პაატა ბურჭულაძე –  დილის ოთხ საათზე გავაჟღერებთ ჩაწერილ ზარებს, რათა ზარებით გაიღვიძოს საქართველომ

დღეს საქართველომ მიიღო კანონი, რომელიც სამოქალაქო სივრცეს უფრო მეტად შეამცირებს, – ამის შესახებ ევროკავშირის უმაღლესი წარმომადგენელი, კაია კალასი X-ის საკუთარ გვერდზე წერს.“ნაჩქარევად და კონსულტაციის გარეშე მიღებული კანონი ბოლოდროინდელ რეპრესიულ კანონმდებლობას ემატება.ეს ნაბიჯები ძირს უთხრის საქართველოს ევროკავშირის კანდიდატი ქვეყნის სტატუსს და ძირეულ დემოკრატიულ პრინციპებს”, – წერს კალასი.ცნობისთვის, პარლამენტმა დაჩქარებული წესით განიხილა და მესამე მოსმენით დაამტკიცა საკანონმდებლო პაკეტი, რომლის ამოქმედების შემდეგ, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ. ამავე პროექტით, საერთაშორისო ორგანიზაციებს პოლიტიკური პარტიების სასარგებლოდ ლექციის, სემინარის ან სხვა მსგავსი საჯარო ღონისძიების მოწყობა აეკრძალებათ.

