პალესტინელი ექიმი შვილიშვილის ცხედარს იბარებს – ხათუნა ხოფერია უმძიმეს ვიდეოს აქვეყნებს

ევროპარლამენტმა საქართველოს შესახებ მიიღო რეზოლუცია სახელწოდებით – „ელენე ხოშტარიას საქმისა და „ქართული ოცნების“ რეჟიმის პოლიტიკური პატიმრების შესახებ“. რეზოლუციას მხარი დაუჭირა 438-მა დეპუტატმა, 37 წინააღმდეგ იყო, 81-მა ევროპარლამენტარმა თავი შეიკავა.როგორც რეზოლუციაშია აღნიშნული, ევროპარლამენტი „მკაცრად გმობს ელენე ხოშტარიასა და ყველა სხვა პირის პოლიტიკურად მოტივირებულ დაკავებას, რომლებიც სამიზნეები გახდნენ სიტყვისა და შეკრების თავისუფლების ან მშვიდობიანი პროტესტის გამოხატვის გამო. ასევე, გმობს „ქართული ოცნების“ რეჟიმის მიერ პოლიტიკური ოპონენტების, ჟურნალისტებისა და აქტივისტების სისტემატურ სისხლის სამართლებრივ დევნას“. ასევე, „გმობს, მიღებული ცნობების თანახმად, დაკავების დროს ხოშტარიას წინააღმდეგ გამოყენებულ დამამცირებელ და არაადამიანურ მოპყრობას. მოითხოვს მისი და ყველა სხვა პირის დაუყოვნებლივ და უპირობო გათავისუფლებას, რომლებიც დაკავებული არიან პოლიტიკურად მოტივირებული მიზეზებით; მოითხოვს მათ წინააღმდეგ პოლიტიკურად მოტივირებული ბრალდებების დაუყოვნებლივ გაუქმებას. ღრმა შეშფოთებას გამოხატავს ყოფილი პრეზიდენტის, მიხეილ სააკაშვილის განგრძობითი დაკავებისა და ჯანმრთელობის მდგომარეობის გაუარესების გამო, რომელიც ოთხ წელზე მეტია, ფაქტობრივად ოლიგარქი ბიძინა ივანიშვილის პოლიტიკური მძევალია“.ამასთან, რეზოლუციის მიხედვით, ევროპარლამენტი „დაკავებული პირების მიმართ არასათანადო მოპყრობისა და ეროვნული კანონმდებლობის ბოროტად გამოყენების ბრალდებების დამოუკიდებელ და გამჭვირვალე გამოძიებას მოითხოვს“.როგორც რეზოლუციაშია აღნიშნული, ევროპარლამენტი მოითხოვს „დემონსტრანტების წინააღმდეგ ქიმიური იარაღის გამოყენების შესახებ სანდო ცნობების დამოუკიდებელ და გამჭვირვალე გამოძიებას. ღრმა შეშფოთებას გამოხატავს საქართველოში რუსეთის, ჩინეთისა და ირანის პოლიტიკური, ეკონომიკური და უსაფრთხოების მზარდი გავლენების გამო, რაც დიდი რაოდენობით კვლევებში დასტურდება. ასევე, შეშფოთებას გამოხატავს მსგავსი კვლევების ავტორების წინააღმდეგ გამოძიების დაწყების გამო, კერძოდ, ჰადსონის ინსტიტუტის კვლევის ავტორის, გიო,რგი კანდელაკის და თინათინ ხიდაშელის წინააღმდეგ. მოუწოდებს საქართველოს ხელისუფლებას, აღადგინოს გამოხატვის თავისუფლება, აკადემიური თავისუფლება და დამოუკიდებელი კვლევის უფლება“.რეზოლუციის მიხედვით, ევროპარლამენტი „მკაცრად გმობს ფუნდამენტური თავისუფლებების, პოლიტიკური აქტივობის, სამოქალაქო პროტესტისა და განსხვავებული აზრის ჩახშობის შემზღუდველი კანონმდებლობის განგრძობად მიღებას. მოუწოდებს საქართველოს ხელისუფლებას, გააუქმოს ეს შემზღუდველი კანონები, შეწყვიტოს წინასწარი პატიმრობის პოლიტიკური რეპრესიების მიზნით გამოყენება და უზრუნველყოს სასამართლო დამოუკიდებლობა და სათანადო სასამართლო პროცესი. პოლიტიკური პატიმრების არსებობა საქართველოს მიერ ასოცირების შეთანხმებით ნაკისრ ვალდებულებებთან შეუთავსებელია“.