კვირა, მარტი 30, 2025

უკრაინის პრეზიდენტი ვოლოდიმირ ზელენსკი -აშშ-ზე

უკრაინის პრეზიდენტი ვოლოდიმირ ზელენსკი იმედოვნებს, რომ აშშ-ს საკმარისი ძალა ექნება რუსეთზე ზეწოლის მოსახდენად. ამის შესახებ ვოლოდიმირ ზელენსკიმ ფრანგ კოლეგასთან ერთად გამართულ პრესკონფერენციაზე განაცხადა.

„იმედი გვაქვს და გვჯერა, რომ აშშ-ს ექნება საკმარისი ძალა, რათა პუტინზე ზეწოლით მიაღწიოს უპირობო ცეცხლის შეწყვეტას“, – თქვა ზელენსკიმ.

უკრაინის პრეზიდენტმა ასევე აღნიშნა, რომ რუსეთის წინააღმდეგ სანქციები უნდა დარჩეს ძალაში იქამდე, ვიდრე რუსეთი არ შეწყვეტს უკანონო ოკუპაციას. ზელენსკიმ ასევე აღნიშნა, რომ არავის სურს გარკვეული ქვეყნის ომში ჩათრევა, თუმცა სამხედრო კონტინგენტის განლაგება უკრაინაში მნიშვნელოვანია სიტუაციის კონტროლისთვის და მონიტორინგისთვის.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

გიორგი გამსახურდია 31 მარტს დაგეგმილ აქციაზე: 31 მარტი ჩვენი ქვეყნისთვის უდიდესი მნიშვნელობის მქონე დღეა და პუტჩის აქტიური მონაწილე, პუტჩის “გამპრავებელი”, სალომე ზურაბიშვილი, ამ ყველაფერს...

მინდა გამოვეხმაურო 31 მარტს. ეს, თავისთავად ცხადია, არის ჩვენი ქვეყნისთვის, ჩვენი საქართველოსთვის, უდიდესი მნიშვნელობის მქონე დღე და თქვენ წარმოგიდგენიათ პუტჩის აქტიური მონაწილე, პუტჩის "გამპრავებელი", სალომე ზურაბიშვილი, ამ ყველაფერს აანონსებს, - ამის შესახებ გიორგი გამსახურდიამ განაცხადა.როგორც გამსახურდია სოციალურ ქსელში გამოქვეყნებულ ვიდეოში აღნიშნავს, საშინელებაა, როდესაც ზვიად გამსახურდიას იდეური მტრები, 31 მარტს საპროტესტო აქციას აანონსებენ. მისივე თქმით, საქართველოს პირველ პრეზიდენტს, სააკაშვილი სადამ ჰუსეინს უწოდებდა, ზურაბიშვილი კი - აძაგებდა."საშინელებაა, როდესაც ზვიადის იდეური მტრები, ხვალინდელ 31 მარტს, ამას აკეთებენ. ყველა იმ ადამიანს მინდა ვუთხრა, რომ ძალიან ცუდი იქნება თქვენი მხრიდან ამ ფარსში მონაწილეობა. ზვიად გამსახურდიას, მიხეილ სააკაშვილი ეძახდა სადამ ჰუსეინს - ეს ყველაფერი არსებობს, არის ინტერნეტსივრცეში და ეს დადასტურებულია. სალომე ზურაბიშვილი, ეს მავნებელი ქალბატონი, მთელი თავისი პოლიტიკური არსებობის მანძილზე, მეუღლესთან ერთად, რომელიც იყო მისი შვილის ნათლია, ზვიად გამსახურდიას აძაგებდა. ეს ქალბატონი არ უნდა მოინათლოს და ვერ მოინათლება პატრიოტად, ეს ჩემი შეხედულებაა, დანარჩენი, უკვე თქვენზეა დამოკიდებული." -  აღნიშნა გიორგი გამსახურდიამ

„ნინიკომ ლეიკემია დაამარცხა! ფრანგი ექიმები სიხარულით შეეგებნენ თავიანთ განკურნებულ პაციენტს…“ – 5 წლის ნინიკოს ისტორია კეთილი დასასრულით

