მძღოლმა საჭე ვერ დაიმორჩილა – ქუთაისში მომხდარი ტრაგედიის დეტალები

არ შეიძლება, პარტიად იწოდებოდეს გაერთიანება, რომელიც თავის ქვეყანას ინტენსიურად უტევს, რათა ხელისუფლებაში რევოლუციური გზით მოვიდეს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, „ისინი წლების განმავლობაში ერთი და იმავე სცენარით და დაფინანსების წყაროთი მოქმედებენ, რასაც უკვე აღარც მალავენ“.„რასაკვირველია, ეს არანაირ პოლიტიკურ ბრძოლას არ ითვალისწინებს, მით უმეტეს, დემოკრატიის არანაირ ჩარჩოში არ ჯდება. ამავე დროს, უნდა დასაბუთდეს, რომ ეს ქმედებები სწორედაც სცდება პოლიტიკური დისკუსიის, დაპირისპირების ჩარჩოებს და გაცილებით მწვავე ფორმატში გადადის, რომელსაც ნამდვილად არ ჰქვია პოლიტიკური კონკურენცია.ეს გეგმა მიმართულია იმისკენ, რომ ქვეყნის ეკონომიკური მაჩვენებელი დაეცეს, რათა საბოტაჟის პროცესები განვითარდეს, საზოგადოების მნიშვნელოვანი ნაწილის უკმაყოფილება გამოიწვიოს და დაპირისპირება, სისხლისღვრა მოსდევდეს. ეს აქვთ გამოცხადებული თავიანთ პროგრამაში. რასაკვირველია, ეს პოლიტიკური პარტია არ არის. ამასთან დაკავშირებით თავისთავად მაღალპროფესიონალური შეფასებები უნდა იყოს და საკონსტიტუციო სასამართლო სწორედ ის ადგილია, სადაც ეს საკითხი უნდა შეფასდეს. რასაკვირველია, თუ ეს გადაწყვეტილება მიიღება, არ შეიძლება, რომ ადამიანები სხვა სახელით და იმავე დღის წესრიგით შემოვიდნენ, რათა ქვეყნის წინააღმდეგ საკუთარი მიზნები განახორციელონ“, – განაცხადა გია ვოლსკიმ.

საფრანგეთის ულტრამემარჯვენე პარტიის, „ეროვნული გაერთიანების“ ლიდერს, მარინ ლე პენს სასამართლომ ოთხი წლით თავისუფლების აღკვეთა მიუსაჯა. საფრანგეთის სასამართლოს გადაწყვეტილებით, მარინ ლე პენისთვის დაწესებული სასჯელი იყოფა ორ ნაწილად – ორი წელი „მკაცრი“ სასჯელი, რომელიც შეიძლება მოიხადოს ელექტრონული სამაჯურით (შინაპატიმრობით) და ორი წელი პირობითი სასჯელი.ამასთან, ლე პენს საჯარო თანამდებობის დაკავება ხუთი წლით აეკრძალა.ფრანგი ულტრამემარჯვენე პოლიტიკოსი ევროკავშირის სახსრების არამიზნობრივი ხარჯვის საქმეზე სასანართლომ დამნაშავედ ცნო.მარინ ლე პენსა და მისი პარტიის 24 წევრს, პარტიის ოფიციალურ პირებს, თანამშრომლებს, ყოფილ დეპუტატებსა და საპარლამენტო ასისტენტებს ბრალი ედებოდათ ევროპარლამენტში მუშაობისთვის გამოყოფილი თანხების გამოყენებაში იმ თანამშრომლების დასაფინანსებლად, რომლებიც მათი პარტიისთვის მუშაობდნენ. ლე პენი და სხვა ბრალდებულები ამტკიცებდნენ, რომ თანხების გამოყენების მეთოდი კანონიერი იყო.

