რამდენიმე დღის წინ, ცნობილი გახდა, რომ „ბლექროკმა“ შეიძინა „საქართველოს ბანკის“ აქციები, გუშინ ვიგებთ, რომ ბანკმა რუს კლიენტებს შეუზღუდა თანხის დახარჯვა – თვითნებურად ამ ნაბიჯის გადადგმა არის ანტიქართული საქმე – ილია ინჯია

შინაგან საქმეთა სამინისტრომ, გრიგოლ გეგელიაზე თავდასხმის ფაქტზე, გამოძიება  სისხლის სამართლის კოდექსის 126-ე, ძალადობის მუხლით დაიწყო.ამის შესახებ უწყებაში „პრაიმტაიმს“ განუცხადეს.მანამდე, “ლელო - ძლიერმა საქართველომ” გაავრცელა ინფორმაცია, რომ გრიგოლ გეგელიას თავს დაესხნენ."დღეს “ლელო - ძლიერი საქართველოს” საგარეო მდივანზე, გრიგოლ გეგელიაზე, საცხოვრებელ სახლთან თავდასხმა მოხდა.გეგელიას პირველადი სამედიცინო დახმარება ადგილზე სასწრაფო დახმარების ჯგუფმა აღმოუჩინა. შემთხვევის ადგილზე შსს თანამშრომლები მუშაობენ.“ლელო-ძლიერი საქართველო” შინაგან საქმეთა სამინისტროსგან მომხდარის დაუყოვნებლივ გამოძიებასა და თავდამსხმელის დასჯას მოითხოვს.პოლიტიკოსზე განხორციელებულ თავდასხმაზე სრული პასუხისმგებლობა დაეკისრება “ქართულ ოცნებას” - როგორც პოლიტიკური ოპონენტების მიმართ სიძულვილის წამხალისებელსა და კრიმინალების მფარველ ძალას,"- აღნიშნულია “ლელო - ძლიერი საქართველოს” განცხადებაში.

ჩვენ ძალიან კარგად შევხედეთ, რომ ეს მათი ვითომ ერთიანობა, რა თქმა უნდა, არის მოჩვენებითი, - განაცხადა გადაცემა „დღის ქრონიკაში“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, ზვიად შალამბერიძემ რადიკალებთან დაკავშირებით.მისივე თქმით, მათ შორის ყველა ლიდერი ცდილობდა, რომ თავის ინტერესებზე მოერგო პარტიული სიები იქნებოდა, ერთიანი სიები იქნებოდა თუ რაც იქნებოდა.„რამდენიმე თვით უკან გადავინაცვლოთ. ის მოჩვენებითი ერთობა და ერთიანობა რაც თითქოს წინასაარჩევნოდ შარშან დაიწყეს ოპოზიციურმა პარტიებმა. ჩვენ ძალიან კარგად შევხედეთ, რომ ეს მათი ვითომ ერთიანობა, რა თქმა უნდა, არის მოჩვენებითი. მათ შორის ყველა ლიდერი ცდილობდა, რომ თავის ინტერესებზე მოერგო პარტიული სიები იქნებოდა, ერთიანი სიები იქნებოდა თუ რაც იქნებოდა. შესაბამისად, აქედან გამომდინარე მივიღეთ ის მოცემულობა, რომ მაინც ცალ-ცალკე მოუწიათ გასვლა არჩევნებზე და ცალ-ცალკე მიიღო მონაწილეობა ოთხმა პარტიამ, რომლებმაც გადალახეს ბარიერი. ეს მათი ერთობა არის მოჩვენებითი. შესაბამისად, ის ფაქტიც, რომ ესენი ერთიანი ვერ იქნებოდნენ თავიანთ გადაწყვეტილებებში, რომ არავინ გადაიხდიდა გირაოს, ყველა ერთიანად გამოუცხადებდა ბოიკოტს და ა.შ. ესეც არ იყო ჩვენთვის მოულოდნელი. თავიდან ბოლომდე ველოდით, რომ ასეთი ქაოსური გადაწყვეტილებები იქნებოდა მათ მიერ მიღებული. დასტურდება კიდეც იმით, რომ ამ შემთხვევაში სამმა პარტიამ გადაწყვიტა არ შემოსულიყო პარლამენტში, ერთმა ჯერჯერობით ვერ გადაწყვიტა შემოვა თუ არა. ორმა პარტიამ გადაწყვიტა, რომ ვითომ მიიღოს თვითმმართველობის არჩევნებში მონაწილეობა 4 ოქტომბერს, დანარჩენები თითქოს არ ფიქრობენ მიღებას, მაგრამ ამავე დროს რეგიონებში დადიან და შესაბამისად, რაღაც საფუძველს ამზადებენ იმისთვის, რომ მონაწილეობა მიიღონ არჩევნებში. თან აღიარებენ, თან არ აღიარებენ. ნამდვილად არ იყო მოულოდნელი, რომ ეს ასე იქნებოდა. შესაბამისად, ეს არის სწორედ იმის მანიშნებელი, რომ მათი ერთიანობა არის ილუზია და მათი ერთიანობა არის რეალურად ის, რაც ვერასდროს განხორციელდება. აქედან არის გამომდინარე ზუსტად მათი გადაწყვეტილებები, რომ ზოგი იხდის გირაოს, ზოგი არ იხდის და ა.შ.“, - აღნიშნა ზვიად შალამბერიძემ.

