ომბუდსმენი – ნოემბრის აქციებზე კიდევ უფრო მეტად ვნახეთ არასათანადო მოპყრობის სავარაუდო ფაქტები – ამას ვერავინ გაექცევა, რომ უამრავი ადამიანი არის დაზარალებული და არავინ არის პასუხისგებაში მიცემული

სიმართლე გითხრათ, ჩანაწერებიდან ჩემთვის სიახლე არაფერი ყოფილა, ლაპარაკია იმაზე, რასაც ხელისუფლება სულ ამბობს, მეთოდოლოგიაზე, რომლითაც დღეს საქართველოში ოპოზიციური მოძრაობაა დაკავებული, – ამის შესახებ ანალიტიკოსმა, გურამ ნიკოლაშვილმა საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა.„ორგანიზებული ჯგუფები სხვადასხვა სახელწოდების ქვეშ, დაბრენდილი, რომლის რაღაც ნაწილი ყოველდღე უზრუნველყოფს, რომ უნდა გაჩნდეს სათაური – რუსთაველი დღეს ისევ გადაიკეტა. ჩვენ უკვე დავემსგავსეთ რაღაც აბსურდის თეატრს და შევდივართ ერთგვარი პოლიტიკური ოპერეტას ჟანრში. ბატონმა პაატა ბურჭულაძემ დღეს უკვე ერთი სცენა შეცვალა მეორე სცენით. ახალი ამ მხრივაც არაფერი არ იყო, რადგან ეს ძალიან ნაცნობი მეთოდიკაა, ნებისმიერი გარე მოკავშირის, უცხოური ძალის მოძებნა, რომელიც დაეხმარება. ოთხი მეილი აქვს მე მგონი უჩა ნანუაშვილს გაგზავნილი რაღაც დეტალური პროექტებით, აღწერილობებით, თუ დაფინანსების მოთხოვნით და ბუნებრივია, ეს არის ის მიდგომა, რომლითაც სამწუხაროდ, გამოირჩეოდა ეს ოპოზიციური სპექტრი. არჩევნების შემდეგ კიდევ უფრო ნათელი გახდა. არჩევნებამდე თუ ეს მაინც რაღაც შენიღბული იყო, რაღაც მაღალფარდოვანი სახელი ერქვა, პროექტი, დაფინანსება, დემოკრატიის გაძლიერება, თემის მობილიზება და ამგვარი სახელწოდებები, დღეს საბოლოო ჯამში გამოჩნდა, რომ ეს არის სტრუქტურა, კოორდინირებული, ერთგვარი ენჯეო ველი, რომლის გამოკვება და ფინანსების უზრუნველყოფა არის ნომერ პირველი ამოცანა. ეს არის პირდაპირ პოლიტიკაში და წინააღმდეგობის მოძრაობაში ჩადებული ფული, თუმცა მას შემდეგ, რაც ამერიკაში ხელისუფლება შეიცვალა და ჩვენ ვნახეთ, რომ მათი ძირითადი რბილი ძალით საგარეო ჩარევის უზრუნველმყოფი სააგენტო USAID-ი დაიხურა და დღეს ამ ფულმა საგრძნობლად დაიკლო. ამიტომ, ჩვენ ვიღებთ მსგავს კარიკატურულ პროცესს და ინიციატივებს, რომ თურმე, არჩევნები უნდა ჩატარდეს სექტემბერში, სატელეფონო იქნება და ალბათ, დავით კეზერაშვილის რომელიღაც ქოლცენტრს გამოიყენებენ“, – განაცხადა ნიკოლაიშვილმა.