ნიკა გვარამია – რაც ვთქვი, ისიც სავსებით საკმარია, რომ ხვალ უკან შემაბრუნონ, მაგრამ მგლის შიშით ცხვარი არ უნდა გაწყვიტო – ენდეთ ქართულ ანდაზებს

რუსთავის მე-12 პენიტენციურ დაწესებულებაში პოლიტიკოსებსა და ოპოზიციონერებს შორის მე ვარ ერთადერთი სახელოვნებო სფეროს წარმომადგენელი და გამოვირჩევი იმით, რომ ყველაზე საშიში დამნაშავის ბრალი მაქვს წარდგენილი. გულწრფელად გეკითხებით, გჯერათ, რომ საქართველოსა და მისი სახელმწიფოებრიობისთვის პაატა ბურჭულაძე რაიმე საფრთხეს წარმოადგენს? – ამის შესახებ განაცხადა მოძრაობა „რუსთაველის გამზირის“ ლიდერმა, პაატა ბურჭულაძემ თბილისის საქალაქო სასამართლოში, სადაც 4 ოქტომბრის საქმეზე დაკავებულების სასამართლო პროცესი მიმდინარეობს.მისივე თქმით, შემდეგ დაბადების დღეს რუსთაველზე შეხვდება.„ძალიან ამაყად ვზივართ აქ. ჩემს ცხოვრებაში ყველაზე განსაკუთრებული დაბადების დღე მქონდა შარშან, როდესაც რუსთაველის ოპერის თეატრი არ დამითმო „ქართულმა ოცნებამ“ და რუსთაველზე ასობით ათასი ადამიანისგან მივიღე მოლოცვა. წელს სასამართლოზე ვიღებ მოლოცვებს, რაც დაუვიწყარი იქნება ჩემს კარიერაში. როგორც წესი, ამ დღეს არის უამრავი მოლოცვა მსოფლიოს ყველა კუთხიდან, დღეს კი, პროკურორების გადაწყვეტილებით, ჩემს მეუღლესთან, შვილებთან, შვილიშვილებთან სატელეფონო საუბარიც არ შემიძლია. სარწმუნოება გვასწავლის, რომ ბოროტებას სიკეთით უნდა უპასუხო და მეც, როგორც ქრისტიანმა, გადავწყვიტე, დღეს პროკურორებს, განსაკუთრებით, თამარ ბეჟუაშვილს და ვაჟა თოდუას საჩუქარი გაგიკეთოთ და სიკეთით გიპასუხოთ. შემიძლია, წერილი მივწერო ევროპარლამენტს, ევროსაბჭოს, ევროკომისიას, რომ შემთხვევით არ გამორჩეთ თქვენი და თქვენი ოჯახის წევრები დასანქცირებულთა სიაში, რომელიც მომდევნო თვეებში გამოქვეყნდება. მერწმუნეთ, ამ წერილს ანგარიშს გაუწევენ, მაგრამ ამას არ გავაკეთებ, არა იმიტომ, რომ არ იმსახურებთ, არამედ ჩვენ გვაქვს მაგალითები, რომ „ოცნების“ წარმომადგენლებს, გამორჩეულად უარყოფით ადამიანებსაც კი, ჰყავთ შესანიშნავი შვილები და მათი მომავალი მშობლების საქციელს არ უნდა გადავაყოლოთ. ისინიც ჩვენი ქვეყნის შვილები არიან. რუსთავის მე-12 პენიტენციურ დაწესებულებაში პოლიტიკოსებსა და კორუფციონერებს შორის მე ვარ სახელოვნებო სფეროს ერთადერთი წარმომადგენელი და გამოვირჩევი იმით, რომ ყველაზე საშიში დამნაშავის ბრალი მაქვს წარდგენილი. გულწრფელად გეკითხებით, თვითონ გჯერათ, რომ საქართველოსა და მისი სახელმწიფოებრიობისთვის პაატა ბურჭულაძე რაიმე საფრთხეს წარმოადგენს? ვისაც გჯერათ, სწრაფ გამოჯანმრთელებას გისურვებთ. შემდეგ დაბადების დღეს რუსთაველზე შევხვდებით“, – განაცხადა პაატა ბურჭულაძემ.

