პარტია „საქართველოსთვის“ ცნობით, საქართველოში ვიზიტით მყოფი ევროპის საბჭოს საპარლამენტო ასამბლეის მონიტორინგის კომიტეტის თანამომხსენებლები გიორგი გახარიას სახლში ეწვივნენ

ხვიჩა კვარაცხელია პსჟ-ში 7 ნომერ მაისურს დაიბრუნებს, რომელიც კილიან მბაპეს ეკუთვნოდა" - ინფორმაციას ამის შესახებ გავლენიანი ფრანგული გამოცემა ლე პარიზიენი ავრცელებს, რომელიც ქართველ ფეხბურთელს საკმაოდ ვრცელ სტატიას უძღვნის. „ხვიჩა კვარაცხელია, რომელიც ჩვენი ინფორმაციით დედაქალაქის გუნდთან კონტრაქტს ხელს ამ პარასკევს მოაწერს, თავის 7 ნომერ მაისურს დაიბრუნებს. ხვიჩა კვარაცხელია ნამდვილად ახალი ვარსკვლავია პსჟ-სთვის. ეს სიმბოლური ნომერია, რადგან მას შემდეგ, რაც გუნდის საუკეთესო ბომბარდირი, კილიან მბაპე გუნდიდან წავიდა, აღარავის უტარებია" - წერს გამოცემა. ამ ნომერს ხვიჩასთვის დიდი დატვირთვა აქვს, რადგან მისი ფავორიტი ფეხბურთელი რონალდუც სწორედ 7 ნომრით თამაშობდა რეალში. მბაპემ 7 ნომერი პარი სენ-ჟერმენში მეორე სეზონში აიღო, თავიდან ის 29-ე ნომრით თამაშობდა. რაც შეეხება თავად ხვიჩას, მან ნაპოლში 2022 წელს, როდესაც ჩავიდა, 77-ე ნომერი აირჩია, რადგან 7 უკვე დაკავებული იყო.

სლოვაკეთის ჩრდილოეთში, სპისკა სტარა ვესის დასახლებაში სკოლის მოსწავლე ორ თანაკლასელსა და მასწავლებელს ცივი იარაღით თავს დაესხა. ინფორმაციას ამის შესახებ „როიტერი“ ავრცელებს. მედიის ცნობით, შემთხვევის შედეგად დაღუპულია ორი ადამიანი. თავდამსხმელი პოლიციამ მალევე დააკავა. ამ დროისთვის უცნობია, არიან თუ არა სხვა დაშავებულებიც. თავდასხმის მოტივი ჯერჯერობით ცნობილი არ არის. შემთხვევის ადგილზე გაემგზავრნენ ქვეყნის შინაგან საქმეთა და განათლების მინისტრები.

ჯო ბაიდენი და კამალა ჰარისი არცხვენდნენ ჩვენს ერს მსოფლიო არენაზე, – ამის შესახებ აშშ-ის რესპუბლიკური პარტია სოციალურ ქსელში წერს. როგორც რესპუბლიკური პარტია წერს, ამერიკას ეყოლება ლიდერი, რომელიც საერთაშორისო პატივისცემით სარგებლობს. „ოთხ დღეში ამერიკას კიდევ ერთხელ ეყოლება ლიდერი, რომელიც საერთაშორისო პატივისცემით სარგებლობს“, – წერს აშშ-ის რესპუბლიკური პარტია.

საქართველოს საკითხებში ევროპის საბჭოს საპარლამენტო ასამბლეის მონიტორინგის კომიტეტის წევრებთან/თანამომხსენებლებთან საინტერესო შეხვედრა მქონდა, – ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს. როგორც მთავრობის მეთაური აღნიშნავს, შეხვედრაზე ერთმანეთს გაუზიარეს მნიშვნელოვანი მოსაზრებები და განიხილეს შემდგომი თანამშრომლობის შესაძლებლობები. „საინტერესო შეხვედრა მქონდა ევროპის საბჭოს საპარლამენტო ასამბლეის მონიტორინგის კომიტეტის წევრებთან/თანამომხსენებლებთან საქართველოს საკითხებში: კლოდ კერნსა და ედიტ ესტრელასთან. შეხვედრაზე ერთმანეთს გავუზიარეთ მნიშვნელოვანი მოსაზრებები და განვიხილეთ შემდგომი თანამშრომლობის შესაძლებლობები. ჩვენი დისკუსია კონცენტრირებული იყო ძირითად საკითხებზე, მათ შორის ჩვენი დემოკრატიული რეფორმის დღის წესრიგსა და ევროპის საბჭოს როლზე საქართველოს ევროპული გზის ფარგლებში“, – წერს პრემიერ-მინისტრი.    

არავინ აპირებს თავს მოხვეული და ნაძალადევი განმეორებითი არჩევნების ჩატარებას, სისულელეა, ასეთ ნაბიჯს არავინ გადადგამს, ერთადერთი მარტივი მიზეზის გამო, რომ კანონიერად ჩატარებულ არჩევნებს განმეორება არ სჭირდება, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა. მისი თქმით, ყველა უნდა შეეგუოს იმ შედეგებს, რა შედეგებიც დაიდო და საქართველოსთან ურთიერთობა გააგრძელოს. „ნულოვანი ღირებულება აქვს სალომე ზურაბიშვილს და ყველა იმ პერსონას, რომელიც მათთან სამომავლო მიზნებზე რაიმე ფორმით კონსულტაციას მართავს. არჩევნები, რომელიც საქართველოში მაღალი სტანდარტით ჩატარდა და ასეთად აღიარებული იყო ეუთო/ოდირის მიერ, რაზეც პროკურატურაში მიმდინარე გამოძიებამ შუალედური დასკვნით დაადასტურა, რომ არანაირ გაყალბებას ადგილი არ ჰქონია, ამ არჩევნების შედეგად შედგა ლეგიტიმური პარლამენტი, ნდობა გამოეცხადა მთავრობას და პროცესი ჩვენს ქვეყანაში მაღალი დემოკრატიულობის ხარისხით მიმდინარეობს. კანონის გვერდის ავლით საკუთარი პოლიტიკური მიზნების მიღწევის „ნაცური“ სურვილები ფიასკოსთვის არის განწირული. არავინ აპირებს თავს მოხვეული და ნაძალადევი განმეორებითი არჩევნების ჩატარებას, რადგან ეს სისულელეა. ასეთ ნაბიჯს, ბუნებრივია, არავინ არ გადადგამს, ერთადერთი მარტივი მიზეზის გამო, რომ კანონიერად ჩატარებულ არჩევნებს განმეორება ნამდვილად არ სჭირდება. ყველა შეეგუოს ამ შედეგებს, რა შედეგებიც დაიდო და საქართველოსთან ურთიერთობა გააგრძელოს“, – განაცხადა დავით მათიკაშვილმა.