მიხეილ ყაველაშვილი, დელეგაციასგან ერთად, რომში ჩავიდა, სადაც პაპ ფრანცისკეს დაკრძალვის ცერემონიას დაესწრება

ვიზიარებ ტრამპის მოსაზრებას, რომ უკრაინას არ აქვს საკმარისი შეიარაღება ყირიმის დასაბრუნებლად, მაგრამ მსოფლიოს შეუძლია, გამოიყენოს ეკონომიკური და დიპლომატიური ზეწოლა, – ამის შესახებ უკრაინის პრეზიდენტმა, ვოლოდიმირ ზელენსკიმ კიევში, რუსეთის მიერ 24 აპრილს განხორციელებული მასირებული შეტევის შედეგად დაღუპულთა ხსოვნის პატივსაცემად გამართულ ღონისძიებაზე განაცხადა.“მე ვიზიარებ პრეზიდენტ ტრამპის მოსაზრებას, რომ უკრაინას არ აქვს საკმარისი შეიარაღება, რათა დაიბრუნოს კონტროლი ყირიმის ნახევარკუნძულზე სამხედრო გზით, თუმცა მსოფლიოს შეუძლია დააწესოს სანქციები და გამოიყენოს ეკონომიკური და დიპლომატიური ზეწოლის სხვა საშუალებები, რათა ისაუბროს ამაზე და განიხილოს ტერიტორიული საკითხები, ეს კი მხოლოდ სრული და უპირობო ცეცხლის შეწყვეტის შემდეგ“, – განაცხადა ზელენსკიმ.მისივე თქმით, უკრაინა მზადაა, ნებისმიერ პირთან და ყველა საკითხზე სასაუბროდ, თუმცა მხოლოდ უპირობო ცეცხლის შეწყვეტის შემდეგ.“უპირობო ცეცხლის შეწყვეტა იძლევა შესაძლებლობას ვისაუბროთ ყველაფერზე და ჩვენ მზად ვართ დიალოგისთვის ნებისმიერი ფორმატით, კიდევ ერთხელ ხაზს ვუსვამ ამას, ნებისმიერ პირთან ამ ფორმატში ნებისმიერ დროს. თუმცა მხოლოდ მას შემდეგ, რაც მივიღებთ რეალურ სიგნალს, რომ რუსეთი მზადაა დაასრულოს ომი. ეს სიგნალი უნდა იყოს სრული და უპირობო ცეცხლის შეწყვეტა“, – განაცხადა უკრაინის პრეზიდენტმა.ზელენსკიმ ასევე აღნიშნა , რომ რუსეთის მიერ ოკუპირებული ტერიტორიები მხოლოდ დროებით აქვს დაკავებული რუსეთს და კიევი მათ დე იურე რუსეთის ტერიტორიად არასდროს აღიარებს.„დროებით ოკუპირებული ტერიტორიები მხოლოდ დროებით არის ოკუპირებული, მაგრამ ისინი ყველა უკრაინას და უკრაინელ ხალხს ეკუთვნის. უკრაინა არ აღიარებს დე იურე არანაირ უფლებებს მათზე. ვფიქრობ, ეს არის აბსოლუტურად სამართლიანი და კანონიერი პოზიცია უკრაინის კონსტიტუციისა და საერთაშორისო სამართლის შესაბამისად“, – განაცხადა ზელენსკიმ.

