მესმის, ხალხი ამბობს, რომ წინ უსასრულო ომი გველის… არა, ეს არ გაგრძელდება უსასრულოდ – ბენიამინ ნეთანიაჰუ

აშშ-ის პირველმა ლედიმ, მელანია ტრამპმა გაერო-ს უშიშროების საბჭოს სხდომას უხელმძღვანელა. ეს არის ისტორიაში პირველი შემთხვევა, როდესაც საბჭოს მოქმედი ლიდერის მეუღლემ უხელმძღვანელა.გაერო-ს უშიშროების საბჭომ შეხვედრა თემაზე „ბავშვები, ტექნოლოგია და განათლება კონფლიქტის დროს“ მოიწვია.მელანია ტრამპმა გაერო-ს წევრ სახელმწიფოებს მოუწოდა, დაიცვან ბავშვების განათლებაზე წვდომა. სიტყვით გამოსვლისას აშშ-ის პირველმა ლედიმ განაცხადა, რომ კონფლიქტის თავიდან ასაცილებლად განათლება ერთ-ერთი ძირითადი ფუნდამენტია.„მშვიდობა არ უნდა იყოს მყიფე. მდგრადი მშვიდობა მიიღწევა მაშინ, როდესაც ცოდნა და გაგება სრულად დაფასდება ჩვენს ყველა საზოგადოებაში. ერი, რომელიც სწავლას წმინდად აქცევს, იცავს თავის წიგნებს, ენას, მეცნიერებას და მათემატიკას, იცავს თავის მომავალს. ინტელექტზე დაფუძნებული კულტურაში გაზრდილი ბავშვები ავითარებენ თავდაჯერებულობას, ინოვაციებს, ქმნიან, კონკურენციას უწევენ და ინარჩუნებენ ღრმა ღირებულებების სისტემას. მათი ცოდნა ხელს უწყობს სხვების მიმართ თანაგრძნობას, გადალახავს გეოგრაფიას, რელიგიას, რასას, სქესს და ადგილობრივ ნორმებსაც კი. ისინი მზრუნველ ადამიანებად ხდებიან. მაგრამ უმეცრებაზე დაფუძნებული კულტურაში გაზრდილი ბავშვები გარშემორტყმულნი არიან არეულობით და ზოგჯერ კონფლიქტითაც კი. ეს საზოგადოებები სავსეა მკაცრი მოაზროვნეებით, რომლებიც იღებენ ცრურწმენებს და თავს არიდებენ ადამიანურ ღირსებას“, – განაცხადა მელანია ტრამპმა.

დაშლილ „ნაცმოძრაობას“ ტრაგიკომიკური ვითარება აქვს, რომელსაც წერტილს დაუსვამს საკონსტიტუციო სასამართლო. მათ საქართველოს სიკეთე არ აერთიანებთ, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისივე თქმით, ასეთი გაერთიანება დასაწყისშივე განწირულია.„ქართულმა საზოგადოებამ ავტომობილი – „ნაცმოძრაობის“ სახით ჯერ კიდევ 2012 წელს დაშლილებში ჩააბარა. დაშლილების ნაწილებიდან მათ ყოველ ჯერზე, არჩევნებზე აწყობდნენ და აკოწიწებდნენ, მაგრამ ისევ მარცხდებოდნენ და დაშლილებში ბარდებოდნენ. ახლა დაშლილებიდან მხოლოდ ცხრა ნაწილი შეიკრიბა და გამოაცხადეს, რომ ერთად კი არიან, მაგრამ მაინც თავიანთი გზები აქვთ. ასეთი ავტომობილი „ნაცმოძრაობის“ სახით, ვერასოდეს გამოდგება, რადგან