ტრამპი: პუტინს შეთანხმების დადება სურს, თუმცა მას ეს არ სჭირდება, რადგან რომ ნდომებოდა, მთლიანად უკრაინას მიიღებდა

სამდღიანი გადაუღებელი თოვის და ლიპყინულის გამო, შეზღუდვები ისევ ვრცელდება ვაზიანი-გომბორი-თელავის დამაკავშირებელ მაგისტრალზე. გზის აღნიშნულ მონაკვეთზე ინტენსიურად იყრება ტექნიკური მარილი, თუმცა უამინდობის გამო მოძრაობა დაშვებულია მხოლოდ მაღალი გამავლობის ავტომობილებისთვის. შუამთის მონაკვეთიდან მანქანების გადაადგილებას საპატრულო პოლიციის ეკიპაჟები აკონტროლებენ. თელავში კი, გუშინ დაწესებული შეზღუდვა მოიხსნა და მუნიციპალური ტრანსპორტის მოძრაობა სრულად აღდგა.

როგორც ჩანს, ადგილობრივი აგენტების გარე პატრონები ფიქრობენ, რომ გასული ორი წლის მანძილზე პოლიტიკურ პროცესებში ინტენსიურად ჩართული ჯაშუშები სრულიად ლუსტრირებულები არიან, ამიტომაც, გადაწყვიტეს ერთ-ერთი ყველაზე „წონიანი“ აგენტი - ირაკლი ალასანია დაებრუნებინათ „სცენაზე“, იქნებ, როგორმე მან მოახერხოს საზოგადოების შეცდომაში შეყვანა, ნდობის მოპოვება და საქართველოში უცხოური ინტერესების გატარება! როგორც ჩანს, ჩვენმა უცხოელმა „დაუძინებელმა მეგობრებმა“ ჯერაც ვერ გაიაზრეს, რომ მათი გეგმის ვერ განხორციელების მიზეზი არა მათ ხელში უბრალო ინსტრუმენტად ქცეული კონკრეტული პერსონები, არამედ ის მიზნები, გათვლები და დამოკიდებულებებია, რომლებიც საქართველოს მიმართ გააჩნიათ!- წერს “ხალხის ძალის” წევრი ზურაბ ქადაგიძე სოციალურ ქსელში. ქადაგიძე ირაკლი ალასანიას საჯაროდ გამოჩენას და “რადიო თავისუფლებასთან” მის ინტერვიუს აფასებს და აცხადებს, რომ “როგორც ჩანს, ირაკლი ალასანიასთვის ბევრად უფრო მისაღებია ის, თუ რა ხდებოდა 2003-12 წლებში”. “უკვე წლებია, დიდი ყურადღებით ვადევნებ თვალს უცხოური ინტერესების მორჩილი ადგილობრივი „პოლიტიკოსების“, „აქტივისტებისა“ თუ „სამოქალაქო საზოგადოებას“ ამოფარებული ჯაშუშების ქმედებებს. უკრაინაში ომის დაწყებისა და „გლობალური ომის პარტიის“ ინტერესების შესაბამისად საქართველოში „მეორე ფრონტის“ გახსნის გეგმის აღსრულების მცდელობების პროცესში, ბუნებრივია, საკუთარი ქვეყნის წინააღმდეგ მოქმედი ჯაშუშები განსაკუთრებით გააქტიურეს და კონკრეტული ქმედებები აიძულეს, თუმცა, მას შემდეგ, რაც ვერ შედგა გადატრიალება, რომელსაც საქართველოში ომი უნდა მოჰყოლოდა, მთელმა ქვეყანამ დაინახა ადგილობრივი აგენტურის სახე და ის, რომ ეს ადამიანები საქართველოს ინტერესებს ნამდვილად არ ემსახურებიან! როგორც ჩანს, ადგილობრივი აგენტების გარე პატრონები ფიქრობენ, რომ გასული ორი წლის მანძილზე პოლიტიკურ პროცესებში ინტენსიურად ჩართული ჯაშუშები სრულიად ლუსტრირებულები არიან, ამიტომაც, გადაწყვიტეს „კარგად დავიწყებული“, უსიტყვოდ მორჩილი და სხვა „წვრილფეხობასთან“ შედარებით, ერთ-ერთი ყველაზე „წონიანი“ აგენტი - ირაკლი ალასანია დაებრუნებინათ „სცენაზე“, იქნებ, როგორმე მან მოახერხოს საზოგადოების შეცდომაში შეყვანა, ნდობის მოპოვება და