სულხან მოლაშვილის მამა: პირდაპირ ბრალს ვდებ მანუჩარ კაპანაძეს, რომ ჩემი შვილი მაგანაც მოკლა

უნგრეთი უკრაინაში არც ჯარისკაცებს და არც იარაღს არ გაგზავნის, – ამის შესახებ უნგრეთის პრემიერ-მინისტრმა განაცხადა.პეტერ მადიარის თქმით, უნგრეთის პოზიცია ახალი მთავრობის პირობებშიც არ შეცვლილა.„უნგრეთი არ გაგზავნის არც ჯარისკაცებს და არც იარაღს უკრაინაში. ეს არც უნგრეთის ახალი მთავრობის პირობებში მოხდება“, – აღნიშნა უნგრეთის პრემიერმა.ამასთან, პეტერ მადიარმა ევროკავშირთან დაკავშირებითაც ისაუბრა და განაცხადა, რომ ვეტოს გამოყენება მხოლოდ ეროვნული ინტერესებისთვის ღირს.„ჩვენ არ ვიქნებით პროცესის შემაფერხებლები. ჩვენ ვიცით, რომ ამ კლუბის წევრები ვართ. ასევე ვიცით, რომ ყველაფერზე ვერ შევთანხმდებით, მაგრამ ვეტოს მხოლოდ ვეტოსთვის არ გამოვიყენებთ. ვეტოს გამოყენება სუვერენული უფლებაა, მაგრამ მისი გამოყენება მხოლოდ მაშინ ღირს, როდესაც ეს ნამდვილად ეროვნულ ინტერესს ეხება და მოლაპარაკებების ყველა სხვა გზა უკვე ამოწურულია. მე მჯერა მოლაპარაკებების. ცხრა წელი ბრიუსელში დიპლომატად ვიმუშავე და ვეტოს გამოყენება ერთხელაც არ დამჭირვებია“, – აღნიშნა პეტერ მადიარმა.

შს მომსახურების სააგენტო უახლეს ინფორმაციას ავრცელებს:,,სატრანსპორტო საშუალების მართვის უფლების მისაღები საგამოცდო პროცესის გაუმჯობესების მიზნით, ქუთაისსა და ფოთში, მარშრუტების ცვლილება განხორციელდა.ქუთაისში - სატრანსპორტო საშუალების „B“ და „BE“ კატეგორიის მისაღები პრაქტიკული გამოცდის მეორე ეტაპისთვის განკუთვნილი ოთხივე მარშრუტი ჩანაცვლდა ახალი მარშრუტებით;ფოთში - სატრანსპორტო საშუალების „B“ და „BE“ კატეგორიის მისაღები პრაქტიკული გამოცდის მეორე ეტაპს დაემატა ოთხი ახალი მარშრუტი, ხოლო „C“ კატეგორიას, ასევე „C1“ და „D1“ ქვეკატეგორიებს ერთი ახალი მარშრუტი.მარშრუტების შესახებ ინფორმაცია იხილეთ ბმულზე - https://shorturl.at/mAkkE

საქართველოს ნაკრების კაპიტანმა, გურამ კაშიამ კარიერა დაასრულა, გურამ კაშია რუმინეთის წინააღმდეგ ანხანაგური მატჩის დაწყებამდე გულშემატკივარს დაემშვიდობა.გურამ კაშიამ ეროვნულ ნაკრებში 129 მატჩი ჩაატარა. საქართველო - რუმინეთის ამხანაგური მატჩი მისთვის სწორედ 129-ე შეხვედრაა - ეს იქნება ბოლო მატჩი, რომელსაც კაშია ჩაატარებს.კაშია ეროვნული ნაკრების ღირსებას 2009 წლიდან იცავდა. გუნდის კაპიტნად ის 2021 წელს აირჩიეს.ისტორიაში პირველად საქართველოს ნაკრები ევროპის ჩემპიონატზე კაშიას კაპიტნობის პერიოდში გავიდა.

