სალომე სამადაშვილი: სადავო მოსამართლეების უვადოდ გამწესება ხელისუფლების ინტერესებში შედიოდა

აშშ-მა უკრაინას 15-წლიანი უსაფრთხოების გარანტიები შესთავაზა, თუმცა კიევი უფრო ხანგრძლივ ვადას ითხოვს, – ამის შესახებ განცხადება უკრაინის პრეზიდენტმა, ვოლოდიმირ ზელენსკიმ გააკეთა.მიუნხენის უსაფრთხოების კონფერენციის ფარგლებში ზელენსკიმ თქვა, რომ ამერიკელ სენატორებთან შეხვედრისას აშშ-თან შესაძლო შეთანხმება განიხილა.„ჩვენ ძალიან გვინდა უსაფრთხოების გარანტიების ვადის გაზრდა, რათა ისინი ინვესტორებისთვის უფრო ეფექტიანი იყოს. ახლახან გვქონდა შეხვედრა ინვესტორებთან, ბიზნესთან, და მათთვის საჭიროა გარანტიები, რომლებიც ხუთ, ათ წელზე მეტხანს იმოქმედებს და ასე შემდეგ. დღეს ამერიკული მხარისგან გვაქვს წინადადება 15-წლიან გარანტიებთან დაკავშირებით. ჩვენ გვინდა 20 წელი და მეტი: 30, 50. რას დათანხმდება აშშ-ს ადმინისტრაცია და კონგრესი, ამას ვნახავთ“, –  განაცხადა ზელენსკიმ.უკრაინა ამტკიცებს, რომ ომის შეწყვეტის შესახებ ნებისმიერი შეთანხმების შემთხვევაში მან უნდა მიიღოს აშშ-სა და სხვა დასავლელი მოკავშირეებისგან სანდო უსაფრთხოების გარანტიები, რათა რუსეთის მხრიდან ხელახალი შეჭრა შეუძლებელი გახდეს.მანამდე ზელენსკი აცხადებდა, რომ აშშ-თან უსაფრთხოების გარანტიების შეთანხმება „100 პროცენტით მზადაა“, თუმცა ამ კვირაში აღიარა, რომ მისი ზოგიერთი პუნქტი კვლავ შეუთანხმებელია.გამოცემა „პოლიტიკოს“ წყაროების ცნობით, აშშ არ აპირებს ამ შეთანხმების ხელმოწერას, ვიდრე უკრაინა რუსეთთან ომის დასრულების პირობებზე შეთანხმებას არ მიაღწევს.

გაშვილებული ბავშვების მამების 80 პროცენტმა არ იცოდა, რომ შვილები ჰყავდათ - ამბობს ჟურნალისტი თამუნა მუსერიძე პოდკასტში „მამების დრო“.ის იხსენებს ერთ კონკრეტულ შემთხვევას. „ძმებმა გაშვილებული და იპოვეს, მოჰკიდეს ხელი ამ უფროს დას და ჩაუყვანეს კახეთში მამას. მწვადებს წვავდა ეს კაცი, უყვებიან შვილები დის პოვნის ამბავს, მიკროინფაქტი დაემართა ამ კაცს. და შემდეგ ჰკითხა ქალს, არც შვილი მყავდა, არც ცოლი მყავდა მაშინ, გეთქვა იქნებ მომყავდი ცოლადო. მაგრამ ქალებს იმდენად დიდი უნდობლობა ჰქონდათ კაცების მიმართ და ეგონათ, რომ ცოლად არ მოიყვანდნენ, არც მოიყვანდნენ ალბათ, მაგრამ ჩემი აზრით მაინც უნდა ეთქვათ, რომ აი შენგან ორსულად ვარ, რომ შემდეგ ერთად რამე გადაწყვეტილება მიეღოთ“ - ამბობს თამუნა მუსერიძე.

ლიუბლიანაში ევროპის ღია პირველობა მიმდინარეობს. ტურნირზე ბრინჯაოს მედალი მოიპოვა მარიამ ჭანტურიამ (-78 კგ).ბრინჯაოს მედლისთვის შეხვედრაში მან ბელგიელი ვიკი ვერხერი დაამარცხა. მანამდე მან ესპანელ, მონღოლ ძიუდოისტებს სძლია, თუმცა, ნახევარფინალი ფრანგ ემა ფეილეტ-ნგუიმგოსთან დათმო.