„5 წლის ნინიკომ ლეიკემია საბოლოოდ დაამარცხა“, – ამის შესახებ სოციალურ ქსელში ნინიკო ბიწაძის დედა, ანა საღირაშვილი წერს.გამოჯანმრთელების შესახებ საოცარ ისტორიას უზიარებს გულშემატკივრებს. პატარა ნინიკოს ლეიკემიის დიაგნოზი, ორი წლის წინ დაუსვეს. მოგვიანებით მშობლებმა ბავშვი საფრანგეთში სამკურნალოდ წაიყვანეს. დღეს კი ცნობილი გახდა, რომ ბავშვი საბოლოოდ განიკურნა და სავსებით ჯანმრთელია. გოგონას დედა ემოციურად აღწერს შვილის გამოჯანმრთელებით გამოწვეულ სიხარულს:„მოგიკითხავთ სიყვარულით  გუშინ (28.03.2025.) ცოტა რთული დღე გვქონდა ,ნინიკოს გაუკეთდა ქირურგიული ოპერაცია,ზოგადი ანესთეზიის ქვეშ, მას ამ დრომდე ჰქონდა კანქვეშ ფიქსირებული კათეტერი (პორტი), საიდანაც ქიმიოთერაპია და სისხლის ანალიზების აღება ხდებოდა – სწორედ ამ კათეტერის ამოღება მოხდა ოპერაციის დროს… გუშინდელი განცდა, სანერვიულოც იყო და ამავდროულად სასიხარულოც… ეს ბოლო აკორდია ამ დიაგნოზთან ბრძოლაში… და ეს ნიშნავს რომ ნინიკომ #ლეიკემია დაამარცხა! ფრანგი ექიმები სიხარულით შეეგებნენ,თავიანთ განკურნებულ პაციენტს … რისთვისაც მთელი ცხოვრება მადლიერი ვიქნები მათი. მადლობა ყველას,ვინც კი ამ დრომდე გვერდში გვიდგახართ,სიტყვით თუ საქმით… მადლობა ჩემს ოჯახს, ჩემს ბიჭებს, რომლებიც გაგებით ეკიდებიან ყველაფერს… (ბოდიში თუ ვინმე გამომრჩა და პირადში ვერ გიპასუხეთ) ვიცი რომ გულმხურვალე გულშემატკივრები გვყავს და ყველა გველოდებით მოუთმენლად… აღარ დარჩა დიდი დრო… ჩვენც სიხარულით ველოდებით ,იმ ბედნიერ წუთებს,როდის დავბრუნდებით სამშობლოში ,ჩავიკრავთ გულში ჩემს მონატრებულ ბიჭებს და განვაგრძობთ იმ ბედნიერ ცხოვრებას ,რაც აქამდე გვქონდა მადლობა უფალს  ყოველი წუთისთვის…“ – წერს ანა საღირაშვილი სოციალურ ქსელში.

გიორგი მიქაუტაძე მიმდინარე სეზონში „ლიონის“ საუკეთესო ბომბარდირია

გიორგი მიქაუტაძე მიმდინარე სეზონში „ლიონის“ საუკეთესო ბომბარდირია. ქართველმა ფორვარდმა „სტრასბურთან“ სეზონში მე-14 გოლი გაიტანა, რითაც ალექსანდერ ლაკაზეტს გადაასწრო. მიქაუტაძის აქტივში ახლა 14 გოლია: ლიგა 1-ში მან თავი 8-ჯერ გამოიჩინა, 4-ჯერ ევროპა ლიგაზე და ორჯერაც საფრანგეთისთასზე. ლაკაზეტმა ჯერჯერობით 13 გოლი გაიტანა - 10 ლიგა 1-ში და 3 ევროპა ლიგაზე. შემდეგ მოდის მალიკ ფოფანა 10 გოლით (4 ელიგა 1-ში, 6 ევროპა ლიგაზე), ხოლო რაიან შერკისა და კორენტინო ტოლისოს ანგარიშზე 8-8 გოლია. მიქაუტაძეს 14 გოლი 38 შეხვედრაში აქვს გატანილი, მაგრამ ძირითად შემადგენლობაში მხოლოდ 17-ჯერ იყო.აღსანიშნავია, რომ 2017 წლისა და მარიანო დიასის შემდეგ ის „ლიონის“ პირველი ფეხბურთელია, ვინც საწყის 17 სასტარტო მატჩში 11 გოლი გაიტანა (დანარჩენი 3 გოლი გიორგიმ შეცვლაზე შესვლიდან გაიტანა). შეგახსენებთ, კლუბსა და ნაკრებში ჩატარებულ ბოლო 5 მატჩში მიქაუტაძემ თავის გამოჩენა 8 გოლით და 5 საგოლე პასით შეძლო.

