ურსულა ფონ დერ ლაიენი: ევროკავშირი რუსეთს ამ დრომდე უხდის ყოველთვიურად 1,5 მილიარდ ევროს წიაღისეული საწვავისთვის

აშშ-ის პრეზიდენტი დონალდ ტრამპი აცხადებს, რომ აშშ ირანთან ომში „ძალიან კარგ მდგომარეობაშია“.ტრამპმა ჟურნალისტებთან საუბრისას აღნიშნა, რომ ირანს აღარ ჰყავს საზღვაო და საჰაერო ძალები, საჰაერო თავდაცვის სისტემები კი განადგურებულია.დონალდ ტრამპის თქმით, აშშ სრულად აკონტროლებს ირანის საჰაერო სივრცეს და ახლა ჰორმუზის სრუტის საკითხზეც ამახვილებს ყურადღებას.„მთავარია, გავიმარჯვოთ – სწრაფად, მაგრამ გავიმარჯვოთ. ბევრი ადამიანი ამბობს, რომ ის უკვე მოგებულია. საკითხი მხოლოდ იმაშია, როდის შევჩერდებით. იდეალურ შემთხვევაში, ჩვენ გვსურს, იქ ვიხილოთ ადამიანი, ვინც იცის, რას აკეთებს. ჩვენ შეგვიძლია თეირანის და სხვა ადგილების დაბომბვა, მაგრამ ამას თუ გავაკეთებთ, მათთვის თითქმის შეუძლებელი იქნება ქვეყნის აღდგენა. ჩვენ ეს არ გვინდა. შეგვიძლია, მათი ელექტროენერგიის სიმძლავრე ერთ საათში დავშალოთ და 25 წელი დასჭირდებათ მის აღსადგენად. ასე რომ, იდეალურ შემთხვევაში, ჩვენ ამას არ ვაპირებთ“, – დონალდ ტრამპმა.

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის მე-6 კმ-ზე განვითარებული მეწყრული პროცესების გამო, დაზიანებულია საავტომობილო გზის სავალი ნაწილი. რის გამოც, აღნიშნულ მონაკვეთზე, დროებით იკრძალება ყველა სახის ავტოტრანსპორტის მოძრაობა. დაკეტვის პერიოდში, ავტოტრანსპორტი იმოძრავებს  სოფელ მაღაროს გავლით, ადგილობრივი მნიშვნელობის საავტომობილო გზის გამოყენებით.

ვოლოდიმირ ზელენსკი ამტკიცებს, რომ არ იცოდა ვიზიტის შესახებ, რადგან უნგრეთის მთავრობამ ვიზიტი უკრაინის საგარეო სამინისტროსთან არ შეათანხმა, რეალობა კი სხვაა, – ამის შესახებ უნგრეთის საგარეო საქმეთა მინისტრი პიტერ სიიარტო სოციალურ ქსელში წერს.ამგვარად, სიიარტო ეხმაურება უკრაინის პრეზიდენტის, ვოლოდიმირ ზელენსკის განცხადებას, სადაც ზელენსკიმ აღნიშნა, რომ არ იცის, რას აკეთებს უკრაინაში უნგრეთის დელეგაცია.სიიარტოს განმარტებით, უნგრული დელეგაციის ვიზიტი წინასწარ იყო შეთანხმებული და შესაბამის დოკუმენტს აქვეყნებს. მისი თქმით, 10 მარტს უნგრეთის საელჩომ უკრაინის საგარეო სამინისტროს ოფიციალურად აცნობა, რომ ენერგეტიკის მინისტრის მოადგილის მეთაურობით დელეგაცია „დრუჟბას“ მილსადენის მდგომარეობის შესამოწმებლად ჩავიდოდა.პიტერ სიიარტო ასევე აღნიშნავს, რომ უკრაინამ უნგრეთში ნავთობის მიწოდება მაშინ შეაჩერა, როდესაც საზღვაო გზით ნავთობის გადაზიდვა ყველაზე არაპროგნოზირებადია და „დრუჟბა“ ერთადერთ რეალურ ალტერნატივად რჩება.უკრაინის პრეზიდენტმა, ვოლოდიმირ ზელენსკმ განაცხადა, რომ დელეგაციის ვიზიტის შესახებ ინფორმაცია საგარეო საქმეთა სამინისტროდან მიიღო. „არ ვიცი, რას აკეთებს დელეგაცია აქ. საგარეო საქმეთა სამინისტრომ მითხრა, რომ რამდენიმე ადამიანი ჩამოვიდა. მათ ეს კერძო მოგზაურობად შეაფასეს“, – აღნიშნა ზელენსკიმ.

