ოთარ ფარცხალაძე – საქართველოში ჩემს წინააღმდეგ საქმე უცხოელი პატრონების დავალებით შეთხზეს – შეთხზული დანაშაულებისთვის მდევნიან, იმისთვის, რაც არ ჩამიდენია

,,გააზიარეთ გთხოვთ ნატაშკას თხოვნით . ნატაშკა ლომსაძე 37 წლის, სიმსივნეს მეორედ ებრძვის. დაამარცხა საშვილოსნოს სარკომა მე-4-ე სტადია და ამჯერად ფილტვის კიბოს ებრძვის. 24 თებერვალს თურქეთში, კლინიკა აჯიბადემში ქიმიოთერაპიის გადასხმის გეგმიური დღე აქვს, სადაც წასვლას ვერ ახერხებს. საკმარისი თანხა არ გააჩნია. ესაჭიროება საზოგადოების დახმარება რომ მკურნალობა არ გაუჩერდეს.პირადი ნომერი57001042427საქართველოს ბანკი #GE95BG0000000498962153თბს ბანკი#GE40TB7434945161600003 მიმღები: ნ.ლ- ამის შესახებ გივიკო დიდია წერს.

გვესმოდა გიორგი ბაჩიაშვილის განცხადებები, რომ ის მყარად დადგებოდა, არ დაიჩოქებდა, მაგრამ ყველა ადამიანს აქვს თავისი სიმტკიცის ზღვარი, რომლის იქით ის ვერ გავა, - ამის შესახებ „ჯეოქეისის“ ხელმძღვანელმა, ვიქტორ ყიფიანმა „თანაინვესტირების ფონდის" ყოფილი ხელმძღვანელის, გიორგი ბაჩიაშვილის საპროცესო შეთანხმებით საპატიმროს დატოვებასთან დაკავშირებით განაცხადა.როგორც ყიფიანმა „პალიტრანიუსის“ გადაცემაში „360 გრადუსი“ განაცხადა, არ ფიქრობს, რომ ბაჩიაშვილი პოლიტიკაში აქტიურად ჩაერთვება. მისი თქმით, ბაჩიაშვილს კარგად იცნობს და მიიჩნევს, რომ ის პოლიტიკურ კომენტარებს არ გააკეთებს.„ადამიანურად მესმის და არ ვამტყუნებ გიორგი ბაჩიაშვილს, რადგან წნეხის ქვეშ მოექცა. გვესმოდა გიორგი ბაჩიაშვილის განცხადებები, რომ ის მყარად დადგებოდა, არ დაიჩოქებდა, მაგრამ ყველა ადამიანს აქვს თავისი სიმტკიცის ზღვარი, რომლის იქით ის ვერ გავა. რეალურად, ჩვენ ბოლომდე არ ვართ ინფორმირებულები თუ რა უძღოდა წინ ამ შეთანხმების გაფორმებას, ვიცით ძალადობის ფაქტი, რომელიც მის მიმართ განხორციელდა, სხვა რა ფაქტებს ჰქონდა ადგილი ან იყო თუ არა ისეთი გარემოება, რამაც მიიყვანა გადაწყვეტილებამდე.არის მოლოდინი, რომ შეფასებას ან კომენტარს გააკეთებს, არ მგონია, რომ გიორგიმ ... გიორგის საკმაოდ კარგად ვიცნობ, რადგან იმ ცნობილ საქმეზე გვერდი-გვერდ ვმუშაობდით. არ მგონია, რომ მან პოლიტიკურ ველზე შედგას ფეხი და ამ მხრივ დაიწყოს შეფასებების გაკეთება. არ უნდა განვსაჯოთ, მითუმეტეს, დამახინჯებული მართლმსაჯულების ფონზე რთულია პროცესუალურ მხარეზე ვისაუბროთ - რა იყო ამ შეთანხმების წინაპირობა. გიორგის „ქეისმა“ ადამიანებს იმედის ახალი ნაპერწკალი გაუჩინა. ბურჭულაძის განცხადება მოვისმინე, ის ცდილობს ახალ მეინსტრიმში ჩაჯდეს“,- განაცხადა ყიფიანმა.როგორც ვიქტორ ყიფიანმა განაცხადა, ქვეყანაში არსებული პროცესების გათვალისწინებით იქმნება შთაბეჭდილება, თითქოს საქართველოს „პატრონი არ ჰყავს“.