ბიზ­ნეს­მე­ნი მი­ხე­ილ ხუ­ბუ­ტია ყო­ფილ მე­გო­ბარ ქალ იუ­ლია ვა­ნი­ზე სას­ტიკ თავ­დას­ხმა­შია ბარალდებული. ინფორმაციას რუსული მედია ავრცელებს.რუსული მედიის ცნობით, ბიზნესმენი მეგობარ ქალს სახლში დაესხა თავს და მძიმე დაზიანებები მიაყენა. ქალი უგონო მდგომარეობაში იპოვეს. ის ახლა კლინიკასია გადაყვანილი.არსებული ინფორმაციით, შემთხვევის დროს სახლში იყო ბუხუტიასა და იულია ვანის საერთო ქალიშვილი.დაზარალებულის ახლობლები ამბობენ, რომ ბიზნესმენი მას ადრეც ემუქრებოდა ბავშვისა და ქონების წართმევით.მედიის ცნობით, იულია ვანი მრავლობითი მოტეხილობით და უგონო მდგომარეობაში საავადმყოფოში გადაიყვანეს. ხუბუტიამ თავდასხმის დროს, სავარაუდოდ, ნაჯახი ან ჩაქუჩი გამოიყენა. შემთხვევის ადგილზე ნაპოვნია სისხლის კვალიც. პუტინისტი ბიზნესმენი პოლიციის მისვლამდე, დანაშაულის ადგილიდან მიიმალა.ამავდროულად, იულია ვანი ვიდეოს ავრცელებს და თავდასხმის შესახებ წერს. მისი თქმით, ხუბუტიას მას თვეების განმავლობაში ემუქრებოდა."გუშინ ღამით ჩემი მკვლელობა სცადეს. დაახლოებით 23:00 საათზე, მიხეილ ხუბუტია ჩემს სახლში ნაჯახით შემოიჭრა, კიდურებში დამჭრა და თავში დამარტყა. იმ დროს, როდესაც ჩვენ ქალიშვილსა და მის ძიძას მეზობელ ოთახში ეძინათ.2018 წლიდან ურთიერთობაში ვიყავით, გვყავს საერთო ქალიშვილი, 2024 წლის დეკემბერში დავშორდით, რის შემდეგაც ის განუწყვეტლივ მემუქრებოდა, რომ ბავშვს წამართმევდა, ყველა სახის ქონებას ჩამომართმევდა და ფსიქიატრიულ საავადმყოფოში გამომკეტავდა. არაერთხელ გაიმეორა, რომ ბავშვი არ სჭირდებოდა და ამტვრევდა ჩემს პირად ნივთებს.ამჟამად ექიმების მეთვალყურეობის ქვეშ ვარ, ხელებსა და ფეხებზე ღრმა ჭრილობებზე ნაკერი დამადეს.გთხოვთ, მაქსიმალურად გაავრცელეთ ეს ამბავი. მხოლოდ ამ გზითაა შესაძლებელი, რომ ის დაუსჯელი არ დარჩეს". - წერს იულია ვანი.ფაქტზე მიმდინარეობს გამოძიება.

დღეს შევხვდი პოლიტიკურ პარტიებს და ყველამ აიტაცა იდეა, ყველას უნდა, რომ ჩავატაროთ სექტემბერში არჩევნები, როგორც თვითმმართველობის, ისე საპარლამენტო, – ამის შესახებ პაატა ბურჭულაძემ „პალიტრანიუსის“ გადაცემაში „360 გრადუსი“ განაცხადა. ინფორმაციას „ინტერპრესნიუსი“ ავრცელებს.პაატა ბურჭულაძის თქმით, სექტემბერში არჩევნების ჩატარებასთან დაკავშირებით შეხვედრა უკვე გამართა „გახარია საქართველოსთვის“ ლიდერთან, გიორგი გახარიასთან, „ლელო – ძლიერი საქართველოს“ ლიდერთან, მამუკა ხაზარაძესთან, „ნაციონალური მოძრაობის“ თავმჯდომარესთან, თინა ბოკუჩავასთან და „კოალიცია ცვლილებისთვის“ ლიდერებთან, ნიკა მელიასა და ნიკა გვარამიასთან.„გახარიასაც შევხვდი, პირადად ბატონ გიორგის, მამუკა ხაზარაძესაც, 4 ნომერსაც, 5 ნომერსაც, ყველას შევხვდი. გახარიამ ერთი რამ თქვა, რომ შეიძლება, მე მონაწილეობა ვერ მივიღოო გარკვეული მიზეზების გამო ამაში, მაგრამ თუ დაინიშნა არჩევნები სექტემბერში, აუცილებლად მივიღებ მონაწილეობასო“, – განაცხადა პაატა ბურჭულაძემ.მისივე თქმით, „ქართული ოცნება“ არალეგიტიმურია და ამიტომ არჩევნების დანიშვნის უფლება არ აქვს.ბურჭულაძის განცხადებით, არჩევნების დანიშვნის უფლება აქვს სალომე ზურაბიშვილს და ზვიად გამსახურდიას დროს შექმნილ უზენაეს საბჭოს.„ეს აზრი გუშინწინ საღამოს წარმოიშვა, გუშინვე დავდე ჩემს „ფეისბუქზე“ და უკვე 800 გაზიარება აქვს, ძალიან ბევრი მოწონება აქვს და ხალხმა აიტაცა ეს აზრი. ჩვენ მთავრობას რომ ვთხოვთ, დაგვინიშნე ახალი არჩევნები, როგორ უნდა დაგვინიშნოს? – ის არ არის ლეგიტიმური. აბსოლუტურად არ აქვს ლეგიტიმაცია, არც ქვეყნის შიგნით, არც ქვეყნის გარეთ. უფლებაც არ აქვს, რომ დანიშნოს არჩევნები, დამიჯერეთ. ვკითხეთ, ვინც ერკვევა კონსტიტუციაში და მათ უფრო ნაკლები ლეგიტიმაცია აქვთ, ვიდრე ჩვენ ხალხს. დღეს მათ კანონი არ ეკუთვნით, ეს ყველაფერი არის არალეგიტიმური.კონსტიტუციით საქართველოში ხალხს ეკუთვნის ძალაუფლება. საზღვარგარეთი როგორც ცნობს, ჩვენ ახლა გვყავს ლეგიტიმური პრეზიდენტი, როგორც ამერიკელები და ევროპელები ამბობენ და ეს არის სალომე ზურაბიშვილი. ამ დროს ჯერ კიდევ გაუქმებული არ არის პირველი უზენაესი საბჭო, რომელიც ზვიადის დროს იყო და ხელი მოაწერა საქართველოს დამოუკიდებლობას, მათაც აქვთ უფლება დანიშნონ საპარლამენტო არჩევნები“, – განაცხადა პაატა ბურჭულაძემ.მისივე თქმით, საპარლამენტო არჩევნები, რომელიც სექტემბერში იქნება, ელექტრონული წესით ტელეფონებით ჩატარდება.„არჩევნები ჩატარდება ელექტრონულად, ტელეფონებით ჩავატარებთ, როგორც ქვეყნის შიგნით, ისე ქვეყნის გარეთ, ეს პროგრამები უკვე მალე იქნება მზად. შევეცდები, აგიხსნათ; გაქვს ტელეფონი, ამ ტელეფონით ფიქსირდებით ამომრჩეველთა სიაში. როცა მოვა არჩევნები, არჩევნების დროს ჩაირთვება ფანჯარა, სადაც შეგყავს შენი პერსონალური მონაცემები და აჭერ, რომელ პარტიას გინდა, მისცე ხმა. სახლიდან გამოუსვლელად შეიძლება, ჩატარდეს ეს არჩევნები. რაც მთავარია, ასობით ათასი ჩვენი ემიგრანტი მიიღებს მონაწილეობას არჩევნებში. ტელეფონით გაყალბების შანსი აბსოლუტურად არ არის. იქნება სპეციალური საიტი, რომელიც შემოწმდება საზღვარგარეთიდან, მივიღებთ დასტურს, რომ იქნება 100%-იანი გარანტია. რაც მთავარია, ტელეფონი არ გაჟონავს“, – განაცხადა პაატა ბურჭულაძემ.

