სუბარი „ნაცმოძრაობის“ რეჟიმის ციხეზე: უმრავლესობა ელჩებისა პირად საუბრებში ამბობდნენ, რომ ისეთი კატასტროფა, რაც ხდება საქართველოში არ ხდება მსოფლიოს არცერთ ქვეყანაში. როცა ვეკითხებოდი-რატომ, იყო დუმილი, ლაპარაკის უფლება არ ჰქონდათ

აკადემიკოს გურამ შარაძის შვილის, რუსუდან შარაძის განცხადებით, დათა ახალაიას მარჯვენა ხელმა, მისი ბინძური საქმეების შემსრულებელმა, ოქროს მოწმე ვახტანგ გაბელიამ, მეტსახელად პაპაიამ 2016 წელს კახა მიქაიას უთხრა, რომ ხუთ საქმეზე, მათ შორის გურამ შარაძის მკვლელობის საქმეზე ჰქონდა აუდიოჩანაწერი, მტკიცებულება და მასალებს გადასცემდა სუს-სს, სანაცვლოდ კი ითხოვდა უკანონოდ წართმეული მიწის საკითხის მოგვარებას.„სუს-ში მაშინ გახლდათ სოსო გოგაშვილი, ყველაფრის განმკარგავი, თუ არ ვიცი, თავად ყოველ შემთხვევაში ასეთი იმიჯი უნდოდა, რომ ჰქონოდა და მას მოუყვა პირადად ყველაფერი. კახა რადგან შუამავალი იყო და ინფორმაცია უნდა გადაეცა, მეტი დაზღვევისთვის დასვა ეს მოწმე, თვითონაც ზის კადრში, ერთ საათამდე ჩანაწერში მოწმე ზის და ყვება ხუთ საქმეზე. ეს რომ ჩაწერა, ჩანაწერი მისცა სუს-სს. ჩვენს საქმეზე მოწმე ყვება, რომ ჯერ კიდევ მაშინ იყო დათა ახალაიას სამსახურში. ახალაიამ გამართა თათბირი, რომელსაც ესწრებოდნენ ლევან ქარდავა, თვითონ ეს მოწმე და კუდ-ის კიდევ ორი თანამშრომელი. იქ წავიდა ლაპარაკი, დასცინოდნენ მამაჩემს, „პროფესორა, როგორ გააგორეს პროფესორა“. იქ დასახელებულია მკვლელის ზედმეტსახელი, ჩემი პირადი ვარაუდით, ეს უნდა იყოს ჯგერე. დათა ახალაია ასახელებს „პირველს“, რომ ეს „პირველის“ დავალებით მოხდა და მე თვითონ გადმოვიწერე, სააკაშვილი როგორ ამბობს სიამაყით, რომ მას უწოდებდნენ „პირველს“. მიდის ლაპარაკი იმაზე, „პირველის“ დავალებით როგორ მოკლეს პროფესორა. დათა კითხულობს, ზედმეტსახელით მოიხსენიებს, ეს ხომ არ შექმნის პრობლემას, ხომ არ არის დასაბრედი, მამაჩემის მკვლელზე ამბობს, რაზეც დათა ახალაიამ მიიღო პასუხი, რომ არ შექმნიდა არავითარ პრობლემას ის მკვლელი.საბოლოოდ, სოსო გოგაშვილმა ეს მოწმე ისე დაატერორა და ისე გადამკიდა, რომ მირეკავდა და მოკვლით მემუქრებოდა ეს მოწმე, ვახტანგ გაბელია. ვახტანგ გაბელია, ზედმეტ სახელად პაპაია მირეკავდა. სოსო გოგაშვილმა ისე დაატერორა, რომ მირეკვდა, ღრიალებდა, მოგკლავო“, – განაცხადა რუსუდან შარაძემ.