საქართველოში უცხოური ინტერესების გატარება! როგორც ჩანს, ჩვენმა უცხოელმა „დაუძინებელმა მეგობრებმა“ ჯერაც ვერ გაიაზრეს, რომ მათი გეგმის ვერ განხორციელების მიზეზი არა მათ ხელში უბრალო ინსტრუმენტად ქცეული კონკრეტული პერსონები, არამედ ის მიზნები, გათვლები და დამოკიდებულებებია, რომლებიც საქართველოს მიმართ გააჩნიათ! შესაბამისად, ვერ გაიაზრეს, რომ ამ ქვეყანაში საკუთარი ინტერესების განხორციელების რესურსი არ გააჩნიათ და არ აქვს მნიშვნელობა ამას ალასანიას დაავალებენ თუ რომელიმე სხვა აგენტს! ირაკლი ალასანიამ რადიო თავისუფლებას ვრცელი ინტერვიუ მისცა და ბევრ რამეზე ისაუბრა, მათ შორის, გულის ტკივილით საუბრობდა იმაზე, თუ რა ხდება და რა შედეგი დადგა საქართველოში. სინამდვილეში, განვლილი 12 წლის მანძილზე, გათავისუფლდა ქვეყანა, სახელმწიფო ინსტიტუტები და საზოგადოება, საქართველოში დასრულდა ტერორი საკუთარი ხალხის წინააღმდეგ, ჩვენმა ქვეყანამ დაიწყო რეალური სუვერენიტეტის მოპოვებასა და შემდეგ მის გამყარებაზე ზრუნვა, ატარებს დამოუკიდებელ, სახელმწიფოს და ქართველი ხალხის ინტერესების შესაბამის პოლიტიკას, რაც მთავარია, რეგიონში მიმდინარე ომის ფონზე ინარჩუნებს 12 წლიან უწყვეტ მშვიდობას და ეკონომიკური განვითარების საკმაოდ მაღალ, სტაბილურ ტემპს! ეს ყველაფერი კი იმიტომ, რომ საქართველოს აღარ მართავენ ალასანიას მსგავსი სხვადასხვა უცხოელი აგენტები, რომლებიც წარბშეუხრელად გათელავენ საქართველოს ინტერესს, თუ გარე პატრონმა უბრძანა! როგორც ჩანს, ირაკლი ალასანიასთვის ბევრად უფრო მისაღებია ის, თუ რა ხდებოდა 2003-12 წლებში. ძალიან კარგად მახსოვს, როგორ ცდილობდა „ნაციონალური მოძრაობის“ ხელისუფლებას „მიტმასვნოდა“. ამის შემდეგ სცადა, იქნებ გიორგი თარგამაძის მსგავსად ფსევდო-ოპოზიციური პოლიტიკური პარტიის ლიდერად დაენიშნათ, ან თარგამაძე ჩაენაცვლებინა და მისი პარტია „მთავარ ოპოზიციურ გუნდად“ ქცეულიყო, თუმცა, ვერ გამოუვიდა! მას დაავიწყდა, რომ ქვეყნის მაშინდელ პრეზიდენტსა და ერთ-ერთი მთავარ ჯაშუშ სააკაშვილს საკუთარი პარანოიდული შიშები აწუხებდა და მიაჩნდა, რომ მათ გარე პატრონებს, შესაძლოა, სხვა ჯაშუშით ჩაენაცვლებინათ! ირაკლი ალასანია რომ ერთ-ერთი ყველაზე მსხვილკალიბრიანი ჯაშუშია, ჯერ კიდევ 10 წლის წინ დადასტურდა, როდესაც ბიუჯეტიდან საკუთარი თანამშრომლების ხელით მილიონობით ლარი მოიპარა! ე.წ. „კაბელების საქმეში“ საკმაოდ მნიშვნელოვანი ფაქტები იკვეთება, რომლებიც ალასანიასა და მისი თანამშრომლების დანაშაულს ადასტურებს, სწორედ ამიტომ, მისმა გარე პატრონებმა საკუთარი აგენტის მდგომარეობა გულთან მიიტანეს და ყველაფერი გააკეთეს, რომ ალასანია საპატიმროში არ აღმოჩენილიყო. ის, რომ ამ ხალხმა დანაშაული მართლაც ჩაიდინა, სტრასბურგის სასამართლოს გადაწყვეტილებითაც დასტურდება, რომელიც რამდენიმე დღის წინ გამოქვეყნდა. აღნიშნულ გადაწყვეტილებაში ნათლად გამოჩნდა, რომ ქართული მართლმსაჯულების მიერ მიღებული გადაწყვეტილების სისწორეზე არავინ დავობს და თუკი ადამიანის უფლებათა ევროპული სასამართლო რაიმე ტიპის დარღვევაზე მიუთითებს, საუბარი მხოლოდ გარკვეულ პროცედურულ გადაცდომებზეა!”