საქართველოს ნაკრების მზადების გეგმა ერთა ლიგის საპასუხო მატჩის წინ

სერბეთის ვიცე-პრემიერის, ალექსანდრ ვულინის განცხადებით, რუსი ჯაშუშები ეხმარებოდნენ ხელისუფლებას თვეების განმავლობაში მიმდინარე საპროტესტო აქციების ჩახშობაში.„მე ძალიან მადლიერი ვარ რუსული სპეცსამსახურების, რომელიც ყოველთვის გვიჭერდა მხარს ფერადი რევოლუციის წინააღმდეგ ბრძოლაში, პირველ რიგში, ინფორმაციულად. მათ იციან, როგორი საფრთხე ემუქრებოდა სერბეთს“, – განაცხადა ვულინმა „რიასთან“ ინტერვიუში.სერბეთში საპროტესტო გამოსვლები გასული წლის ნოემბრიდან მიმდინარეობს, როდესაც რკინიგზის სადგურზე ბეტონის ჭერის ჩამონგრევას 16 ადამიანი ემსხვერპლა. მოქალაქეები აცხადებენ, რომ ხელისუფლებაში კორუფციის გამო მომხდარზე პასუხისმგებლობა მთავრობას ეკისრება.

სრულიად საქართველოს კათოლიკოს-პატრიარქი, ილია მეორე ცნობილ კინორეჟისორს, მერაბ კოკოჩაშვილს 90 წლის იუბილეს ულოცავს.„დიდ პიროვნებას, ცნობილ კინორეჟისორს, გამოჩენილ ხელოვანსა და საზოგადო მოღვაწეს, ბატონ მერაბ კოკოჩაშვილს, გულითადად ვულოცავთ დაბადების საიუბილეო თარიღს.თქვენ ბრძანდებით ჩვენი თანამედროვეობის უთვასაჩინოესი წევრი, მრავალთათვის მაგალითის მიმცემი, თაობათა აღმზრდელი...შევთხოვ უფალს, მოგანიჭოთ ჯანმრთელობა, დღეგრძელობა, კვლავაც ნათელი გონება და ძალა სადიდებლად ღვთისა და მსახურებად ქვეყნისა“, - წერია მილოცვის წერილში.

რუსთავში ერთ-ერთ საწარმოში სამსახურებრივი მოვალეობის შესრულების დროს 25 წლამდე კაცი დაიღუპა.საინფორმაციო სააგენტო "ინფო რუსთავის" ინფორმაციით, ახალგაზრდა კაცი ამწეზე იმყოფებოდა, რა დროსაც ამწე ელექტროგადამცემ სადენებს შეეხო. დენის დარტყმის შედეგად კაცი ადგილზევე დაიღუპა.მომხდართან დაკავშირებით შინაგან საქმეთა სამინისტრომ გამოძიება დაიწყო.

უნგრეთის პარლამენტმა ექვს ოპოზიციონერს საკანონმდებლო ორგანოში შესვლა შეუზღუდა, მას შემდეგ, რაც ლიბერალური პარტია „მომენტუმის“ წევრები შეეცადნენ, ჩაეშალათ კანონის მიღების პროცესი, რომელიც ლგბტქ+ საზოგადოებას ყოველწლიური პრაიდ-მარშის ჩატარებას უკრძალავს.ოპოზიციონერმა დეპუტატებმა სესიაზე ფერადი კვამლის ყუმბარები გაუშვეს. შედეგად, სამ დეპუტატს პარლამენტში ორი თვის ვადით შესვლა აეკრძალათ და ჯარიმის სახით, ხელფასი ექვსი თვის ვადით დაუყოვნდებათ. კიდევ სამ დეპუტატს კი, პარლამენტში შესვლა ერთი თვის ვადით შეეზღუდათ, ხელფასს კი ოთხი თვით დაუკავებენ.საერთო ჯამში, ჯარიმა 80 მილიონ უნგრულ ფორინტს, დაახლოებით 200 000 ევროს შეადგენს და ყველაზე დიდ ჯარიმას წარმოადგენს, რომელიც დეპუტატებისთვის ოდესმე დაუკისრებიათ.უნგრეთის მმართველმა პარტია „ფიდესმა“ ლგბტქ+ თემისთვის ყოველწლიური პრაიდის ჩატარების აკრძალვის შესახებ კანონპროექტი პარლამენტში 17 მარტს წარადგინა, მომდევნო დღეს კი დოკუმენტს 136 ხმით, 27-ის წინააღმდეგ დაუჭირეს მხარი.პრაიდის აკრძალვის წინააღმდეგ ბუდაპეშტში, მასშტაბური საპროტესტო აქციაც გაიმართა.

მიმდინარე წლის 14 მარტს, სურსათის ეროვნულ სააგენტოში ჯანმრთელობისა და სურსათის უვნებლობის გენერალური დირექტორატის (DG SANTE) ევროპის კომისიის RASFF-ის სწრაფი განგაშის სისტემით შემოვიდა „საგანგაშო შეტყობინება“ – 2025.1690, რომელიც შეეხება ბულგარეთში წარმოებულ ორგანულ ნუშის კარაქს. ბრენდი: Bett'r, მწარმოებელი: SMART ORGANIC AD, 250 გრ. მინის ქილა, პარტიის N: 24130, შენახვის ვადა 09.05.2026-მდე.შეტყობინებაში აღნიშნულია, რომ ნუშის კარაქი დაბინძურებულია პირობით-პათოგენური მიკროორგანიზმით (Bacillus cereus). პირობით-პათოგენური მიკროორგანიზმი Bacillus cereus შესაბამის პირობებში მოხვედრისას გამოიმუშავებს ტოქსინს, რომელიც იწვევს კუჭ-ნაწლავის ტრაქტის ორი ტიპის სინდრომს - ღებინებასა და დიარეას. სურსათის აღნიშნული პარტიის იმპორტი, საქართველოს გარდა, განხორციელდა ევროკავშირის 20-მდე ქვეყანაში. საქართველოში შემოტანილია 2024 წლის 18 ივნისს, შპს „ორგანიკას“ (ს/კ 405172316, თბილისი, ირაკლი აბაშიძის ქუჩა №61) მიერ (სულ 40 ქილა).ინფორმაციის მიღებისთანავე, სურსათის ეროვნულმა სააგენტომ სახელმწიფო კონტროლი ჩაატარა იმპორტიორ კომპანიაში, სადაც დადგინდა, რომ ბულგარეთში წარმოებული ორგანული ნუშის კარაქი (ბრენდი: Bett'r, მწარმოებელი: SMART ORGANIC AD, 250 გრ. მინის ქილა, პარტიის N: 24130, შენახვის ვადა 09.05.2026-მდე) სრულად არის რეალიზებული. სურსათის ეროვნული სააგენტო მოუწოდებს მომხმარებლებს, რომლებსაც 2024 წლის 18 ივნისის შემდეგ შეძენილი აქვთ აღნიშნული ნუშის კარაქი შპს „ორგანიკას“ შემდეგ მისამართებზე: თბილისი, ვაჟა-ფშაველას 51 და აბაშიძის 61, არ გამოიყენონ საკვებად და გაანადგურონ ან დააბრუნონ შესყიდვის ადგილზე.