რუსუდან შარაძის თქმით, მაშინ დარჩა შთაბეჭდილება, რომ სახელმწიფოს არ ჰქონდა გურამ შარაძის მკვლელობის გახსნის ნება.„მაშინ ასეთი შთაბეჭდილება დამრჩა, რომ სახელმწიფოს არ ჰქონდა ნება, გურამ შარაძის მკვლელობა გახსნილიყო, მაგრამ გოგაშვილი არის როგორც მეხორცე და მოიქცა როგორც მეხორცე. მე რას ვთხოვდი მას? ვთხოვდი შეხვედრას. მთელი ისტორიაა, შემდეგ გოგაშვილი კახა მიქაიას როგორ ატერორებდა, რომ მე რატომ მითხრა ეს ამბავი. სოსო გოგაშვილმა რაც ჩაიდინა შემდეგ და დღეს სადაც იმყოფება, რა მიზეზიდაც, მე არ გამოვრიცხავ, რომ მას ჰქონდა დავალება სხვა მხრიდან. მე მაშინ შთაბეჭდილება დამრჩა, რომ სახელმწიფოს არ სურს გურამ შარაძის მკვლელობის გახსნა, გოგაშვილს უთხრეს, რომ არ გვინდა ეგ საქმე და მეხორცემ შეასრულა მეხორცეს როგორც შეეფერება“, – განაცხადა რუსუდან შარაძემ.რუსუდან შარაძის თქმით, აღნიშნული მოწმე არაერთხელ დაიკითხა პროკურატურაში.ამ განცხადების შემდეგ, საგამოძიებო კომისიის თავმჯდომარემ, თეა წულუკიანმა აღნიშნა, რომ სოსო გოგაშვილი არ წარმოადგენდა მთლიანად სახელმწიფოს და გოგაშვილის ეპიზოდზე უნდა დაისვას კითხვები. თეა წულუკიანის განმარტებით, სისხლის სამართლის საქმეზე, ერთადერთი, ვინც სახელმწიფოს წარმოადგენს, არის პროკურატურა.„მე ვერ დაგეთანხმებით, რომ მთლიანად სახელმწიფოს წარმოგვადგენდა სოსო გოგაშვილი, თქვენ მასზე ზედმეტად დიდი წარმოდგენა ნუ გექნებათ. ჯერ ერთი, თვითონ იყო გოგაშვილი სამართალდამცველი, მას ჰყავდა ზემდგომი უშუალო ხელმძღვანელი, თუ მის უფლებამოსილებას რაღაც აღემატებოდა, მას პირდაპირი ვალდებულება ჰქონდა, მთავარი პროკურორი და პროკურატურა ჩაეყენებინა საქმის კურსში. ამიტომ თუ ეს იყო ერთი ინდივიდის ინიციატივა, რომ რაღაცისთვის ხელი შეეშალა, ეს ერთია, მეორე მხრივ, თქვენვე ამბობთ, რომ პროკურატურამ რეალურად ძალიან ბვერი ადამიანი დაკითხა და გამოკითხა 2012 წლიდან. ამიტომ აქ არ ვიცი, რამდენად შეიძლება გამოიკვეთოს სახელმწიფოს ნების არსებობა-არარსებობის საკითხი, ამაზე შეგვიძლია, ცალკე გავაღრმაოთ კვლევა. სისხლის სამართლის საქმეზე, ერთადერთი, ვინც სახელმწიფოს წარმოადგენს, არის პროკურატურა, ჩემთვის ეს არის მთავარი, რაც შეეხება გოგაშვილის ეპიზოდს, იქ უნდა დაისვას კითხვები“, – განაცხადა თეა წულუკიანმა.