ჩვენი ხელისუფლების მიერ არჩეული მშვიდობის, სტაბილურობისა და ეკონომიკური კეთილდღეობის ვექტორი ურყევია. ამას მოწმობს საქართველოს ტრადიციული სამშვიდობო პოლიტიკა სამხრეთ კავკასიაში. ამიტომ მხოლოდ მივესალმებით, როდესაც ამ პროცესს გარე აქტორებიც უერთდებიან, - განაცხადა საქართველოს პრეზიდენტმა, მიხეილ ყაველაშვილმა ხორვატიის პრეზიდენტთან, ზორან მილანოვიჩთან ერთად გამართულ ბრიფინგზე. მისივე თქმით, საქართველო, როგორც შუა დერეფნის მნიშვნელოვანი კვანძი, დაინტერესებულია გააღრმაოს თანამშრომლობა ხორვატიასთან და ხელი შეუწყოს სატრანსპორტო დერეფნის განვითარებას ბალკანეთის რეგიონსა და აზიას შორის. „ახალმა გეოპოლიტიკურმა რეალობამ მნიშვნელოვნად გაზარდა შუა დერეფნის მნიშვნელობა. საქართველო ყველაფერს აკეთებს იმისათვის, რომ ხელი შეუწყოს დერეფნის განვითარებას, მის უსაფრთხოებასა და ეფექტიანად ფუნქციონირებას. საქართველო, როგორც შუა დერეფნის მნიშვნელოვანი კვანძი, დაინტერესებულია გააღრმაოს თანამშრომლობა ხორვატიასთან და ხელი შეუწყოს სატრანსპორტო დერეფნის განვითარებას ბალკანეთის რეგიონსა და აზიის ქვეყნებს შორის.ჩვენ მზად ვართ ხორვატიასთან განვავითაროთ ორმხრივი ურთიერთობები პოლიტიკური, ეკონომიკური, ტექნოლოგიური, საგანმანათლებლო და კულტურული მიმართულებით და ჩვენი წვლილი შევიტანოთ სამხრეთ კავკასიისა და ბალკანეთის რეგიონების დაახლოებაში. ვსარგებლობ შემთხვევით და კიდევ ერთხელ გადავუხდი მადლობას პრეზიდენტ ზორან მილანოვიჩსა და მის დელეგაციის თითოეულ წევრს საქართველოში სტუმრობისთვის“, - განაცხადა საქართველოს პრეზიდენტმა.

საქართველოს განათლების, მეცნიერებისა და ახალგაზრდობის მინისტრის გივი მიქანაძის განცხადებით, სახელმწიფო უნივერსიტეტებში კვოტები განაწილდება უმაღლესი განათლების რეფორმის კონცეფციით დადგენილი „ერთი ქალაქი – ერთი ფაკულტეტის პრინციპის“ შესაბამისად, არსებითად, უნივერსიტეტების ტრადიციული პროფილის გათვალისწინებით.კერძოდ, მინისტრის თქმით, თბილისის სახელმწიფო უნივერსიტეტში მიღება გამოცხადდება ისეთ მიმართულებებზე, როგორიცაა ზუსტი და საბუნებისმეტყველო მეცნიერებები, ჰუმანიტარული მეცნიერებები, პედაგოგიკის გამოკლებით; სამართალი; ეკონომიკა და ბიზნესის ადმინისტრირება; სოციალური და პოლიტიკური მეცნიერებები.საქართველოს ტექნიკურ უნივერსიტეტში მიღება გამოცხადდება საინჟინრო-ტექნიკურ დისციპლინებზე.თბილისის სახელმწიფო სამედიცინო უნივერსიტეტში მიღება გამოცხადდება მედიცინის სპეციალობებზე.ილიას სახელმწიფო უნივერსიტეტში მიღება გამოცხადდება პედაგოგიკის პროგრამებსა და ABET აკრედიტაციის მქონე STEM სპეციალობებზე.სოხუმის სახელმწიფო უნივერსიტეტში – აგრარულ სპეციალობებზე, ქართულ-აფხაზური ენის და ლიტერატურისა და პედაგოგიკის სპეციალობებზე.სახელოვნებო უნივერსიტეტები და სპორტის უნივერსიტეტი სტუდენტებს მიიღებენ შესაბამის სპეციალობებზე.ბათუმისა და ქუთაისის უნივერსიტეტები შეინარჩუნებენ მრავალფუნქციურ დატვირთვას.ზუგდიდის, გორის, ახალციხისა და თელავის უნივერსიტეტებში აქცენტი გაკეთდება აგრარულ სპეციალობებზე, ტურიზმის მიმართულებასა და პედაგოგიკაზე.

