შინაგან საქმეთა სამინისტრო 2023 წლის საგზაო-სატრანსპორტო შემთხვევების შესახებ სტატისტიკურ მონაცემებს აქვეყნებს.
შინაგან საქმეთა სამინისტრო მიერ გამოქვეყნებული სტატისტიკური მონაცემების თანახმად, საქართველოში გასულ წელს სისხლის სამართლის კოდექსის 276-ე მუხლით (ტრანსპორტის მოძრაობის უსაფრთხოების ან ექსპლუატაციის წესის დარღვევა) გათვალისწინებული 5594 საგზაო-სატრანსპორტო შემთხვევა მოხდა, რაც წინა წელთან შედარებით 2,3% მეტია.
ავტოსატრანსპორტო შემთხვევების შედეგად 2023 წელს საქართველოში 442 ადამიანი დაიღუპა, რაც წინა წელთან შედარებით 2,8%-ით მეტია
აბსოლუტური რაოდენობის მხრივ ავტოსატრანსპორტო შემთხვევების შედეგად ყველაზე მეტი ადამიანი, დაიღუპა იმერეთ-რაჭა-ლეჩხუმის და ქვემო სვანეთის რეგიონში (75), თბილისში (74), კახეთში (67) და ქვემო ქართლში, ყველაზე ნაკლები კი სამცხე-ჯავახეთში (8) და გურიაში (11).
სისხლის სამართლის კოდექსის 276-ე მუხლით გათვალისწინებული 5594 საგზაო-სატრანსპორტო შემთხვევიდან პროცენტულად ყველაზე მეტი დაღუპული მოდის კახეთზე (308 შემთხვევა, 67 დაღუპული – 21,8%), მცხეთა-მთიანეთზე (173 შემთხვევა, 34 დაღუპული – 19,7%) და სამეგრელო-ზემო სვანეთზე (254 შემთხვევა, 38 დაღუპული – 15%), ყველაზე ნაკლები კი – თბილისზე (2655 შემთხვევა, 74 დაღუპული – 2,8%) და აჭარაზე (569 შემთხვევა, 43 დაღუპული – 7,6%) რაც, დიდი ალბათობით, ერთი მხრივ, შემთხვევის ადგილიდან დაშავებულის კვალიფიციურ სამკურნალო დაწესებულებამდე გადაყვანის შედარებით მცირე დროის ფაქტორით და თბილისსა და აჭარაში, სხვა რეგიონებთან შედარებით, უფრო გამართული და მაღალი კლასი ავტომობილების (მათ შორის უსაფრთხოების ბალიშებით აღჭურვილი) არსებობით აიხსნება, მეორე მხრივ კი, შესაძლოა, მიუთითებდეს თბილისსა და აჭარაში არალეტალურად დასრულებული ავტოსატრანსპორტო შემთხვევების გამოვლენის და აღრიცხვიანობის უფრო გამართულ სისტემაზე.
ყოველ 100 000 მცხოვრებზე საგზაო-სატრანსპორტო შემთხვევების დროს დაღუპულთა რაოდენობა საქართველოში დაახლოებით 12-ის ტოლია, რაც თითქმის ექვსჯერ მეტია, ვიდრე სკანდინავიის (დანია, ნორვეგია, შვედეთი) ქვეყნებში.
