მიხეილ სააკაშვილი – ვაცხადებ კონკურსს ფოტოებზე, რომლებზეც ასახული იქნება 90-იანი წლების და დღევანდელი ქუჩის ბირჟები საქართველოში, საუკეთესო სამი გზავნილის ავტორი დაჯილდოვდება ჩემი წიგნით

BBC-ის ფილმთან დაკავშირებით სუსში შს ყოფილი მინისტრი და ვახტანგ გომელაური და შსს-ს განსაკუთრებულ დავალებათა დეპარტამენტის ყოფილი ხელმძღვანელი ზვიად ხარაზიშვილი გამოკითხეს.BBC-ის ფილმში საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა. „ქართული ოცნება“ BBC-ის წინააღმდეგ საერთაშორისო სასამართლოებში სამართლებრივ დავას იწყებს. ამასთან, სახელმწიფო უსაფრთხოების სამსახურმა BBC-ის მიერ საჯარო სივრცეში დანაშაულის შესახებ გავრცელებულ ინფორმაციასთან დაკავშირებით გამოძიება დაიწყო.

თბილისში, თვალჭრელიძის ქუჩაზე 762 დევნილ ოჯახს ბინები გადაეცემა. 

ერთ-ერთი საერთაშორისო მედიასაშუალებით გასული საგამოძიებო სიუჟეტი ადასტურებს, რომ აქციების დაშლის დროს დარღვევები იყო. ეს ქმნის საფუძველს, რომ ჩატარდეს საერთაშორისო გამოძიება და პასუხები გაეცეს ნებისმიერ კითხვას, რომელიც დღეს ჩვენს საზოგადოებაში ტრიალებს, – ამის შესახებ პარტიის „გახარია საქართველოსთვის“ წევრმა, ტატა ხვედელიანმა განაცხადა.ხვედელიანის თქმით, ამ ეტაპზე კონკრეტული მოწმეების განცხადებებს არანაირი მნიშვნელობა არ აქვს.„არ აქვს მნიშვნელობა იქიდან გამომდინარე, რომ ვხედავთ, როგორ პანიკაშია ჩავარდნილი „ქართული ოცნების“ მთელი სახელმწიფო ვერტიკალი. ვნახეთ ქვეყნის უმაღლესი თანამდებობის პირის ე.წ. პრემიერ-მინისტრის განცხადება. დაადასტურა, რომ ქიმიური ნივთიერებები შერეული იყო წყლის ჭავლში მაშინ, როდესაც ეს აკრძალულია. მან იმ ვარაუდებზე საუბარი დაიწყო, რომ გასარკვევია, რომელი ქიმიური ნივთიერებები იყო გამოყენებული. ეს ფაქტობრივად ადასტურებს, რომ იქ რაღაც ისეთი იყო. რაც კანონსაწინააღმდეგო იყო. რამაც ძალიან ბევრი ადამიანის ჯანმრთელობის მდგომარეობის გაუარესება გამოიწვია და კიდევ არ ვიცით. რა შედეგებს გამოიღებს. აქედან გამომდინარე, ძალიან მნიშვნელოვანია, საერთაშორისო გამოძიება ჩატარდეს.ჩვენ ბიუროს უახლოეს სხდომაზე დავაინიცირებთ საგამოძიებო კომისიის შექმნას. ეს ძალიან მნიშვნელოვანია სხვადასხვა მიზნით. მნიშვნელოვანია, პასუხები გაეცეს თავისუფალი გამოძიებით საერთაშორისო მხრიდან იმ შეკითხვებს, რომლებიც ჩვენს მოსახლეობაშია და ასეთი შემთხვევების პრევენცია მოხდეს. ამ ყველაფრით ჩვენს ქვეყანას რეპუტაციული ზიანი მიაყენეს. საერთაშორისო მიმართულებითაც, რომ ადამიანებმა გაიგონ, რომ ჩვენ შეგვიძლია, გამოვიძიოთ ისეთი ფაქტები, რომლებმაც ჩვენს მოსახლეობაზე ასეთი მძიმე შედეგები იქონია. ვინც მხარს არ დაუჭერს ჩვენ მიერ ინიცირებული საგამოძიებო კომისიის შექმნას, ფაქტობრივად, პასუხისმგებლობაც პერსონალიზირებულად უნდა გადაინაწილოს, რომ მას არ სურს ის, რომ ასეთი მძიმე ფაქტების შესახებ სიმართლე გაირკვეს“, – განაცხადა ხვედელიანმა.ცნობისთვის, „ბიბისის“ ფილმთან დაკავშირებით პარტია „გახარია საქართველოსთვის“ საგამოძიებო კომისიის შექმნას ითხოვს.

