საპატრიარქო ინფორმაციას ავრცელებს

გივი თარგამაძე სადისტური ხელისუფლების ერთ-ერთი შემადგენელი ნაწილი იყო და კომისიის სხდომაზე მოსვლას თავს არიდებს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, „უხერხულობა უნდა იგრძნოს გივი თარგამაძემ, რომელიც პირდაპირ იყო ჩართული საქართველოს მიმართ რუსეთის აგრესიის განვითარების ორგანიზების საქმეში“.„გაერო-ს გენერალური მდივნის მოხსენებაში თარგამაძე მოყვანილია, როგორც ერთ-ერთი ჩამშლელი იმ ფორმატების, რომლებიც წარმატებით მიმდინარეობდა ამერიკისა და ევროკავშირის დახმარებით. მან განაცხადა, რომ კოდორის ხეობა სჭირდებათ, რათა რუსეთს დაარტყან და მოლაპარაკებები ამის გამო ჩაიშალა. ეს ყველაფერი არის გაერო-ს გენერალური მდივნის მოხსენებაში, რომელშიც მოხვდა თარგამაძის განცხადება. რა ჩვენებას აძლევდა, ამაში გასაკვირი რა არის? რუსეთი აგრესორი და ოკუპანტია. გივი თარგამაძე იქნება თუ სხვა, გონჩარენკო, იმავე ჩვენებას მისცემენ. დიდი ამბავი, ვაჟკაცად გამოგყავთ. გივი თარგამაძე სადისტური ხელისუფლების ერთ-ერთი მნიშვნელოვანი შემადგენელი ნაწილი იყო. კომისიის სხდომაზე მოსვლას თავს არიდებს და რითი ამაყობს? იმით, რომ ჰააგაში ჩვენება მისცა? აბა, რა უნდა ექნა? ისე ამბობს, გეგონება, რუსეთს დაუპირისპირდა, გადაჯეგა. რუსეთს ყველა საშუალება მისცეს, მათ შორის გივი თარგამაძემ იმ ტუტუცური განცხადებებით, რაც აკეთა. იმდენი „იჩალიჩა“, რომ გაერო-ს გენერალური მდივნის მოხსენებაში მოხვდა მისი განცხადება, როგორც ერთ-ერთი ჩამშლელი იმ ფორმატების, რომლებიც 2006 წლამდე წარმატებით მიმდინარეობდა“, – განაცხადა გია ვოლსკიმ.

პატარა ბიჭუნამ ჰკითხა დედას,,რატომ ტირიხარ?,,დედამ კი უპასუხა,,იმიტომ რომ ქალი ვარ,,,,მე არ მესმის,,უპასუხა ბავშვმა,დედა ჩაეხუტა მას და უთხრა,,და ვერც ვერასდროს გაიგებ,,მოგვიანებით ბიჭმა მამას ჰკითხა,,მამი რატომ ტირის დედა ასე ხშირად?,,,,ყველა ქალი ტირის უმიზეზოდ,,უპასუხა მამამ,ეს ყველაფერია რის თქმაც მან შეძლო.ბიჭი გაიზარდა და ამ დრომდე აინტერესებს რატომ ტირიან ხშირად ქალები ბოლოს და ბოლოს მან ღმერთს მიმართა და ჰკითხა,,ღმერთო რატომ ტირიან ქალები ასე ხშირად?,,ღმერთმა უპასუხა,,ქალი განსაკუთრებულია,მე მას საკმარისად ძლიერი მხრები მივეცი რომ მან მთელ მსოფლიოს გაუძლოს,და ამავე დროს საკმაოდ რბილი კომფორტის მისაცემად,მე მას შინაგანი ძალა მივეცი რომ მშობიარობა აიტანოს და უარყოფითი დამოკიდებულება ხშირად შვილისგანაც კი,მე მას სისასტიკე მივეცი რომ მან სვლა განაგრძოს მაშინაც კი როცა ირგვლივ ყველა გაჩერდება და იზრუნოს ოჯახზე წუწუნისა და დაღლის გარეშე,მე