წარმოიდგინეთ, რომ ჩვენ ვიყოთ აგენტურა, დაგვავალოს „დიფ სთეითმა“ ომის დაწყება, არტილერიით შტურმის მიტანა ცხინვალზე და სოხუმზე, რა თქმა უნდა, რამდენიმე დღეში საქართველოს ეყოლება რამდენიმე ასეული გმირი და ჩვენი ავანტიურა, თუ ჩვენი ღალატი არცერთი ამ გმირის გმირობას არ დააკნინებს, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-თან ინტერვიუში განაცხადა.მთავრობის მეთაურის თქმით, საუბარია არა გმირის გმირობის დაკნინებაზე, არამედ საუბარია იმაზე, თუ რას შეეწირნენ ადამიანები.„წარმოვიდგინოთ, ხვალ რომ მოხდეს ასეთი რაღაც, ლეგიტიმური უფლება ამის ხელისუფლებას აქვს, ზოგადად ვამბობ. თუ სამართლებრივ მხარეზეა საუბარი, შენი ტერიტორიაა და ა.შ. თან მაშინ სხვა სიტუაცია იყო იმიტომ, რომ სამშვიდობო ძალები იდგა საქართველოს თანხმობით ცხინვალში. როცა არტილერიამ დაიწყო შტურმი, შეტევა ცხინვალზე, მაშინ იქ იდგა სამშვიდობო ძალები და ჩვენ ხელი გვქონდა მოწერილი შესაბამის შეთანხმებაზე, რაც გვიკრძალავდა კონკრეტული ოპერაციის დაწყებას და ჩატარებას. წარმოიდგინეთ თეორიული სცენარი, რომ ჩვენ გავგიჟდით და გავაკეთეთ ის, რასაც ითხოვდნენ ამ სამი წლის განმავლობაში ჩვენი ოპონენტები, რომ მიუშვირეთ არტილერია ცხინვალს ან სოხუმს, წარმოვიდგინოთ ასეთი თეორიული ვარიანტი, სხვათა შორის იმის გაგრძელებაა, რაც იკითხეთ თეა წულუკიანის განცხადებასთან დაკავშირებით. მე PR-ს არ დავარქმევდი, მე დავარქმევდი აგენტურის მიერ მიღებული დავალების შესრულებას, რასაც შეეწირნენ ჩვენი გმირები, მათ შორის გიორგი ანწუხელიძე. თქვენ წარმოიდგინეთ, რომ ჩვენ ვიყოთ აგენტურა, დაგვავალოს „დიფ სთეითმა“ ომის დაწყება, არტილერიით შტურმის მიტანა ცხინვალზე და სოხუმზე, რა თქმა უნდა, რამდენიმე დღეში საქართველოს ეყოლება რამდენიმე ასეული გმირი და ჩვენი ავანტიურა, თუ ჩვენი ღალატი არცერთი ამ გმირის გმირობას არ დააკნინებს, მაგრამ აქ საუბარი რაზეა, არა გმირის გმირობის დაკნინებაზე, არამედ საუბარია იმაზე, თუ რას შეეწირნენ ადამიანები. ეს ადამიანები შეეწირნენ იმას, რომ აგენტურამ, ჯაშუშებმა საქართველოში მიიღეს დაკვეთა ომის დაწყების თაობაზე, რომელიც ორ დღეში წააგეს. 7-ში ღამე დაიწყო არტილერიით შეტევა, გახსოვთ თქვენ 8 აგვისტო, ყველა არქივი წაშლილია, „იმედი“, „რუსთავი 2“, საზოგადოებრივი მაუწყებელი, მაშინდელი ყველა არქივი, უწყვეტი არქივი არ არსებობს. რატომ, რა ჰქონდათ დასამალი, მათ ხელში იყო ყველა ტელევიზია. უწყვეტი არქივი არსად არ არსებობს. თქვენ შეგიძლიათ, ნახოთ სხვა დღეები, უწყვეტი არქივი აბსოლუტურად ყველა დღის, რაც შეეხება 7-8 აგვისტოს, პირველ რიგში, უწყვეტი არქივი არის ყველგან წაშლილი. რატომ დამალეს, იმიტომ, რომ 7-ში გამოგვიცხადეს დიდის ამბით, რომ კონსტიტუციური წყობილების აღდგენას აპირებდნენ და 8-ში იმაზე კი არ იყო საუბარი, რომ გვიტევენ და თავს ვიცავთ, თქვენ წარმოიდგინეთ, რომ უცბად შემოვიდა უცხო ჯარი, რუსეთის ჯარი საქართველოს ტერიტორიაზე და შენ ამ დროს განცხადებებს აკეთებ, რომ მე ეს სოფელი ავიღე, მე ის სოფელი ავიღე, როკის გვირაბისკენ მივდივარ. ამას აკეთებ? შენ ხომ ამბობ, რომ მე თავს დამესხნენ და თავს ვიცავ. აქ საუბარი რაზე იყო, 7-ში გამოგვიცხადეს კონსტიტუციური წყობილების აღდგენა და 8-ში მთელი დღე, სანამ მერე გამოვიდოდა მედვედევი და დააანონსებდა ოპერაციის დაწყებას, მიდიოდა საუბარი იმაზე, რომ ეს სოფელი ავიღეთ, ის სოფელი ავიღეთ,ცხინვალში შევედით, როკის გვირაბისკენ მივდივართ. ეს ხომ ხელის გულზე დევს. რა თქმა უნდა, ამ ღალატს მოჰყვა ძალიან დიდი მსხვერპლი“, – განაცხადა პრემიერმა.

დღეს საქართველომ მიიღო კანონი, რომელიც სამოქალაქო სივრცეს უფრო მეტად შეამცირებს, - ამის შესახებ ევროკავშირის უმაღლესი წარმომადგენელი, კაია კალასი X-ის საკუთარ გვერდზე წერს."ნაჩქარევად და კონსულტაციის გარეშე მიღებული კანონი ბოლოდროინდელ რეპრესიულ კანონმდებლობას ემატება.ეს ნაბიჯები ძირს უთხრის საქართველოს ევროკავშირის კანდიდატი ქვეყნის სტატუსს და ძირეულ დემოკრატიულ პრინციპებს", - წერს კალასი.ცნობისთვის, პარლამენტმა დაჩქარებული წესით განიხილა და მესამე მოსმენით დაამტკიცა საკანონმდებლო პაკეტი, რომლის ამოქმედების შემდეგ, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ. ამავე პროექტით, საერთაშორისო ორგანიზაციებს პოლიტიკური პარტიების სასარგებლოდ ლექციის, სემინარის ან სხვა მსგავსი საჯარო ღონისძიების მოწყობა აეკრძალებათ.

