მოლდოვას გაგაუზიის ავტონომიური რეგიონის ლიდერს კიშინევის სასამართლომ 20-დღიანი პატიმრობა შეუფარდა

პროკურორმა ბრალი წამიყენა და, სავარაუდოდ, ხვალ სასამართლოზე გვეცოდინება, რას მოიცავს ეს ბრალეულობა, – ამის შესახებ „ლელოს“ ლიდერმა, მამუკა ხაზარაძემ პროკურატურიდან გამოსვლის შემდეგ ჟურნალისტებს განუცხადა.„პროკურორმა ბრალი წამიყენა და, სავარაუდოდ ხვალ სასამართლოზე გვეცოდინება, რას მოიცავს ეს ბრალეულობა. მინდა, კიდევ ერთხელ, ძალიან მკაფიოდ დავაფიქსირო, რომ ამ ბრალში რანაირი მუხლიც არ უნდა იყოს განსაზღვრული ან სასჯელი, ეს ვერანაირად ვერ შემაცვლევინებს იმ დამოკიდებულებას, რასაც ჰქვია, რომ ჩვენი ქვეყანა არის მიტაცებული, არჩევნები არის მიტაცებული, ქვეყანა არის გადასარჩენი, ის კომისია არის ცირკი და არა მარტო ცირკი, რომელიც დისკრედიტაციას უკეთებს ქვეყანას, მის ეროვნულ ინტერესებს, ჩვენს სამხედროებს და დაღუპულ გმირებს. ბრძოლა იქნება აბსოლუტურად ბოლომდე. ამ აზრს ვერავინ ვერ შემაცვლევინებს“, – განაცხადა მამუკა ხაზარაძემ.მისი თქმით, ქვეყანა საჭიროებს სწრაფ გადატვირთვას, მოთხოვნა კი ძალაში რჩება – ახალი არჩევნები და ყველა იმ პოლიტპატიმრის, იმ ახალგაზრდა ბიჭების გათავისუფლება, რომლებიც დღეს საპყრობილეში იმყოფებიან.„მე არ ვაღიარებ არალეგიტიმურ პარლამენტს და მის მიერ შექმნილ ორგანოებს, მაგრამ ეს არ ნიშნავს, რომ სახელმწიფო ორგანოებს არ ვაღიარებდე, რადგან მაშინ ეს ნიშნავს, რომ სახელმწიფო არ უნდა აღიარო და არ უნდა დაემორჩილო კანონებს. ეს პარლამენტი არის არალეგიტიმური, მისი კომისია არის არალეგიტიმური. კომისია დაკავებულია ოპოზიციური პარტიის დისკრედიტაციით, კერძოდ ჩემი, ბადრი ჯაფარიძის და ჩვენი თანაგუნდელების. მიუხედავად იმისა, რომ ეს სასამართლო, პროკურატურა არის ბიძინა ივანიშვილის და მურუსიძის დაქვემდებარებაში, მზად ვარ, ნებისმიერ კითხვას გავცე პასუხი“, – განაცხადა მამუკა ხაზარაძემ.

"კოლექტიურ ნაცმოძრაობას" ყველაზე მეტად არ მოსწონს, რომ 2008 წლის აგვისტოს ომში მათი დანაშაულების და მოღალატეობრივი ქმედებების გამომზეურება ხდება," - ამის შესახებ "ხალხის ძალის" წევრმა, სოზარ სუბარმა პარლამენტის საგაზაფხულო სესიაზე განაცხადა.მისი თქმით, საპარლამენტო საგამოძიებო კომისიაზე გამოკითხული პირებისგან ნათლად გამოჩნდა, რომ არაუფლებამოსილი სამოქალაქო პირები უხეშად ერეოდნენ სამხედრო გადაწყვეტილებების მიღებაში.გენერალ მამუკა ყურაშვილის ახსნა-განმარტებიდან ნათლად გამოჩნდა, რომ არაუფლებამოსილი სამოქალაქო პირები, მათ შორის, გიგი უგულავა და არაერთი სხვა უხეშად ერეოდნენ სამხედრო გადაწყვეტილებების მიღებაში, რამაც გამოიწვია გაუმართლებელი მსხვერპლი.სხდომაზე გამოკითხულმა ორივე გენერალმა, მამუკა ყურაშვილმაც და ზაზა გოგავამაც, აბსოლუტურად გაუმართლებელი და სახელმწიფოებრივად დამაზიანებელი უწოდეს იმ ფაქტს, რომ მაშინდელი პარლამენტის 5 წევრმა (ოთხმა უმრავლესობიდან - "ნაციონალური მოძრაობიდან" და ერთმა ე.წ. "ოპოზიციიდან" გიორგი თარგამაძემ) სტრასბურგში ხელი მოაწერა ევროსაბჭოს რეზოლუციას 1633, რომლითაც ქართულ ჯარს, ქართველ გმირ ჯარისკაცებსა და ოფიცრებს დააბრალეს ომის დანაშაულის ჩადენა. სწორედ ჩვენი ხელისუფლების დამსახურება იყო რომ მოვახერხეთ ამ სასამართლოების მოგება," - აღნიშნა სოზარ სუბარმა.

პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე, პაატა სალია "ძლიერი საქართველოს" თავმჯდომარის, მამუკა ხაზარაძისთვის ბრალის წარდგენას გამოეხმაურა და აღნიშნა, რომ რადგან მამუკა ხაზარაძე და ბადრი ჯაფარიძე პარლამენტის დროებით საგამოძიებო კომისიის სხდომაზე არ გამოცხადდნენ, ეს სისხლის სამართლის პასუხისმგებლობას ითვალისწინებს, შესაბამისად, კომისიამ ინფორმაცია მიაწოდა საგამოძიებო უწყებას."მოვისმინეთ ნათლად მათი მონაწილეობის შესახებ იმ მოქმედებების შესახებ, რაშიც პირდაპირ ხელისუფლების მაღალი თანამდებობის პირების ინტერესები იკვეთებოდა და ეს პირები გამოყენებულ იქნენ სწორედ კერძო პირის ქონების ხელში ჩაგდების მიზნით და საინტერესო იყო მათ ამაზე პასუხი გაეცათ, თუმცა თავის არიდების მთავარი მოტივი სწორედ იყო, რომ მათ არ უნდოდათ ამ უხერხულ კითხვებზე პასუხის გაცემა.კომისიაზე არ გამოცხადება, ასევე, განზრახ არასწორი ჩვენების მიცემა ან ჩვენებისაგან თავის არიდება იწვევს სისხლის სამართლით უპასუხისმგებლობას, შესაბამისად, ჩვენ იძულებულნი გავხდით, ინფორმაცია მიგვეწოდებინა სამართალდამცავი ორგანოებისთვის იმის თაობაზე, რომ აღნიშნული პირები არ გამოცხადდნენ კომისიის სხდომაზე," - აღნიშნა პაატა სალიამ.ცნობისთვის, "ძლიერი საქართველოს" თავმჯდომარეს, მამუკა ხაზარაძეს ბრალი წაუყენეს. საუბარია 349-ე მუხლზე, რაც დროებითი საგამოძიებო კომისიის მოთხოვნის შეუსრულებლობას გულისხმობს და ითვალისწინებს ჯარიმას ან ერთ წლამდე პატიმრობას.საგამოძიებო უწყებაში მისვლამდე, მამუკა ხაზარაძემ საქალაქო სასამართლოში გამოკითხვის ოქმს ხელი მოაწერა. ხაზარაძე რამდენიმე დღის წინ მაგისტრი მოსამართლის წინაშე გამოიკითხა. საქმე პროკურატურას მას შემდეგ გადაეცა, რაც მამუკა ხაზარაძემ უარი თქვა პარლამენტში შექმნილ საგამოძიებო კომისიასთან თანამშრომლობაზე.კომისიამ მამუკა ხაზარაძე და ბადრი ჯაფარიძე "მაგნატის" საქმის განხილვაზე დაიბარა, რომლის მფლობელიც აცხადებს, რომ "ნაციონალური მოძრაობის" დროს, მას ბიზნესი წაართვეს, ეს კი დავით კეზერაშვილის დავალებით და "თი ბი სი" ბანკის ხელმძღვანელების მონაწილეობით მოხდა.