მას მგრძნობიარობა მივეცი რომ უყვარდეს თავისი შვილები ნებისმიერ შემთხვევაში მაშინაც კი როცა შვილი მას ტკივილს აყენებს,მე მას ძალა მივეცი რომ ქმარს ემორჩილებოდეს,მე მას სიბრძნე მივეცი,რომ იცოდე რომ კარგი ქმარი არასდროს აწყენიებს და არასდროს მიაყენებს ტკივილს,და ბოლოს მე მას ცრემლი მივეცი და იგი ცრემლს მხოლოდ მაშინ ღვრის როცა ამის აუცილებლობაა,შვილო ჩემო-,,განაგრძობდა ღმერთი,,-ქალის სილამაზე არა მის სხეულსა ან ჩაცმულობაშია,არც მის თმაში,ქალის სილამაზე მის თვალებში უნდა დაინახო იმიტომ რომ მისი თვალები კარია მისი გულისაკენ-იმ ადგილისაკენ სადაც სიყვარული ცხოვრობს... ავტორი: მამა გაბრიელი

„კოალიცია ცვლილებისთვის” ერთ-ერთი ლიდერი ელენე ხოშტარია პარლამენტის წინ შიმშილობას იწყებს. ამის შესახებ მან რუსთაველის გამზირზე განაცხადა.ამასთან, ხოშტარიამ აღნიშნა, "რევოლუცია და გარეთ ქუჩაში ამათი დამხობა არის ერთადერთი გზა".„მე რუსთაველზე გადავწყვიტე მოსვლა იმიტომ, რომ ეს არის ადგილი, სადაც იმართება მთავარი ბრძოლა ჩვენი ქვეყნის და ეს ბრძოლა არის რუსეთთან ბრძოლა. ამ ბრძოლაში ჩვენ გავიარეთ ბევრი ეტაპი. გავიარეთ ეტაპი, როდესაც ვამაყობდით, რომ 300 ათასი ადამიანი ვდგავართ გარეთ და ვართ ძლიერები, გავიარეთ ეტაპი, როდესაც იჭერენ პოლიტიკოსებს, გავიარეთ ეტაპი, როდესაც ჩვენს პოლიტპატიმრებს დედები და მამები უკვდებიან და არიან ციხეში, გავიარეთ მძიმე და საამაყო ეტაპები.ახლა, როდესაც რეჟიმი გადმოვიდა ახალ შეტევაზე და დაიჭირა პრაქტიკულად ყველა პოლიტიკოსი, მე მინდა ჩემი ბრძოლის ახალი ფორმა გამოვაცხადო და ეს ფორმა არ არის ან ემოციური ან გაუაზრებელი, ეს არის გამარჯვებაზე ორიენტირებული ბრძოლა. მე რუსთაველზე ვიწყებ შიმშილობას, არ მოვიცვლი აქედან ფეხს, ეს შიმშილობა არ არის თავგანწირული რაღაც სასოწარკვეთილი ნაბიჯი, ეს არის ძალიან მტკიცე გადაწყვეტილება, რომ თუ თქვენ ვერ ხედავთ სიცოცხლის ფასს, თუ თქვენ ვერ ხედავთ თავისუფლების ფასს, თუ თქვენთვის გიორგი ახობაძის დედის სიკვდილი, ონისე ცხადაძის მამის გარდაცვალება არაფერს ნიშნავს, აგერ არის ჩემი სიცოცხლეც, ჩემი თავისუფლებაც და მაინც ვერ მოგვერევით - ეს არის ჩემი განაცხადი “ქართული ოცნებისთვის”. მეორე განაცხადი ხალხისთვის - რევოლუცია და გარეთ ქუჩაში ამათი დამხობა არის ერთადერთი გზა, ამიტომ, მე ვერავის ვერ ვასწავლი ჭკუას, როდის გამოვიდეს ქუჩაში, მე ვერავის ვერ მოვუწოდებ, რომ ან იშიმშილოს ან ციხეში ჩაჯდეს ან როდის გამოვიდეს, მე მხოლოდ ჩემი მაგალითით შემიძლია ვთქვა, რომ მე ვარ მზად, რომ თავი შევწირო ამ რეჟიმს და შევწირავ!” - განაცხადა ელენე ხოშტარიამ.