მისი თქმით, დღეს არჩევნების ჩატარებიდან ექვსი თვე გავიდა, ამ ხნის განმავლობაში საზოგადოებამ ნახა ბევრი გამომჟღავნებული ფარული გეგმა, რაც არსებობდა, ნახა უცხოეთთან კოორდინაცია, რა ფორმისაა, ნახა ოპოზიციური ძალის რეალური რესურსი და რაც მთავარია, მათმა ამომრჩეველმაც დაინახა ის, თუ ვის მისცეს ხმა.„მათ დაინახეს, ისინი, ვისაც ხმა მისცეს, კრიტიკულ ვითარებაში როგორ მოიქცნენ, რომელ მხარეს დადგნენ, რა მეთოდით სცადეს ხელისუფლების შეცვლა, ერთმანეთთან რა საერთო ენა გამონახეს, თუ ვერ გამონახეს და რა ინიციატივები შესთავაზეს ამომრჩეველს. ნაცვლად იმისა, რომ დარჩენილიყვნენ ჩვეულებრივ, კონსტიტუციით განსაზღვრულ პოლიტიკურ ველზე, აეღოთ თავიანთი 45%, ეჩვენებინათ კონკურენტუნარიანობა და ერთმანეთთან თანხმობა, ეს ყველაფერი უბრალოდ, ჩარეცხეს მტკვარში და ამის ნაცვლად მივიღეთ აი, ეს დესტრუქციული დღის წესრიგი, რაც დღეს გვაქვს, როცა საპარლამენტო საქმიანობის ნაცვლად მივიღეთ ეს რაღაც ვოდევილი რუსთაველზე. უკვე შეუძლებელია, ეს გაგრძელდეს, მით უმეტეს, ჩვენ ვხედავთ, საგარეო ასპარეზზე რა პროცესი ვითარდება“, – განაცხადა ნიკოლაიშვილმა.ანალიტიკოსმა ასევე განაცხადა, რომ აქედან ექვს თვეში ჩატარდება თვითმმართველობის არჩევნები, რომელიც კიდევ ერთი ტესტი იქნება პოლიტიკური ძალებისთვის, ვინ იღებს მონაწილეობას და ვინ არ იღებს.„საბოლოო ჯამში, ის, ვინც ბოიკოტი გამოაცხადა და აირჩია ამ პროცესის გარეთ დარჩენა, ასეთი რაღაც ადრე, ეროვნული მოძრაობისას ვნახეთ, მხოლოდ მაშინ სამოქალაქო ომით მოხდა ხელისუფლების შეცვლა, დღეს კი ამის რესურსი არ არსებობს და ეს გამოჩნდა. შესაბამისად, ყველა ეს ადამიანი უბრალოდ, აღმოჩნდება პოლიტიკურად განადგურებული. თვითლიკვიდაციის რეჟიმია ამ მხრივ ჩართული“, – განაცხადა გურამ ნიკოლაიშვილმა.

ახალი კვლევის თანახმად, იოგურტის ჭამა შეიძლება გარკვეული ტიპის კიბოების რისკს ამცირებდეს, განსაკუთრებით კი მსხვილი ნაწლავის (კოლორექტალური) კიბოს.55 წელს ქვემოთ ადამიანებში ნაწლავის კიბოს ახალ შემთხვევათა რაოდენობა ბოლო წლებში გლობალურად გაორმაგდა, დიაგნოზი თითქმის 20 პროცენტით გაიზარდა. შესაბამისად, მრავალ ადამიანს აინტერესებს, როგორ შეიძლება ამ კიბოს რისკის შემცირება.ახალი მტკიცებულება მიუთითებს, რომ იოგურტის რეგულარული მოხმარებას შეიძლება დამცავი ეფექტი ჰქონდეს მსხვილი ნაწლავის კიბოს გარკვეული აგრესიული ფორმების წინააღმდეგ; ამას იოგურტი ახერხებს ნაწლავის მიკრობიომის, ანუ იქ ბინადარი ბუნებრივი ბაქტერიების მოდიფიცირების გზით.