-აღნიშნავს ქადაგიძე. ქადაგიძის თქმით, “ასევე მითია ის, რომ ალასანია პატრიოტი, ბუნებით დემოკრატი, ლიდერების თვისებების მქონე პოლიტიკოსია, რომელსაც გუნდის შეკვრა შეუძლია. - ის, რომ ალასანია ბუნებით დიქტატორია და გადაწყვეტილებებსაც დესპოტურად იღებდა ყველამ კარგად იცის, ვისაც მაშინდელ „თავისუფალ დემოკრატებთან“ მინიმალური შემხებლობა მაინც ჰქონია”. ქადაგიძე ირაკლი ალასანიას წარსულ მოღვაწეობასაც იხსენებს და ამბობს, რომ მას ამდენი კრახი აღარ აპატიეს. პოლიტიკური პროცესებიდან მისი დისტანცირების მთავარი მიზეზი კი, პირველ რიგში, ის გახდა, რომ გლობალურ ომის პარტიაში საკუთარი პატრონების წინაშე თავი ძალიან შეირცხვინა, როდესაც ბიუჯეტის ფული მოიპარა. როგორც “ხალხის ძალის” წევრი აღნიშნავს, მას მაღალი მოლოდინი აქვს, რომ საქართველოს წინააღმდეგ მოქმედი ირაკლი ალასანია განსასჯელის სკამზეც აღმოჩნდეს. “მეც და საზოგადოებაც კარგად ხედავს, რომ მის ყოფილ თანაგუნდელებსა და მეგობრებს ალასანიასთან კონტაქტი არ აქვთ და არც კი ესალმებიან. - ირაკლი ჩიქოვანი დღეს თავდაცვის მინისტრია, თეა წულუკიანი ქართული ოცნების ერთ-ერთი ლიდერი, ზურაბ აბაშიძე კი თბილისის საკრებულოს წევრი და თავმჯდომარის მოადგილე. აღარ განვაგრძობ კონკრეტული პოლიტიკოსების ჩამოთვლას, თუმცა, ირაკლი ალასანიასთან კონტაქტი, მისი გუნდის, ფაქტობრივად, არც ერთ წევრს აღარ აქვს, რადგანაც ამ კაცს არც დემოკრატის, არ ლიდერის და, მითუმეტეს, არც პატრიოტის რაიმე ნიშან-თვისება გააჩნია! მართლაც რთულია მსგავსი პრეცედენტის მოძებნა მსოფლიო პოლიტიკის ისტორიაში, როდესაც ყოფილი თანაგუნდელები და მეგობრები, საკუთარი პარტიის ხელმძღვანელს გამარჯობასაც კი არ ეუბნებიან! პოლიტიკოსზე ძალიან კარგად მეტყველებს როგორ იქცევა საკუთარ გუნდთან, თუმცა, ალბათ კიდევ უფრო მეტი დასკვნის გამოტანა შეგვიძლია იმაზე დაკვირვებით, თუ როგორ იქცევა საკუთარი ამომრჩევლის წინაშე! - აუცილებლად უნდა გავიხსენოთ, რომ ოპოზიციაში გადასულმა ალასანიამ, საკუთარ პოლიტიკურ ამბიციებს თავადვე დაუსვა სამუდამო წერტილი, როდესაც 2016 წელს, გორში მაჟორიტარობის კანდიდატად დარეგისტრირდა, გარკვეული მხარდაჭერაც მიიღო, მეორე ტურშიც გადავიდა, თუმცა, იმ ხალხს, რომელიც ენდო და პოლიტიკურ ბრძოლაში მის გვერდით დადგა, თავადვე უღალატა და მხოლოდ იმის გამო, რომ მისმა პარტიამ 5 პროცენტიანი ბარიერი ვერ გადალახა, მეორე ტურში მონაწილეობაზე უარი განაცხადა! საბოლოოდ ალასანიას ამდენი კრახი აღარ აპატიეს, პოლიტიკური პროცესებიდან მისი დისტანცირების მთავარი მიზეზი კი, პირველ რიგში, ის გახდა, რომ გლობალურ ომის პარტიაში საკუთარი პატრონების წინაშე თავი ძალიან შეირცხვინა, როდესაც ბიუჯეტის ფული მოიპარა, ხოლო იმისთვის, რომ არ დაეპატიმრებინათ, პროცესში მათი ჩართვა გახდა