ნუგზარ წიკლაური – დაიკარგა საქართველოს ისტორიულ-პოლიტიკური იდეა, რაც გულისხმობდა დასავლურ სამყაროსთან დაახლოებას, ეს არის უმძიმესი რეალობა ქართული სახელმწიფოსთვის

ნუ ავყვებით ოპოზიციის ნარატივს, რომ ხელისუფლებამ ლობისტებით საქმე ვერ გააწყო, ლობისტები არის მათი საქმე, – ამის შესახებ „ქართული ოცნების“, ერთ-ერთმა ლიდერმა, რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველი არხის გადაცემაში „დღის თემა“ განაცხადა.„მთელი მათი პოლიტიკა არის ლობისტებთან დაკავშირებული პოლიტიკა და ფაქტობრივად, ლობისტების მომსახურებაში არიან თვითონ, ვიდრე თვითონ იყენებენ ლობისტებს. ჩვენი პოლიტიკა აშშ-თან მიმართებაში ყოველთვის იყო ღია, ცალსახა და არასდროს არცერთი ლობისტი არ გამოგვიყენებია ამერიკის სახელმწიფოსთან ურთიერთობაში. ჩვენ ვართ სახელმწიფო და მეორე სახელმწიფოსთან უნდა იყოს სახელმწიფოს მეთაურების და სხვა ინსტიტუტების მეშვეობით ურთიერთობა“, – განაცხადა ქადაგიშვილმა. მისი თქმით, ე.წ. მეგობარი აქტი რეალობაში იმეორებს იმ მავნე პოლიტიკურ მემკვიდრეობას, რა პოლიტიკური მემკვიდრეობაც ერგო ზოგადად ბაიდენისგან ამერიკას და მსოფლიოს, როგორც თვითონ დონალდ ტრამპი ამბობს, უკრაინის ომით დაწყებული, USAID-ის და სხვა ასეთი ორგანიზაციების ხშირ შემთხვევაში, მავნებლური საქმიანობით.„ამიტომ, ჩვენ ამასთან დაკავშირებით ღიად მივმართავთ ამერიკის პრეზიდენტს, რომ ჩვენი სურვილია, სწორედ ეს მავნე მემკვიდრეობა გვერდით გადაიდოს და რეალური პარტნიორული, სტრატეგიული ურთიერთობები აღდგეს და საქართველოსა და აშშ-ს შორის. ეს არის ამ მიმართვის ერთადერთი მიზანი და განაცხადიც“, – განაცხადა ქადაგიშვილმა.გადაცემის წამყვანის შეკითხვაზე, რატომ დაიწერა წერილი ოთხი თვის შემდეგ და იქიდან გამომდინარე, რომ ეს პირველი კომუნიკაცია არ ყოფილა, რაც ამ წერილიდან გავიგეთ, როდის შედგა პირველი კომუნიკაცია და რა ფორმით, ირაკლი ქადაგიშვილმა განაცხადა, რომ პირველი რეალური კომუნიკაცია შედგა, როდესაც აშშ-ის ელჩი ეწვია საგარეო საქმეთა მინისტრს და ამის შემდეგ, როცა პირველი ვიცე-პრემიერი იმყოფებოდა აშშ-ში.„პრემიერ-მინისტრს შეხვედრა ამერიკის ადმინისტრაციის წარმომადგენელთან არ ჰქონია. ყოველთვის იყო ასე ვთქვათ, შეთავაზება, როგორც იმავე წერილშია, რომ წერილითაც მიმართა, რომ მზად ვართ ამ თანამშრომლობისთვის“, – განაცხადა ქადაგიშვილმა.შეკითხვაზე, რას ელოდება ხელისუფლება ამ წერილის პასუხად, ირაკლი ქადაგიშვილმა აღნიშნა, რომ ხელისუფლება უყურებს, როგორი იქნება გეოპოლიტიკური ინტერესები.