„ჩვენ, რასაც ვისმენთ და რასაც ვუყურებთ, ფაქტობრივად ერთადერთი დასკვნა გამომდინარეობას, რომ საქართველოს პატრონი არ ჰყავს. არც გუშინდელი, არც გუშინწინდელი და არც დღევანდელი ხელისუფლების სახით. პრობლემის გენეზისი არის ერთი, რომ ჩვენ ვცხოვრობთ არა სახელმწიფოში, არამედ გეოგრაფიის ფარგლებში, სადაც საეჭვო ინტერესები კურირებს მთელ გადაკვეთაზე და რეალური პატრიოტული, ეროვნული, სახელმწიფოებრივად მოაზროვნე პოლიტიკის ინსტიტუტების სახით დღეს ამ ქვეყანას არ გააჩნია“,- განაცხადა ყიფიანმა.ვიქტორ ყიფიანი ოპოზიციურ სპექტრში მიმდინარე პროცესებს გამოეხმაურა და განაცხადა, რომ საზოგადოებაში ოპოზიციის მიმართ უპერსპექტივობისა და უიმედობის განცდა ძლიერდება.მისი თქმით, მთავარი მიზეზი, რის გამოც გარკვეული პოლიტიკური ძალები ერთობას არ უერთდებიან, სავარაუდოდ დოკუმენტის შინაარსია.„უპერსპექტივობა და უიმედობა ეს არის საკვანძო სიტყვა, რომელიც ქართველ ამომრჩეველს და საზოგადოებას ეუფლება ოპოზიციის შემხედვარე. ობიექტურობა მოითხოვს აღინიშნოს, რომ მთავარი მიზეზი თუ რატომ არ შეუერთდებიან ერთობას არის დოკუმენტის შინაარსი. შეიძლება ეს მიზეზი მართლაც ობიექტურიც არის, რაც ისე არის გადმოცემული, როგორც ამას „ლელო“ ან სხვა პოლიტიკური სუბიექტი ისურვებდა“,- განაცხადა ყიფიანმა.ამასთან, მან განმარტა, რომ თავად და მისი გუნდი დოკუმენტის შინაარსს არ იცნობენ, რადგან პარტიულ სუბიექტს არ წარმოადგენენ და პროცესში მონაწილეობას არ იღებენ. მისი თქმით, მათთვის არ ყოფილა შეთავაზება ჩართულობის შესახებ და შესაბამისად „ღია კარის მტვრევით“ დაკავებას არ აპირებდნენ.„ჩვენთვის უცნობია დოკუმენტის შინაარსი, რადგან არ წარმოვადგენთ პარტიულ სუბიექტს, შესაბამისად პროცესში არ ვმონაწილეობთ. არ იყო შემოთავაზება და შესაბამისად ღია კარის მტვრევით არ ვიქნებოდით დაკავებულები“,- განაცხადა ყიფიანმა.ვიქტორ ყიფიანი აცხადებს, რომ ნებისმიერი პოლიტიკური ალტერნატივის მთავარი მისია საზოგადოებაში იმედისა და პერსპექტივის განცდის დაბრუნება უნდა იყოს.ყიფიანის შეფასებით, პოლიტიკურმა პროცესმა უნდა შეძლოს საზოგადოების მოტივირება და ჩართულობის გაზრდა.„ალტერნატივის ძალა იმედის დაბრუნებაში და პერსპექტივის გრძნობის აღდგენაში უნდა გამოიხატებოდეს. მოქალაქეებს გაუჩინოს ახალი პათოსი, ინტერესი, რომ უფრო აქტიურად ჩაერთონ საზოგადოებრივ- პოლიტიკურ პროცესში“,- განაცხადა ყიფიანმა.

აშშ-ის პრეზიდენტი დონალდ ტრამპი ირანს ურჩევს, შეთანხმება გააფორმოს.მისი თქმით, საპროტესტო არეულობების დროს 32 000-მდე ადამიანი დაიღუპა და ირანის ხელისუფლება გეგმავდა, სიკვდილით დაესაჯა 800-ზე მეტი მოქალაქე. როგორც ტრამპმა აღნიშნა, მან გააფრთხილა თეირანი, რომ ერთი ადამიანი თუ მაინც დაისჯება სიკვდილით, ვაშინგტონი ირანს მყისიერად დაარტყამს.ტრამპის თქმით, ამ გაფრთხილების შემდეგ ქვეყანაში სასიკვდილო განაჩენი არავის მიმართ აღუსრულებიათ.დონალდ ტრამპმა ასევე განაცხადა, რომ თანაუგრძნობს ირანის მოსახლეობას, რომელიც, მისი თქმით, „ჯოჯოხეთში ცხოვრობს“.