საჭირო. პოლიტიკიდან ალასანიას ჩამოცილებას, ქვეყნიდან მისი წასვლა, შემდეგ კი „თავისუფალი დემოკრატების“ დაშლა და, ფაქტობრივად, ამ „აგენტურული პროექტის“ ჩავარდნა მოჰყვა. ალასანია კი, რომელმაც დირექტივები კარგად ვერ შეასრულა და თავი შეირცხვინა, უმოქმედო აგენტად იქცა! ის, ფაქტი, რომ დღეს სწორედ ასეთი პოლიტიკური წარსულის მქონე ადამიანი დააბრუნეს საზოგადოებრივ პროცესებში და მისი მეშვეობით ცდილობენ ქართველი ხალხის განწყობებზე გავლენის მოხდენას, ალასანიას პატრონებზე ბევრად მეტს გვეუბნება, ვიდრე თავად ალასანიაზე! „გლობალური ომის პარტიის“ ადგილობრივი აგენტურული ქსელი საზოგადოების თვალში იმდენად დაზიანდა და მათი ნდობის მაჩვენებელი იმდენად დაბალ ნიშნულზე დავიდა, რომ პოლიტიკურ პროცესში, თავის დროზე პოლიტიკიდან მათ მიერვე ჩამოშორებული ირაკლი ალასანია ჩართეს! ეს მხოლოდ იმის დასტურია, რომ ადგილობრივი აგენტები თუ მათი პატრონები სრულიად არიან გაკოტრებულები! ნამდვილად კარგია, რომ ადგილობრივ წვრილფეხობასთან შედარებით ერთ-ერთმა „წონიანმა“ ჯაშუშმა, საზოგადოებას თავი თვითონ შეახსენა! პოლიტიკურმა ისტებლიშმენტმა და საზოგადოებრივ პროცესებში კარგად ჩახედულმა ადამიანებმა კარგად ვიცით, რას წარმოადგენს ალასანია და რა შეუძლია ავნოს საკუთარ ქვეყანას თუკი პატრონები უბრძანებენ! ამ ფონზე კი, ერთი მხრივ პროკურატურაში მიმდინარეობს გამოძიება ჯაშუშურ საქმიანობაზე, მეორე მხრივ კი მსგავსი ტიპის პროცესი საქართველოს პარლამენტშიც დაიწყო, შესაბამისად, საკმაოდ მაღალი მოლოდინი მაქვს, რომ ლუსტრირებული აგენტი, საქართველოს წინააღმდეგ მოქმედი ირაკლი ალასანია განსასჯელის სკამზეც აღმოჩნდეს”.- წერს ქადაგიძე.

ვფიქრობ, რომ პრეზიდენტი პუტინი და პრეზიდენტი ზელენსკი ერთმანეთს უნდა შეხვდნენ - ეს განცხადება ამერიკის შეერთებული შტატების პრეზიდენტმა გააკეთა. დონალდ ტრამპმა ასევე ხაზი გაუსვა სამშვიდობო შეთანხმების საკითხს და აღნიშნა, რომ ამის მიღწევის შანსი არსებობს: "ვფიქრობ, რომ პრეზიდენტი პუტინი და პრეზიდენტი ზელენსკი ერთმანეთს უნდა შეხვდნენ, იცით რატომ? ჩვენს გვინდა, შევაჩეროთ მილიონობით ადამიანის მკვლელობა, ახალგაზრდა ჯარისკაცები იღუპებიან, თქვენ არ გინახავთ სურათები, რომლებიც მე ვნახე - ისინი ბრძოლის ველზეა გადაღებული. სამშვიდობო შეთანხმების მიღწევის შანსი არსებობს. მე უნდა დავრწმუნებულიყავი, რომ რუსეთს სურს ამის გაკეთება - ახლა ვფიქრობ, რომ მიზანთან საკმაოდ ახლოს ვართ. მგონია, რომ მათ სურთ ეს და ეს მნიშვნელოვანია. ეს დიდი გარიგებაა. ეს გარიგება გვტოვებს იმ ქვეყანაში, ისინი კი ძალიან კმაყოფილები არიან ამით, ჩვენ კი ვიბრუნებთ ჩვენს ფულს. ხელმოწერა ამ საკითხზე დიდი ხნით ადრე უნდა მომხდარიყო, ვიდრე მოლაპარაკებებში ჩვენ შევიდოდით. ბაიდენს უნდა მოეწერა ხელი, მაგრამ ბაიდენმა არც იცოდა დიდად რას აკეთებდა. ფაქტია, ომი არ უნდა მომხდარიყო," -აცხადებს ამერიკის შეერთებული შტატების პრეზიდენტი დონალდ ტრამპი.