ვიზალიბერალიზაციის გაუქმების გამარტივებასთან დაკავშირებული გადაწყვეტილება, განცხადებაშიც აღნიშნულია, რომ თანაბრად ეხება 61 ქვეყანას და ეს გადაწყვეტილება არ არის მიღებული საქართველოსთან დაკავშირებით, თუმცა კონკრეტულმა ძალებმა აქაც მოახერხეს სპეკულირება, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-თან ინტერვიუში განაცხადა.მთავრობის მეთაურის შეფასებით, საქართველო დღეს დამოუკიდებელი, სუვერენული სახელმწიფოა, ხოლო მუდმივი შანტაჟი საბჭოთა მეთოდია.„მუდმივი შანტაჟი არის სწორედ საბჭოთა მეთოდი. როგორც თავის დროზე საქართველოს საბჭოთა სოციალისტურ რესპუბლიკას აშანტაჟებდნენ მოსკოვიდან, ასევე ჰგონიათ ზუსტად. დღესაც ჩვენ ისინი გვიყურებენ, როგორც საქართველოს საბჭოთა სოციალისტური რესპუბლიკის ახალ მოდიფიკაციას. ჩვენ ვართ დამოუკიდებელი, სუვერენული სახელმწიფო, მადლობა ღმერთს, ჩვენ აღარ ვართ არც საბჭოთა სოციალისტური რესპუბლიკა და არც არასაბჭოთა არასოციალისტური რესპუბლიკა. ჩვენ ვართ დამოუკიდებელი, სუვერენული სახელმწიფო, მაგრამ ვიღაცებს აქვთ ეს საბჭოური მენტალიტეტი და ეს მენტალიტეტი დღეს სამწუხაროდ ძალიან ფართოდ არის გამჯდარი ბრიუსელის ბიუროკრატიაში. რეალურად, არაფრით განსხვავდება დღვანდელი მიდგომები იმ მიდგომებისგან, რასაც ჩვენ გავურბოდით 1980-იანი წლებიდან მთელი შემართებით“, – განაცხადა პრემიერმა.

არ ვაღიარებთ არალეგიტიმური კულტურის სამინისტროს გადაწყვეტილებას და ჩვენ, ამ თეატრის დასი, დავით დოიაშვილს არ ვუშვებთ, – ამის შესახებ აღნიშნულია ვასო აბაშიძის სახელობის მუსიკალური კომედიისა და დრამის სახელმწიფო თეატრის დასის ერთობლივ განცხადებაში.როგორც დასის წევრები განცხადებაში აღნიშნავენ, წინსვლას და განვითარებას დავით დოიაშვილის ხელმძღვანელობის გარეშე ვერ ხედავენ.„დღეს არალეგიტიმურმა კულტურის სამინისტრომ ახალი თეატრის სამხატვრო ხელმძღვანელის თანამდებობიდან გაათავისუფლა დავით დოიაშვილი, რადგან მან გაბედა და ხმა აიმაღლა უსამართლობის წინააღმდეგ, რის წინაშეც საქართველოს ნებისმიერი მოქალაქე ვდგავართ. დავით დოიაშვილზე თავდასხმა არის თავდასხმა თითოეულ ჩვენგანზე. ეს არის დასჯა სოლიდარობისთვის, თანადგომისთვის და თავდასხმა თითოეულ ხელოვანზე, რომელიც ემსახურება ხალხს და სახელმწიფოს. ჩვენ, ვასო აბაშიძის სახელობის ახალი თეატრის დასი, რომლის წევრიც ამჟამად უსამართლო ტყვეობაშია, წინსვლას და განვითარებას დავით დოიაშვილის ხელმძღვანელობის გარეშე ვერ ვხედავთ. არ ვაღიარებთ არალეგიტიმური კულტურის სამინისტროს გადაწყვეტილებას და ჩვენ, ამ თეატრის დასი, დავით დოიაშვილს არ ვუშვებთ. ვდგავართ მასთან ერთად და ვიდგებით გამარჯვებამდე“, – ნათქვამია დასის საერთო განცხადებაში, რომელიც მსახიობმა, კახა კინწურაშვილმა წაიკითხა.