დოკუმენტის მიხედვით, ევროპარლამენტი „კიდევ ერთხელ ადასტურებს თავის ურყევ მხარდაჭერას ქართველი ხალხისა და მათი დემოკრატიული, ევროპული მომავლის მიმართ. მოუწოდებს ევროკომისიასა და წევრ სახელმწიფოებს, რომ საფრთხის ქვეშ მყოფ ქართველ აქტივისტებს, ჟურნალისტებსა და ოპოზიციის წარმომადგენლებს მხარდაჭერა გაუწიონ და დაცვა აღმოუჩინონ“.ევროპარლამენტი ასევე მოუწოდებს ევროკავშირსა და წევრ სახელმწიფოებს, „დააწესონ მიზნობრივი სანქციები, ასევე, ევროკავშირის ფარგლებში სავიზო აკრძალვა რეჟიმის წარმომადგენლებისა და ხელშემწყობი პირების მიმართ, რომლებიც პასუხისმგებელნი არიან დემოკრატიული ოპოზიციის, დისიდენტების, დემონსტრანტებისა და ჟურნალისტების წინააღმდეგ პოლიტიკურად მოტივირებულ დაკავებებზე, დევნასა და ძალადობაზე“.ამასთან, ევროპარლამენტარები აცხადებენ, რომ „პოლიტპატიმრების არსებობა შეუთავსებელია ევროკავშირ-საქართველოს ასოცირების შეთანხმებით ნაკისრ ვალდებულებებთან. 2025 წლის დეკემბერში პარლამენტმა სახაროვის პრემია აზრის თავისუფლებისთვის მიანიჭა ქართველ ჟურნალისტს, მზია ამაღლობელს, რომელიც ამჟამად საქართველოში პატიმრობაში იმყოფება“.

ფინანსთა სამინისტროს შემოსავლების სამსახურის ხელმძღვანელმა, ირაკლი (დაჩი) ბერაიამ საქართველოში საფრანგეთის რესპუბლიკის საგანგებო და სრულუფლებიან ელჩთან, ოლივიე კურტოსთან გაცნობითი ხასიათის შეხვედრა გამართა. შეხვედრის მსვლელობისას, მხარეებმა საქართველოსა და საფრანგეთს შორის მრავალწლიანი, პარტნიორული ურთიერთობები განიხილეს და თანამშრომლობის შემდგომი გაღრმავების მნიშვნელობაზე ისაუბრეს.შემოსავლების სამსახურსი გამართულ შეხვედრას ესწრებოდნენ საერთაშორისო ურთიერთობათა დეპარტამენტის უფროსი, არჩილ დარახველიძე, ასევე მისი მოადგილე მინდია გრძელიძე და საქართველოში საფრანგეთის საელჩოს ეკონომიკური სამსახურის უფროსი, ჰუგო დებრუა.ინფორმაციას ამის შესახებ ფინანსთა სამინისტროს შემოსავლების სამსახური ავრცელებს

ისრაელში ესპანეთის დიპლომატიური წარმომადგენლობის დონე საქმეთა რწმუნებულის დონემდე დაქვეითდა. პალესტინის სახელმწიფოს აღიარების შემდეგ, არც ისრაელს ჰყავს თავისი ელჩი ესპანეთში. ოთხშაბათს, 10 მარტს, ოფიციალურმა მადრიდმა ოფიციალურად გააფორმა ისრაელში ესპანეთის ელჩის, ანა მარია სალომონის თანამდებობიდან გათავისუფლება. ის უკვე იყო კონსულტაციებისთვის გამოძახებული გასული წლის სექტემბერში, როცა ბენიამინ ნეთანიაჰუს მთავრობის მიერ ღაზის სექტორზე დაწყებული სამხედრო შეტევის გამო, ორ ქვეყანას შორის დიპლომატიური დაძაბულობის ზრდამ პიკს მიაღწია.ანა მარია სალომონის თანამდებობიდან გათავისუფლების შესახებ ინფორმაცია ქვეყნის ოფიციალურ ბიულეტენში გამოქვეყნდა, რომელშიც აღნიშნულია, რომ აწ უკვე ყოფილ ელჩს, გაწეული სამსახურისთვის, მადლობა გადაუხადეს. ელჩის გათავისუფლება საგარეო საქმეთა მინისტრის, ხოსე მანუელ ალბარესის „წინადადებით“ და სამშაბათს გამართულ მინისტრთა კაბინეტის სხდომაზე „მსჯელობის შედეგად“ მოხდა.