ნაწლავის მიკრობიომი სასიცოცხლო როლს ასრულებს ზოგად ჯანმრთელობაში, გავლენას ახდენს მონელებაზე, იმუნურ ფუნქციაზე და კიბოს რისკზეც კი. ნაწლავის ბაქტერიები შეიძლება თავად კიბოშიც ბინადრობდნენ. ზოგადად მიჩნეულია, რომ ამ ბაქტერიების ჯანსაღი ბალანსი გადამწყვეტია ძლიერი იმუნური სისტემის შესანარჩუნებლად და ანთების პრევენციისათვის, რასაც შეიძლება წვლილი შეჰქონდეს კიბოს განვითარებაში.იოგურტი სასარგებლო ბაქტერიების ცოცხალ კულტურებს შეიცავს, მაგალითად, lactobacillus bulgaricus-ი და streptococcus thermophilus-ი, რომლებსაც ამ ბალანსის შენარჩუნება შეუძლიათ.კვლევამ დაადგინა, რომ კვირაში ორი ან მეტი პორცია იოგურტის მოხმარება დაკავშირებულია მსხვილი ნაწლავის აგრესიული კიბოს კონკრეტული ტიპის რისკის შემცირებასთან. ეს კიბო ჩნდება კოლინჯის (მსხვილი ნაწლავის ძირითადი განყოფილება) მარჯვენა მხარეს და დაკავშირებულია გადარჩენის უფრო დაბალ შანსთან, ვიდრე მარცხენა მხარეს წარმოქმნილი კიბოების შემთხვევაში.ჯგუფმა შეისწავლა 150 000-ზე მეტი მონაწილის რამდენიმე ათწლეულიანი მონაცემები, რომლებიც მიუთითებს, რომ იოგურტის გრძელვადიანი მოხმარება შეიძლება ნაწლავის მიკრობიომს ისე ცვლიდეს, რომ გარკვეული ტიპის კიბოებისგან გვიცავდეს.მკვლევრები მონაწილეებს ყოველ ორ წელიწადში ერთხელ კითხავდნენ იოგურტის მოხმარების შესახებ და ზომავდნენ ბიფიდობაქტერიის რაოდენობას (იოგურტში არსებული ბაქტერიის ტიპი) სიმსივნურ ქსოვილში იმ 3079 ადამიანის ნიმუშში, რომლებსაც მსხვილი ნაწლავის კიბოს დიაგნოზი ჰქონდათ.მიუხედავად იმისა, რომ იოგურტი პირდაპირ არ ამცირებს მსხვილი ნაწლავის კიბოს ყველა ტიპის რისკს, მათ, ვინც კვირაში ორ ან მეტ პორცია იოგურტს ჭამდა, ნაკლები ჰქონდა „ბიფიდობაქტერია-დადებითი პროქსიმალური მსხვილი ნაწლავის კიბოს“ განვითარების რისკი — კიბოს ტიპი, რომელიც კოლინჯის მარჯვენა მხარეს ჩნდება და ერთ-ერთი ყველაზე დაბალი გადარჩენის მაჩვენებელი აქვს. ახალი კვლევა ეფუძნება და ადასტურებს წინა კვლევებს, რომლებმაც ასეთივე შედეგები აჩვენა.

რუსთავი-ლილოს გზაზე ავარია მსხვერპლით დასრულდა. მსუბუქი ავტომობილი ქვეითად მოსიარულეს დაეჯახა. მიღებული დაზიანებებით, 40 წლამდე კაცი ადგილზე დაიღუპა.ინფორმაციას „ინფო რუსთავი“ ავრცელებს.შემთხვევის ადგილზე სასწრაფო დახმარების, საპატრულო და კრიმინალური პოლიციის რამდენიმე ეკიპაჟი იყო მობილიზებული.ფოტო: სქრინი „ინფო რუსთავის“ კადრებიდან.

