საქართველოში რეალურად მოხდა ის, რომ ყველაზე სახელ გატეხილი ხალხი, სხვადასხვა მიმართულებით, შემორჩა ენჯეოებში, ან ასე შეარჩიეს – ბუნებრივად „გაიჩითა“, რომ „ენჯეოშნიკობა“ ნიშნავს რაღაცა ტიპის ტყუილს – იაგო ხვიჩია

ან დავამხობთ ივანიშვილს და გამოვტაცებთ სამშობლოს რუსეთს, ან ეს პროტესტები დარჩება ლამაზ მოგონებად, – ამის შესახებ „კოალიცია ცვლილებისთვის“ ერთ-ერთმა ლიდერმა, ნიკა გვარამიამ სოციალურ ქსელ „ფეისბუქის“ გვერდზე დაწერა. „მოკლედ, ან ჩვენ დავამხობთ ივანიშვილს და გამოვტაცებთ სამშობლოს რუსეთს, ან ეს პროტესტები დარჩება ლამაზ მოგონებად, რაზეც ემიგრაციაში ცრემლებს ვაღვარღვარებთ“, – დაწერა ნიკა გვარამიამ.

„შვიდ წელიწად-ნახევარი ადამიანები დუმდნენ და ახლა, უცებ, რადგან აქცია მოგვადგა კარს, გადაწყვიტეს პროტესტის დაფიქსირება“, - ამის შესახებ, საზოგადოებრივი მაუწყებლის სამეურვეო საბჭოს სხდომაზე "მოამბის“ პროდიუსერმა მაია ჭუჭულაშვილმა განაცხადა. მან ასევე განმარტა,  რომ თავისივე გადაწყვეტილებით, ხუთშაბათის ბორდის სხდომის შემდეგ, უარი თქვა გამოშვების პროდიუსერბზე: „მე ვარ მაია ჭუჭულაშვილი, 6-საათიანი "მოამბის" პროდიუსერი, რომლის წამყვანიც არის ვასილ ივანოვ-ჩიქოვანი. მე ჩემი გადაწყვეტილებით, ხუთშაბათის ბორდის სხდომის შემდეგ, თავად ვთქვი უარი, რომ ვიყო ამ გამოშვების პროდიუსერი. რა არის ამის მიზეზი - ძალიან ბევრი საუბარია სხდომებზე იმაზე, რომ ჩვენ ვართ გავლენების ქვეშ. თუკი ვინმე საინფორმაციო სამსახურში, მათ შორის ამ გამოშვების წამყვანიც ერთხელ მაინც იტყვის, რომ პირადად მე მითხოვია ისეთი რამის გაკეთება, რაც მას არ სურდა, მე ახლავე ბოდიშს მოვიხდი, მაგრამ ასეთ ადამიანს „მოამბის“ საინფორმაციო სამსახურში უბრალოდ ვერ ნახავთ. შვიდ წელიწად-ნახევარი ადამიანები დუმდნენ და ახლა, უცებ, რადგან აქცია მოგვადგა კარს, გადაწყვიტეს პროტესტის დაფიქსირება, ოღონდ ჩვენთან კი არა, მე კი არ მეუბნებიან - იქნებ, ვიღებ შენიშვნას; პირდაპირ ჩადიან, კიბეებთან დგანან და მიტინგს მიმართავენ, ეს თუ თანამშრომლობის ფორმად გესხებათ, მე ასეთი არც თანამშრომლობა მესმის, არც ადამიანობა და არაფერი,"- განაცხადა საქართველოს საზოგადოებრივი მაუწყებლის სამეურვეო საბჭოს სხდომაზე "მოამბის“ პროდიუსერმა მაია ჭუჭულაშვილმა.

„43 მილიონი დაუხარჯიათ და რანაირად მოახერხეს, რომ 1000 ლარიც არ დაგვახარჯეს ჩვენ“, - ეს განცხადება „გირჩის“ ლიდერმა, იაგო ხვიჩიამ USAID-ის შესახებ საუბრისას გააკეთა. საუბარია საკითხზე, რომლის თანახმადაც ცნობილია, რომ მსოფლიოს ყველაზე მსხვილი დონორის ბიუჯეტი დაახლოებით 43-მ მილიარდ დოლარს შეადგენს. „43 მილიონი დაუხარჯიათ და რანაირად მოახერხეს რომ 1000 ლარიც არ დაგვახარჯეს ჩვენ. მართლა ერთადერთი პრო ამერიკული პარტია ვიყავით, ბოლოს და ბოლოს წინასაარჩევნოდ ტრამპის ერთადერთი ღია მხარდამჭერები. ასეთი რა "იჩალიჩეს", რომ 43 მილიონი ისე დახარჯეს, კაპიკიც არ მოვიდა ჩვენამდე. რა კრიტერიუმებით ხდება ეს," - ამბობს იაგო ხვიჩია.

შვედეთის ერთ-ერთ სკოლაში მომხდარი სროლის შედეგად დაახლოებით ათი ადამიანი დაიღუპა. პოლიციის უფროსის განცხადებით, ყველა გარდაცვლილი შენობაში აღმოაჩინეს. გამოძიების წინასწარი მონაცემებით, თავდამსხმელი მამაკაცი მარტო მოქმედებდა და, სავარაუდოდ, ისიც მსხვერპლთა შორისაა. პოლიცია ამჟამად დაღუპულთა იდენტიფიკაციაზე მუშაობს. ამ დროისთვის გამოძიება ტერორისტულ მოტივს გამორიცხავს. შემთხვევა სტოკჰოლიმიდან 200 კმ-ის დაშორებით, ორებროს დასახლებაში ადგილობრივი დროით 13:00 საათისთვის მოხდა.

