მიხეილ ყაველაშვილი: სააკაშვილი უდიდესი ინფორმაციის მატარებელია. ვიდეოს გადაღების დროს ამბობდა გამიტაცესო. რაღაც პრევენციულ განცხადებებს აკეთებდა

ყველამ ყველაფერი იცოდა 4-მდეც, 4-შიც, ყველაზე კარგად კი 4-ის მერე იციან, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.შალვა პაპუაშვილი აქვეყნებს ვიდეოს, სადაც, პაპუაშვილის თქმით, კარგად ჩანს, რომ იმ რამდენიმე ათასი ადამიანიდან, ვინც 4-ში, ოთხ საათზე შეიკრიბა, არავინ არაფერს გამიჯვნია.„4-მდე ყველამ იცოდა, რომ საკუთარ ქვეყანაში ნეპალის მოსაწყობად იკრიბებოდა. 4-ში კი ყველა მისულმა მოისმინა კითხვა – გინდათ თუ არა ნეპალის მოწყობა, და ყველამ შესძახა – კი. წილი იყარა და ქვეყნის დამამხობელთა „გაუჩერებელი მდინარე“ თავისუფლების მოედნიდან საქართველოს პრეზიდენტის სასახლის ასაღებად გადაედინა. შემდეგ იქნება სასახლის შტურმი, ცეცხლწაკიდებული ბარიკადები, გაპარული ლიდერები, 25 დაშავებული პოლიციელი და მათ გმირობაზე კისერწატეხილი გადატრიალება. ამ ვიდეოში კარგად ჩანს, რომ იმ რამდენიმე ათასი ადამიანიდან, ვინც 4-ში, ოთხ საათზე შეიკრიბა, არავინ არაფერს გამიჯვნია. არც ექიმი და არც ვექილი. ამ „ხალხის მდინარეში“ ერთი კაციც კი არ აღმოჩნდა, ვინც დინების საწინააღმდეგოდ გაცურავდა. ამ ვიდეოში სხვა ვერ, მაგრამ თავად ხომ ყველა ამოიცნობს საკუთარ თავს და ადგილს. ამიტომ, ეს ვიდეო მათ პირად ისტორიას დარჩება, როგორც შეხსენება თითოეული იქ შეკრებილისთვის, რომ 4-ში, ოთხ საათზე საკუთარი ქვეყნის მომავალი ვერ დაამხვეს“, – წერს შალვა პაპუაშვილი.

„ჰამასი“ ცეცხლის შეწყვეტის შეთანხმებას თუ არ შეასრულებს, ისრაელის ძალებმა შესაძლოა, საბრძოლო მოქმედებები განაახლონ, – ამის შესახებ აშშ-ის პრეზიდენტმა, დონალდ ტრამპმა „სიენენთან“ სატელეფონო ინტერვიუში განაცხადა.აშშ-ის პრეზიდენტის თქმით, მისი „ერთი სიტყვაც კი საკმარისია“, რომ ღაზაში სამხედრო მოქმედებები განახლდეს.კითხვაზე რა მოხდება, „ჰამასი“ განიარაღებაზე უარს თუ იტყვის, ტრამპმა უპასუხა, რომ ის როგორც კი ნებართვას მისცემს, ისრაელის ძალები ქუჩებში დაბრუნდებიან.„ისრაელის არმიას იქ შესვლა რომ შეეძლოს, ამას გააკეთებდა. მათი შეკავება მე მომიწია“, – განაცხადა ტრამპმა.ამასთან, დონალდ ტრამპმა განაცხადა, რომ მუშაობა რუსეთ-უკრაინის ომის დასასრულებლადაც გრძელდება.როგორც „სიენენის“ რეპორტიორმა აღნიშნა, ახლო აღმოსავლეთის კონფლიქტის დასრულება ისტორიულად უფრო რთული იყო, ვიდრე ეს რუსეთ-უკრაინის შემთხვევაში იქნება, რაზეც დონალდ ტრამპმა განაცხადა, რომ ეს მართლაც ასეა, რადგან „ერთი ომი სამი წელია, მიმდინარეობს, მეორე კი – სამი ათასი“.