„საქართველოს ტექნიკურ უნივერსიტეტში, ბიზნეს ტექნოლოგიების ფაკულტეტი წარმატებით ახორციელებს ახალგაზრდა მეწარმეთა ცენტრის პროექტს, რომელიც უკვე შვიდი წელია ეხმარება მოსწავლეებს ბიზნესის საფუძვლების შესწავლაში. ჩვენი მიზანია, ვასწავლოთ ახალგაზრდებს მეწარმეობის ძირითადი პრინციპები, მივცეთ საჭირო ცოდნა და უნარები, რომლებიც მათ პირველი ნაბიჯების გადადგმაში დაეხმარება“, - ამის შესახებ სტუ-ის ბიზნესტექნოლოგიების ფაკულტეტის დეკანმა, პროფესორმა გუგული ყურაშვილმა „ახალგაზრდა მეწარმეთა ცენტრის“ საგაზაფხულო სესიის გახსნის ღონისძიებაზე განაცხადა. ინფორმაციას საქართველოს ტექნიკური უნივერსიტეტი ავრცელებს.სტუ-ის ბიზნესტექნოლოგიების ფაკულტეტზე „ახალგაზრდა მეწარმეთა ცენტრის“ საგაზაფხულო სესია დაიწყო, რომელშიც თბილისისა და რუსთავის 13 საჯარო და კერძო სკოლის 70-მდე მოსწავლე მონაწილეობს.ბიზნესტექნოლოგიების ფაკულტეტის დეკანმა მადლობა გადაუხადა წარმატებული პროექტის ავტორებს. როგორც გუგული ყურაშვილმა განაცხადა, პროექტი და შესაბამისად პროგრამა, რომლის მიხედვითაც მომავალი სტუდენტები ბიზნესის საფუძვლებს სწავლობენ, სტუ-ის რექტორის, აკადემიკოს დავით გურგენიძის მხარდაჭერით განხორციელდა, ხოლო ფაკულტეტის ყოფილი დეკანის, პროფესორ რუსუდან ქუთათელაძის და პროფესორ მერაბ მიქელაშვილის უშუალო ხელმძღვანელობით, 2017 წელს, შემუშავდა.„ჩვენი მიზანია, ვასწავლოთ ახალგაზრდებს მეწარმეობის ძირითადი პრინციპები, მივცეთ საჭირო ცოდნა და უნარები, რომლებიც მათ პირველი ნაბიჯების გადადგმაში დაეხმარება. 7 წლის განმავლობაში 450-ზე მეტმა სტუდენტმა მიიღო სერტიფიკატი და პროექტი იქცა სკოლასა და უნივერსიტეტს შორის დამაკავშირებელ ხიდად, რომელიც ახალ თაობას მომავლის წარმატებისთვის ამზადებს. მოხარულები ვართ, რომ წელს 60-ზე მეტი მოსწავლე შემოგვიერთდა. ახალგაზრდებო, ერთად შევისწავლოთ ბიზნესის სამყარო, განვავითაროთ კრეატიული იდეები და შევქმნათ მტკიცე საფუძველი წარმატებისთვის!“, - განაცხადა დეკანმა.სესიის მიმდინარეობისას სკოლის მოსწავლეებს ლექციებს ფაკულტეტის პროფესორები, დოქტორანტები და მაგისტრანტები წაუკითხავენ ისეთ საკითხებზე, როგორიცაა: მეწარმეობისა და ბიზნესის არსი; ანტრეპრენერობის არსი; სად ვეძებოთ ბიზნესიდეა; მენეჯმენტი იგავებში და არა მარტო...; ლიდერი და ლიდერობა; მარკეტინგი, როგორც გაყიდვების ხელოვნება და კრეატიული აზროვნება; კრიტიკული აზროვნება; ემოციური ინტელექტი; ჩემი ადგილი პროფესიების სამყაროში; ტურიზმი, როგორც მეწარმეობა; დროის მენეჯმენტი; ფინანსური აზროვნება-ფულის რაობა და საკუთარი ფინანსების მართვა; ბიზნესის მორალი და საქმიანი ეტიკეტი; პიროვნების დიზაინი - 21-ე საუკუნის უნარები და ა.