საქართველოს ტექნიკური უნივერსიტეტის აგრარული მეცნიერებების და ბიოსისტემების ფაკულტეტის საბაკალავრო და სამაგისტრო პროგრამების სტუდენტებმა საშემოდგომო საწარმოო პრაქტიკა, რომლის მიზანს რთველის დაგეგმვა-ორგანიზება, ღვინის წარმოების მეთოდების, მათ შორის, ქართული ტრადიციული მეთოდის, მოწყობილობათა ოპერირების, ღვინის საწარმოში მიმდინარე პროცესების, წარმოებაში არსებული გამოყენებული ენოლოგიური მასალების გაცნობა და პრაქტიკული სწავლება წარმოადგენს, მეღვინეობის ქართულ, მსხვილ საწარმოებში გაიარეს. ამის შესახებ ინფორმაციას სტუ ავრცელებს. მისივე ცნობით, სასწავლო კურსების განხორციელების მიზნით, მომავალი მევენახე- მეღვინეები გადანაწილებულები იყვნენ, როგორც დასავლეთ, ასევე აღმოსავლეთ საქართველოს მევენახეობა-მეღვინეობის რეგიონებში განთავსებულ ღვინის საწარმოებში, როგორიცაა: „თელიანი ველი“ „სევსამორა“, „შატო მუხრანი“, „დუგლაძეების მარანი“, „ღვინის კომპანია შუმი“, „მტევინო“, „შილდა“, „ალექსანდროული“, „კონჭოს მარანი“, „ქიმძმარაულის მარანი“, ბოლნისელ საოჯახო მეღვინეთა გაერთიანება - „ღვინო ბოლნისი“ შპს ირმა ჭანტურიას სახელობის ღვინის ლაბორატორია. სტუ-ის აგრარული მეცნიერებების და ბიოსისტემების ინჟინერინგის ფაკულტეტის პროფესორის, მევენახეობისა და მეღვინეობის დეპარტამენტის უფროსის ნინო ჩხარტიშვილის განცხადებით, მევენახეობა-მეღვინეობის კერძო და სამთავრობო სექტორის წარმომადგენლებს განსაკუთრებული წვლილი შექავთ პროფესიონალი კადრის მომზადების მიმართულებით. „საქართველოს ტექნიკური უნივერსიტეტის სახელით მსურს განსაკუთრებული მადლობა გადავუხადო მევენახეობა-მეღვინეობის კერძო და სამთავრობო სექტორის წარმომადგენლებს, გარემოს დაცვისა და სოფლის მეურნეობის სამინისტროს სსიპ სოფლის მეურნეობის სამეცნიერო-კვლევით ცენტრსა და ღვინის ეროვნულ სააგენტოს, კომპანიებს: „თელიანი ველი“ „სევსამორა“, „შატო მუხრანი“, „დუგლაძეების მარანი“, „ღვინის კომპანია შუმი“, „მტევინო“, „შილდა“, „ალექსანდროული“, „კონჭოს მარანი“, „ქიმძმარაულის მარანი“, ბოლნისელ საოჯახო მეღვინეთა გაერთიანებას - „ღვინო ბოლნისი“, შპს ირმა ჭანტურიას სახელობის ღვინის ლაბორატორიას, რომლებსაც ყოვეწლიურად მნიშვნელოვანი წვლილი შეაქვთ მომავალი მევენახე-მეღვინეების პრაქტიკული უნარ-ჩვენების განვითარების, თეორიული ცოდნის პრაქტიკულად გამტკიცების საქმეში. მევენახეობა-მეღვინეობის სასწავლო პროგრამების განხორციელების პროცესში საწარმოო პრაქტიკებს განსაკუთრებული ყურადღება ენიჭება. ამ პერიოდში, გაზაფხული- შემოდგომის სემესტრებში, სტუდენტები აქტიურად მონაწილეობენ მევენახეობა- მეღვინეობის უმნიშვნელოვანეს ოპერაციებში როგორიცაა, საგაზაფხულო სამუშაოები ვენახში, რთველის დროის განსაზღვრა და დაგეგმვა, საწარმოში ყურძნის მიღება - გადამუშავება და სხვა. განსაკუთრებულად მნიშვნელოვანია სამაგისტრო საფეხურის სტუდენტებისათვის საშემოდგომო სემესტრი, რომელიც წარმოადგენს სამაგისტრო თემის ექსპერიმენტულ ნაწილის განხორციელების პერიოდს. საერთაშორისო ინტერნშიფების განხორციელებისთვის მიმდინარეობს მოლაპარაკებები დასავლეთ ევროპის უნივერსიტეტებთან, რომელიც, როგორც ქართველი, ასევე უცხოელი სტუდენტების გაცვლით პროგრამებში ჩართვას ისახავს მიზნად. მსგავსი პრაქტიკა გვქოდა. ისრაელის სახელმწიფოს არიელის უნივერსიტეტთან თანამშრომლობის ფარგლებში საქართველოს ტექნიკურ უნივერსიტეტს 5 სტუდენტი ეწვია და საწარმოო პრაქტიკა კახეთისა და ქართლის რეგიონებში გაიარა “, - განაცხადა პროფესორმა ნინო ჩხარტიშვილმა. სტუ-ის ინფორმაციით, მევენახეობისა და მეღვინეობის მიმართულებით საბაკალავრო და სამაგისტრო სტუდენტები ყოვეწლიურად პროგრამის შესაბამისად საველე და საწარმოო პრაქტიკებს საქართველოს ტექნიკური უნივერისტეტისა და კერძო სექტორის წარმომადგენლებს შორის გაფორმებული მემორანდუმის საფუძველზე გადიან.