ყველაფერს გავაკეთებ იმისათვის, რომ ყველა დამნაშავემ მოისმინოს უმაღლესი სასჯელი - თქვენ რომ ბიჭი მოკალით, მე ის ბიჭი პეტრე-პავლეს სასაფლაოზე დავმარხე და გგონიათ სახლში თბილ ლოგინს მივაშურე? არა! მე სახლში თქვენთვის დავბრუნდი! - ამის შესახებ მოკლული მასწავლებლის, გიგა ავალიანის დედამ, ეკა კუპატაძემ სასამართლო პროცესის დასრულების შემდეგ განაცხადა.მისი თქმით, მოსამართლე დემეტრე ჯინჯოლიამ არა მარტო გიგა ავალიანის ღირსება დაიცვა, არამედ საქართველოს მომავალიც დაიხსნა.„ყველაფერს გავაკეთებ იმისათვის, რომ ყველა დამნაშავემ მოისმინოს უმაღლესი სასჯელი. მივმართავ იმათ, რომლებიც გარეთ არიან დარჩენილები: თქვენ რომ ბიჭი მოკალით, მე ის ბიჭი პეტრე-პავლეს სასაფლაოზე დავმარხე და თქვენ გგონიათ, რომ ჩემი ზრუნვაში გაზრდილი შვილი მიწაში რომ ჩავფინე, სახლში თბილ ლოგინს მივაშურე? არა! მე სახლში თქვენთვის დავბრუნდი და ყველა ასე მოისმენთ უმაღლეს სასჯელს, როგორც დღეს მოისმინა ორმა დამნაშავემ.მოსამართლე დემეტრე ჯინჯოლიამ ახსენა, რომ გიგა ავალიანი იყო სრულად უდანაშაულო, ახალგაზრდა მოსამართლემ უშიშრად, სამართლიანი სიტყვით, ღირსეულად დაიცვა, ღირსეული ახალგაზრდის, გიგა ავალიანის ღირსება. მან არა მარტო ჩემი შვილის ღირსება, არამედ საქართველოს მომავალიც დაიხსნა. მე ვიცი საქმის მასალებით ვინ არიან ესენი“, - განაცხადა ეკა კუპატაძემ.ინფორმაციისთვის, თბილისის საქალაქო სასამართლომ მასწავლებელ გიგა ავალიანის მკვლელობის საქმეზე, მსჯავრდადებულებიდან დემეტრე ჩიქოვანს 9.9 წლით, ანი ნასყიდაშვილს კი 5,3 წლით თავისუფლების აღკვეთა მიუსაჯა. აღნიშნული გადაწყვეტილება მოსამართლე დემეტრე ჯინჯოლიამ მიიღო.ცნობისთვის, სასამართლომ დემეტრე ჩიქოვანი დამნაშავედ ცნო საქართველოს სისხლის სამართლის კოდექსის 18, 117-ე მუხლის მე-3 ნაწილის ,,ლ’’ ქვეპუნქტით , რაც ჯგუფურად ჯანმრთელობის განზრახ მძიმე დაზიანების მომზადებას გულისხმობს. აღნიშნული სასჯელის სახედ და ზომად 13-წლამდე თავისუფლების აღკვეთას ითვალისწინებს.ანი ნასყიდაშვილი დამნაშავედ იქნა ცნობილი სისხლის სამართლის კოდექსის 376-ე მუხლის მე-2 ნაწილით, რაც განსაკუთრებით მძიმე დანაშაულის შეუტყობინებლობას გულისხმობს. აღნიშნული ქმედება სასჯელის სახედ და ზომად 7-წლამდე თავისუფლების აღკვეთას ითვალისწინებს.გარდა აღნიშნული საქმისა, პროკურატურა დემეტრე ჩიქოვანს 5 ეპიზოდს, მათ შორის, გიგა ავალიანის ჯანმრთელობის განზრახ მძიმე დაზიანების მომზადებასა და დიდ დიღომში ძალადობრივ ჯგუფურ მოქმედების ორგანიზებასა და მასში მონაწილეობას ედავებოდა. მას აღნიშნულ საქმეში 6.9 წლით თავისუფლების აღკვეთა მიესაჯა. ჩიქოვანთან ერთად გასამართლდნენ ალექსანდრე გაბაშვილი და გიორგი რიკაძეც, რომელთაც 10.6-10.6 წლით თავისუფლების აღკვეთა აქვთ მისჯილი.ბრალდების მიხედვით, 2025 წლის 1 ოქტომბერს, ალექსანდრე გაბაშვილის, გიორგი რიკაძის და დემეტრე ჩიქოვანის მიერ შემუშავებული გეგმის მიხედვით, ალექსანდრე გაბაშვილი და გიორგი რიკაძე ჯგუფურად თავს დაესხნენ გიგა ავალიანს, რომელმაც ჯანმრთელობის მძიმე დაზიანება მიიღო, რის შედეგადაც 2025 წლის 24 ოქტომბერს სამედიცინო დაწესებულებაში გარდაიცვალა.ამავე ბრალდების მიხედვით, ანი ნასყიდაშვილისთვის ცნობილი იყო, რომ მზადდებოდა და ჩადენილი იყო მძიმე დანაშაული, რის შესახებაც მან სამართალდამცავ ორგანოებს არ შეატყობინა.

აშშ-ის საელჩო რამდენიმე პირის დაკავების შესახებ საქართველოს პროკურატურის დღევანდელ განცხადებას ეხმაურება და მადლობას უხდის საქართველოს პროკურატურას, ასევე, გამოძიებასა და ოპერაციაში ჩართულ სამართალდამცავი ორგანოების წარმომადგენლებს.„მივესალმებით საქართველოს პროკურატურის დღევანდელ განცხადებას რამდენიმე პირის დაკავების შესახებ, რომლებსაც ბრალი ედებათ ქართველი მოქალაქეების მოტყუებაში, აშშ-ში უკანონო შესვლასა და დოკუმენტების გაყალბებასთან დაკავშირებით. ეს არის შეერთებული შტატებისა და საქართველოს სამართალდამცავ უწყებებს შორის მრავალთვიანი მჭიდრო თანამშრომლობის შედეგი. მადლობას ვუხდით საქართველოს პროკურატურას, ასევე გამოძიებასა და ოპერაციაში ჩართულ სამართალდამცავი ორგანოების ქართველ წარმომადგენლებს“, – ნათქვამია აშშ-ის საელჩოს მიერ გავრცელებულ ინფორმაციაში.საქართველოს პროკურატურის განცხადებით, პროკურატურისა და აშშ-ის საელჩოს რეგიონული უსაფრთხოების სამსახურის ერთობლივი ღონისძიების შედეგად ორი ორგანიზებული დანაშაულებრივი ჯგუფი გამოვლინდა.