შ.ტექნიკური უნივერსიტეტის ბიზნესტექნოლოგიების ფაკულტეტის „ახალგაზრდა მეწარმეთა ცენტრის“ ხელმძღვანელის, პროფესორ მერაბ მიქელაშვილის თქმით, სტატისტიკის თანახმად, ყოველი მეხუთე აბიტურიენტი სწავლის გაგრძელებას ბიზნესტექნოლოგიების მიმართულებით გეგმავს.„ახალგაზრდა მეწარმეთა ცენტრის“ ამოცანაა, მოსწავლეებს მიაწოდოს ინფორმაცია მომავალ პროფესიაზე. ჩვენ მათ ამომწურავი პასუხები გავეცით კითხვებზე: რა არის ბიზნესი და ეკონომიკა, რა არის მენეჯმენტი და მარკეტინგი, ემოციური ინტელექტი და ლოგიკური აზროვნება, ლიდერობა და ბიზნესეტიკეტი. ეს ის ძირითადი საკითხებია, რომლითაც სკოლის მოსწავლეს, მთლიანობაში, წარმოდგენა ექმნება თავის მომავალ პროფესიაზე. მოსწავლეებს ლექციებს უკითხავენ ტექნიკური უნივერსიტეტის ბიზნესტექნოლოგიების ფაკულტეტის პროფესორ-მასწავლებლები. მნიშვნელოვანია, რომ პროექტში, სწავლების კუთხით, ჩვენი დოქტორანტებიც მონაწილეობენ“, - განაცხადა მერაბ მიქელაშვილმა.

მეზიზღება ფრაზა-მოწოდება „ფოკუსი გავასწოროთ“. რაღაც ინკვიზიციურია მასში და რაც მთავარია, თანხმობის ნაცვლად, უფრო მეტი განხეთქილება მოაქვს. რეაქციები გუშინდელ აქციაზე ამის ნათელი გამოხატულებაა, – ამის შესახებ „ნაციონალური მოძრაობის“ წევრი, გიგი უგულავა სოციალურ ქსელში წერს.როგორც უგულავა აღნიშნავს, „ვინც ბოლომდე და ყოველდღიურადაა ჩართული პროტესტში, ის გაბრაზებულია ყველაზე და ყველაფერზე, ის გადაღლილია“.„ვინც „დიდ აქციებზე“ (და ასეთი უმეტესობაა) დადის, ის იმედიანად დაბრუნდა სახლში. მათ არც სცენის გარშემო რუზრუზი უნახავთ, დიდად არც სალომე ზურაბიშვილისთვის უსმენიათ. მათი დამოკიდებულებაა – მიდი, მოგყვებით. პირველი კატეგორია მეორეს ლანძღვს, ეს უკანასკნელი მხრებს იჩეჩეს – რა გნებავთ, როცა მეძახით, მოვდივართ. დანარჩენი თქვენი საქმეა. რამდენად სამართლიანია ეს ყველაფერი, სხვა საქმეა, მაგრამ ფაქტია, ასე შევედით ამ მოჯადოვებულ წრეში, როცა იწყება „ბუქსაობა“, იწყება გადაბრალებაც. ამაში გასაკვირი არაფერია. ცხადია, სჯობს, არ ავყვეთ ამ ხაზს, მაგრამ რაც გარდაუვალია, იმაზე ნევების აშლა არაფრის მომცემია.ბუქსაობის მიზეზი რამდენიმეა. პირველი და მთავარი – ჩვენი ბრძოლა დიდი ბრძოლის ნაწილია და ცალკეულ მონაკვეთში სწრაფი გამარჯვება უფრო გამართლებაა, ვიდრე კანონზომიერება. მეორე მიზეზია – განსხვავებით წინა ორი ხელისუფლებისგან, დღევანდელს დასავლეთის სახით აღარ აქვს არანაირი „ტორმუზი“. ამ გარე მუხრუჭის გარეშე ქართული დემოკრატია სწრაფად დეგრადირებს-როგორც დღეს-ჯოჯოხეთში ვარდება. მესამე მიზეზია ამ ორი ფაქტორის უგულველყოფა და მაინც