სახელმწიფო, ერი, რომელსაც მე-12 საუკუნეში შოთა რუსთაველი ჰყავდა, ამ დროს ყველაზე წინ წასულ ევროპულ ქვეყნებსაც არ გააჩნდათ ასეთი დონის ლიტერატურა, ხელოვნება და წერდნენ ქაღალდის ფურცელზე, საქართველო იმსახურებს გაგებას, მხარდაჭერას, – ამის შესახებ ხორვატიის პრეზიდენტმა, ზორან მილანოვიჩმა ქართველ კოლეგასთან, მიხეილ ყაველაშვილთან ერთობლივი ბრიფინგისას განაცხადა.მილანოვიჩის თქმით, ხორვატია საქართველოს გვერდით დგას და მას მხარს უჭერს.მე ჩამოვედი ფართო დელეგაციით, ეკონომისტები არიან ჩემთან ერთად, რომლებიც წამყვან ბიზნესებს წარმოადგენენ ხორვატიაში, სკანდინავიურ ქვეყნებს, მათ აინტერესებთ საქართველოს ბაზარი, კავკასიის ეს ზონა. ჩემი და ყველას სოლიდარობა საქართველოსთან, კითხვის ნიშნის ქვეშ არ დგას. მე ვთვლი, რომ თქვენ მშვიდობიანად შეძლებთ, აღიდგინოთ ტერიტორიული მთლიანობა. ჩვენ გრძნობების დონეზეც კი თქვენს გვერდით ვდგავართ, რადგან ჩვენც გვქონდა უზარმაზარი პრობლემები, ჩვენი მტერი უფრო სუსტი იყო, ვიდრე თქვენი. ვფიქრობ, ეს არ იქნება ინტერპრეტირებული, როგორც პრორუსული აგიტაცია, რადგან ყველაფერი შესაძლებელია დღევანდელ სამყაროში. მე აქ ვიმყოფები დღეს და ხვალ ჩემს მეგობრებთან ერთად, ზოგიერთს წლებია ვიცნობ, მანამდე არ შევხვედრივარ ბატონ პრეზიდენტ ყაველაშვილს, ახლა შევხვდით და დარწმუნებული ვარ, რომ ჩვენი ურთიერთობა იქნება ძალიან მაღალ დონეზე, რომელიც ემყარება ურთიერთპატივისცემას. ნება მომეცით, დავასრულო, რომ სახელმწიფო, ერი, რომელსაც მე-12 საუკუნეში შოთა რუსთაველი ჰყავდა, ასეთი პოეტი, ამავე დროს, ყველაზე წინ წასულ ევროპულ ქვეყნებსაც არ გააჩენდა ასეთი დონის ლიტერატურა, ხელოვნება და წერდნენ ქაღალდის ფურცელზე. საქართველო იმსახურებს გაგებას, მხარდაჭერას და ამისთვისაც ვიმყოფები აქ“, – განაცხადა მილანოვიჩმა.ცნობისთვის, ხორვატიის პრეზიდენტი ზორან მილანოვიჩი საქართველოს დელეგაციასთან ერთად ეწვია, რომლის შემადგენლობაში არიან:  ხორვატიის რესპუბლიკის პრეზიდენტის კაბინეტის უფროსი  ბარტოლ შიმუნიჩი, პრეზიდენტის მრჩეველი საგარეო და ევროპის საკითხებში ნევენ პელიცარიჩი, პრეზიდენტის სპეციალური მრჩეველი ეკონომიკურ საკითხებში ველიბორ მაჩკიჩი, ხორვატიის რესპუბლიკის საგანგებო და სრულუფლებიანი ელჩი საქართველოში ბრანკო ზებიჩი და პრეზიდენტის ადმინისტრაციის წარმომადგენლები.