მათ უკვე დაშლილებშიც აღარ იბარებენ. თავად ის ფაქტი, რომ გაერთიანებას არავისთან და ვერავისთან ახერხებენ, რამდენიმე თვე უნდებიან თქმას, გავერთიანდითო და საუბარი არ არის, რაზე გაერთიანდნენ, ნიშნავს, რომ ასეთი სახის ავტომობილი მიზანს ვერ მიაღწევს. ახლა შეკოწიწებულ ავტომობილს მძღოლად ზურაბიშვილი აკლია, რომელსაც ამ გაერთიანებულ ავტომობილში ვიხილავდით, მაგრამ რამდენიმემეტრიანი გადაადგილების შემდეგ, იქ აღმოჩნდებიან, საიდანაც ვითომ აღდგნენ. ამას ვერაფერი უშველის, როცა ვიცით, რომ საკონსტიტუციო სასამართლო მყარი მტკიცებულებით ანტისახელმწიფოებრივად გამოაცხადებს ამ ცხრა დაშლილიდან უმრავლესობას. მიხეილ სააკაშვილი დაშლილებშიც არ აღმოჩნდა, საერთოდ დაშლილების გარეთაა, რადგან არავინ ახსენა და თავად თქვა, ამ დაშლილებში მეც ვიყავი, მონაწილეობას ვიღებდი, რომ რამდენიმე ნაწილი შეგვეკოწიწებინაო.დაშლილ „ნაცმოძრაობას“ ასეთი ტრაგიკომიკური ვითარება აქვს, რომელსაც წერტილს დაუსვამს საკონსტიტუციო სასამართლო. მათი პრობლემაა, რომ საქართველოს სიკეთე არ აერთიანებთ. მათი ამოცანაა, ხელისუფლების უკანონოდ შეცვლა და იმის იქით რა იქნება, არავინ იცის. ეს მათივე ამომრჩეველს აბნევს. როგორ შეიძლება, პარტიების გაერთიანების მიზანი იყოს მხოლოდ ხელისუფლების უკანონო შეცვლა? – იმის იქით ამომრჩეველს ეუბნებიან, რომ ცხრა ვარ თუ 19 ვიქნები, ჩვენი გზით ვივლით მას შემდეგ, რაც ხელისუფლებას შევცვლითო. რომელი ჭკუათმყოფელი ადამიანი ჩათვლის, რომ ეს სერიოზული გაერთიანებაა? ისიც კი არ შეუძლიათ, ფორმალურად თქვან, რომ ხელისუფლების ცვლილების შემდეგ, მათი ვითომ კოალიცია ამას და ამას გააკეთებს. ამასაც ვერ ამბობენ. რა თქმა უნდა, ასეთი გაერთიანება თავშივე განწირულია, რადგან ეს არ არის ქვეყნის სასიკეთოდ გაერთიანება. გაერთიანებას ის დასასრული ექნება, რაც აქამდე ჰქონდა“, – განაცხადა გურამ მაჭარაშვილმა.2 მარტს რამდენიმე ოპოზიციური პარტიის შეხვედრა შედგა, რომლის შემდეგაც ნიკა გვარამიამ განაცხადა: „ოპოზიციის ალიანსი შედგა, ჩვენ ვქმნით ერთობას ერთად გამარჯვებისთვის“. შეხვედრის მონაწილე ოპოზიციურმა პარტიებმა ერთობლივი განცხადებაც გაავრცელეს, რომელსაც ხელს აწერენ: „ახალი“, „გირჩი“, „დროა“, „ევროპული საქართველო“, „ნაციონალური მოძრაობა“, „ეროვნულ-დემოკრატიული პარტია“, „თავისუფლების მოედანი“, „სტრატეგია აღმაშენებელი“, „ფედერალისტები“.

