ოთხშაბათი, ივლისი 30, 2025

სოსო რობაქიძეს ბუტა რობაქიძის საქმეზე სასამართლო სხდომა დაატოვებინეს

თბილისის საქალაქო სასამართლოში ბუტა რობაქიძის საქმეზე სასამართლო სხდომა სოსო რობაქიძესა და მისი ძმას დაატოვებინეს, – ამის შესახებ ინფორმაციას 1tv ავრცელებს.

პროკურატურამ ბრალდებულ ზაზა ბაქრაძის დაკითხვა მოითხოვა, რასაც დაცვის მხარე არ დაეთანხმა. როგორც ადვოკატებმა განმარტეს, ბაქრაძე მხოლოდ იმ შემთხვევაში უნდა დაიკითხოს, თუ ვიდეოფირთან დაკავშირებით ისაუბრებს.

პროკურატურის მოთხოვნა სოსო რობაქიძემ სასამართლო პროცესზე გააპროტესტა, რასაც სხდომაზე ხმაური მოჰყვა, ამიტომ მოსამართლემ რობაქიძესა და მის ძმას დარბაზი დაატოვებინა.

თბილისის საქალაქო სასამართლოში ბუტა რობაქიძის საქმეზე სასამართლო სხდომა მიმდინარეობს.

პროცესს პირველად ესწრება აღნიშნულ საქმეზე ბრალდებული ზაზა ბაქრაძე, რომელმაც სასამართლოს წინაშე ბრალი აღიარა.

შსს-მ 2013 წლიდან წითელი ცირკულარით საერთაშორისო დონეზე ძებნილი ზაზა ბაქრაძე თბილისის საერთაშორისო აეროპორტში 1-ელ მარტს  დააკავა.

დაკავებულს ბრალად ედება საქართველოს სისხლის სამართლის კოდექსის 236-ე მუხლის მე-3 და 332-ე მუხლის მე-3 ნაწილით გათვალისწინებული დანაშაულები, რაც გულისხმობს ცეცხლსასროლი იარაღის მართლსაწინააღმდეგო გადაზიდვას და სამსახურებრივი უფლებამოსილების ბოროტად გამოყენებას.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

“ქართული ოცნება” თბილისის მერობის კანდიდატად კახა კალაძეს წარადგენს

„ქართული ოცნება“ თბილისის მერობის კანდიდატად კახა კალაძეს წარადგენს.ინფორმაციას პარტიაში ადასტურებენ.თბილისის მერობის კანდიდატის წარდგენა ხვალ, 31 ივლისს გაიმართება.კახა კალაძე თბილისის მერად მესამე ვადით იქნება წარდგენილი.კალაძე დედაქალაქის მერად პირველად 2017 წელს, მეორე ვადით კი, 2021 წელს აირჩიეს.

ახალი კვლევა-ზედმეტი ძილი ჯანმრთელობისთვის შეიძლება უფრო საზიანო იყოს, ვიდრე ძილის ნაკლებობა — ახალი კვლევა

ახალი ამბების სტატიებსა თუ სოციალური მედიის პოსტებში გამუდმებით გვახსენებენ, რომ მეტი უნდა გვეძინოს. ალბათ აღარ გსურთ იმის მოსმენა, რომ არასაკმარისი ძილი საზიანოა თქვენი თავის ტვინისთვის, გულისთვის და ზოგადი ჯანმრთელობისთვის, რომ აღარაფერი ვთქვათ კანზე და სექსუალური ლტოლვაზე.იდეალური რაოდენობამიზეზი, რის გამოც ზოგ ადამიანს ცოტა სძინავს, ზოგს კი მეტი, დამოკიდებულია ინდივიდუალურ სხვაობებზე, მაგრამ ეს სხვაობები ჯერ ბოლომდე შესწავლილი არ არის.ძილი დამოკიდებულია ასაკზეც. თინეიჯერებს ხშირად დიდხანს ძილი უნდათ და შეიძლება ამის ფიზიკური საჭიროებაც ჰქონდეთ. თინეიჯერების ძილის რეკომენდებული რაოდენობა ზრდასრულებზე ოდნავ მაღალია — რვიდან ათ საათამდე. ისინი შეიძლება უფრო გვიან იძინებდნენ და გვიან დგებოდნენ.დიდხანს ძილის სურვილი შეიძლება ჰქონდეთ ხანდაზმულებსაც. თუმცა, თუკი მათ ძილის დარღვევა არ აქვთ, საჭირო ძილის ოდენობა იგივეა, რაც მათ ახალგაზრდობაში იყო.ზრდასრულთა უმეტესობისთვის საჭირო ძილის რაოდენობა შვიდიდან ცხრა საათამდეა — ჯანმრთელობისთვის იდეალური ვარიანტი.ამას გარდა, ხშირად მხოლოდ ძილის რაოდენობა არაფერს ნიშნავს. კარგი ხარისხის ძილი და დაძინებისა და გაღვიძების თანმიმდევრული დრო თქვენი ზოგადი ჯანმრთელობისთვის ასეთივე მნიშვნელოვანია, თუ უფრო მეტად არა.გამომდინარე იქიდან, რომ დღეს მსოფლიოში მრავალ ადამიანს რეკომენდებული რაოდენობით არ სძინავს, უფრო იმაზე უნდა ვფოკუსირდეთ, რომ საკმარის ხანს გვეძინოს, ვიდრე გვაღელვებდეს ზედმეტი ძილი.იმისათვის, რათა ღამით კარგად დაიძინოთ, მეტი დრო გაატარეთ დღის სინათლეზე და დღის განმავლობაში აქტიური იყავით, ეცადეთ, შეეჩვიოთ დაძინებისა და გაღვიძების რეგულარულ დროს. დაწოლამდე ერთი საათით ადრე თავი აარიდეთ ეკრანებს, დაკავდით რაიმე მომადუნებლით და დარწმუნდით, რომ თქვენი საძინებელი წყნარი, ბნელი და კომფორტულია.თუ შენიშნეთ, რომ რეგულარულად იმაზე მეტხანს გძინავთ, ვიდრე გჩვეოდათ, შეიძლება ამით თქვენი ორგანიზმი რაღაცაზე განიშნებდეთ.მომზადებულია The Conversation-ის მიხედვით.