პარლამენტის დროებითი საგამოძიებო კომისიის სხდომაზე, სადაც 2004 -2008 წლებში საქართველოს ოკუპირებულ ტერიტორიებზე შექმნილ ვითარებასთან დაკავშირებით საკითხები განიხილება, 2008 წელს თიღვის მუნიციპალიტეტის გამგებელი გიორგი კაპანაძე ომის მოვლენებთან დაკავშირებით ერთ-ერთ ეპიზოდს იხსენებს, სადაც მას ხალხის გაყვანის შესახებ დანაბარები გადასცეს."6 რიცხვში მე მიკავშირდებოდა და ვერ დამიკავშირდა, ასეთი პიროვნება იყო ინალ ბაზაევი. ეს იყო წუნარისა და ტბეთის მხარეზე საველე მეთაური. ამავე დროს, ცხინვალში ე.წ. პარლამენტი ჰქონდათ, 35 პარლამენტარი ჰყავდათ და იმ პარლამენტის წევრი იყო. ჩემთან მოვიდა ნიკოლოზ (ნიკო) გასიევი და გადმომცა ასეთი რაღაც. გიორგი კაპანაძე ვარ, მაგრამ აბსოლუტურად მთელი ზნაურის რაიონი, ოსებიც და ცხინვალის ოსებიც, ყველა მიცნობდა, როგორც გონერი კაპანაძეს. გადაეცით გონერის, რომ მაღლა, მინდორში, წუნარის წყალსაცავის მიდამოებში, პოლიციის საგუშაგო გვქონდა, რომ ეს გზა არ დაეკეტათ, ავნევი ნიქოზის გზა არ დაეკეტათ, "გაიყვანოს იქიდან ეს ხალხიო, თორემ ყველა დაიხოცებაო".მე, რა თქმა უნდა, ეს ყველაფერი გადავეცი პოლიციის უფროსს, ვანო დათაშვილს. ვანო დათაშვილი დაუკავშირდა შალვა ტრამაკიძეს, რომელიც იყო სამმართველოს უფროსის მოადგილე მაშინ და კონფლიქტის ზონებს კურირებდა. დაუკავშირდნენ და გამოიყვანეს ეს პოლიციელები. დაახლოებით 15-მდე პოლიციელი იყო. ეს კავშირი, რაც მქონდა ოსებთან იმ პერიოდში. რაც შეეხება ქართულ მხარეს, ვერავის ვუკავშირდებოდი, მხოლოდ და მხოლოდ ვინც მახსოვს ჯამბულ ბაკურაძე იყო, მამუკა ყურაშვილი, დიმიტრი სანაკოევი, ბატონი ბესტაევი მიკავშირდებოდა და მთხოვდა, "როგორმე მოგაწოდო მედიკამენტები და შესახვევი მასალები", ეს იყო და ლადო ვარძელაშვილი. ესენი იყვნენ ვისაც ვუკავშირდებოდი", - განაცხადა გიორგი კაპანაძემ.

თუ მონობას თავისუფლებით არ ებრძვი, ხვალ უფრო დიდი მონა გახდები - არ მეშინია, ვიბრძვი! არავის მონა არ ვარ, თავისუფლებას ვირჩევ! - ამის შესახებ ჯგუფურ ძალადობაში მონაწილეობის ბრალდებით დაკავებული იუმორისტი ონისე ცხადაძე სოციალურ ქსელში წერს.როგორც ონისე ცხადაძე წერს, შიში არის ყველაზე დამთრგუნველი გრძნობა, რომლითაც ნებისმიერ ადამიანს შეუძლია გმართოს.„სამი საშინელი და ყოვლად მიუღებელი გრძნობა არსებობს ჩემთვის: შიში, გაქცევა და მონობა. მიუხედავად იმისა, რომ მონობა არასდროს გამომიცდია, სხვა ადამიანებზე დაკვირვებით მივხვდი, რომ თუ მონობას თავისუფლებით არ ებრძვი, ხვალ უფრო დიდი მონა გახდები. ხვალ უფრო დიდ დავალებას მოგცემენ, რომელიც ყველანაირი ადამიანური მორალისგან არის დაცლილი.ადამიანები, რომლებიც ამ ქვეყნიდან პრობლემებს გაურბიან, ცდებიან. არსად დაგხვდებათ უპრობლემო გზები. ეს ჩემს თავზეც მაქვს გამოცდილი. მინდა გითხრათ, რომ როდესაც აქ დავბრუნდი, საყვარელი ადამიანების დანახვისას, ნაცნობ მიწაზე ფეხის დადგმის შემდეგ სუნთქვა შემეკრა, ყოველგვარი გაზვიადების გარეშე. ამიტომ პრობლემებს არ უნდა გაექცე. ისინი უნდა მოაგვარო. წინააღმდეგ შემთხვევაში სადღაც დაიღლები და გაქცევასაც ვეღარ შეძლებ.შიში არის ყველაზე დამთრგუნველი გრძნობა, რომლითაც ნებისმიერ ადამიანს შეუძლია გმართოს. ეს ყველაზე მანიპულაციური გრძნობაა.არ მეშინია, ვიბრძვი! არავის მონა არ ვარ, თავისუფლებას ვირჩევ! პრობლემებს არ გავურბივარ, ვცდილობ მათ მოგვარებას! თუ გინდა კმაყოფილი იყო, შენც ასე მოიქეცი. სხვა შემთხვევაში შენი ცხოვრება იქნება სტაბილური, როგორც ყველას. შესაბამისად უინტერესოც. ისწავლი, გაერთობი, ოჯახს შექმნი, ბავშვებს გაზრდი... მერე რა?! როცა განვლილ ცხოვრებას გადახედავ, გექნება ისეთი რამ გაკეთებული, რაც ძალიან ცოტას, ან საერთოდაც არავის გაუკეთებია? დაუსვი შენს თავს კითხვები და პასუხები ქმედებებში ეძებე.P.S. ფონდების დაყადაღებას რაც შეეხება, როგორ უნდა იყო ამდენად ბოროტი ადამიანი, რომ ეგ გააკეთო?! პირადად მე არ მაქვს პრობლემა, თუ ვეღარ დამეხმარებიან, მაგრამ იმ ბავშვებს რას ერჩოდით?! ამხელა უსამართლობას თუ ვუძლებ, თქვენ როგორ უძლებთ, ახლა ვიღაცას რომ მკურნალობა სჭირდება და ყველაზე დიდი იმედი გამქრალი აქვს?! დიდი მადლობა ნანუკა ჟორჟოლიანის ფონდს. ადრე თუ გვიან, ყველა თეთრს უკან დავუბრუნებ და უფრო მეტსაც“, - წერს ონისე ცხადაძე.ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით დაკავებული მსახიობის, ანდრო ჭიჭინაძის, იუმორისტ ონისე ცხადაძისა და კიდევ 9 პირის საქმე ერთ წარმოებად გაერთიანდა.ონისე ცხადაძეს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს. აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