სანამ სალომონის შემცვლელს დანიშნავენ, საელჩოს რანგი, დროებით, საქმეთა რწმუნებულის დონემდე მცირდება, რაც დიპლომატიურ იერარქიაში მეორე, უფრო დაბალი საფეხურია. აღსანიშნავია, რომ ამჟამად არც ისრაელს ჰყავს თავისი ელჩი მადრიდში, რადგან 2024 წლის მაისში, ოფიციალური მადრიდის მიერ პალესტინის სახელმწიფოს აღიარების შემდეგ, როდიკა რადიან-გორდონი კონსულტაციებისთვის გაიწვიეს და მას შემდეგ ეს სტატუსი არ აღდგენილა. შესაბამისად, ისრაელის უმაღლეს წარმომადგენლად მადრიდში საქმეთა რწმუნებული, დანა ელრიჩი რჩება.ესპანეთის შემთხვევაში, ამ ქვეყნის მთავრობამ თელ-ავივიდან ელჩის კონსულტაციებისთვის გამოძახების გადაწყვეტილება ვიცე-პრემიერ იოლანდა დიასისა და ახალგაზრდობისა და ბავშვთა მინისტრის, სირა რეგოს ისრაელში არშეშვების გამო მიიღო, თუმცა პედრო სანჩესისა და ნეთანიაჰუს მთავრობებს შორის ურთიერთობები მანამდეც უკვე დაზიანებული იყო. სანჩესი ღაზაში მიმდინარე სამხედრო ოპერაციის მიმართ ერთ-ერთი ყველაზე კრიტიკულად განწყობილი საერთაშორისო ლიდერია და ისრაელს ადამიანის უფლებების დარღვევაში ადანაშაულებს.ეს ურთიერთობები, სავარაუდოდ, მოკლე ვადებში არ გამოსწორდება. ბოლო დღეებში სანჩესმა კვლავ გააჟღერა სლოგანი „არა ომს“, რათა ისრაელისა და აშშ-ის მიერ ირანის დაბომბვა გაეკრიტიკებინა. ამან ახალი კრიტიკა გამოიწვია ისრაელის მთავრობის მხრიდან, რომელიც ესპანეთს აიათოლების რეჟიმის მხარდაჭერაში ადანაშაულებს.

პოლონეთის პრეზიდენტი, კაროლ ნავროცკი აპირებს ვეტო დაადოს კანონპროექტს, რომელიც ევროკავშირის თავდაცვის სასესხო პროგრამის (SAFE) განხორციელებას ისახავს მიზნად - ეს განცხადება პოლონეთის პრემიერ-მინისტრმა, დონალდ ტუსკმა მინისტრთა კაბინეტის სხდომის დაწყების წინ გააკეთა.„მივიღეთ ინფორმაცია, რომ პრეზიდენტმა ნავროცკიმ გადაწყვიტა, ვეტო დაადოს ევროკავშირის თავდაცვის სასესხო პროგრამა SAFE-ის (Security Action for Europe – „მოქმედება ევროპის უსაფრთხოებისთვის“ - რედ.) კანონპროექტს“, - განაცხადა პოლონეთის პრემიერმა.„მე ვკითხავ პრეზიდენტს, ნამდვილად ასეა თუ არა ეს, რადგან ეს მიუტევებელი შეცდომა იქნება “, - აღნიშნა მან.ტუსკი ამბობს, რომ მთავრობა ახლა „B გეგმაზე“ იმუშავებს, რათა ევროკავშირის ფულადი სახსრების პოლონურ ბიზნესამდე მიღწევა უზრუნველყოს. მისივე თქმით. ამ ფულს „ასობით კომპანია“ ელოდება.„ჩვენ ვიპოვით გზას, რათა ეს თანხა პოლონელმა ხალხმა მიიღოს“, - დასძინა მან.შემოთავაზებული „SAFE 0%“ სქემის განსახილველად, დონალდ ტუსკი, თავდაცვის მინისტრ ვლადისლავ კოსინიაკ-კამიშთან და ფინანსთა მინისტრ ანჯეი დომანსკისთან ერთად, პრეზიდენტ ნავროცკისა და ცენტრალური ბანკის ხელმძღვანელს, ადამ გლაპინსკის უნდა შეხვდეს.პრემიერ-მინისტრის განცხადებით, მისმა მთავრობამ მოითხოვა დეტალები, თუ რა წვლილს შეიტანდა ქვეყნის ეროვნული ბანკი პოლონეთის თავდაცვის ინდუსტრიის დაფინანსებაში, მაგრამ პასუხი, ჯერჯერობით, არ მიუღია.