ფინანსთა სამინისტროს შემოსავლების სამსახურის ხელმძღვანელმა, ირაკლი (დაჩი) ბერაიამ და საქართველოს განათლების, მეცნიერებისა და ახალგაზრდობის მინისტრის მოადგილემ, თამარ მახარაშვილმა თანამშრომლობის მემორანდუმს მოაწერეს ხელი.აღნიშნული მემორანდუმის მიზანია, ერთობლივად შემუშავებული მრავალმხრივი სასწავლო პროგრამების დახმარებით, მხარეებმა კოორდინირებულად განახორციელონ საგანმანათლებლო დაწესებულებების მოსწავლეების/სტუდენტების საგადასახადო-საბაჟო საკითხების მიმართულებით, ცნობიერების ამაღლება. ამასთან, მემორანდუმის ფარგლებში, საგანმანათლებლო პროექტებში მონაწილეთათვის (ასაკობრივი ჯგუფების გათვალისწინებით) შემოსავლების სამსახურის წარმომადგენლები, საქართველოს მასშტაბით არსებულ მოქალაქეთა მომსახურების სერვისცენტრებში, ასევე გაფორმების ეკონომიკურ ზონებსა და საბაჟო გამშვებ პუნქტებზე გამართავენ საინფორმაციო-შემეცნებითი ხასიათის შეხვედრებს, რაც გაზრდის მათ ინფორმირებულობას, როგორც საგადასახადო-საბაჟო პროცედურების, პრინციპების შესახებ, ასევე უზრუნველყოფს საზოგადოებაში ნებაყოფლობითი კანონშესაბამისობის დონის ამაღლებას.შეხვედრას ესწრებოდნენ ფინანსთა სამინისტროს შემოსავლების სამსახურის უფროსის  მოადგილე ლევან წითელაშვილი და უწყების სხვადასხვა დეპარტამენტის ხელმძღვანელი პირები.მემორანდუმი ძალაში შედის მხარეების მიერ, მისი ხელმოწერის თარიღიდან.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე ინფორმატიკისა და მართვის სისტემების ფაკულტეტის ჟიული შარტავას სახელობის ინფორმაციული ტექნოლოგიების სასწავლო-კვლევით ლაბორატორიულ კომპლექსში გახსნილ სტროუ ლაბორატორიაში მიმდინარე სამუშაო პროცესს გაეცნო.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, სტროუ ლაბორატორიაში უკვე დამზადებულია 20 მმ დიამეტრის სტროუ მილების ექსპერიმენტული ეგზემპლარები, რომელთაც წარმატებით გაიარეს ტესტირება. უახლოეს დროში კი სტროუ მილების პირველი პარტია, SHiP ექსპერიმენტისთვის, ბირთვული კვლევების ევროპულ ორგანიზაციაში (CERN) გაიგზავნება. SHiP ექსპერიმენტის მთავარი მიზანია სტანდარტული მოდელის მიღმა არსებული უხილავი ნაწილაკების აღმოჩენაა.რექტორის განცხადებით, საქართველოს ტექნიკური უნივერსიტეტი, მსოფლიოს 20 ქვეყნის 48 უნივერსიტეტს შორის, 2025 წლიდან SHiP ექსპერიმენტის სრულფასოვანი წევრია. სტუ-ის მეცნიერთა ჯგუფის ლიდერია (Team Leader) ირაკლი ლომიძე. გუნდი დაკომპლექტებულია მაღალი კლასის ფიზიკოსებით, ინჟინრებითა და პროგრამისტებით. აკადემიკოს დავით გურგენიძის თქმით, უნივერსიტეტი აქტიურად ჩაერთვება ექსპერიმენტის ძირითადი ამოცანების შესრულებაში, რომელთაგანაც განსაკურებით ხაზგასასმელია 20 მმ-იანი დიამეტრის სტროუ მილების წარმოება ექსპერიმენტისათვის. „საქართველოს ტექნიკურ უნივერსიტეტში სტროუ ლაბორატორია გასული წლის აპრილში გაიხსნა. ხაზგასმითაა აღსანიშნავი, რომ ინოვაცია, რომელიც