ჩვენი მთავარი ამოცანა იყო, რომ სახელმწიფო უნივერსიტეტებში რაოდენობები გადაგვენაწილებინა სწორედ შრომის ბაზრის მოთხოვნების შესაბამისად, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ ეთერში, უმაღლესი განათლების რეფორმასთან დაკავშირებით გამართულ დებატებზე განაცხადა.პრემიერის თქმით, სავალდებულო წესით აისახა ეს ყველაფერი შესაბამის კვოტებში და ეს იყო მთავარი ამოცანა.„რაც შეეხება კვლევის მასშტაბს, გამსხვილებული სპეციალობების მიხედვით ჩატარდა კვლევა. დაახლოებით 40 ერთეული იყო, ალბათ. მაგალითად, სამართალი იყო ერთი მიმართულება, ეკონომიკა, ბიზნესის ადმინისტრირება, ტურიზმი იყო ჩაშლილი მეორე მიმართულებაში.  ჩვენი მთავარი ამოცანა იყო, რომ სახელმწიფო უნივერსიტეტებში რაოდენობები გადაგვენაწილებინა სწორედ შრომის ბაზრის მოთხოვნების შესაბამისად. შესაბამისად, სავალდებულო წესით აისახა ეს ყველაფერი შესაბამის კვოტებში, ეს იყო მთავარი ამოცანა. რატომ იყო საჭირო, ეს რომ განვიხილოთ. აქ აღინიშნა, რომ ადრე თვითონ საზღვრავდნენ დამოუკიდებლად, მთლიანად უნივერსიტეტები, მათ შორის, სახელმწიფო უნივერსიტეტები, თავიანთ კვოტებს და რაოდენობებს. პრობლემა ამაში იყო ზუსტად, ამიტომ მივიღეთ ჩვენ  3 600 იურისტი, როდესაც გვჭირდება 700 და 2 900 ჩარიცხულ სტუდენტს ვწირავთ იმისათვის, რომ დიპლომს ვერ გამოიყენებენ. ეს არის სახელმწიფოს პასუხისმგებლობა, რომ საკუთარი მოქალაქე, ახალგაზრდა არ გაწიროს იმისათვის, რომ მიიღებს 4-წლიან თუ 6-წლიან განათლებას და მერე დარჩება უსარგებლო დიპლომის პირობებში. ეს არის სახელმწიფოს პასუხისმგებლობა.რაც შეეხება კონკრეტულ შემთხვევებს, გამომდინარე იქიდან, რომ შრომის ბაზრის ანალიზი მოიცავდა გამსხვილებულ სპეციალობებს, ასე ვერ ჩაღრმავდებოდა, ბუნებრივია. თუ რაიმე ხარვეზი გაიპარა, ეს შეიძლება მომხდარიყო უშუალოდ შესაბამისი სამართლებრივი აქტის მომზადების დროს, რაც ნორმალური ამბავია, იმიტომ, რომ საკმაოდ რთული პროცესი იყო. მზად ვართ, თითოეულ პუნქტთან დაკავშირებით, თუ სადმე არის ხარვეზი, სადმე არის მოსამატებელი, შესამცირებელი. აქ არ ვსაუბრობ ერთი ქალაქი – ერთი ფაკულტეტის პრინციპზე, ვსაუბრობ კონკრეტულ სპეციალობებზე. თუ აცხადებთ, რომ კონკრეტული მიმართულებით, საჭიროა არა 5-ის მიღება, არამედ 20-ის მიღება, მზად ვართ თითოეულ ასეთ პუნქტთან დაკავშირებით განვიხილოთ ხარვეზი, გამოვასწოროთ. ეს არის ჩვენი ღიაობა, რაც კიდევ ერთხელ შემიძლია დავაფიქსირო.რაც შეეხება მეცნიერებას. ერთი კონკრეტული მიმართულება ეძღვნება კონცეფციაში მეცნიერების მიმართულებას. აქაც ძალიან სერიოზული გამოწვევებია. შეგვიძლია, ერთად ავიღოთ სადოქტორო დისერტაციები, სხვადასხვა უნივერსიტეტში დაცული, შეგვიძლია, საერთაშორისო ექსპერტები მოვიყვანოთ და ვნახოთ, რამდენი პროცენტი შეესაბამება საერთაშორისო სტანდარტებს. მგონია, რომ 10%-იანიც არ იქნება მაჩვენებელი. ამაში ვარ დარწმუნებული. შესაბამისად, ჩვენ ვფიქრობთ, რომ მეცნიერის მიმართულების გაძლიერება და მეცნიერების მეტი ინტეგრაციის უზრუნველყოფა საუნივერსიტეტო სისტემასთან და სწავლების სისტემასთან, არის პრინციპულად მნიშვნელოვანი იმისათვის, რომ თვისებრივად გაუმჯობესდეს კვლევის ხარისხი ჩვენს უნივერსიტეტებში. ეს არის ერთ-ერთი უმნიშვნელოვანესი მიმართულება, რასაც ცალკე ყურადღება ეთმობა კონცეფციაში.რაც შეეხება ბაკალავრიატი-მაგისტრატურის  თანაფარდობას, საერთო თანაფარდობა, რამდენადაც ვიცი, არსებითად არ შეცვლილა. თანაფარდობა საერთო იგივეა, შეიძლება, კონკრეტული სპეციალობების მიხედვით იყოს გადახრები, მაგრამ საერთო თანაფარდობა შეესატყვისება იმ თანაფარდობას, რომელიც მანამდე იყო განსაზღვრული. ვგულისხმობ, საერთო თანაფარდობას. თქვენ გვითხარით, რომ ჩვენ შევცვალეთ თითქოს თანაფარდობა და გეუბნებით, რომ არ შეგვიცვლია. საერთო თანაფარდობა დარჩა იგივე, რაც შეეხება კონკრეტულ მიმართულებებს, არსებითად გათვალისწინებული იქნა ამ სამართლებრივი აქტის მომზადების დროს ის თანაფარდობები, რომლებიც მანამდე იყო. სადმე რაიმე თუ შეიცვალა, ან თუ სადმე რამე ხარვეზს ხედავთ, აქაც, მზად ვართ, რომ სათითაოდ განვიხილოთ და გავასწოროთ.შრომის ბაზრის ანალიზს რაც შეეხება, გამსხვილებული სპეციალობები სერიოზული და არსებითი პრობლემა იყო და ამ პრობლემის აღმოფხვრას, გამოსწორებას ემსახურებოდა შრომის ბაზრის ანალიზი”, – განაცხადა პრემიერმა.