„ჩვენ ხომ უკვე ის სახელმწიფო ვართ, რომელიც ზრდასრულობის ასაკში შევდივართ, თანამედროვე საქართველოს სახელმწიფოზე მაქვს საუბარი და კარგად ვხედავთ, რომ ხშირ შემთხვევაში გეოპოლიტიკური ინტერესები უფრო მთავარია, ვიდრე რამე ობიექტური საზომებით მსჯელობა. ჩვენ ვხედავთ, რომ უცებ შეიძლება, უკიდურესი „ალ-ქაიდას“ და „ისლამური სახელმწიფოს“ სამხედრო ლიდერი გახდეს ერთ-ერთი საუკეთესო დემოკრატი, რადგან გეოპოლიტიკურ ინტერესებს შეესაბამება. გამომდინარე აქედან, ჩვენ მაინც ვუყურებთ, გეოპოლიტიკური ინტერესები როგორი იქნება და აქედან გამომდინარე არის ჩვენი მოლოდინებიც, თორემ რაც შეეხება იმას, რასაც ტრამპი საჯაროდ ლაპარაკობს, დამერწმუნებით, ერთი-ერთში ემთხვევა იმას, რასაც საუბრობდა „ქართული ოცნება“. მნიშვნელოვანია, როგორი იქნება აშშ-ის საგარეო გეოპოლიტიკური ხედვა. ვფიქრობ, ჯერჯერობით, ტრამპს და მის ადმინისტრაციას ეს ხედვა ბოლომდე ჩამოყალიბებული არ აქვს, რადგან ეს ბევრ კომპონენტთან არის დაკავშირებული“, – განაცხადა ქადაგიშვილმა.თამთა სანიკიძის შეკითხვაზე, ხომ არ მოახდენს ორი ქვეყნის ურთიერთობაზე ნეგატიურ გავლენას აღნიშნული წერილი იმის გათვალისწინებით, რომ იქ საუბარია მაგალითად იმაზე, რომ გაჩნდა განცდა, რომ შესაძლოა, ეს იყოს არა ე.წ. დიფ სთეითთან ბრძოლა, არამედ მისი რებრენდინგი, ირაკლი ქადაგიშვილმა განაცხადა, რომ ეს არის ის, რასაც თვითონ აშშ-ის ახალი ადმინისტრაცია ამბობს, რომ ისინი უნდა მოერიონ „დიფ სთეითს.„თუ ვნახავთ, ყველა მათი გადაწყვეტილება და სულ ბოლო გადაწყვეტილებაც, რომელიც დაზვერვის სამსახურის ხელმძღვანელმა მიიღო, არის ის, რომ დაზვერვის სამსახურიდან ორი ხელმძღვანელი პირი გაათავისუფლეს, რადგან ისინი პირდაპირ ბლოკავდნენ შესაბამისი პოლიტიკური ინფორმაციის მიწოდებას ადმინისტრაციაზე და პირიქით, ინფორმაციის გაჟონვას ჰქონდა ადგილიო. ასე რომ, თვითონ მათი განცხადებებია ეს, „დიფ სთეითთან“ დაკავშირებით“, – განაცხადა ირაკლი ქადაგიშვილმა.

აშშ-ის პრეზიდენტი დონალდ ტრამპი რუსეთ-უკრაინის მოლაპარაკებებზე დასასწრებად თურქეთში გამგზავრებას არ გეგმავს.აღნიშნულის შესახებ ინფორმაციას „სიენენი“ თეთრი სახლის მაღალჩინოსნებზე დაყრდნობით ავრცელებს.მანამდე, აშშ-ის პრეზიდენტმა, დონალდ ტრამპმა უკრაინისა და რუსეთის მოლაპარაკებებისთვის სტამბოლში ჩასვლა არ გამორიცხა.„ხვალინდელი დღე სრულად დაკავებული გვაქვს, მაგრამ მზად ვარ, შევცვალო გრაფიკი, რათა გადავარჩინო სიცოცხლეები“, – აღნიშნა ტრამპმა მანამდე.ცნობისთვის, დონალდ ტრამპი ოფიციალური ვიზიტით ახლო აღმოსავლეთში იმყოფება. 13 მაისს საუდის არაბეთის დედაქალაქ ერ-რიადში ჩავიდა, 14 მაისს კატარს ეწვია და შეხვედრებს 15 მაისს არაბთა გაერთიანებულ საამიროებში დაასრულებს.ამასთან, რუსეთის პრეზიდენტმა, ვლადიმერ პუტინმა სტამბოლში მოლაპარაკებებზე წარდგენილი დელეგაციის შემადგენლობა დაასახელა. სიიდან ირკვევა, რომ თურქეთში თავად ვლადიმერ პუტინი არ ჩავა.