„ქართულ ოცნებას“ საკონსტიტუციო უმრავლესობა სჭირდება იმის მისაღწევად, რომ საქართველოს კონსტიტუციიდან 78-ე მუხლი გააქროს, ამიტომ მე ველოდები, რომ ამ მოსუფთავებულ ველზე ვადამდელ არჩევნებს დანიშნავს, - ამის შესახებ თავდაცვის ყოფილმა მინისტრმა, ორგანიზაცია “სამოქალაქო იდეის” დამფუძნებელმა თინა ხიდაშელმა “პალიტრანიუსის” გადაცემა “360 გრადუსში” განაცხადა.ხიდაშელის თქმით, არჩევნების ჩანიშვნით ბიძინა ივანიშვილი ასევე მიიღებს ლეგიტიმაციას, რომელიც ასე აკლდა 2024 წლის საპარლამენტო არჩევნების შემდეგ.„მე ველოდები, რომ ბიძინა ივანიშვილი ამ მოვლენებით ისარგებლებს და აუცილებლად დანიშნავს საპარლამენტო არჩევნებს ამ მოსუფთავებულ ველზე და იმას, რაც აკლია ყველაზე მეტად გასული წლის საპარლამენტო არჩევნების შემდეგ - ლეგიტიმაცია - ამას მოიპოვებს და ამას მიიღებს.„ორი ამოცანა აქვს „ქართულ ოცნებას“ გადასაწყვეტი და საკონსტიტუციო უმრავლესობა სჭირდება ამის მისაღწევად - ერთი იმისთვის, რომ რაც უნდა, როცა უნდა იმ ტიპის გადაწყვეტილებები მიიღოს და მეორე - მას სჭირდება 78-ე მუხლის გაქრობა საქართველოს კონსტიტუციიდან. ამიტომ, მე ველოდები, რომ მარტო არჩევნებს კი არ დანიშნავს, იმ არჩევნებთან ერთად ან პლებისციტი ან რეფერენდუმი დაინიშნება საქართველოში, სადაც ეს საკითხი დადგება დღის წესრიგში და სადაც ასე „წარმატებულად“ გაგვინულებს სამართლებრივ მოცემულობას, რომელსაც ახლა ჩაბღაუჭებული ვართ და რომლის გადასარჩენადაც ვიბრძვით“, - აღნიშნა ხიდაშელმა.თავდაცვის ყოფილმა მინისტრმა ოპოზიცია გააკრიტიკა და განაცხადა, რომ ის ფუნდამენტურად აცდენილია მთავარ პრობლემებს. მისივე თქმით, ერთმანეთთან ქიშპის დრო არ არის, რადგან ქვეყანა არის გადასარჩენი.„თუ საქართველოში ოპოზიციურად განწყობილი ადამიანები, პოლიტიკური ძალები, ორგანიზაციები ფიქრობენ იმას, რასაც მე ვფიქრობ, რომ ქვეყანა არის გადასარჩენი რუსეთის მიერ გადაყლაპვისგან, მაშინ მე მგონია, რომ ეს იმ მასშტაბისა და ისეთი ტიპის ამოცანაა, სადაც სხვა რამის დრო უბრალოდ არ არის. ბრძოლა არის იმ ტიპის, იმ მასშტაბის, იმ ფორმატის, იმდენად დიდ რესურსს მოითხოვს, რომ სხვა რამისთვის დრო არ არის. ჩვენ ერთდროულად ვებრძვით თბილისში დაბუდებულ რუსეთს და რუსეთში არსებულ რუსეთს. ასე არ არის, რომ რადგან ბიძინა ივანიშვილი მოსკოვის დაკვეთებს ასრულებს, თვითონ მოსკოვი აღარ გვებრძვის.