გიორგი ვოლსკი: სიცრუის ის დონე, რომელიც გვიჩვენა ევროპარლამენტმა, სახელმძღვანელოებშია შესატანი, თუ როგორ მართავს „დიფ სთეითი“ მსოფლიოში ვითარებას

სიცრუის ის დონე, რომელიც გვიჩვენა ევროპარლამენტმა, სახელმძღვანელოებშია შესატანი, თუ როგორ მართავს „დიფ სთეითი“ მსოფლიოში ვითარებას, - განაცხადა პარლამენტის თავმჯდომარის პირველმა მოადგილემ, გიორგი ვოლსკიმ.„რასაკვირველია, ტყუილებზე უკან არ დაიხევენ. სიცრუის ის დონე, რომელიც გვიჩვენა ევროპარლამენტმა, სახელმძღვანელოებშია შესატანი, თუ როგორ მართავს „დიფ სთეითი“ მსოფლიოში ვითარებას. როგორ ცდილობენ, პატარა ქვეყნები, მათ შორის საქართველო ჩაითრიონ იმ უბედურებაში, რაც ევროპის შუაგულში დაატრიალეს“, - აღნიშნა ვოლსკიმ.ცენტრალური საარჩევნო კომისია შეშფოთებას გამოთქვამს ბოლო დროს ევროპარლამენტის სახელით გამოქვეყნებულ განცხადებებში გამოთქმულ მოსაზრებებთან დაკავშირებით, სადაც 26 ოქტომბრის არჩევნები მოხსენიებულია „გაყალბებულად“.

შალვა პაპუაშვილი – მამუკა ხაზარაძისთვის, რომელმაც ქონება მევახშეობით აიწყო, გაუგებარია, რა არის ქველმოქმედება და ცდილობს, დეზინფორმაციით ბიძინა ივანიშვილს ზიანი მიაყენოს

მამუკა ხაზარაძისთვის, რომელმაც ქონება მევახშეობით აიწყო, გაუგებარია, რა არის ქველმოქმედება და ცდილობს, დეზინფორმაციით ბიძინა ივანიშვილს ზიანი მიაყენოს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, სასამართლო საქმეს განიხილავს და ჭეშმარიტებას დაადგენს.„დეზინფორმაციის წყარო მამუკა ხაზარაძეა. ეს მისი ტელევიზიაა, რომელიც ასეთ თეორიებს აწყობს. ცნობილია, რომ ბანკი „ქართუ“ საქველმოქმედო ორგანიზაციის განკარგულებაშია და ყველა მისი შემოსავალი სწორედ საქველმოქმედო მიზნებისთვის იმართება. თუმცა, მამუკა ხაზარაძისთვის, რომელიც თავად თაღლითობისთვის არის გასამართლებული, ქონება კი მევახშეობით აიწყო, გასაგებია, რომ მისთვის გაუგებარია, ქველმოქმედება რა არის და ამიტომ ცდილობს, ასეთი დეზინფორმაციით ბიძინა ივანიშვილს ზიანი მიაყენოს. ხელის გულზე დევს ის ტყუილი და დეზინფორმაცია, რომელსაც მამუკა ხაზარაძის ტელევიზია ავრცელებს. სასამართლო არსებობს და განიხილავს, ამ საკითხს, ჭეშმარიტებას დაადგენს“, – განაცხადა პაპუაშვილმა.

თბილისი-ბათუმის სამგზავრო მატარებელს მსუბუქი ავტომობილი შეეჯახა

თბილისი-ბათუმის სამგზავრო მატარებელს მსუბუქი ავტომობილი შეეჯახა. შემთხვევა ცოტა ხნის წინ ბათუმის სადგურთან მოხდა.როგორც თვითმხილველები აცხადებენ, მსუბუქი ავტომობილი ლიანდაგზე მატარებლის გასწრებას ცდილობდა. შემთხვევის შედეგად არავინ დაშავებულა.ადგილზე სამართალდამცველები მუშაობენ. მატარებელი დაახლოებით ერთი საათი გაჩერებული იყო.

ბოლო სიახლეები