უნდა გადავეჩვიოთ იმას, რომ რაკი ვინმე უცხოელია, აუცილებლად სწორს უნდა ამბობდეს. ყველა უცხოელი იცავს საკუთარი სახელმწიფოს ინტერესებს - ამის შესახებ პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ "ღამის კურიერის" ეთერში განაცხადა.როგორც ბითაძემ აღნიშნა, რთულ გეოპოლიტიკურ ვითარებაში, საქართველოს დიდი გამოწვევები უდგას, ამიტომ მნიშვნელოვანია, ქვეყანამ, პირველ რიგში, საკუთარი ინტერესები დაიცვას."როგორც საქართველოს მოქალაქეს, მეამაყება, რომ ვარ იმ პარლამენტის წევრი, რომელმაც პირველად გაბედა და ხმა აიმაღლა საპარლამენტო განცხადების დონეზე და პასუხი გასცა სხვა ქვეყნის პარლამენტის მიერ მიღებულ გადაწყვეტილებას, რომელიც სიცრუით იყო გაჯერებული. ჩვენ უნდა შევეჩვიოთ, რომ ჩვენ ვართ ამ პლანეტის დამოუკიდებელი ქვეყნის მოქალაქეები, იმ სახელმწიფოსი, რომელიც ძალიან რთულ გეოპოლიტიკურ გარემოში იმყოფება, ქვეყნის, რომლის 20%-იც არის ოკუპირებული და ამდენი ხანია ბეჭვის ხიდზე გადის. ჩვენ უნდა გვახსოვდეს, რომ ჩვენი შვილებისთვის და ჩვენი თავისთვის უნდა შეგეძლოს, რომ პასუხი გავცეთ ყველა იმ ცრუ ინფორმაციას, რომელსაც ჩვენი სახელმწიფოს წინააღმდეგ შეიძლება ვინმე ავრცელებდეს და გადავეჩვიოთ იმას, რომ რაკი ვინმე უცხოელია, აუცილებლად სწორს უნდა ამბობდეს. ყველა უცხოელი იცავს საკუთარი სახელმწიფოს ინტერესებს და ჩვენ უკვე გავიზარდეთ ქართველები იმდენად, რომ ეს კარგად გავიაზროთ და დავანებოთ თავი იმ ადამიანების ნდობას, რომელიც კარდაკარ დადის უცხოეთში და აფუჭებს იმას, რაც "ქართულმა ოცნებამ" გააკეთა," - განაცხადა მაია ბითაძემ.