საპენსიო სააგენტოს დირექტორის მოვალეობის შემსრულებელმა გიორგი ჭიჭინაძემ 2024 წლის პირველი 6 თვის განმავლობაში საპენსიო სააგენტოს მიერ გაწეული საქმიანობის და განხორციელებული ღონისძიებების ანგარიში, საქართველოს პარლამენტის ჯანმრთელობის დაცვისა და სოციალურ საკითხთა კომიტეტს, წარუდგინა. აღნიშნულის შესახებ ინფორმაციას საპენსიო სააგენტო ავრცელებს. მათივე ცნობით, აქტივების წმინდა ამონაგებმა 2019 წლის 1-ლი იანვრიდან 2024 წლის 30 ივნისამდე 67.9%, ხოლო ამავე პერიოდში რეალურმა ამონაგებმა ინფლაციის გათვალისწინებით 21.4% შეადგინა. ამასთან, საპენსიო სააგენტოს მონაცემებით, მოცემული პერიოდის მანძილზე, პენსია გაიცა სხვადასხვა კატეგორიის 4 019 პირზე და ჯამურად შეადგინა 17 433 462 ლარი. „აღსანიშნავია, რომ 2024 წლის 3 იანვარს, ყველა იმ მონაწილის საპენსიო აქტივები, რომლებმაც არ გამოიყენეს საინვესტიციო პორტფელის არჩევის უფლება 2023 წლის აგვისტოდან, დაბრუნდა კონსერვატიულ საინვესტიციო პორტფელში, სხვა პორტფელის არჩევის შესაძლებლობით. შედეგად, 2024 წლის 4 იანვარს, კონსერვატიულმა პორტფელმა მთელი საპენსიო აქტივების 99.1% შეადგინა. 2024 წლის 30 ივნისის მდგომარეობით საპენსიო სააგენტოს მიერ მართულმა 3 პორტფელმა - კონსერვატიული, დაბალანსებული და დინამიკური - საკმაოდ კარგი შედეგი აჩვენა და ფონდების გაშვებიდან 30 ივნისამდე დაგენერირებულმა ამონაგებმა შესაბამისად 9.8%, 13.4% და 15.0% შეადგინა. 2023 წლის ნოემბერში შეიქმნა საინვესტიციო რისკების მთავარი ოფიცრის პოზიცია და 2024 წელს დაინიშნა შესაბამისი კადრი. ამ საქმიანობის ფარგლებში საინვესტიციო რისკების მონიტორინგის სამსახურის მიერ რეგულარულად ხდება საინვესტიციო რისკების ანგარიშის მომზადება. 2024 წლის 15 თებერვალს ხელი მოეწერა სპეციალიზებული დეპოზიტარული მომსახურების ხელშეკრულებას. რისკების კონტროლის დეპარტამენტმა წარმატებით გაიარა ინფორმაციული უსაფრთხოების მართვის სისტემის ISO 27001-თან შესაბამისობის საკონტროლო შემოწმება, რომელიც 2024 წლის მაისში ჩატარდა. აღსანიშნავია, რომ საზედამხედველო აუდიტის ფარგლებში ISO 27001 სტანდარტთან შეუსაბამობა არ დაფიქსირებულა. საქართველოს პარლამენტის მიერ შერჩეული აუდიტორული კომპანიის შპს დელიოტი და ტუში მიერ 2024 წლის 22 მაისს დასრულდა სააგენტოსა და საპენსიო ფონდის 2023 წლის ფინანსური ანგარიშგების აუდიტის პროცესი და მომზადდა აუდიტის დასკვნები. კვლავ პრიორიტეტს წარმოადგენს, სქემაში ჩართული პირებისთვის ინფორმაციის მიწოდება, 2024 წლის განმავლობაში გამოქვეყნდა 499 სატელევიზიო, რადიო, ონლაინ და ბეჭდური მასალა. ასევე, საზოგადოებისთვის ინფორმაციის მიწოდება ხორციელდებოდა საპენსიო სააგენტოს სოციალური ქსელების, ელექტრონული ფოსტის, ვებ გვერდის, ბლოგის, მოქალაქეთა მისაღების, იუსტიციის სახლების 117 ფილიალის და ცხელი ხაზის დახმარებით. ამავე პერიოდში განხორციელდა ვებ-გვერდის რებრენდინგი და შშმ პირებზე ადაპტაცია,“ - აღნიშნულია საპენსიო სააგენტოს მიერ გავრცელებულ ინფორმაციაში.

