საქართველოს ნაკრების შემადგენლობა ევროპის ჩემპიონატისთვის ცნობილია

„2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ დღევანდელ სხდომაზე მოქალაქე კახა დაბრუნდაშვილს მოუსმინეს.დაბრუნდაშვილმა კომისიის სხდომაზე მის და თავისი მეგობრის, ვამეხ აბულაშვილის მიმართ ფიზიკურ ანგარიშსწორებაზე ისაუბრა. კახა დაბრუნდაშვილის თქმით, ამ საქმეში მონაწილეობდნენ დათა ახალაია, ოლეგ მელნიკოვი და გერონტი ალანია.„ამ ყველაფრის მიზეზი იყო ვამეხის მეგობარი გოგონა. დათა ახალაიას 6-7 წლის წინ ამ გოგონასთან ჰქონდა ურთიერთობა და ეგ ხომ ეგეთი ავადმყოფია, რომ სიმთვრალეში ახსენდება ყველაფერი და რომელიღაც რესტორნიდან მთვრალმა მოინდომა ქალბატონი და ურეკავს. ხვდება ვამეხი ტელეფონზე და ხდება შელაპარაკება. უშვერი სიტყვებით ლანძღვა. „დღეები ითვალე“ და გაითიშა ტელეფონი. ამ ტელეფონის ზარის ავტორი იყო დათა ახალია. ვამეხს და ამ გოგონას ლამის ერთი წლის ურთიერთობა ჰქონდათ“, – განაცხადა კახა დაბრუნდაშვილმა.კახა დაბრუნდაშვილის თქმით, მისმა მეგობარმა, ვამეხ აბულაშვილმა ცემის შედეგად თვალიც კი დაკარგა. კახა დაბრუნდაშვილის განმარტებით, ტაბიძის ქუჩაზე მოხდა მისი და მისი მეგობრის „მანქანაში ჩატენვა“ და წაყვანა. კახა დაბრუნდაშვილმა საგამოძიებო კომისიის სხდომაზე დეტალურად ისაუბრა ოქროყანის ეპიზოდზე.„ოქროყანაში ადგილზე მელნიკოვი გამოგვეცხადა და გასცა ბრძანება, ვამეხ აბულაშვილი ქვემოთ და ეს – ჩემზე თქვა – აქ გყავდეთ, ვიდრე მე არ გეტყვით. ვამეხი მოხრილ მდგომარეობაში, ორ პირს უკავია და სირბილით მიჰყავთ პატარა ხევის მიმართულებით. მე უცბად უკნიდან ფეხებში მხვდება, ვიკეცები, მერე კეფაში, ვვარდები მიწაზე, მადგამს მუხლს ზურგზე და იარაღს მაბჯენს კისერზე ის, ვინც მანქანიდან გადმომიყვანა. ვამეხი რომ გაატარეს, ერთგვარი კორიდორი მოუწყვეს, წიხლის ჩარტყმა, გინებები, ფიზიკური შეურაცხყოფებით ჩაიყვანეს დაბლა. ჩემთან დარჩა სამი პიროვნება, დანარჩენები ჩავიდნენ ქვევით, სადაც ვამეხი ჩაიყვანეს. აბსოლუტურად ყველაფერი მესმოდა – ყველა დარტყმა, ყველა გინება. თვალით ვერ ვხედავდი, თორემ აბსოლუტურად ყველაფერი მესმოდა. რომ ვიწექი, სახე ხომ მედო მიწაზე და თავი შემოვაბრუნე, რაზეც შემდგნენ მე, როგორ გავბედე თავის შებრუნება. ჩემი ცემის დროს ამოდის მელნიკოვი და ამათ მიმართ იგინება, მე ხომ გითხარით, ხელი არ დაგეკარებინათ, არ გაგაფრთხილეთო? შემდეგ გასცა ბრძანება, წამოვეყვანე დაბლა და მეც ვამეხის გზით ჩამიყვანეს. ვხედავ, რომ ვამეხი მუხლებზე გდია, თვალების ადგილზე, წარმოიდგინეთ, „ბრიტვა“ რომ გაუსვა ადამიანს და მარტო ის ხაზი რომ იყოს. ნაცემიც მინახავს, ყველაფერი მინახავს, მაგრამ ასეთი – არაფერი. ვერც თქვენ წარმოიდგენთ იმას, რასაც ახლა მე გეუბნებით. ეს უნდა გენახათ, წარმოსახვითაც ვერ წარმოიდგენთ, რა დღეში იყო. პირველი ჩემი რეაქცია რაც იყო, მაისური გავიხადე, მივედი და სისხლს ვწმენდდი. ეს ვეღარც ხედავს, ვეღარც ლაპარაკობს, სისხლი სდის პირიდან, ყურიდან, თვალი დაკარგა, სხვათა შორის, თვალი ამოუგდეს. ვამეხი დაჩოქილია და მის უკან არის ხევი, ორი „ვერზილა“ უდგას, არიან დაახლოებით 40, თუ მეტი არა. ვამეხი ერთს თმებით უკავია და მეორე გამუდმებით ურტყამს, მერე ხელი ეტკინა ალბათ, გადაიხვია მაისური თუ სპორტული და იმით ურტყამდა“, – განაცხადა კახა დაბრუნდაშვილმა.