ე.წ. ექსპერტებს აკეთებინებდნენ კოორდინირებულ ნეგატიურ განცხადებებს ეკონომიკაზე, მათი მეშვეობით ცდილობდნენ, შეექმნათ ნიჰილიზმი, ვინაიდან ცნობილია, რომ განწყობა აისახება ხოლმე ეკონომიკურ მონაცემებზე, აგენტი უნდა იყო, რომ ეს გააკეთო და ასე ავნო შენს ქვეყანას, – ამის შესახებ საქართველოს პრემიერ-მინისტრმა, ირაკლი კობახიძემ გადაცემა „იმედი LIVE-ში“ განაცხადა.ირაკლი კობახიძის თქმით, მიუხედავად აგენტურის მცდელობებისა, ქვეყანას აქვს ძალიან კარგი მაჩვენებელი ყველა მიმართულებით, სავალუტო ფონდის პროგნოზით კი, 2029 წლის ჩათვლით, საქართველო იქნება მსოფლიოში მე-2 ადგილზე ეკონომიკური ზრდის თვალსაზრისით.„ჩამოიყვანესკონკრეტული ადამიანები, ე.წ. ექსპერტები საზღვარგარეთიდან, სინამდვილეში არავითარი ექსპერტები ისინი არ იყვნენ, იყვნენ ხელისუფლების ყოფილი მაღალჩინოსნები თავის დროზე და მათი მეშვეობით ცდილობდნენ, შეექმნათ მძიმე ფონი, ნიჰილიზმის განწყობა დაემკვიდრებინათ ეკონომიკურ ტენდენციებთან დაკავშირებით, ესეც აჩვენებს, რამდენად მძიმეა აგენტის ხვედრი. ერთ-ერთი ასეთი ე.წ. ექსპერტის ციტატა იყო, პირდაპირ ამბობდა, ეს იყო იანვარში, რომ 3 თვეში ლარის კურსი იქნებოდა მინიმუმ 3.1, ინფლაცია კი, მინიმუმ 6 %, თუ 8 %, გვექნებოდა ეკონომიკური ვარდნა და ა.შ. აღარ მინდა, შორს წავიდე. ასეთი პროგნოზები გააკეთებინეს, თუმცა 3 თვეზე მეტი გავიდა უკვე. მიზეზი ამ ყველაფრისა იყო ის, რომ ზოგადად განწყობა აისახება ხოლმე ეკონომიკურ და სხვა ტიპის მონაცემებზე. შესაძლოა, განწყობის შექმნის ხარჯზე შენ ხელოვნურად შეუწყო ხელი კურსის დევალვაციას, ან შეიძლება შეაფერხო ეკონომიკური ზრდა. ზოგადად, როდესაც განწყობა საზოგადოებაში არის მძიმე, ამ შემთხვევაში, ნაკლებია მოტივაცია, რომ შეიძინონ პროდუქტი, ეს აგდებს ეკონომიკურ აქტივობას და ა.შ. სწორედ, ამაზე იყო გამიზნული ასეთი განცხადებები, ე.წ. ექსპერტებს აკეთებინებდნენ კოორდინირებულად ნეგატიურ განცხადებებს ეკონომიკაზე. აგენტი უნდა იყო, რომ ასეთი განცხადებები გააკეთო, ცდილობ, ავნო შენს ქვეყანას ნეგატიური განწყობის შექმნით. მათი ე.წ. პროგნოზები არ შესრულდა, ლარის კურსი არის არა 3.1-ზე მეტი, არამედ 2.75-ის ფარგლებში, მადლობა ეროვნულ ბანკს იმ ძალისხმევისთვის, რომელიც გასწია ამ ყველაფრისთვის. ასევე უნდა აღინიშნოს, რომ სერიოზული რეზერვები დავაგროვეთ ჩვენ ამ ბოლო თვეების განმავლობაში. მანამდე გვიწევდა რეზერვების გაყიდვა, გასული წლის მეორე ნახევარში განსაკუთრებით, წელს კი პირიქით, დავიწყეთ რეზერვების დაგროვება და მადლობა ამისათვის ეროვნულ ბანკს და მის ხელმძღვანელობას, ეროვნული ბანკის პრეზიდენტს.რაც შეეხება ეკონომიკურ ზრდას, მათი ე.