩვეულები ვართ "ნაციონალური მოძრაობისგან", რადგან 13 წელი ვუყურეთ, ასე ტყუილი დანაპირებით და ტყუილი არგუმენტებით, როგორც ცდილობს, შესძინოს უპირატესობა "ქართულ ოცნებას". აქაც ქალბატონი ანა წითლიძე დაფასდა იმისთვის, რომ ფაქტობრივად, დაშალა ზუგდიდში "ნაციონალური მოძრაობის" ორგანიზაცია, შემდეგ გადმოვიდა თბილისში, აქ დაწინაურდა და გახდა უკვე "ქართული ოცნების" შტატგარეშე კოორდინატორი," - განაცხადა პარტია "გახარია საქართველოსთვის" წევრმა, ტატა ხვედელიანმა.

სახელმწიფო დეპარტამენტი – მარკო რუბიოს შეხვედრა სერგეი ლავროვთან არ უარყოფს იმ ფაქტს, რომ შეერთებული შტატები გმობს რუსეთის მიერ უკრაინის მასობრივ დაბომბვას

მარკო რუბიოს შეხვედრა სერგეი ლავროვთან არ უარყოფს იმ ფაქტს, რომ შეერთებული შტატები გმობს რუსეთის მიერ უკრაინის მასობრივ დაბომბვას, – ამის შესახებ აშშ-ის სახელმწიფო დეპარტამენტის პრესმდივანმა, ტემი ბრიუსმა ჟურნალისტებთან საუბრისას განაცხადა.ჟურნალისტებმა ბრიუსს ჰკითხეს, რატომ ხვდება აშშ-ის სახელმწიფო მდივანი მარკო რუბიო რუსეთის საგარეო საქმეთა მინისტრს მაშინ, როდესაც რუსეთი შეტევებს ახორციელებს უკრაინის მიმართულებით. ტემი ბრიუსმა განმარტა, რომ ომის დასასრულებლად აშშ-ის პოზიცია არის „ყველასთან ლაპარაკი ნებისმიერ დროს“.„ბევრი ფიქრობდა, რომ პუტინთან საერთოდ არ უნდა ელაპარაკათ წინა ადმინისტრაციის დროს. მასთან სამი წლის განმავლობაში არ საუბრობდნენ. ასე შეუძლებელია რაიმე შეთანხმების მიღწევა სისხლისღვრის შესაჩერებლად“, – განაცხადა სახელმწიფო დეპარტამენტის პრეს-მდივანმა.სახელმწიფო დეპარტამენტში განაცხადეს, რომ დონალდ ტრამპი მკაცრად გმობს რუსეთის მხრიდან თავდასხმების ზრდას.„ჩვენ მკაცრად ვგმობთ რუსეთის თავდასხმების ესკალაციას უკრაინაზე და თანაგრძნობას ვუცხადებთ დაღუპულებსა და მათ ოჯახებს. ყოველ კვირას ვხედავთ, რომ რუსეთი ახალ რეკორდს ამყარებს საჰაერო თავდასხმების მასშტაბით. ყველა ქვეყანას სურს რეკორდის დამყარება, მაგრამ არა ასეთის“, – განაცხადა ბრიუსმა.ტემი ბრიუსის თქმით, აშშ იმედგაცრუებულია უკრაინაში ომის მოგვარების საკითხზზე პროგრესის ნაკლებობით.

ლუკა ლოჩოშვილი კარიერას გერმანულ „ნიურნბერგში“ გააგრძელებს

საქართველოს ნაკრების ცენტრალური მცველი ლუკა ლოჩოშვილი კარიერას გერმანიის მეორე ბუნდესლიგის კლუბ „ნიურნბერგში“ გააგრძელებს, — ინფორმაციას Sportitalia ავრცელებს.„გერმანიის მეორე ბუნდესლიგის კლუბი „ნიურნბერგი“ ლუკა ლოჩოშვილის შეძენასთან ახლოსაა“, — წერს ჟურნალისტი ჯანლუიჯი ლონგარი.ქართველი მცველი იტალიაში 2022 წელს ჩავიდა — ავსტრიული „ვოლფსბერგერიდან“ „კრემონეზეში“ გადავიდა. იტალიური კლუბის მაისურით მან 61 მატჩი ჩაატარა, ერთი გოლი გაიტანა და ორი საგოლე გადაცემა შეასრულა. 2024 წლის ზამთარში ლოჩოშვილი იჯარით „სალერნიტანაში“ გადაბარგდა და გუნდის რიგებში 20 შეხვედრაში მიიღო მონაწილეობა.ლუკა ლოჩოშვილი საქართველოს ნაკრებთან ერთად ევრო 2024-ზე მონაწილეობდა. ის მოედანზე ოთხივე მატჩში გამოჩნდა და 170 წუთი ითამაშა.ფეხბურთელს იტალიურ „კრემონეზესთან“ კონტრაქტი კიდევ ერთი წლით აკავშირებდა და მის სანაცვლოდ გერმანული კლუბი 1.5 მილიონ ევროს გადაიხდის. Geo Team-ის ცნობით, „ნიურნბერგი“ ლოჩოშვილთან სამწლიან ხელშეკრულებას გააფორმებს, შემდეგ კი მხარეებს მისი ერთი წლით გახანგრძლივების შესაძლებლობაც ექნებათ.

ბოლო სიახლეები