დიდი ბრიტანეთის, ესპანეთისა და ნიდერლანდების მონარქები საქართველოს პრეზიდენტ მიხეილ ყაველაშვილს ქვეყნის დამოუკიდებლობის დღეს ულოცავენ. ინფორმაციას ამის შესახებ მთავრობის ადმინისტრაცია ავრცელებს.გაერთიანებული სამეფოს მეფე ჩარლზ მესამე მისალოც წერილში საქართველოს მოქალაქეებს მშვიდობას, კეთილდღეობასა და წარმატებას უსურვებს.„ჩემს მეუღლესთან ერთად გულწრფელად გილოცავთ ამ ღირსშესანიშნავ დღეს თქვენ და ქართველ ხალხს. ვიმედოვნებ, რომ ჩვენს ქვეყნებს შორის არსებული მეგობრობა და მტკიცე პარტნიორობა მომავალშიც გაგრძელდება და გაღრმავდება. ჩვენი ოჯახისთვის პატივია საქართველოს თითოეულ მოქალაქეს მშვიდობა, კეთილდღეობა და წარმატება ვუსურვოთ“, – ნათქვამია ჩარლზ მესამის მისალოც წერილში.ესპანეთის მეფე ფილიპე მიხეილ ყაველაშვილს პირად კეთილდღეობას, ხოლო საქართველოს მოსახლეობას მშვიდობასა და წინსვლას უსურვებს.„საქართველოს ეროვნული დღესასწაულის აღსანიშნად, მსურს ესპანეთის ხელისუფლებისა და ესპანელი ხალხის მილოცვა გადმოგცეთ. ბატონო პრეზიდენტო, მიიღეთ ჩემი საუკეთესო სურვილები, როგორც პირადი კეთილდღეობის, ასევე საქართველოს ძვირფასი მოსახლეობის მშვიდობისა და წინსვლისათვის“, – ნათქვამია მეფე ფილიპეს მისალოც წერილში.ნიდერლანდების მეფე ვილემ-ალექსანდერ კლაუს გეორგ ფერდინანდმა მიხეილ ყაველაშვილს საუკეთესო სურვილები გადასცა საქართველოს მოსახლეობის კეთილდღეობისთვის.„საქართველოს ეროვნული დღესასწაულის აღსანიშნავად, გთხოვთ მიიღოთ ჩემი საუკეთესო სურვილები საქართველოს მოსახლეობის კეთილდღეობისათვის,“ – ნათქვამია ნიდერლანდების მეფის მისალოც წერილში.

ესპანეთის დედაქალაქ მადრიდში ხმლით მოფარიკავე სენიორებს შორის მსოფლიოს თასი Villa de Madrid-ი მიმდინარეობს. ფინალში, სანდრო ბაზაძემ თურქი სპორტსმენი დაამარცხა და ჩემპიონობა იზეიმა.ფინალურ შეხვედრამდე მან იტალიელი, რუმინელი, ჩინელი და ფრანგი მოწინააღმდეგეები დაამარცხა, ნახევარფინალში კი კორეელ მეტოქეს 15:13 სძლია.სპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.

საქართველოს სახელმწიფო უსაფრთხოების სამსახურმა კომპლექსურად გატარებული საგამოძიებო და ოპერატიულ-სამძებრო ღონისძიებების შედეგად, მოქალაქის საცხოვრებელი სახლიდან სხვადასხვა სახის ასაფეთქებელი და საბრძოლო მასალა ამოიღო.სუს-ის ინფორმაციით, გადაუდებელი ჩხრეკა მიღებული ოპერატიული ინფორმაციის საფუძველზე ჩატარდა.გამოძიებას სახელმწიფო უსაფრთხოების სამსახურის კონტრდაზვერვის დეპარტამენტი აწარმოებს, რომლის ფარგლებში ინტენსიურად მიმდინარეობს ყველა აუცილებელი ოპერატიული სამძებრო ღონისძიება.