იმედი, რომ როგორც 20 წლის წინ მოვიდა ბევრი ხალხი და სწრაფად დადგა შედეგი – მოხდა ვარდების რევოლუცია – ახლაც ასე მოხდება. ამ განცდას მოყვება ევოლუციაც – 91 წელს რუსთაველზე ტყვიები ვისროლეთ, 2003-ში ვარდები, 2012 კი საერთოდ არჩევნებით გავისტუმრეთ რევოლუციით მოსული ხელისუფლება. არადა სინამდვილე დღეს ისაა, რომ ჩვენ დღეს საბჭოთაზე უარესი ხელისუფლება გვყავს, რომელსაც ოფიციალური ფსიქოპატი უდგას სათავეში და საერთოდ აღარანაირი გარე ტორმუზი არ აკავებს.რა გვანახა გუშინდელმა დღემ. ხალხი არსად წასულა. ის გაბრაზებულია. ის მოგყვება ბრძოლის იმ ალგორითმით, რასაც სთავაზობ. სად აცდა გუშინდელი დღე რეალობას?ჩვენი მოთხოვნაა ახალი არჩევნები (პოლიტპატიმრების გათავისუფლებაზე აქ არ ვსაუბრობ. ეს მორალის საკითხია და არა პოლიტიკის). ახალი არჩევნები ნიშნავს, რომ მასში „ოცნებაც“ მონაწილეობს, როგორც ხელისუფალი. ანუ, ახალ არჩევნებს კი არ ვითხოვთ, ვთხოვთ. ოთხთვიანი პროტესტის თავზე, ოცნება გვეუბნება – პარტიები უნდა გავაუქმო, მედია და არასამთავრობოები უნდა ავკრძალო. ამას აკეთებს. ჩვენ ისევ ახალ არჩევნებს ვითხოვთ! რანაირად? პარტიების გარეშე არჩევნების მოთხოვნა სულ მცირე არაადეკვატურია. „ოცნებამ“ ერთი ოქტავით აწია თამასა, ჩვენ კი მინიმუმ ერთი თვით ჩამოვრჩით ცხოვრებას, მაშინ როცა ახალ არჩევნებს ვითხოვთ და სადღაც კულუარებში, გულის კუნჭულში თუ ტვინის ხვეულში ადგილობრივ არჩევნებში მონაწილეობაზე ვფიქრობთ, ვმსჯელობთ. მეტიც ყველა მაინც ფიქრობს, რომ მას არ აკრძალავენ, ეს აკრძალვა ბოლო ბოლო ნაცებზე გავრცელდება, ჩვენ გავძვრებით. ანუ, როცა „ოცნება“ ერთი ოქტავით მაღლა წევს, ჩვენ ან ადგილზე ვრჩებით ან დაბლა ჩავდივართ. 2X2 -ია, რომ რადიკალიზაციას რადიკალური მოთხოვნით უნდა უპასუხო, სხვანაირად გადაიჯეგები. როცა იქედან გეუბნებიან, რომ საპარლამენტო თუ ადგილობრივ არჩევნებში „კი არ, ვერ მიიღებ მონაწილეობას, რადგან იურიდიულად პარტიები არც იარსებებთ“, ჩვენ ქალბატონი ტრიბუნიდან მაინც ახალ არჩევნებს ვითხოვთ და ლამის კომისიის წევრების ტრენინგზე გველაპარაკებინ. ეს არასწორია. მატარებელმა ჩაიარა, პოლიტიკური სიმძიმის ცენტრი სხვაგანაა, ჩვენი მოთხოვნა ვეღარ იქნება ახალი არჩევნები – ჩვენი მოთხოვნა უნდა იყოს საქართველო ივანიშვილის გარეშე! ძირს ივანიშვილის ხუნტა! გადადგეს, გააჯ…ს „ოცნებამ“! სიტყვები და ლოზუნგები თავად შეარჩიეთ, მაგრამ ალბათ ხვდებით, რომ ამ ორი წინანდადების უკან სხვა და სხვა განცდა და ენერგეტიკა დგას – ერთია, ითხოვდე ახალ არჩევნებს, მეორე, ითხოვდე ამათ დამხობას. სიტყვებით იწყება ყველაფერი, მათ შორის იოანეს სახარებაც, დგება ხალხის გაზაფხული და