დაბრუნდაშვილის განცხადებით, ვამეხ აბულაშვილთან ერთად, მასაც დაუწყეს ცემა მას შემდეგ, რაც თავის მეგობარზე თქვა: „რას შვებით, კლავთ?!“„მოპირდაპირედ არის პატარა შემაღლება, სადაც დგანან პატივცემული დათა ახალაია, ხელმარჯვნივ გვერდს უმშვენებს მელნიკოვი და ხელმარცხნივ – ალანია. ჩემი ცემა შეაწყვეტინა ახალაიამ და თან ცინიკური ღიმილით, რა თქვა მაგან მოკვლასთან დაკავშირებითო და ვისაც ჰკითხა, არ დავაცადე და მე ვუპასუხე ისევ, რომ მოსაკლავად მოგვიყვანეთ აქ-მეთქი? რაც მიწოდა, იმ სიტყვებისგან თავს შევიკავებ. მიპასუხა, აბა, შენ რა გგონია, აქედან სახლში ცოცხალი მიხვალო? ამ დროს დათა ახალაია პიჯაკს სწევს, იღებს იარაღს, ტენის და იწყებს თამაშს – ხან მე მომიშვერს, ხან ვამეხს. ეს გრძელდება ორი-სამი წუთი და თან იცინის, პირველი რომელი? ჩემი დაუყოვნებელი კითხვა იყო, ანუ მართლა გვხოცავთ-მეთქო? ახალაია ეკითხება მელნიკოვს, ეს მართლა დებილია თუ თავს იდებილებსო. გასაგებია, მაშინ პირველი მე მესროლეთ-მეთქი. მანამდე მელნიკოვთან რაღაცას საუბრობდა აგდებით და ეს რომ ვუთხარი, გაჩერდა, დასერიოზულდა და გაიმეორე, რა თქვიო. მე ვუთხარი, დავრწმუნდი, რომ გვხოცავთ და კითხვაზე გიპასუხეთ, რომ პირველი მე მესროლეთ-მეთქი. რატომ შენო? მე ვუთხარი, ფაქტია, თქვენი თვალით ხედავთ, ეს ვერც ვერაფერს დაინახავს და ვერც ვერაფერს გაიგებს, ჩემი ბავშვობის მეგობრის, ჩემი ძმაკაცის, ნათელ-მირონის სიკვდილს ნუ მაყურებინებთ, ჯერ მე მესროლეთ და მერე მაგას, თქვენთვის აზრი ხომ არ აქვს-მეთქი. წევს ანალოგიურად პიჯაკს, იდებს იარაღს, ბრუნდებიან და იწყებენ სვლას გზისკენ და ეს ამალა მიჰყვება. ამ დროს ვამეხს ვეუბნები, რომ მიდიან“, – აღნიშნა კახა დაბრუნდაშვილმა.კახა დაბრუნდაშვილი ამბობს, რომ თბილისში ჩასვლა შეძლო გამვლელების დახმარებით, რომლებიც ნაცემი მეგობრის ხევიდან ამოყვანაშიც დაეხმარნენ.კახა დაბრუნდაშვილის განცხადებით, დღეს თავადაც და ვამეხ აბულაშვილიც შშმ პირები არიან.„გაგვანახევრეს, ხალხნო. მე გავხდი პირველი ჯგუფის ინვალიდი, შეძენილი ეპილეფსია მაქვს, გულყრები, რაც მანამდე არ მქონდა. ვამეხმა თვალი დაკარგა, ჯანმრთელობა აქვს მომსპარი, ნამდვილად არ გვეგონა, თუ საერთოდ გაივლიდა. ორივე გაგვხადეს შშმ პირები“, – განაცხადა კახა დაბრუნდაშვილმა.კახა დაბრუნდაშვილმა საგამოძიებო კომისიის სხდომაზე საზოგადოებას მიმართა:„მივმართავ ფართო საზოგადოებას, დავიწყებ უშუალოდ ახალგაზრდებით, ვინც იმ წლებში ჯერ კიდევ ბავშვები იყვნენ, ვერც თავის თავზე გამოცდიდნენ. ხალხო, ჩემს მონაყოლს ვინც ხედავთ და ვინც უსმენთ, უბრალოდ, თქვენი არავისი არ მესმის, ამათ როგორ ითხოვთ, როგორ უდგახართ გვერდით, ჩემამდე არ დადის. მინდა, ყველას მოვუწოდო, გონს მოეგონ. ესენი არიან ის ხალხი, ვინც გაგებაში არ არის, ვის უდგანან გვერდში, ქვეყნის დამღუპველებს, ადამიანის მოკვლა შეეძლოთ ჩვეულებრივად, ამათთვის არაფერი არ იყო და ახლა დარწმუნებული ვარ, ალესილები გაწყვეტენ საქართველოს. მინდა, ყველას მივმართო, ცოტა გონს მოეგეთ. ეს ისტორიები, რასაც ჩემგან ისმენთ, რაც ჩემამდე მოისმინეთ და რასაც ჩემ შემდეგ მოისმენთ კიდევ, გაიაზრეთ, ხალხნო, ანალიზი გაუკეთეთ. გიყენებენ, თუ გგონიათ, რომ რაღაცას აკეთებთ, საზარბაზნე ხორცად გიყენებენ“, – განაცხადა კახა დაბრუნდაშვილმა.

საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის სტუდენტები სტაჟირებას, სამომავლო დასაქმების პერსპექტივით, კომპანია „ინჟინერიქსში“ გაივლიან. ამის შესახებ ინფორმაციას საქართველოს ტექნიკური უნივერსიტეტი ავრცელებს.მათივე ცნობით, კომპანია ციფრული სატელეკომუნიკაციო ტექნოლოგიების საგანმანათლებლო პროგრამის სტუდენტებისთვის განკუთვნილ საფაკულტეტო სივრცეებს ახალი თაობის ციფრული სტანდარტების შესაბამისად გადააიარაღებს.სტუ-ის ცნობით, ამით კომპანია მზაობას გამოთქვამს, უნივერსიტეტთან ერთად, აქტიურად ჩაერთოს ახალგაზრდების კვალიფიციურ სპეციალისტებად და მკვლევრებად ჩამოყალიბების პროცესში.„აღნიშნულის შესახებ თანამშრომლობის მემორანდუმს საქართველოს ტექნიკური უნივერსიტეტის ვიცე-რექტორმა, ასოცირებულმა პროფესორმა თამარ წერეთელმა და კომპანია „ინჟინერიქსის“ დირექტორმა თორნიკე წიკლაურმა მოაწერეს ხელი.დოკუმენტის თანახმად, მხარეები ასევე ერთობლივად იზრუნებენ სტუდენტთა პროფესიულ განვითარებაზე, საკადრო რეზერვის შექმნასა და ერთობლივი საგანმანათლებლო და კვლევითი პროექტების დაგეგმვა-განხორციელებაზე, რაც ერთი მხრივ, გააუმჯობესებს სტუდენტთა პრაქტიკულ შესაძლებლობებს, მეორე მხრივ კი, გააძლიერებს კომპანიის კვლევით და პროფესიულ რესურსებს.საქართველოს ტექნიკური უნივერსიტეტის ვიცე-რექტორის განცხადებით, მემორანდუმი უნივერსიტეტსა და კომპანიას შორის გრძელვადიანი თანამშრომლობის ჩამოყალიბებას ითვალისწინებს.თამარ წერეთლის თქმით, საგულისხმოა, რომ ,,ინჟინერიქსთან“ პარტნიორობის ფარგლებში, ინფორმატიკისა და მართვის სისტემების ფაკულტეტზე, კონკრეტულად კი, ციფრული სატელეკომუნიკაციო ტექნოლოგიების საგანმანათლებლო პროგრამის სტუდენტებისთვის შეიქმნება თანამედროვე სასწავლო გარემო, რომელიც სრულ შესაბამისობაში იქნება ახალი თაობის ციფრულ სტანდარტებთან. კერძოდ, კომპანია უზრუნველყოფს სასწავლო სივრცეების რეაბილიტაციასა და მათ აღჭურვას ჭკვიანი ტექნოლოგიებით.გარდა ამისა, ფაკულტეტის სხვადასხვა საგანმანათლებლო პროგრამის სტუდენტებს ექნებათ კვლევით პროექტებში ჩართვისა და კომპანიაში პრაქტიკული ტრენინგებისა თუ ვორქშოფების გავლის შესაძლებლობა, რაც მათ საშუალებას მისცემს, თეორიული ცოდნა რეალურ პრაქტიკასთან დააკავშირონ და მიიღონ ის უნარები, რომლებიც წარმატებული კარიერისთვისაა აუცილებელი.როგორც ვიცე-რექტორმა აღნიშნა, ეს უნივერსიტეტსა და ბიზნესს შორის გაფორმებული კიდევ ერთი მნიშვნელოვანი დოკუმენტია, რომელიც ახალგაზრდებს, პრაქტიკულ გამოცდილებასთან ერთად, ახალი პროფესიული ურთიერთობებისა და კავშირების ჩამოყალიბების საშუალებას მისცემს და ამასთან, მნიშვნელოვნად გაზრდის მათი დასაქმების შესაძლებლობებს“,-აღნიშნულია ინფორმაციაში.