სოლიდარობა არის ის მთავარი ღერძი, რის გარშემოც უნდა აიგოს ჩვენი ბრძოლა და რასაც უნდა დაეფუძნოს პროვინციული ტირანიის დამარცხება, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი წერს, „ყველა, ვისაც ივანიშვილი იჭერს, არის პოლიტპატიმარი და უნდა გათავისუფლდეს“.„ახლა ვიღაცები მახსენებენ, მამუკა ხაზარაძეს არ მოსწონდაო, რომ მე, როგორც პატიმარს ვიდეოჩართვების საშუალებას მაძლევდნენ. ჩემი პასუხი ამაზე მარტივია – ამას ახლა არანაირი მნიშვნელობა არ აქვს. მამუკამ და ბადრიმ გამოიჩინეს პრინციპულობა, როცა უარი თქვეს არალეგიტიმურ ორგანოსთან თანამშრომლობაზე და ისინი იმსახურებენ ჩვენს თანადგომას და დაუყოვნებლივ უნდა გათავისუფლდნენ. აღარც იმას აქვს მნიშვნელობა, რომ ჩემი „განაჩენები“ ეფუძნება ირაკლი ოქრუაშვილის ცრუ ჩვენებებს. ის ციხეში ამის გამო კი არ ზის, არამედ სწორი საქციელისთვის და მის მიმართ სოლიდარობა აუცილებელია. ბ.-ნი გახარია დაუშვებლად მიიჩნევს ჩემს გათავისუფლებას, ვინაიდან „ეს გამოიწვევდა დესტაბილიზაციას“. არ მგონია, თვითონ ახლა ძალიან სტაბილურად გრძნობდეს თავს და პირადად მე მსურს, მის მიმართ სოლიდარობა გამოვხატო. მისგან განსხვავებით, მივიჩნევ, რომ ყველა, ვისაც ივანიშვილი იჭერს, არის პოლიტპატიმარი და უნდა გათავისუფლდეს! საერთოდ, სოლიდარობა არის ის მთავარი ღერძი, რის გარშემოც უნდა აიგოს ჩვენი ბრძოლა და რასაც უნდა დაეფუძნოს პროვინციული ტირანიის დამარცხება. ისიც ფაქტია, თავის დროზე ივანიშვილს ჩემი დაჭერა რომ გაუვიდა, ამან ხელი გაუხსნა დღევანდელი მასობრივი რეპრესიებისთვის“, – წერს მიხეილ სააკაშვილი.

გარედან მუდმივი რყევის ფონზე ვიღაცებმა ჩათვალეს, რომ სახელმწიფო იყო დასუსტებული და გადაწყვიტეს, ეძალადათ სახელმწიფოზე. მათ შორის ამის გამოვლინება იყო ნოემბერ-დეკემბრის მოვლენებიც. რატომღაც ძალიან ბევრი სუბიექტი იყო დიდ გულზე ჩვენს სახელმწიფოსთან, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.ირაკლი კობახიძის თქმით, საქართველოს ხელისუფლება არ დაუშვებს თვითნებობას და ძალადობას ქართული სახელმწიფოს წინააღმდეგ, არც ქვეყნის შიგნიდან, არც ქვეყნის გარედან.„მინდა, შევეხო ერთ მნიშვნელოვან საკითხს. გარედან მუდმივი რყევის ფონზე ვიღაცებმა ჩათვალეს, რომ სახელმწიფო იყო დასუსტებული და გადაწყვიტეს, ეძალადათ სახელმწიფოზე. მათ შორის ამის გამოვლინება იყო ნოემბერ-დეკემბრის მოვლენებიც. რატომღაც ძალიან ბევრი სუბიექტი იყო დიდ გულზე ჩვენს სახელმწიფოსთან. ჩვენ ვხედავდით მცდელობებს, რომ გარედან დაესუსტებინათ სახელმწიფო ინსტიტუტები, ფარული დაფინანსებით გაეკეთებინათ ეს ყველაფერი, გარე ფარული დაფინანსებით ცდილობდნენ, შეერყიათ ჩვენი ეკლესიის რეპუტაცია, აფინანსებდნენ ლგბტ პროპაგანდას, პოლიტიკურ აქციებს და ა.შ. ეს ყველაფერი ხდებოდა ჩვენი ქვეყნის მოსახლეობისგან ფარულად. რატომღაც გადაწყვიტეს, რომ ეს ყველაფერი გაუვიდოდათ და ეს ყველაფერი იქნებოდა შესაძლებელი.