ახალ რეალობაში მოთხოვნამაც ერთი ოქტავით უნდა აიწიოს. პირველ რიგში, ეს მინდოდა მე მომესმინა ტრიბუნიდან. ახალი ტალღა – ახალი მოთხოვნით. ამ ბრძოლას ჰყავს ახალი ადამიანები. ბევრ მათგანს ვიცნობდით წინა ცხოვრებაში, მაგრამ სხვანაირად აღმოვაჩინეთ. დავანებოთ თავი პოლიტიკოსებს. ეს ხალხი უნდა მდგარიყო სცენაზე. დმანისიდან სამი დღე რომ ფეხით მოდის ადამიანი, სამი წუთი უნდა მისცე სალაპარაკოდ. გაწამებულ პატიმართა მშობლებს და ხალხს, ვინც 125 დღე იქ დგას – ყველამ ვიცით მათი სახელები- უნდა მისცე ხმის უფლება. 125 დღე როცა ვდუმვართ, ახალი ფაზის დასაწყისში ბევრი ხმა უნდა გაისმას, რომ მერე ისევ მდუმარე პროტესტი გავაგრძელოთ. როგორც გუნდას ან ზვავს არ აქვს თავი და ბოლო, აქაც ასეა – ეს ერთი მსახიობის თეატრი არაა, სულ რომ გენიალურად მიყავდეს მას სპექტაკლი.მეორე, ხალხი ცხვარი არაა. მას სჭირდება არა მოლოდ მექანიკური გეზი და ინერციით მოძრაობა, არამედ – ორიენტირი.9 აპრილი – დამოუკიდებლობის დღე,  14 – ქართული ენის დღე,  1 მაისი – მარჯვენა მარცხენას აღარ აქვს მნიშვნელობა. პროტესტისა და სოლოდარობის დღეა,  8 მაისი ევროპის დღე, 26 მაისი დამოუკიდებლობის დღე.ყოველდღიური ბრძოლის პარალელურად, რაც ფუნდამენტია პროტესტის, დამოუკიდებლობიდან – თავისუფლებამდე მარათონია მოსაწყობი და დაკიდებული თარიღებით გუნდიდან ზვავის ეფექტის მიღებაზე უნდა ვმუშაობდეთ. და ყოველი თარიღიდან თარიღამდე ეს პლათფორმა მანდ რუსთაველზე უნდა ანგარიშს აბარებდეს ხალხს – რა გაკეთდა ან ვერ გაკეთდა შუალედში. ვინც ხელისუფლებაში ნამყოფია, იცის, ეს დაკიდებული თარიღები ყულფივითაა, რომელიც ყოველდღიურად გიჭერს ყელზე. გარანტია არაფრის არაა, მაგრამ ეს ბრძოლა ძიუდოსავითაა – შენი მოძრაობით მოწინააღდეგეს შეცდომას აშვებინებ და ამ შეცდომაზე წამოიკიდებ. ისინი კი მხოლოდ ჩვენი უძრაობით სარგებლობენსალომე ზურაბიშვილის მიმართ პრეტენზია აქედან მოდის, მას უნდა, რომ სცენაზე მარტო იდგეს, მაგრამ პასუხისმგებლობა სხვებმა აიღონ. ჯანდაბას, ამაზეც თანახმა ვიქნებოდი, უბრალოდ ეს ასე არ გამოდის.რა უნდა ქნას სალომემ ამდენ გიჟში? მკითხავთ. პირველი, მე დღეს დილით მის ადგილზე ავიღებდი ტელეფონს და დავურეკავდი მაგალითად პაატა ბურჭულაძეს, შევხვდებოდი და მოვუსმენდი. კიდევ სხვა უკმაყოფილო რამდენიმე ადამიანს დაველაპარაკებოდი. რა ქნა მან? აი, ეს მესიჯი დააგზავნა პარტიებთან გუშინ საღამოს: მოგესალმებით, ვინც პრეზიდენტს ეთანხმებით, ხვალ 13:00 საათზე გელოდებით. ეს არაა სწორი, არადა სასწორზე მთელი ქვეყანაა. არც ცხვირის და ხელების ჩამოშვების დრო არაა და არც ცხვირის აბზეკვის. ეს ყველას გვეხება“, – წერს გიგი უგულავა.