იდეა, რომ აშშ-ის პრეზიდენტმა მოლაპარაკება უნდა დაიწყოს სიტყვებით „იქნებ უკრაინა ნატო-ში შევუშვათ“, საღ აზრს ეწინააღმდეგება, – ამის შესახებ აშშ-ის ვიცე-პრეზიდენტი ჯეი დი ვენსი სოციალურ ქსელ „იქსში“ გამოქვეყნებულ განცხადებაში წერს. აშშ-ის ვიცე-პრეზიდენტი პასუხობს ბრალდებებს, რომ ტრამპის ადმინისტრაციის პოზიცია რუსეთის მიმართ „დაშოშმინებას” წარმოადგენს. „ჩვენ ვაწარმოებთ მოლაპარაკებებს კონფლიქტის დასასრულებლად. ეს იქნებოდა „დაშოშმინება” მხოლოდ იმ შემთხვევაში, თუ თქვენ ფიქრობთ, რომ უკრაინელებს გამარჯვების რეალური გზა აქვთ. მათ ეს გზა არ აქვთ, ამიტომ ეს დაშოშმინება არ არის. რამდენადაც ვხვდები, „დაშოშმინების“ შესახებ ბრალდებები რამდენიმე არგუმენტს ეყრდნობა. პირველი არის კრიტიკა იმისა, რომ ჩვენ საერთოდ ვსაუბრობთ რუსებთან. პრეზიდენტს სჯერა, რომ დიპლომატიის საწარმოებლად თქვენ რეალურად უნდა ესაუბროთ ხალხს. ამას ადრე სახელმწიფო მოღვაწეობას უწოდებდნენ; მეორე იდეა – ხშირად ყალბ მედიარეპორტაჟებზე დაყრდნობით – რომ ჩვენ „რუსებს ყველაფერი მივეცით, რაც სურდათ“; მესამე, რომ თუ ჩვენ დახმარების კიდევ ერთ პაკეტს მივიღებდით, უკრაინა მოსკოვამდე მივიდოდა, ნავალნის მკვდრეთით აღადგენდა და რუსეთს დემოკრატიულ და თავისუფალ ლიდერს დაუსვამდა (მე ვაზვიადებ, მაგრამ მხოლოდ ცოტათი). ყველა ეს არგუმენტი აშკარად მცდარია“, – წერს ვენსი. აშშ-ის ვიცე-პრეზიდენტი ასევე აცხადებს, რომ ტრამპს დასახული აქვს მიზანი და კარგად აწარმოებს მოლაპარაკებებს. „ჩვენ არ ვაპირებთ ჩვენი მოლაპარაკების პოზიციის გამჟღავნებას იმისთვის, რომ ხალხი უკეთ გრძნობდეს თავს. პრეზიდენტი ცდილობს, მიაღწიოს მდგრად მშვიდობას და არა – დაამშვიდოს უკრაინის დროშების მოფრიალე ადამიანების ეგო ან შფოთვა. იდეა, რომ აშშ-ის პრეზიდენტმა უნდა დაიწყოს მოლაპარაკება სიტყვებით „იქნებ უკრაინა ნატო-ში შევუშვათ“, ეწინააღმდეგება ყველანაირ საღ აზრს. კიდევ ერთხელ, ეს არ არის დათმობა, როცა აღიარებ რეალობას, რეალობას, რომელზეც პრეზიდენტი ტრამპი ზოგიერთ შემთხვევაში წლების განმავლობაში მიუთითებდა“, – წერს ჯეი დი ვენსი. ვენსი ასევე ამბობს, რომ მზადაა, დაიცვას პრეზიდენტ ტრამპის მიერ უკრაინის ხელმძღვანელობის მიმართ გამჟღერებული კრიტიკა.