გაერო-ს უშიშროების საბჭომ მიიღო სპარსეთის ყურის ქვეყნების მიერ წარდგენილი რეზოლუცია, რომელიც გმობს ირანის თავდასხმებს სპარსეთის ყურის ქვეყნებსა და იორდანიაზე.რეზოლუცია ასევე მოითხოვს ირანის მხრიდან ყველა თავდასხმისა და მუქარის, მათ შორის, დაჯგუფებების მეშვეობით განხორციელებული თავდასხმების დაუყოვნებლივ შეწყვეტას.დოკუმენტი ასევე გმობს ჰორმუზის სრუტეში საერთაშორისო ნაოსნობის შეფერხებისკენ მიმართულ ნებისმიერ ქმედებას.რეზოლუციას 130-ზე მეტი თანაავტორი ჰყავდა. მას უშიშროების საბჭოს 13-მა წევრმა ქვეყანამ დაუჭირა მხარი, რუსეთმა და ჩინეთმა ხმის მიცემისგან თავი შეიკავეს.როგორც „ბიბისი“ წერს, რეზოლუცია აშშ-ისა და ისრაელის მიერ ირანზე განხორციელებულ საჰაერო დარტყმებს არ მოიცავს.

ლიეტუვის მიგრაციის დეპარტამენტის მიერ გამოქვეყნებული სტატისტიკური მონაცემების თანახმად, ქვეყანაში მცხოვრები უკრაინელი ლტოლვილების რაოდენობა გასული წლის განმავლობაში 10 000-ზე მეტით გაიზარდა. მიმდინარე წლის 5 მარტის მდგომარეობით, ლიეტუვაში სულ 53 379 უკრაინელი ლტოლვილი ცხოვრობდა, მაშინ როცა ერთი წლით ადრე ეს მაჩვენებელი 43 071-ს, ხოლო 2024 წლის მარტის დასაწყისში 39 468-ს შეადგენდა.განახლებული მონაცემები მას შემდეგ გახდა ცნობილი, რაც ლიეტუვის ხელისუფლებამ, ევროკავშირის დროებითი დაცვის მექანიზმის ფარგლებში, უკრაინელ ლტოლვილებზე გაცემული დროებითი ბინადრობის ციფრული ნებართვების შეცვლის პროცესი დაასრულა.მიგრაციის დეპარტამენტის განცხადებით, ახალი მონაცემები იმაზე მიუთითებს, რომ რუსეთის სრულმასშტაბიანი შეჭრის შემდეგ უკრაინიდან გამოქცეული უკრაინელების უმეტესობა, ევროპის სხვა ქვეყნებში გადასვლისა ან სამშობლოში დაბრუნების ნაცვლად, ლიეტუვაში დარჩენას ამჯობინებს.„რა თქმა უნდა, უკრაინელ ლტოლვილთა გადაადგილება არ შეჩერებულა, ისინი კვლავ საკმაოდ აქტიურად მიგრირებენ. თუმცა, უახლესი მონაცემები აჩვენებს, რომ იმ ლტოლვილების უმრავლესობა, რომლებიც ადრე ჩამოვიდნენ და ლიეტუვაში, სულ მცირე, ერთი წელია ცხოვრობენ, ჩვენს ქვეყანაში უფრო მეტად მკვიდრდება“, - ნათქვამია მიგრაციის დეპარტამენტის დირექტორის, ინდრე გასპერეს განცხადებაში.ევროკავშირმა უკრაინელი ლტოლვილებისთვის დროებითი დაცვის მექანიზმი 2022 წლის მარტში აამოქმედა. თავდაპირველად, ის ერთი წლის ვადით შემოიღეს, თუმცა მას შემდეგ რამდენჯერმე გახანგრძლივდა.უკრაინელ ლტოლვილებსა და მათი ოჯახის წევრებზე გაცემული, ამჟამად მოქმედი ბინადრობის ციფრული ნებართვები მომავალი წლის 4 მარტამდეა ძალაში. ლიეტუვაში ლეგალური სტატუსის შესანარჩუნებლად, დოკუმენტის მფლობელებმა ის ყოველწლიურად უნდა განაახლონ ან შეცვალონ.დეპარტამენტის ინფორმაციით, მიმდინარე წელს ნებართვა 42 500-ზე მეტმა უკრაინელმა ლტოლვილმა განაახლა ან შეცვალა, გასულ წელს კი ეს მაჩვენებელი თითქმის 37 000-ს შეადგენდა.2022 წლის თებერვალში უკრაინაში რუსეთის სრულმასშტაბიანი შეჭრის დაწყებიდან, ლიეტუვის მიგრაციის საინფორმაციო სისტემა MIGRIS-ში 103 000-ზე მეტი უკრაინელი ლტოლვილი დარეგისტრირდა, თუმცა ყველა მათგანი ქვეყანაში არ დარჩენილა.