პიტერ სიიარტო – ევროკავშირის მიდგომა საქართველოს მთავრობისადმი უსამართლოა, ბრიუსელში სძულთ ყველა პატრიოტი მთავრობა, არჩევნების შედეგები არ მოერგო მათ გემოვნებას და ნათელი იყო, რომ შეტევა დაიწყებოდა

საზოგადოებრივი უსაფრთხოების მართვის ცენტრი (112) მოსახლეობას აფრთხილებს.„გაცნობებთ, რომ დასავლეთ საქართველოში 27 თებერვლამდე შენარჩუნდება რთული მეტეოროლოგიური პირობები. მოსახლეობას მოვუწოდებთ სიფრთხილისკენ“, - ნათქვამია მოკლე ტექსტურ შეტყობინებაში, რომელსაც 112 აგზავნის.

თბილისის საქალაქო სასამართლომ თანაინვესტირების ფონდის ყოფილ გენერალურ დირექტორს, გიორგი ბაჩიაშვილს აღკვეთის ღონისძიების სახით 50 000-ლარიანი გიორაო შეუფარდა.პროკურატურამ გიორგი ბაჩიაშვილს „მტკვარი ჰესის“ საქმესთან დაკავშირებით, სამსახურებრივი მოვალეობის შეუსრულებლობის ფაქტზე ბრალდება დღეს წარუდგინა.პროკურატურის ინფორმაციით, გიორგი ბაჩიაშვილი არაჯეროვნად ასრულებდა მისდამი დაკისრებულ მოვალეობას და არც „მტკვარი ჰესის“ მშენებლობის დაწყებისას და არც შემდგომ პერიოდში, არ მიიღო შესაბამისი და აუცილებელი ზომები იდენტიფიცირებული რისკების თუ საფრთხეების აღმოსაფხვრელად, რაც ჰესის მშენებლობის პროცესს უკავშირდებოდა.„შედეგად, „მტკვარი ჰესის“ საინვესტიციო მოცულობა და ექსპლუატაციაში შესვლის პერიოდი შეუსაბამოდ გაიზარდა, რაც ნეგატიურად აისახა პროექტის მომგებიანობაზე და მისი საინვესტიციო ღირებულება დაახლოებით 100 მილიონი ამერიკული დოლარით – 240 მილიონ ამერიკულ დოლარამდე გაიზარდა. საგულისხმოა ის ფაქტიც, რომ, მიუხედავად კოლოსალური დანახარჯებისა, ჰესი ექსპლუატაციაში დღემდე არ შესულა, შედეგად კი, არსებითად დაზიანდა ინვესტორის კანონიერი ინტერესები“, – აღნიშნულია პროკურატურის ინფორმაციაში.გიორგი ბაჩიაშვილს ბრალი საქართველოს სსკ-ის 2201-ე მუხლის მეორე ნაწილით წარედგინა, რაც სპეციალური უფლებამოსილების მქონე პირის მიერ სამსახურებრივი მოვალეობის შეუსრულებლობას ან არაჯეროვნად შესრულებას გულისხმობს, რამაც მძიმე შედეგი გამოიწვია. წარდგენილი ბრალდება სასჯელის სახედ და ზომად 2-დან 5 წლამდე თავისუფლების აღკვეთას ითვალისწინებს.

საქართველოს პრემიერ-მინისტრი ირაკლი კობახიძე მინისტრთა კაბინეტის წევრებთან ერთად, გურიის რეგიონში ჩავიდა. ამ წუთებში საქართველოს მთავრობის მეთაური ოზურგეთში, გურიის მხარეში სახელმწიფო რწმუნებულის ადმინისტრაციაში საკოორდინაციო შტაბთან შეხვედრას მართავს.მთავრობის მეთაური დიდთოვლობის შედეგად გამოწვეულ პრობლემებსა და იმ ღონისძიებებს ეცნობა, რომელსაც სხვადასხვა უწყების წარმომადგენლები მოსახლეობის დახმარების მიზნით ახორციელებენ.მოსახლეობის დასახმარებლად მობილიზებულია მაქსიმალური ადამიანური რესურსი, ასევე მძიმე ტექნიკა. ინტენსიურად იწმინდება გზები. პრემიერ-მინისტრის ბრძანებით, დიდთოვლობით გამოწვეული პრობლემების მაქსიმალურად მოკლე ვადებში აღმოსაფხვრელად, პროცესში ჩაერთო თავდაცვის ძალები.

ხულოს მუნიციპალიტეტში, მეხანძრე მაშველებმა და ექიმებმა, ადგილობრივ ხასან ჩოგაძეს გადაუდებელი დახმარება გაუწიეს და მისი სიცოცხლე გადაარჩინეს.დიდთოვლობის მიუხედავად, სწრაფი რეაგირების გამო, ინგა შავაძე ხულოს სახანძრო სამაშველო სამსახურსა და ადგილობრივ მედპერსონალს მადლობას უხდის და ფოტოებს სოციალურ ქსელში ავრცელებს.„მადლობა იმდენად უმნიშვნელოა დღევანდელი გადარჩენილი სიცოცხლისთვის... მადლობას ვუხდი, პირველ რიგში, ხულოს სახანძრო სამაშველოს უფროსს ბატონ ლევან დეკანაძეს და მის გმირ ბიჭებს. თქვენი დამსახურებაა დღევანდელი სიცოცხლის გაგრძელება... მადლობა და უდიდესი მადლიერება ექიმებს, შორენა ბოლქვაძეს და ირაკლი სურმანიძეს. თქვენ ჩვენი იმედი ხართ. დროულად გამოწვდილი ხელისთვის ჩვენი ოჯახის მადლიერება... თქვენი დახმარებით მრავალსულიან ოჯახს აჩუქეთ სიცოცხლის გაგრძელება. მადლობა გმირ მაშველებს და სამაგალითო ექიმების და მედპერსონალის გუნდს. ახლა კარგადაა მეგობრებო“, - წერს ინგა შავაძე სოციალურ ქსელში.

"ხალხის ძალის" წევრი ზურაბ ქადაგიძე სოციალურ ქსელში თოვლით გამოწვეულ პრობლემებთან დაკავშირებით რადიკალური ოპოზიციის რეაქციას ეხმიანება.როგორც მან აღნიშნა, ოპოზიცია სტიქიური უბედურებით, ადამიანური ტრაგედიებითა და საკუთარი ბინძური ეგოს კმაყოფილებით საზრდოობს."რა კავშირი აქვს, რადიკალურ ოპოზიციას და ჩერნობილის სოკოს? ჩერნობილის სოკო - რადიაციითა და გამა გამოსხივებით იკვებება... ოპოზიცია - სტიქიური უბედურებით, ადამიანური ტრაგედიებითა და საკუთარი ბინძური ეგოს კმაყოფილებით საზრდოობს!" - წერს ზურაბ ქადაგიძე.