ჩვენ თუ ვცდილობთ ქვეყნების დახმარებას, დავეხმაროთ ამ ქვეყნებს და არა არასამთავრობო ორგანიზაციებს, – ამის შესახებ აშშ-ის სახელმწიფო მდივანმა, მარკო რუბიომ კენიის პრეზიდენტთან ჯანდაცვის სფეროში თანამშრომლობის შესახებ შეთანხმების ხელმოწერის ცერემონიაზე განაცხადა.„რატომ ვქირაობთ ამერიკულ და საერთაშორისო არასამთავრობო ორგანიზაციებს სხვა ქვეყნებში ჯანდაცვის სისტემების სამართავად, რომლებიც პარალელურია და, ზოგჯერ, კონფლიქტშია მასპინძელი ქვეყნის ჯანდაცვის სისტემებთან? ჩვენ თუ ვცდილობთ ქვეყნების დახმარებას, დავეხმაროთ ქვეყნებს, ნუ დავეხმარებით არასამთავრობო ორგანიზაციას, რომ შევიდეს ქვეყანაში და იპოვოს ბიზნესის ახალი ხაზი. აი, ეს არის ის მოდელი, რომელსაც ჩვენ ვანგრევთ. ჩვენ ამას აღარ გავაკეთებთ. არ ვაპირებთ მილიარდობით დოლარის დახარჯვას არასამთავრობო ორგანიზაციების ინდუსტრიული კომპლექსის დაფინანსებაზე, მაშინ როცა ახლო და მნიშვნელოვან პარტნიორებს, როგორიცაა კენია ან არანაირი როლი არ აქვთ, ან ძალიან მცირე გავლენა აქვთ იმაზე, თუ როგორ იხარჯება ჯანდაცვისთვის გამოყოფილი თანხები. საბოლოო ჯამში, თუ გსურთ ქვეყნის დახმარება, ითანამშრომლეთ ამ ქვეყანასთან და არა მესამე მხარესთან, რომელიც ამ ქვეყანას რაღაცებს უწესებს“, – განაცხადა მარკო რუბიომ.როგორც მარკო რუბიომ აღნიშნა, წლების განმავლობაში შეერთებულმა შტატებმა მილიარდობით დოლარი დახარჯა ჯანდაცვის სფეროში დასახმარებლად მთელ მსოფლიოში.მისი თქმით, ძირითადად დახმარების გაწევა ხდებოდა არასამთავრობო ორგანიზაციების შუამავლობით.„ჩვენ ვპოულობდით არასამთავრობო ორგანიზაციას, ვაძლევდით მათ მთელ ფულს, ვეუბნებოდით, რომ წასულიყვნენ ამ ქვეყანაში და მათთვის ჯანდაცვის პროგრამა განეხორციელებინათ. შემდეგ ეს არასამთავრობო ორგანიზაცია აიღებდა ამ თანხის გარკვეულ პროცენტს მათი ადმინისტრაციული ხარჯებისთვის და როდესაც საქმის არსამდე მივიდოდნენ, მასპინძელ ქვეყანას ძალიან მცირე გავლენა ჰქონდა, ეს ერთგვარად მათთვის თავს მოხვეული იყო და საერთო თანხის მხოლოდ გარკვეული პროცენტი აღწევდა პაციენტებამდე და იმ ადამიანებამდე, რომელთა დახმარებასაც ვცდილობდით ამ ხარჯებით“, – განმარტა მარკო რუბიომ.

„ბიბისის“ ფილმთან დაკავშირებით საგამოძიებო კომისიის შექმნაზე პარტიის „გახარია საქართველოსთვის“ ინიციატივა, ცოტა არ იყოს, გასაკვირია, – ამის შესახებ „ხალხის ძალის“ ლიდერმა, გურამ მაჭარაშვილმა განაცხადა.​მაჭარაშვილის თქმით, ეს ინიციატივა ნიშნავს, რომ მათ უბრალოდ სურთ, როგორმე პოლიტიკურ ზედაპირზე იტივტივონ.„მართლაც მნიშვნელოვან და ისტორიულ საგამოძიებო კომისიაში, სადაც მათ კვოტები ჰქონდათ – კომისიაში, რომელიც საქართველოს უახლოეს ისტორიას 2012 წლამდე და 2012 წლის შემდგომ პერიოდს ეხებოდა, როცა ქართულმა საზოგადოებამ ჯოჯოხეთური პროცესები გადაიტანა და „ნაცმოძრაობის“ მხრიდან არნახული ტანჯვა-წამება განიცადა – მონაწილეობა არ მიიღეს. ახლა კი სურთ, შექმნან კომისია, რომელიც, მათი აზრით, უნდა იძიებდეს, თუთიყუშს ბუმბული მართლა გასცვივდა თუ არა ან ძაღლმა აკოცა თუ არა პატრონს იმ პერიოდში, როცა დეკემბერში აქციები იყო და, მათი აზრით, რაღაც ქიმიური იარაღი იყო გამოყენებული. ეს არის რეალობა და მათი მიდგომა? როდესაც პრაქტიკულად უკვე შეგვიძლია ვთქვათ, რომ მთავარი წყარო – „ბიბისი“ საკუთარ მასალას გაემიჯნა, ჩვენ უნდა დაველოდოთ გამოძიებას, რომელიც, დარწმუნებული ვარ, დაადგენს რეალურ მიზეზებს, ნამდვილად იყო თუ არა რაიმე გამოყენებული, როდის და რა იყო შეძენილი. წინასწარი ინფორმაციით ვიცით, რომ ის ნივთიერება, რაც „ბიბისიმ“ დაასახელა, არასდროს ყოფილა შეძენილი, თუმცა ყველაფერს გამოძიება დაადგენს. ეს ინიციატივა ნიშნავს, რომ მათ უბრალოდ სურთ, როგორმე პოლიტიკურ ზედაპირზე იტივტივონ“, – განაცხადა მაჭარაშვილმა.ცნობისთვის, „ბიბისის“ ფილმთან დაკავშირებით პარტია „გახარია საქართველოსთვის“ საგამოძიებო კომისიის შექმნას ითხოვს.