რადიკალური ოპოზიციის პროპაგანდისტები, გია ეძგვერაძე, შალვა მუქერია და ოპოზიციის კონტროლირებადი Facebook ჯგუფები ავრცელებენ ყალბ ციტატას, თითქოს საქართველოს პრემიერ-მინისტრმა ფოტოზე დატანილი ფრაზა თქვა. სიცრუეს მეტი დამაჯერებლობისთვის ოპოზიციის პროპაგანდის ინსტრუმენტის, „ტაბულას“ ლოგო ადევს, – ამის შესახებ „ქართული ოცნების“ კომუნიკაციის დეპარტამენტის ფეისბუქგვერდის, „სინამდვილეში“ გამოქვეყნებულ განცხადებაშია აღნიშნული.როგორც განცხადებაშია ნათქვამი, სინამდვილეში, ციტატა არის ტყუილი და ირაკლი კობახიძეს მსგავსი ფრაზა არასოდეს უთქვამს.„რადიკალური ოპოზიციის პროპაგანდისტები, გია ეძგვერაძე, შალვა მუქერია და ოპოზიციის კონტროლირებადი Facebook ჯგუფები ავრცელებენ ყალბ ციტატას, თითქოს საქართველოს პრემიერ-მინისტრმა ფოტოზე დატანილი ფრაზა თქვა. სიცრუეს მეტი დამაჯერებლობისთვის ოპოზიციის პროპაგანდის ინსტრუმენტის, „ტაბულას“ ლოგო ადევს. სინამდვილეში, ციტატა არის ტყუილი და ირაკლი კობახიძეს მსგავსი ფრაზა არასოდეს უთქვამს“, – აღნიშნულია განცხადებაში.

ვიზიარებ ტრამპის მოსაზრებას, რომ უკრაინას არ აქვს საკმარისი შეიარაღება ყირიმის დასაბრუნებლად, მაგრამ მსოფლიოს შეუძლია, გამოიყენოს ეკონომიკური და დიპლომატიური ზეწოლა, – ამის შესახებ უკრაინის პრეზიდენტმა, ვოლოდიმირ ზელენსკიმ კიევში, რუსეთის მიერ 24 აპრილს განხორციელებული მასირებული შეტევის შედეგად დაღუპულთა ხსოვნის პატივსაცემად გამართულ ღონისძიებაზე განაცხადა.“მე ვიზიარებ პრეზიდენტ ტრამპის მოსაზრებას, რომ უკრაინას არ აქვს საკმარისი შეიარაღება, რათა დაიბრუნოს კონტროლი ყირიმის ნახევარკუნძულზე სამხედრო გზით, თუმცა მსოფლიოს შეუძლია დააწესოს სანქციები და გამოიყენოს ეკონომიკური და დიპლომატიური ზეწოლის სხვა საშუალებები, რათა ისაუბროს ამაზე და განიხილოს ტერიტორიული საკითხები, ეს კი მხოლოდ სრული და უპირობო ცეცხლის შეწყვეტის შემდეგ“, – განაცხადა ზელენსკიმ.მისივე თქმით, უკრაინა მზადაა, ნებისმიერ პირთან და ყველა საკითხზე სასაუბროდ, თუმცა მხოლოდ უპირობო ცეცხლის შეწყვეტის შემდეგ.“უპირობო ცეცხლის შეწყვეტა იძლევა შესაძლებლობას ვისაუბროთ ყველაფერზე და ჩვენ მზად ვართ დიალოგისთვის ნებისმიერი ფორმატით, კიდევ ერთხელ ხაზს ვუსვამ ამას, ნებისმიერ პირთან ამ ფორმატში ნებისმიერ დროს. თუმცა მხოლოდ მას შემდეგ, რაც მივიღებთ რეალურ სიგნალს, რომ რუსეთი მზადაა დაასრულოს ომი. ეს სიგნალი უნდა იყოს სრული და უპირობო ცეცხლის შეწყვეტა“, – განაცხადა უკრაინის პრეზიდენტმა.ზელენსკიმ ასევე აღნიშნა , რომ რუსეთის მიერ ოკუპირებული ტერიტორიები მხოლოდ დროებით აქვს დაკავებული რუსეთს და კიევი მათ დე იურე რუსეთის ტერიტორიად არასდროს აღიარებს.„დროებით ოკუპირებული ტერიტორიები მხოლოდ დროებით არის ოკუპირებული, მაგრამ ისინი ყველა უკრაინას და უკრაინელ ხალხს ეკუთვნის. უკრაინა არ აღიარებს დე იურე არანაირ უფლებებს მათზე. ვფიქრობ, ეს არის აბსოლუტურად სამართლიანი და კანონიერი პოზიცია უკრაინის კონსტიტუციისა და საერთაშორისო სამართლის შესაბამისად“, – განაცხადა ზელენსკიმ.