საქართველოს ტექნიკური უნივერსიტეტის საცურაო აუზის - „წყალთა სახეობის ცენტრი - ტონუსი“, მოცურავეთა გუნდმა ქვემო ქართლის ღია პირველობაზე ცურვაში 3 ოქროს, 3 ვერცხლის და 6 ბრინჯაოს მედალი მოიპოვა. ამის შესახებ ინფორმაციას საქართველოს ტექნიკური უნივერსიტეტი ავრცელებს.მათივე ინფორმაციით, ქვემო ქართლის ღია პირველობა ცურვაში რუსთავში, საცურაო აუზ „თოლიაში“ ჩატარდა და მასში მონაწილეობდა ტონუსის, ბლექსის, ბლექსი 2-ის, ლაგუნას, გლდანის, გორის, თემქის, დიღმის, რუსთავის, რუსთავი არენას, ერთა-ერის გუნდების 125 მოცურავე.„სტუ-ის სტუდენტური სერვისების, კულტურისა და სპორტის დეპარტამენტის სპორტის მიმართულების ხელმძღვანელი, არჩილ იოსელიანი მორიგ გამარჯვებას ულოცავს „ტონუსის” მოცურავეთა გუნდს და აცხადებს, რომ საქართველოს ტექნიკური უნივერსიტეტი ყველა პირობებს ქმნის, რათა ახალგაზრდებში ცხოვრების ჯანსაღი წესი ნორმა გახდეს. მისივე თქმით, ცურვაში ქვემო ქართლის ღია პირველობა ჩატარდა შემდეგ ასაკობრივ ჯგუფებში - გოგონები: 2013-2014 და 2015-2016, ხოლო ვაჟები: 2011-2012 და 2013-2014 წლებში დაბადებულები.სტუ-ის ინფორმაციით, „ტონუსის“ გუნდის წევრებმა შემდეგი ჯილდოები მოიპოვეს: ანა კვიკვინია - 2 ვერცხლი, ანდრია კაჭეიშვილი - 1 ვერცხლი, 1 ბრინჯაო, გეგა კვანჭიანი - 1 ბრინჯაო, ივან გავრილიჩენკო - 2 ოქრო, ალექსანდრე არუთინოვი - 1 ბრინჯაო, ივან დობრიანსკი - 1 ოქრო, 1 ბრინჯაო, სემიონ გავრილიჩენკო - 1 ბრინჯაო, მარკოზი ნებუნიშვილი - 1 ბრინჯაო. 4X100 მ. კომბინირებული ესტაფეტაში ტონუსის გუნდმა, ალექსანდრე არუთინოვის, ნიკა გუგუციძის, ივან დობრიანსკის, ივან გავრილიჩენკოს შემადგენლობით ბრინაჯოს მედალი მოიპოვა“, - აღნიშნულია ინფორმაციაში.