პარლამენტის დროებითი საგამოძიებო კომისიის სხდომაზე ქართველი ფილოლოგისა და მეცნიერის, გურამ შარაძის მკვლელობის საქმეზე მისმა შვილმა, რუსუდან შარაძემ ისაუბრა.რუსუდან შარაძის განცხადებით, 2012 წლის შემდეგ გიორგი ბარათელი მოჰყვა, რომ 2007 წლის 20 მაისს, ჯერ კიდევ შუადღეს ის ქუჩაში აიყვანეს, წაიყვანეს თბილისის ზღვაზე, ურტყეს, აწამეს და სთხოვდნენ, ეღიარებინა გურამ შარაძის მკვლელობა.რუსუდან შარაძის განმარტებით, ბარათელმა თქვა, რომ არ იცოდა, თუ ცოცხალ კაცზე აიძულებდნენ მკვლელობის დაბრალებას, რადგან გურამ შარაძე იმავე დღეს, საღამოს მოკლეს.„მკვლელმა მოახდინა ორი საკონტროლო გასროლა და ამას შეესწრო ჩემი მეგობარი. ჩემი მეგობარი „არკის“ უკან იდგა და უყურებდა, რომ ვიღაც კაცი ძირს არის, ზემოდან დაადგება მკვლელი, ახდენს ორ საკონტროლო გასროლას და ეგრევე ავარდება შანიძეზე. ჩემმა მეგობარმა მთელი შანიძის ქუჩა, პეტრიაშვილამდე სდია შორიახლოს, ამასობაში გზად უკვე დაინახეს ჩემი მშობლების მეგობრებმა. ოფიციალური ვერსიითაც და მოწმეებიც ამბობენ, რომ უკან მისდევდა ერთი პოლიციელი, შემდეგ საქმის მასალებიდან ირკვევა, რომ ეს იყო ლევან ბოჭორიშვილი, ცრუ მოწმე. ასევე ცრუ მოწმე, რობერტ პანიევი, რომელიც მელიქიშვილზე დარჩა ცოტახნით, ვიდრე ხიზანიშვილი მობრძანდა და შემდეგ ისევ დაედევნა თავის მეწყვილე ბოჭორიშვილს. მოკლედ, უკან მისდევს ორი პოლიციელი ვითომ ბარათელს. ნამდვილი მკვლელი შევარდება ჯერ შანიძის ქუჩის 10-12 ნომერში, ხორავას ეზოდან გამორბის, შემდეგ პეტრიაშვილისკენ მირბის და სანამ ჩიხში არ შევიდა, და უკან პოლიცია არ მისდევდა პეტრიაშვილზე, იქამდე უყურა ჩემმა მეგობარმა. ამის მერე მოვიდა პოლიცია, ჩადგა გზაჯვარედინზე მანქანით. მჟავანაძის სახლის უკან ჩიხია, მკვლელი იქიდან გავიდა სამშვიდობოზე. ეს ისეთი სცენარია, ფანტასტიკის სფეროა, ალბათ ვინც არ იცის სააკაშვილის რეჟიმი და ვისაც არ მოუსმენია თქვენი სხდომები, მაგრამ მერწმუნეთ, რომ ოფიციალური ვერსია ამაზე უფრო ფანტასტიკად ჟღერს. ამ დროს გამოიყვანეს ბარათელი შანიძის და ხორავას კუთხეში, იქ ნახეს მოწმეებმა, რომლებიც მას იცნობენ და მიესალმენ. წესით, ბარათელი უნდა გარბოდეს, ორმხრივ სროლაში და უკან მოსდევდეს პოლიცია. გიორგი ბარათელი უკვე 2012 წლის შემდეგ მოჰყვა, რომ 20 მაისს ჯერ კიდევ შუადღეს ის ქუჩაში აიყვანეს, წაიყვანეს თბილისის ზღვაზე, ურტყეს, აწამეს, სთხოვდნენ, ეღიარებინა გურამ შარაძის მკვლელობა. მან თქვა, რომ უკვე მოკლული მეგონა, არ ვიცოდი, თუ ცოცხალ კაცზე მაიძულებდნენო. ამის შემდეგ წაიყვანეს, ჩაკეტეს ფარეხში და ელოდებოდნენ შესაბამის დროს, რათა გამოეყვანათ და მიეყვანათ იქ, სადაც მკვლელმა გაირბინა“, – განაცხადა რუსუდან შარაძემ.

ქუთაისში მეზობელმა მეზობელი ცივი იარაღით მოკლა. არსებული ინფორმაციით, მკვლელობა ეჭვიანობის ნიადაგზე მოხდა.მამაკაცებს შორის დაპირისპირება მოხდა, რა დროსაც ერთმა მეორეს ცივი იარაღით ჭრილობები მიაყენა.მკვლელობაში ბრალდებული დაკავებულია, სასამართლო მისთვის აღკვეთის ღონისძიების შეფარდებაზე დღეს იმსჯელებს.

„კოალიცია ცვლილებისთვის“ ერთ-ერთი ლიდერი ზურაბ გირჩი ჯაფარიძე პარლამენტის დროებით საგამოძიებო კომისიაზე გამოუცხადებლობის გამო გარკვეული პოლიტიკოსების მხრიდან გირაოს გადახდის საკითხს ეხმაურება.როგორც სოციალურ ქსელ „ფეისბუქის“ საკუთარ გვერდზე ჯაფარიძე წერს, გირაოს გადახდის გამო ადამიანების დამუნათება არასწორია.„პოლიტიკოსები არიან ჩვეულებრივი ადამიანები, მათ აქვთ პრობლემები, პასუხისმგებლობები, ვალდებულებები, რომელთა 99%-ის შესახებ ხშირ შემთხვევაში ჩვენ არაფერი ვიცით. გირაოს გადახდა არავის იცავს ციხით სასჯელისგან, ამის გამო ადამიანების დამუნათება არ არის სწორი. ნუ გიყვართ ადამიანების თრევა ნებისმიერი საბაბით. ყველას თავისი ფრონტის ხაზი აქვს ამ რეალობაში“, - წერს ჯაფარიძე.