აშშ ნატო-ში ისეთი აქტიურია, როგორც არასდროს, პრეზიდენტი ტრამპი მხარს უჭერს ნატო-ს, ჩვენ ნატო-ში დარჩენას ვაპირებთ, – ამის შესახებ აშშ-ის სახელმწიფო მდივანმა, მარკო რუბიომ ნატო-ს საგარეო საქმეთა მინისტრების შეხვედრის დაწყებამდე განაცხადა.აშშ-ის საგარეო უწყების ხელმძღვანელის თქმით, დაუსაბუთებელია ნატო-ს შესახებ ზოგიერთი ისტერია და ჰიპერბოლა, რომელიც ჩანს გლობალურ მედიასა და ზოგიერთ შიდა მედიაში შეერთებულ შტატებში.„ბოლო რამდენიმე წლის მოვლენები, სრულმასშტაბიანი სახმელეთო ომი ევროპის გულში არის შეხსენება, რომ მტკიცე ძალა კვლავ აუცილებელია, როგორც შემაკავებელი. ჩვენ გვსურს გვქონდეს გაგება, რომ ჩვენ ვდგავართ გზაზე, რეალისტურ გზაზე, რომ თითოეული წევრი იღებს ვალდებულებას და ასრულებს დაპირებას, რომ მიაღწევს დანახარჯების ხუთ პროცენტს. ეს მოიცავს შეერთებულ შტატებს, რომელსაც მოუწევს პროცენტის გაზრდა, რადგან თუ საფრთხეები მართლაც ისეთი საშინელია, როგორც მე და ამ ალიანსის წევრებს სჯერათ, მაშინ ამ საფრთხეს უნდა დავუპირისპირდეთ სრული და რეალური ვალდებულებით, რომ ამ საკითხებთან დაპირისპირების შესაძლებლობა გვქონდეს“, – განაცხადა მარკო რუბიომ.

მივდივართ არჩევნებისკენ, რეჟიმის ჩამოშლისკენ. ეს არის რთული, გრძელი გზა, მაგრამ ჩვენი პოლიტიკური გაგებით, ეს არის ერთადერთი გზა, რომელიც მიგვიყვანს ბოლომდე, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.ზურაბიშვილის თქმით, უცხოელი პარტნიორებისგან ბოლო ორი დღის განმავლობაში გაკეთებული განცხადებები აჩვენებს, რომ ოპოზიციის კოორდინაციამ შედეგი გამოიღო.„დღეს ჩვენ განვიხილეთ ორი თემა. პირველი არის პატიმრების ოჯახების ახალი წამოწყება, მათი კოორდინირება. როგორც ჩანს, ეს ფორმატი შეიქმნა. მინდა, წინააღმდეგობის პლატფორმისგან გამოვუცხადო სოლიდარობა და ხაზი გავუსვა, რომ ამ კოორდინაციის ორი მიზანი რჩება უცვლელი. ახალი, თავისუფალი და გამჭვირვალე არჩევნების მზადება, ასევე სინდისის პატიმრების გათავისუფლება. იმასაც უნდა გავუსვა ხაზი, რომ სინდისის პატიმრების მდგომარეობა, წამება და ცუდი მოპყრობა არის ჩვენი მუდმივი თემა უცხოელ პარტნიორებთან, ახლა უკვე კოორდინაციის ფორმატში. ძალიან ნიშანდობლივია, რომ ამან უკვე შედეგი მოიტანა და გუშინდელი დღეს იყო ძალიან ძლიერი დარტყმა მმართველ პარტიაზე, რეჟიმზე, რადგან წამოვიდა სხვადასხვა კუთხიდან სერიოზული, მკაცრი რეაქციები. ერთი მხრივ, კაია კალასისგან და მარტა კოსისგან. ასევე, „ჰელსინკის კომისიის“ ორპარტიული განცხადება იყო, რომელიც