მე მგონია, რომ ფუნდამენტურად აცდენილია მთავარს ქართული პოლიტიკური ოპოზიციური სპექტრი. იმის მერე, რაც ქვეყანას გადავარჩენთ და თუ გადავარჩენთ, წინ გვექნება დემოკრატიულად ჩასატარებელი არჩევნები, როდესაც სამართლიან გარემოში, თავისუფალი მედიის პირობებში ამ პოლიტიკურმა ძალებმა უნდა დაუმტკიცონ ამომრჩეველს, რომ ჯობიან სხვებს. ქართველი ხალხი გადაწყვეტს, ვის მისცეს ხმა და ვის არ მისცეს, მაგრამ დღეს ქვეყანა არის გადასარჩენი.ძალიან სერიოზული პრობლემა აქვს პოლიტიკურ კლასს, ძალიან სერიოზული პრობლემა აქვს პროტესტს იმიტომ, რომ რაც არ უნდა იძახონ, პოლიტიკოსები არ გვინდაო, ქუჩაში ხალხი გამოსულია სახელისუფლებო ცვლილებისთვის, სახელისუფლებო ცვლილება კი პოლიტიკური პროცესია და ის პოლიტიკური პარტიების გარეშე არ არსებობს. რაც უფრო სწრაფად გააცნობიერებენ ამას პარტიებიც და იქ მყოფი ხალხიც, რაც უფრო სწრაფად შედგება კონსენსუსი, მით უფრო სწრაფად გახდება შესაძლებელი ამ კრიზისის დაძლევა, რომელშიც ჩვენ ახლა ვიმყოფებით“, - განაცხადა ხიდაშელმა.

ოპოზიციამ რომ ვერ მოახერხა საკუთარი ამომრჩევლის მიმხრობა და მობილიზება, ამასაც ჩვენ გვაბრალებს, ჩვენი ამომრჩეველი სრულად გამოვიდა, მათ ვერ მოახერხეს საკუთარი ამომრჩევლის მობილიზება, ამის გამო, მათ ხარჯზე იყო დაბალი აქტივობა და მათ მიერ ვერ მობილიზებულ ამომრჩეველსაც ჩვენ გვაბრალებენ, რაც აბსურდია, – ამის შესახებ საქართველოს პრემიერ-მინისტრმა, ირაკლი კობახიძემ პირველ არხთან ინტერვიუში განაცხადა.მისივე თქმით, ყველა პარტია პასუხისმგებელია საკუთარი ამომრჩევლის მობილიზებაზე და „ქართულმა ოცნებამ“ ეს პასუხისმგებლობა სრულად და ბოლომდე შეასრულა.„მინდა, გიჩვენოთ და დაგისაბუთოთ, რამდენად აბსურდულია ოპოზიცია თავის არგუმენტებში. ყველა პარტია არის პასუხისმგებელი საკუთარი ამომრჩევლის მობილიზებაზე და ჩვენ ეს პასუხისმგებლობა შევასრულეთ სრულად და ბოლომდე. რას ვგულისხმობ ამაში – წინა საპარლამენტო არჩევნებზე ჩვენ ავიღეთ 1 მლნ 120 ათასი ხმა და თვითმმართველობის არჩევნებზე, რომელსაც ახასიათებს, ზოგადად, ბევრად უფრო დაბალი აქტივობა, 2021 წელსაც კი იყო აქტივობა იმაზე უფრო დაბალი, ვიდრე 2020 წელს, მიუხედავად იმისა, რომ 2021 იყო გამოცხადებული რეფერენდუმად და საპარლამენტო არჩევნების ტოლფას არჩევნებად. ჩვენ გავიმეორეთ პრინციპულად ის შედეგი, რაც მივიღეთ წინა შემთხვევაში. 1 მლნ 120 ათასი იყო იქ და 1 მლნ 105 ათასი, ცდომილების ფარგლებში იყო მარტო განსხვავება“, – განაცხადა პრემიერმა.