დონალდ ტრამპი – ჩვენ მივიღებთ გრენლანდიას, დიახ, 100%-ით

აშშ-ის პრეზიდენტი დონალდ ტრამპი აცხადებს, რომ აშშ გრენლანდიას 100%-ით მიიღებს. ამის შესახებ მან NBC News-თან ინტერვიუში ისაუბრა.„ჩვენ მივიღებთ გრენლანდიას. დიახ, 100%-ით“, – თქვა ტრამპმა.როგორც ტრამპმა აღნიშნა, არის კარგი შესაძლებლობა, რომ ეს მოხდეს სამხედრო ძალის გარეშე, თუმცა, მისი თქმით, არაფერს გამორიცხავს.ეს განცხადება დონალდ ტრამპმა მას შემდეგ გააკეთა, რაც ვიცე-პრეზიდენტი, მეუღლესთან ერთად, ვიზიტით გრენლანდიაში იმყოფებოდა, სადაც ამერიკული ბაზა მოინახულა.შეკითხვაზე, – რა სიგნალს გაუგზავნის გრენლანდიის მიღება რუსეთს და დანარჩენ მსოფლიოს? – დონალდ ტრამპმა თქვა: „ამაზე არ ვფიქრობ. სინამდვილეში, ეს არ მადარდებს. გრენლანდია არის ძალიან განცალკევებული საკითხი, ძალიან განსხვავებული. ეს არის საერთაშორისო მშვიდობა. ეს არის საერთაშორისო უსაფრთხოება და სიძლიერე. თქვენ გაქვთ ხომალდები, რომლებიც დაცურავენ გრენლანდიის გასწვრივ რუსეთიდან, ჩინეთიდან და მრავალი სხვა ადგილიდან. ჩვენ არ დავუშვებთ, რომ მოხდეს ისეთი რამ, რაც დააზარალებს მსოფლიოს ან შეერთებულ შტატებს“, – თქვა ტრამპმა ინტერვიუში.

დონალდ ტრამპი – ფინეთის პრეზიდენტი და მე მოუთმენლად ველოდებით პარტნიორობის გაძლიერებას, ეს მოიცავს აშშ-ისთვის ძალიან საჭირო ყინულმჭრელების დიდი რაოდენობით შეძენასა და განვითარებას

აშშ-ის პრეზიდენტი დონალდ ტრამპი ფინეთის პრეზიდენტს, ალექსანდრ სტუბს შეხვდა.როგორც ტრამპი თავის სოციალურ ქსელში წერს, ფინეთის პრეზიდენტთან ორ ქვეყანას შორის პარტნიორობის გაძლიერება განიხილა, მათ შორის აშშ-ისთვის ყინულმჭრელების შეძენა.„პრეზიდენტი სტუბი და მე მოუთმენლად ველოდებით შეერთებულ შტატებსა და ფინეთს შორის პარტნიორობის გაძლიერებას, ეს მოიცავს შეერთებული შტატებისთვის ძალიან საჭირო ყინულმჭრელების დიდი რაოდენობით შეძენასა და განვითარებას, ჩვენი ქვეყნებისთვის და მსოფლიოსთვის მშვიდობისა და საერთაშორისო უსაფრთხოების უზრუნველყოფას. პრეზიდენტმა სტუბმა მითხრა ყველაზე ძლიერი სიტყვებით, რომ შეერთებული შტატები ძლიერია და კვლავ დაბრუნდა. მე ვეთანხმები“, – წერს ტრამპი.შეხვედრა ფლორიდაში, ტრამპის რეზიდენციაში გაიმართა.აშშ-ის პრეზიდენტმა ასევე აღნიშნა, რომ ალექსანდრ სტუბთან ერთად გოლფი ითამაშა. დონალდ ტრამპის შეფასებით, სტუბი ძალიან კარგი მოთამაშეა.

ბოლო სიახლეები