ანაკლიის პორტის საკითხს და იქ ჩინელების შემოყვანას ეხმაურება. ესეც მკაცრი განცხადებაა. აშშ-ის სახელმწიფო დეპარტამენტის პრესსპიკერის კომენტარი, რომელიც კიდევ ერთხელ ახსენებს რეჟიმს, რა უნდა გაააკეთოს, თუ სურს, გაუმჯობესდეს აშშ-სთან ურთიერთობები. ასევე, დიდი ბრიტანეთის ახალი სანქციები და ოდირის განცხადება „ფარა“-ზე. ეს ხუთივე განცხადება არის ძალიან დიდი დარტყმა რეჟიმისთვის. ნიშანდობლივია, რომ პირველად სასამართლო სისტემა დასანქცირდა ბრიტანეთისგან და სწორედ ის ადამიანები, რომლებიც არიან პასუხისმგებლები სინდისის პატიმრების დაკავებაზე და მათ ციხეში ყოფნაზე. ეს განცხადებები არის უკვე ერთი ნაბიჯი გამარჯვებისკენ. ჩვენ ასე მივდივართ არჩევნებისკენ, რეჟიმის ჩამოშლისკენ. ეს არის რთული, გრძელი გზა, მაგრამ, ჩვენი პოლიტიკური გაგებით, ეს არის ერთადერთი გზა, რომელიც მიგვიყვანს ბოლომდე“, – განაცხადა ზურაბიშვილმა.

პარლამენტის დროებითი საგამოძიებო კომისიის თავმჯდომარემ, თეა წულუკიანმა, „ნაციონალური მოძრაობის“ რეჟიმის მიერ დაზარალებულ კახა დაბრუნდაშვილს მიმართა, რომელიც, კუდ-ის იმდროინდელი მაღალჩინოსნების, დათა ახალაიას, ოლეგ მელნიკოვის, გერონტი ალანიასა და სხვების მიერ მასა და მის მეგობარ ვამეხ აბულაშვილზე ძალადობის საქმის შესახებ საუბრობდა.როგორც წულუკიანმა აღნიშნა, დაბრუნდაშვილი და აბულაშვილი იმავე ხევში წაიყვანეს საცემად, სადაც ოთხი თვის შემდეგ, 2006 წლის იანვრის ბოლოს, სანდრო გირგვლიანი იპოვეს.მისივე განცხადებით, სტრასბურგის სასამართლოში შეტანილ საჩივარში ეწერა, რომ გირგვლიანი ხევში თავისით აღმოჩნდა და ეკალ-ბარდებზე გადაიჩეხა, რასაც მაშინდელი იუსტიციის მინისტრის მოადგილე, თინა ბურჯალიანიც ამტკიცებდა.„ეს იგივე ხევია, სადაც სანდრო გირგვლიანი აღმოჩნდება თქვენს შემდეგ, ოთხი თვის თავზე, 2006 წლის იანვრის ბოლოს. სტრასბურგის სასამართლოში როდესაც ეს საქმე შემოვა, იქ წერია, რომ სანდრო გირგვლიანი, თურმე, ამ ხევში თავისით აღმოჩნდა, ეკალ-ბარდებზე გადაიჩეხა. ქალბატონი თინა ბურჯალიანი, იუსტიციის მინისტრის ზურაბ ადეიშვილის მოადგილე, რომელიც სტრასბურგში ჩამობრძანდა, წარსდგა სასამართლოს წინაშე, მე ვიყავი ამის მოწმე, იქ ვმუშაობდი, ამტკიცებდა ისე, რომ არ რცხვენოდა, რომ თურმე, მაყვლის ეკალ-ბარდებზე გადაჩეხილა სანდრო გირგვლიანი ამ ხევში სადაც თქვენ ჰყვებით, რომ ოთხი თვით ადრე გაგისწორდნენ ფიზიკურად და ასე მიაყენა თავის თავს უნებლიეთ ის ჭრილობები, რამაც მისი სიკვდილი გამოიწვია.“ - განაცხადა თეა წულუკიანმა.