ირაკლი კობახიძემ აღნიშნა, რომ იგივე ეხება თბილისსაც პარტიული შედეგის ნაწილში, ხოლო კახა კალაძემ აიღო 215 000-მდე ხმა, რაც, რეალურად, იმეორებს წინა ორ არჩევნებზე მიღებული ხმების რაოდენობას.„ჩვენ რაც გვქონდა დასამობილიზებელი ჩვენი საარჩევნო ხმები, იმის მობილიზება შევძელით. ჩვენი ამომრჩეველი გამოვიდა საარჩევნო უბნებზე და იმავე რაოდენობით დაგვიჭირა მხარი, როგორც ეს გააკეთა 2024 წლის საპარლამენტო არჩევნებზე. თბილისის თვითმმართველობის არჩევნების შემთხვევაში განმეორდა წინა ორი თვითმმართველობის არჩევნების შედეგი. ჩვენ რაზეც ვიყავით პასუხისმგებლები, ისე, რეალურად, შევძელით. ოპოზიცია რას გვაბრალებს, როდესაც დაბალ აქტივობაზე საუბრობს, თვითონ რომ ვერ მოახერხა საკუთარი ამომრჩევლის მიმხრობა და მობილიზება, ამასაც ჩვენ გვაბრალებს. როგორ შეიძლება ამაზე რაიმე სერიოზული კომენტარი გავაკეთოთ. ჩვენი ამომრჩეველი სრულად გამოვიდა, მათ ვერ მოახერხეს საკუთარი ამომრჩევლის მობილიზება, ამის გამო, მათ ხარჯზე იყო დაბალი აქტივობა და მათ მიერ ვერ მობილიზებულ ამომრჩეველსაც ჩვენ გვაბრალებენ, რაც აბსურდია“, – განაცხადა მთავრობის მეთაურმა.

გაერო-ს სურსათის მსოფლიო პროგრამა (WFP) 15 ოქტომბერს გამოვიდა გაფრთხილებით, რომლის თანახმად, ავღანეთში, კონგოს დემოკრატიულ რესპუბლიკაში, ჰაიტიში, სომალიში, სამხრეთ სუდანსა და სუდანში მცხოვრები თითქმის 14 მილიონი ადამიანი, გლობალური ჰუმანიტარული დახმარების შემცირების გამო, უკიდურესი დონის შიმშილის რისკის ქვეშ იმყოფება.სურსათის მსოფლიო პროგრამის უმსხვილესმა დონორმა, ამერიკის შეერთებულმა შტატებმა, პრეზიდენტ დონალდ ტრამპის მმართველობის პერიოდში, საერთაშორისო ჰუმანიტარული დახმარება შეამცირა. ჰუმანიტარული დახმარება შეამცირეს ან ამის შესახებ გამოაცხადეს სხვა დიდმა სახელმწიფოებმაც. სააგენტო გამოვიდა გაფრთხილებით, რომ მის სასურსათო პროგრამაზე დაწესებულმა შემცირებებმა, შესაძლოა, 13.7 მილიონი ადამიანი შიმშილის „კრიზისული“ დონიდან „საგანგებო“ დონემდე მიიყვანოს, რაც შიმშილის საერთაშორისო ხუთსაფეხურიან შკალაზე კიდევ უფრო დაბალი საფეხურია.„სხვაობა იმას შორის, რასაც WFP-ი უნდა აკეთებდეს და რის გაკეთების შესაძლებლობაც გვაქვს, არასდროს ყოფილა ასეთი დიდი. ჩვენ შიმშილის წინააღმდეგ ბრძოლაში ათწლეულების პროგრესის დაკარგვის რისკის წინაშე ვდგავართ“, - აცხადებს WFP-ის აღმასრულებელი დირექტორი, სინდი მაკკეინი.