მინდა, დიდი მადლობა გადავუხადო ხორვატიის პრეზიდენტს ემოციური და თბილი სიტყვებისთვის, ეს არის ნამდვილი ღირსეული ლიდერის დამოკიდებულება, – ამის შესახებ საქართველოს პრეზიდენტმა, მიხეილ ყაველაშვილმა ხორვატიელ კოლეგასთან ერთობლივი ბრიფინგისას განაცხადა.პრეზიდენტის თქმით, ევროკავშირის ღირსეული ქვეყნის პრეზიდენტი სიმართლეს საუბრობს და სწორედ ამ სიმართლის თქმას ითხოვს საქართველო ევროპელი ბიუროკრატებისგანაც.„ჩვენს საზოგადოებას მინდა, მივმართო, რომ დიახ, ევროკავშირის ღირსეული ქვეყანა, ხორვატია და მისი პრეზიდენტი სიმართლეს საუბრობს და სწორედ ასეთ გულწრფელ საუბარს ვითხოვთ ევროპული ბიუროკრატიისგან და იმ ქვეყნების წარმომადგენლებისგან, რომლებსაც ორმაგი სტანდარტი, სხვა დამოკიდებულება აქვთ ჩვენს ქვეყანასთან. ეს არის ნამდვილი ღირსეული ლიდერის დამოკიდებულება და აქ არ არის ზედმეტი არაფერი. ეს არის სიმართლის აღიარება და დამოკიდებულება, როგორი უნდა იყოს თანასწორი ქვეყნის ღირსეულ პრეზიდენტებს შორის თანამშრომლობა. კიდევ ერთხელ მადლობა მას ამისთვის“, – განაცხადა ყაველაშვილმა.ხორვატიის რესპუბლიკის პრეზიდენტმა, ზორან მილანოვიჩმა საქართველოს პრეზიდენტ მიხეილ ყაველაშვილთან ერთობლივ ბრიფინგზე განაცხადა: „ევროპულ ბიუროკრატიას არ მივცემ ჩემი სახელით საუბრის უფლებას, საქართველოს არ აქვს ურთიერთობები მოსკოვთან და აბრალებენ პრორუსულობას, ამას ვერ ვიგებ“.ცნობისთვის, ხორვატიის პრეზიდენტი ზორან მილანოვიჩი საქართველოს დელეგაციასთან ერთად ეწვია, რომლის შემადგენლობაში არიან:  ხორვატიის რესპუბლიკის პრეზიდენტის კაბინეტის უფროსი  ბარტოლ შიმუნიჩი, პრეზიდენტის მრჩეველი საგარეო და ევროპის საკითხებში ნევენ პელიცარიჩი, პრეზიდენტის სპეციალური მრჩეველი ეკონომიკურ საკითხებში ველიბორ მაჩკიჩი, ხორვატიის რესპუბლიკის საგანგებო და სრულუფლებიანი ელჩი საქართველოში ბრანკო ზებიჩი და პრეზიდენტის ადმინისტრაციის წარმომადგენლები.