„იმ მხრიდან წამოსული ყველა სიგნალი მიანიშნებს, რომ ჩვენ საკმაოდ საეჭვო ოპერაციებთან გვაქვს საქმე“, - აღნიშნა ტუსკმა და დასძინა, რომ რაიმე გადაწყვეტილების მიღებამდე, საქმეში სრული სიცხადის შეტანას აპირებს.ნავროცკი და გლაპინსკი მემარჯვენე ოპოზიციის ბანაკიდან არიან და ტუსკის ცენტრისტულ, პროევროპულ პოლიტიკას მკაცრად ეწინააღმდეგებიან.„ევროპის უსაფრთხოების უზრუნველყოფის პროგრამა“ ევროკავშირის წევრი სახელმწიფოებისთვის, სამხედრო შესყიდვების მიზნით, 150 მილიარდ ევრომდე დაბალპროცენტიანი სესხების გამოყოფას უზრუნველყოფს.პოლონეთი ამ თანხიდან დაახლოებით 44 მილიარდ ევროს მიიღებს. მთავრობის განცხადებით, სესხის 80 პროცენტზე მეტი ქვეყნის თავდაცვის ინდუსტრიაში, ისეთი პროექტების დასაფინანსებლად დაიხარჯება, როგორიცაა „აღმოსავლეთის ფარი“, აგრეთვე დრონებისა და საჰაერო თავდაცვის სისტემების წარმოება.სესხის გადახდა 10 წლის შემდეგ დაიწყება და 2070 წლამდე გაგრძელდება. წყარო: პოლონეთის სახელმწიფო საინფორმაციო სააგენტო PAP (Polska Agencja Prasowa)

სამშაბათს საღამოს, დიდი ბრიტანეთის სამხედრო-საზღვაო ფლოტის ხომალდმა Dragon-მა აღმოსავლეთ ხმელთაშუა ზღვისკენ აიღო კურსი.ლონდონის მიერ ამ რეგიონში სამხედრო გემის გაგზავნა მას შემდეგ მოხდა, რაც ბრიტანეთის მთავრობა მკაცრად გააკრიტიკეს, კვიპროსისთვის შექმნილ პოტენციური საფრთხეებზე დაგვიანებული რეაგირებისთვის.ბრიტანეთის თავდაცვის მდივნის თქმით, გემი ძალიან მოკლე დროში აღიჭურვა - სამუშაო, რომელსაც ჩვეულებრივ დაახლოებით ექვსი კვირა სჭირდება, ექვს დღეში დასრულდა. სამხედრო-საზღვაო გამანადგურებელი კვიპროსის ტერიტორიაზე, სავარაუდოდ, დაახლოებით ხუთ დღეში ჩავა.ამავდროულად, ლონდონი-სიტის გადაზიდვებისა და დაზღვევის სექტორის წყაროები იუწყებიან, რომ სტრატეგიულად მნიშვნელოვან ჰორმუზის სრუტეში კომერციული ნაოსნობა, სიფრთხილის მაღალი ხარისხის დაცვით, ისევ გრძელდება.ბერძნულ საზღვაო გადამზიდავ კომპანიებთან დაკავშირებულმა ტანკერებმა უკვე ჩატვირთეს ნავთობი სპარსეთის ყურეში და სრუტისკენ მიემართებიან, რამდენიმე გემი კი დაბალი სიჩქარით მოძრაობს ან გაჩერებულია. ამავე დროს, საზღვაო გადაზიდვების მონაცემები აჩვენებს, რომ ბოლო დღეებში რეგიონში გემების მიმოსვლა, ჩვეულებრივ მაჩვენებლებთან შედარებით, მკვეთრად შემცირდა, რადგან ბევრი გემის მფლობელი, შექმნილი სიტუაციის გამო, ლოდინისა და დაკვირვების ტაქტიკას ირჩევს.როგორც ბრიტანეთის ხაზინის კანცლერმა შესაბამის საპარლამენტო კომიტეტს განუცხადა, გაერთიანებული სამეფო მზად არის, თავისი წვლილი შეიტანოს ნავთობის საერთაშორისო სტრატეგიული მარაგების ბაზარზე გატანაში იმ შემთხვევაში, თუ ირანის გარშემო განვითარებული მოვლენები გლობალურ ენერგეტიკულ ბაზარზე იმოქმედებს.ამასთან, გაზრდილი სამხედრო აქტივობა ფიქსირდება ბრიტანულ ავიაბაზაზეც, საიდანაც, ირანის სამხედრო ობიექტებისთვის დარტყმების მისაყენებლად, სამშაბათს, სულ მცირე, სამი ამერიკული B-1 ტიპის სტრატეგიული ბომბდამშენი აფრინდა.ავტორი: საბერძნეთის საზოგადოებრივი მაუწყებლის საინფორმაციო სამსახურის (ERTNews) კორესპონდენტი ლონდონში, ევდოკია ლიბერი