გარემოს დაცვისა და სოფლის მეურნეობის მინისტრმა დავით სონღულაშვილმა კახეთში, კომპანიის „ივრის ფერმები“ ნუშის ბაღები დაათვალიერა. ინფორმაციას ამის შესახებ სოფლის მერნეობის სამინისტრო ავრცელებს.უწყების ცნობით, კომპანია სახელმწიფო პროექტების ბენეფიციარია , სარგებლობს შეღავათიანი აგროკრედიტით და „დანერგე მომავლის“ საგრანტო პროგრამით.„კომპანია „ივრის ფერმები“, რომელიც 2022 წელს დაარსდა, ორიენტირებულია კაკლოვანი კულტურების წარმოების თანამედროვე მოდელის განვითარებაზე. დღეისათვის კომპანიის ნუშის ბაღები 350 ჰექტარს მოიცავს. დავით სონღულაშვილმა ქვეყანაში კაკლოვანი კულტურების, მათ შორის ნუშის, წარმოების პოტენციალზე გაამახვილა ყურადღება და აღნიშნა, რომ მნიშვნელოვანია, მაქსიმალურად შევუწყოთ ხელი ამ შესაძლებლობების სრულად გამოყენებას“, – ნათქვამია სოფლის მეურნეობის სამინისტროს მიერ გავრცელებულ ინფორმაციაში.„ბოლო წლების განმავლობაში, სახელმწიფო პროექტების ხელშეწყობით, ინტენსიურად დაიწყო კაკლოვანი კულტურების ბაღების გაშენება. ქართული თხილის, ნუშის და კაკლის წარმოება სულ უფრო მზარდია, რაც იმას ნიშნავს, რომ იქმნება სულ უფრო მეტი ქართული პროდუქცია, მოთხოვნა იზრდება საერთაშორისო ბაზრებზეც, რაც ექსპორტის მაჩვენებლებში ისახება; შედეგად, ძლიერდება ჩვენი ქვეყნის ეკონომიკა. მხარდამჭერი პროექტების განხორციელებას სახელმწიფო აქტიურად აგრძელებს. ჩვენი მიზანია, მეტი დოვლათის შექმნას შევუწყოთ ხელი, რაც ჩვენი მოსახლეობის კეთილდღეობის გარანტიის საფუძველია“, – განაცხადა დავით სონღულაშვილმა.როგორც სამინისტრო წერს, კომპანია „ივრის ფერმები“ აქტიურად თანამშრომლობს ესპანელ ექსპერტებთან და იყენებს მათ მიერ შემუშავებულ ფიტოსანიტარიულ და განოყიერების გეგმებს, რომლებიც მორგებულია ბაღის საჭიროებებზე და თანხვედრაშია ევროპულ რეგულაციებთან. ბაღები უზრუნველყოფილია თანამედროვე საირიგაციო სისტემით, რომელიც მდინარე ივრიდან მარაგდება. წვეთოვანი საირიგაციო სისტემის ეფექტიანი გამოყენებისა და „ივრის ფერმების“ სასაწყობე სივრცის ელექტრიფიკაციისთვის კომპანიამ 1.75 მეგავატიანი ელექტროქსელიც შექმნა.„სამ წელიწადში შევძლებთ ექსპორტზე გავიტანოთ 160 ტონამდე ნუში, ხოლო როცა ბაღები სრულ მსხმოიარობას მიაღწევს, ჩვენი საექსპორტო მოსავლის რაოდენობა უკვე 800-900 ტონამდე გაიზრდება. ჩვენი საქმიანობით ვქმნით სამუშაო ადგილებს, მნიშვნელოვანი წვლილი შეგვაქვს როგორც რეგიონის, ასევე ქვეყნის აგრონომიულ და ეკონომიკურ განვითარებაში“, – განაცხადა კომპანიის დირექტორმა, ნინო ცხადაიამ.