დაინერგა ჩვენი უნივერსიტეტის კედლებში, პირველად განხორციელდა როგორც საქართველოში, ასევე მსოფლიო მასშტაბით. ლაბორატორიამ წარმატებით აწარმოა 5 და 10 მმ-იანი სტროუ მილები COMET ექსპერიმენტისათვის (KEK, იაპონია), რომლებიც უკვე გაგზავნილია იაპონიაში და მათი მეშვეობით წარმატებით ხდება მონაცემთა აღება ექსპერიმენტის პირველი ფაზის ფარგლებში დაგეგმილი გაზომვებიდან. ტრეკული დეტექტორის შექმნით, საქართველოს ტექნიკური უნივერსიტეტისა და მისი სამეცნიერო წრეების ცნობადობა და რეიტინგი საგრძნობლად გაიზარდა საერთაშორისო სივრცეში. აღსანიშნავია, რომ ამ პროცესში მეცნიერებთან ერთად ჩვენი სტუდენტებიც მონაწილეობენ, ხოლო საქართველოს ტექნიკური უნივერსიტეტის სტროუ ლაბორატორიაში წარმოებული მილები უკვე გაგზავნილია იაპონიაში - KEK-სა და J-PARC-ში. ჩატარებული მუშაობის წარმატებაში განსაკუთრებული წვლილი მიუძღვით: ნიკა წვერავას, დავით ჩოხელს და სტუ-ს სამაგისტრო საფეხურის სტუდენტს, ილია ჩოხელს. საქართველოს ტექნიკური უნივერსიტეტი აქტიურადა იქნება ჩართული SHiP ექსპერიმენტის როგორც საინჟინრო საქმეებში, ისე მონაცემთა დამუშავებასა და ანალიზში, 2026-2032 წლების განმავლობაში დაგეგმილია ექსპერიმენტისათვის საჭირო მოსამზადებელი სამუშაოების წარმოება, ე.წ R&D, ხოლო 2030 წლიდან იგეგმება უშალოდ ექსპერიმეტის ჩართვა CERN ის SPS ამაჩქარებელზე - 450 GeV ენერგია - და მონაცემთა აღება და ანალიზი, რასაც, ვიმედოვნებთ, მალევე მოჰყვება ფუნდამენტური მნიშვნელობის აღმოჩენა ნაწილაკების ფიზიკაში. წარმატებებს ვუსურვებ საქართველოს ტექნიკურ უნივერსიტეტს და ქართველ მეცნიერთა ჯგუფს“, - აცხადებს დავით გურგენიძე.სტუ-ის ინფორმაციით, ახალი თაობის სტროუ ტრეკული მილების საპილოტე წარმოება საქართველოს ტექნიკური უნივერსიტეტის რექტორმა, CERN/CMS ექსპერიმენტის ასოცირებულმა წევრმა, აკადემიკოსმა დავით გურგენიძემ და სტუ-ის კვანტური ფიზიკისა და საინჟინრო ტექნოლოგიების ინსტიტუტის დირექტორმა, სტუ-ის CERN-CMS ჯგუფის ხელმძღვანელმა, CERN-ში საქართველოს მთავრობის წარმომადგენელმა, პროფესორმა ზვიად წამალაიძემ გასულ წელს გახსნეს. პირველად მსოფლიოში, საქართველოს ტექნიკური უნივერსიტეტის მეცნიერთა მიერ შემუშავებული, უზუსტესი და დახვეწილი ულტრაბგერითი შედუღების ტექნოლოგიის მეშვეობით, ალუმინიზირებული მაილარის 12 და 15-მიკრონიანი (µm) ლენტისგან ახალი თაობის სტროუ ტრეკული მილები დამზადდა.სტროუ დეტექტორები, საუკეთესო ტექნიკური მახასიათებლებისა და ხელმისაწვდომობის გამო, ფართოდ გამოიყენება ისეთ უმსხვილეს სამეცნიერო ცენტრებში, როგორიცაა: ბირთვული კვლევების ევროპული ორგანიზაცია (CERN, შვეიცარია), ექსპერიმენტები: NA-62, SHIP; იაპონიის მაღალი ენერგიების ამაჩქარებლების კვლევითი ორგანიზაცია (KEK, იაპონია), J-PARC-ში მიმდინარე COMET ექსპერიმენტი; ფერმის ლაბორატორია (FERMILAB, აშშ), ექსპერიმენტები: DUNE, Mu2e.