თქვენ გახსოვთ ასევე, მაგალითად, პირდაპირ უხეში ჩარევა სასამართლოს დამოუკიდებლობაში. არაერთი ჩარევა, მაგრამ მინდა, გაგახსენოთ ერთი კონკრეტული ფაქტი, როდესაც ჩვენი მართლმსაჯულების სისტემის კონკრეტული მოსამართლე დაიბარა ერთ-ერთი საელჩოს წარმომადგენელმა და მოსთხოვა ანგარიში კონკრეტულ საქმესთან დაკავშირებით. პირდაპირ დაარღვია საქართველოს კონსტიტუცია, ვენის კონვენცია, დაარღვია და ფეხქვეშ გათელა სამართლის და დიპლომატიური ურთიერთობების ყველა პრინციპი.ამის შემდეგ თქვენ ისიც გახსოვთ, რომ ამ საქმეზე სტრასბურგის სასამართლომაც გამოიტანა გადაწყვეტილება და მან თავიდან ბოლომდე სამართლიანად ცნო ქართველი მოსამართლის გადაწყვეტილება, თუმცა ბოდიშიც არავის მოუხდია. ვიღაცამ ჩათვალა, რომ შეიძლება, ასე მოეპყრას ქართულ სახელმწიფოს. ჩათვალეს, რომ სახელმწიფო იყო დასუსტებული და ასე უდიერად ეპყრობოდნენ ჩვენს სახელმწიფოებრიობას და კონკრეტულად მართლმსაჯულების დამოუკიდებლობას.ვიღაცამ ჩათვალა, რომ უცხოელს შეეძლო, გარედან დაეწერა ჩვენთვის კანონები. მე მახსოვს, სულ რაღაც ორი-სამი წლის წინ როგორ ისხდნენ უცხოელები, მათ შორის დიპლომატები, რომლებსაც არავითარი შეხება არ შეიძლება ჰქონდეთ კანონმდებლობასთან და კანონშემოქმედებასთან. მაგიდის გარშემო ისხდნენ და ჩვენთან ერთად, ხშირად ჩვენი გვერდის ავლით წერდნენ კანონებს და თავს გვახვევდნენ კანონებს. ვიღაცამ ჩათვალა, რომ სახელმწიფო დასუსტებულია და შეიძლებოდა, ასე მოქცეოდნენ ქართულ სახელმწიფოს.ასევე, მე მახსოვს, როგორ გვკარნახობდნენ გარედან, ვინ უნდა დარჩენილიყო, მაგალითად, შს მინისტრად და ვინ – არა. ასეთი ფაქტებიც იყო გარკვეული პერიოდის განმავლობაში. ჩათვალეს, რომ შეიძლებოდა, შეურაცხყოფა მიეყენებინათ პოლიციელისთვის, ხელი გაერტყათ პოლიციელისთვის და ეს უნდა ყოფილიყო მისაღები მოვლენა. ჩათვალეს, რომ ვიღაცას, შეიძლებოდა, არ ეღიარებინა საპარლამენტო არჩევნების შედეგები, პარლამენტი, არ შემოსულიყო ქვეყნის საკანონმდებლო ორგანოში და ამის საფუძველზე ჩვენ უნდა დაგვეწყო მოლაპარაკებები და ხელი უნდა მოგვეწერა თავს მოხვეულ ანტიკონსტიტუციურ შეთანხმებაზე. ჩათვალეს, რომ დასუსტებული იყო სახელმწიფო და ასე შეიძლებოდა მოქცეოდნენ ჩვენს სახელმწიფოს.ვიღაცებმა ჩათვალეს, რომ როდესაც ასაშენებელი იყო ქვეყნისთვის სტრატეგიულად მნიშვნელოვანი ჰიდროელექტროსადგური, ვიღაცები, შეიძლება, გამოსულიყვნენ და არ დაეშვათ ეს ყველაფერი. ჩათვალეს, რომ საკმარისად ძლიერი არ იყო სახელმწიფო. ვიღაცებმა, არასწორმა ადამიანებმა – უცხოელებმა, ქართველებმა – მიიჩნიეს, რომ გარე რყევების საფუძველზე სახელმწიფო იყო დასუსტებული და სახელმწიფოს, შეიძლებოდა, დაპირისპირებოდნენ. ჩვენ დღეს გვაქვს სრულიად ახალი რეალობა. ჩვენ არავითარ შემთხვევაში არ დავუშვებთ თვითნებობას და ძალადობას ქართული სახელმწიფოს წინააღმდეგ, არც ქვეყნის შიგნიდან და არც ქვეყნის გარედან“, – განაცხადა ირაკლი კობახიძემ.