საქართველოს პირველი რესპუბლიკის დამფუძნებელი კრების თავმჯდომარე ნიკოლოზ (კარლო) ჩხეიძისთვის გადაცემული საპარლამენტო ორდენი ექვთიმე თაყაიშვილის სახელობის ქართული პარლამენტარიზმის მუზეუმს გადავეცი, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი აღნიშნავს, კარლო ჩხეიძის შთამომავლების გადაწყვეტილებით, თავისუფლების საპარლამენტო ორდენი, რომლითაც საქართველოს პირველი რესპუბლიკის დამფუძნებელი კრების თავმჯდომარე დაჯილდოვდა, საქართველოს პარლამენტს გადაეცა.„ჩემი, 2023 წლის 25 მაისის ბრძანების შესაბამისად, პარლამენტარიზმის განვითარებაში შეტანილი განსაკუთრებული წვლილისთვის, სიკვდილის შემდეგ, საქართველოს პირველი რესპუბლიკის დამფუძნებელი კრების თავმჯდომარე ნიკოლოზ (კარლო) ჩხეიძე, თავმჯდომარის პირველი მოადგილე ალექსანდრე ლომთათიძე და თავმჯდომარის მოადგილეები ექვთიმე თაყაიშვილი და სვიმონ მდივანი თავისუფლების საპარლამენტო ორდენით დაჯილდოვდნენ.ნიკოლოზ (კარლო) ჩხეიძის ხელმძღვანელობით ფუნქციონირებდა საქართველოს პირველი საკანონმდებლო ორგანო (დამფუძნებელი კრება), რომელმაც 1921 წელს საქართველოს პირველი კონსტიტუცია მიიღო“, – წერს პაპუაშვილი.

მეტეოროლოგი კობა ფარტენაძე სოციალურ ქსელში განახლებულ პროგნოზზე წერს:"საქართველოში კვირის ბოლომდე შენარჩუნდება გრილი და ნალექიანი ამინდი.ქვეყნის ტერიტორიაზე კვლავ ინტენსიურად ხდება გადმონაცვლება გრილი და ნოტიო ჰაერის მასების, რომელიც არა და არ გვტოვებს და მზიანი დღეები მოგვენატრა.მომდევნო სამი დღის განმავლობაში -სანაპირო კურორტებზე პერიოდულად ნისლი და წვიმაა მოსალოდნელი.დასავლეთ საქართველოსა და აღმოსავლეთის ბარში კი ძირითადად საღამოსა და ღამის საათებში ხანმოკლე წვიმა ელჭექით.ტემპერატურა ყველგან იქნება დაბალი და ჯერჯერობით არ დაგვითბება",-წერს მეტეოროგი.