დამაკავშირებელი პროექტები და დერეფნები კიდევ უფრო გაგვაერთიანებს, ურთიერთდამოკიდებულს გაგვხდის, შექმნის სრულიად ახალ სიტუაციას სამხრეთ კავკასიაში, სადაც აზერბაიჯანი, საქართველო და სომხეთი საბოლოოდ დაიწყებენ სამმხრივ საფუძველზე თანამშრომლობას, – ამის შესახებ აზერბაიჯანის პრეზიდენტმა, ილჰამ ალიევმა მიუნხენის უსაფრთხოების კონფერენციაზე განაცხადა.მისივე თქმით, გასულ წელს აზერბაიჯანის გავლით რეკორდული რაოდენობის სატრანზიტო ერთეული გავიდა, რაც დასავლეთს აღმოსავლეთთან აერთიანებს და რეგიონისთვის მეტი სარგებელი მოაქვს.„აზერბაიჯანის ევროპასა და აზიას შორის მდებარეობა უპირატესობაა, მაგრამ ფიზიკური ინფრასტრუქტურის გარეშე ამას დიდი მნიშვნელობა არ აქვს. ასე რომ, გასულ წელს აზერბაიჯანის გავლით რეკორდული რაოდენობის სატრანზიტო ერთეული გავიდა, 100,000-ზე მეტი. რამდენიმე წელიწადში კი ეს რიცხვი 200 000-მდე და 300 000-მდეც კი გაიზრდება. სომხეთთან მშვიდობის მიღწევის შემდეგ ვფიქრობთ ახალ შესაძლებლობებზე. დერეფანს, რომელიც აზერბაიჯანიდან სომხეთში და შემდეგ ევროპული დანიშნულების ადგილამდე მიდის, ასევე დიდი პოტენციალი აქვს ტვირთების მოცულობის თვალსაზრისით.აზერბაიჯანი, რომელმაც ტერიტორიული მთლიანობა აღიდგინა, ინვესტირებას ახდენს რკინიგზის მშენებლობაში. ასაშენებელი და განახლებული რკინიგზის საერთო სიგრძე 600 კილომეტრია. როგორც კი ეს დასრულდება, ჩვენ გვექნება შუა დერეფნის ორი გაფართოება აზერბაიჯანში და ეს სასარგებლო იქნება დასავლეთისთვის, აღმოსავლეთისთვის და, რა თქმა უნდა, სამხრეთ კავკასიაში მდებარე ქვეყნებისთვის“, – განაცხადა აზერბაიჯანის პრეზიდენტმა.მისივე თქმით, სამხრეთ კავკასიის ქვეყნების გავლით მნიშვნელოვანი სატრანზიტო გადაზიდვები ხდება, რაც რეგიონს უფრო მეტად ურთიერთდამოკიდებულს და გაერთიანებულს გახდის.„ჩვენ მოვხსენით აზერბაიჯანის გავლით ტვირთების გადაზიდვაზე ყველა შეზღუდვა. მადლიერი ვართ ჩვენი ქართველი მეგობრების, რომ უზრუნველყოფენ ძალიან მნიშვნელოვან ტრანზიტს მას შემდეგ, რაც საქონელი საქართველოს გავლით აზერბაიჯანიდან სომხეთში ჩავა. ასევე დავიწყეთ ნავთობპროდუქტების მიწოდება სომხეთისთვის, რაც მათთვის კრიტიკულად მნიშვნელოვანი პროდუქტია და ამით ფაქტობრივად დავიწყეთ ორმხრივი ვაჭრობა. დამაკავშირებელი პროექტები და დერეფნები კიდევ უფრო გაგვაერთიანებს, ურთიერთდამოკიდებულს გაგვხდის, შექმნის სრულიად ახალ სიტუაციას სამხრეთ კავკასიაში, სადაც აზერბაიჯანი, საქართველო და სომხეთი საბოლოოდ დაიწყებენ სამმხრივ საფუძველზე თანამშრომლობას“, – განაცხადა ალიევმა.