წ. პროგნოზი იყო მინუსი, ეს იყო ჩვეულებრივი დაკვეთა და ჩვენ, პირველი კვარტლის მონაცემებით, გვაქვს 9%-ზე მაღალი ეკონომიკური ზრდა. ასევე, 3 %-ის ფარგლებში გვაქვს ინფლაცია, რაც ოპტიმალური მაჩვენებელია, ყველა მიმართულებით გვაქვს ძალიან კარგი მაჩვენებლები, თუმცა კიდევ ერთხელ უნდა გავიხსენოთ ის, თუ ეს აგენტურა რა განწყობის დათესვას ცდილობდა და საით ცდილობდა ეკონომიკური ტენდენციების წაყვანას. ჩვენ, რა თქმა უნდა, ყველაფერს გავაკეთებთ იმისათვის, რომ ბოლომდე დავიცვათ ხალხის ინტერესი. ეს ყველაფერი პირდაპირ ხალხზე აისახება, ეს ხომ არ არის ის, რომ შეიძლება მარტო ხელისუფლება, ან ხელისუფლებაში ვიღაც შეასუსტოს. როდესაც ნელდება ეკონომიკური ზრდა, ეს პირდაპირ აისახება მოსახლეობის კეთილდღეობაზე, მართლა აგენტი უნდა იყო, რომ ასეთი რაღაც გააკეთო და სცადო. თუმცა ეს არის აგენტის ხვედრი და თუ ხარ აგენტი, ნებისმიერ დავალებაზე ხარ იძულებული, რომ ხელი მოაწერო, ზუსტად ეს ხდება ამ კონკრეტული ადამიანების შემთხვევაში. გაგრძელდება ზრუნვა ეკონომიკურ განვითარებაზე, ეს არის ჩვენი უმთავრესი პრიორიტეტი. მიუხედავად იმისა, რომ გვაქვს სწრაფი ეკონომიკური ზრდა, ჯერ კიდევ 9 000 აშშ დოლარს ცოტათი აღემატება ჩვენი მშპ, ჩვენი ეკონომიკა. ჯერ კიდევ ჩამოვრჩებით საშუალო ეკონომიკურ მაჩვენებელს, რაც არის ევროპაში, თუმცა ის ტენდენციები, რაც გვაქვს, გვაძლევს სერიოზული ოპტიმიზმის საფუძველს და არის ასევე სავალუტო ფონდის პროგნოზი, რომლის მიხედვითაც, 2029 წლის ჩათვლით, ჩვენ ვიქნებით მე-2 ადგილზე მსოფლიოში ეკონომიკური ზრდის მაჩვენებლით. ანუ, იმდენად კარგია ტენდენცია, რომ ამ ტენდენციიდან გამომდინარე და საერთო ეკონომიკური და ფისკალური მონაცემებიდან გამომდინარე, გვაქვს სავალუტო ფონდის მხრიდანაც ასეთი საინტერესო პროგნოზი. აღსანიშნავია, რომ ჩვენ, სავალუტო ფონდის პროგნოზებსაც ყოველთვის ვასრულებდით ხოლმე გადაჭარბებით და ვფიქრობთ, რომ, მე პირადად დარწმუნებული ვარ, რომ შემდეგი წლების განმავლობაში სავალუტო ფონდის პროგნოზებს გადაჭარბებით შევასრულებთ,“- განაცხადა პრემიერმა.

ზურაბ პოლოლიკაშვილი აცხადებს, რომ გაეროს მსოფლიო ტურიზმის ორგანიზაციის გენერალური მდივნის თანამდებობაზე მისი კანდიდატურის გაწვევის გადაწყვეტილება მასთან შეთანხმებული არ იყო.ამის შესახებ ის „ფორმულასთვის“ გაგზავნილ წერილში საუბრობს და ითხოვს, პრემიერ-მინისტრმა ირაკლი კობახიძემ ახსნას, რატომ გააკეთა ეს და „რაში გაცვალა“ მისი კანდიდატურა.„ალბათ, უცნაურად ჩანს, რომ არ ვჩანვარ... 12-საათიანი ფრენა მაქვს. თვითმფრინავში რომ ჩავჯექი, მაშინ ვნახე deep ვირთხების გადაწყვეტილება. ჩავფრინდები და ხვალ ჩაგერთვებით. მანამდე ის, რომ ეს ჩემი სურვილი იყო ან შეთანხმებული ჩემთან, არის დიდი ტყუილი. კარგი იქნება, თუ კობახიძე ახსნის რატომ გააკეთა ეს... 3 კვირაა და მეტი ვწერ, ვურეკავ და იმალება, გამოვიდეს და თქვას რაში გაცვალა ჩემი კანდიდატურა! მე არ წარმოვადგენ არც deep states და არც გლობალურ ომის პარტიას - მე ვარ ქართველი გაეროს მსოფლიო ტურიზმის გენერალური მდივანი“, - აღნიშნავს ის წერილში, რომელსაც "ფორმულა" ავრცელებს.