კომპანია „ბლოქსის“ დამფუძნებელი ლაშა კვაჭაძე მუსკატში მყოფ საქართველოს მოქალაქეებს თბილისში კერძო რეისით უფასოდ დაბრუნებას სთავაზობს. ამის შესახებ ლაშა კვაჭაძე სოციალურ ქსელში წერს.„შუა აღმოსავლეთში ჩარჩენილ საქართველოს მოქალაქეთა საყურადღებოდ:მოგესალმებით მეგობრებო,დღეს, 3 მარტს, 1600 საათზე, ჩემი და ჩემი მეგობრების შეკვეთით (კერძო რეისით) ერთი 120 - კაციანი სამგზავრო თვითმფრინავი გაემგზავრება მუსკატიდან თბილისის მიმართულებით (ხომალდის დაქირავებაზე დასტური მივიღეთ გუშინ, 2 მარტს 23:30 საათზე). ჩვენ ვისზეც ინფორმაცია გვქონდა დავუკავშირდით და დაახლოებით 70 ჩვენს თანამოქალაქესთან ერთად ვბრუნდებით თბილისში. დაახლოებით 30-40 ადამიანის ადგილი კიდევ გვაქვს. შესაბამისად, ვინც იმყოფებით მუსკატში და შეძლებთ დღეს, 14:00 საათამდე აეროპორტში მოსვლას, გთხოვთ სასწრაფოდ დაუკავშირდეთ ჩვენს ტურისტულ აგენტს - ავთანდილ კუსრაშვილს (ნომერზე +995 577 38 50 65) და უსასყიდლოთ წაგიყვანთ თბილისში. მეც პირადად, ჩემს ოჯახთან ერთად ვიმყოფები დუბაიში და ამჟამად ავტომობილით მივდივარ მუსკატში ამ რეისით თბილისში დაბრუნების მიზნით.ბოდიშს გიხდით, რომ უფრო ადრე ვერ გაცნობეთ ამ შესაძლებლობის შესახებ - როგორც ავღნიშნე, რეისის გამოფრენა დაგვიდასტურეს გუშინ შუაღამით.ასევე შეგახსენებთ, დღეისთვის, 3 მარტს, საქართველოს მთავრობის ორგანიზებით 23.00 საათზე მუსკატიდან თბილისში გაემგზავრება თვითმფრინავი. ვისაც უფრო ამ რეისით გიხერხდებათ წასვლა უნდა დაუკავშირდეთ საქართველოს საელჩოს ემირატებში.ყველას მშვიდობას გისურვებთ!“ - წერს ლაშა კვაჭაძე.

,,წუხელ ჩემს რეზიდენციაში მოვიდა ქართველ მუსლიმთა ოფიციალური პირებისა და ლიდერების ჯგუფი, რათა გამოეხატათ თანაგრძნობა და სამძიმარი ირანის ისლამური რესპუბლიკის უზენაესი სულიერი ლიდერის, აიათოლა სეიედ ალი ხამენეის მოწამეობრივი სიკვდილის, ასევე არაერთი უდანაშაულო ადამიანის, მათ შორის მინაბის დაწყებითი სკოლის 158 გოგონას, დაღუპვის გამო. ამ შეკრებაზე აღინიშნა, რომ ირანის მოწამეობრივად აღსრულებული სულიერი ლიდერი, სანქციებისა და საგარეო ზეწოლის რთულ წლებში, პასუხისმგებლობით აღსავსე მამასავით ხელმძღვანელობდა დიდ ოჯახს, ხოლო როცა სანქციები ხალხის ყოველდღიურ ცხოვრებაზე უდიდეს ზეწოლას ახდენდა, ის ქვეყანას იცავდა არასტაბილურობისაგან. მისი ხასიათი, ლიდერობის სტილი და ქცევა სამ ათწლეულზე მეტი ხნის განმავლობაში ზრდიდა თაობას, რომელსაც დღეს აქვს საჭირო მზადყოფნა და უნარი, დაიცვას საკუთარი დამოუკიდებლობა, უსაფრთხოება და ტერიტორიული მთლიანობა. პოლიტიკური პოზიციის გარდა, მას ასევე ეკავა გამორჩეული პოზიცია მსოფლიოს ასობით მილიონ შიიტს შორის და ჰქონდა ფართო სოციალური და რელიგიური როლი. ბუნებრივია, რომ მსოფლიოს შიიტური საზოგადოების ნაწილი ასეთი პიროვნების დაკარგვის გამო მწუხარებას განიცდის. მაგრამ აშურას მოვლენები და წმინდა ზეინაბის გზავნილი აჩვენებს, რომ მოთმინება, განათლება და სიმართლის თქმა ჩაგვრისა და უსამართლობის წინააღმდეგ ბრძოლის ქმედითი გზაა. დღეს ასევე აუცილებელია ამ მოვლენების შესახებ მსოფლიო საზოგადოებრივი აზრისთვის რაციონალური და მორალურად გამართული ენით ინფორმაციის მიწოდება; საჭიროა ამ ამბის ისეთი ენით გადმოცემა, რომელიც სცილდება რელიგიურ და კონფესიურ საზღვრებს და მიმართავს მსოფლიოს გამოღვიძებულ და თავისუფალ სინდისს. ამ შეხვედრაზე ასევე ხაზი გაესვა რამდენიმე მნიშვნელოვან საკითხს: ნებისმიერი სახის თავდასხმა მშვიდობიან მოსახლეობაზე, განსაკუთრებით ბავშვებზე, დასაგმობია და მორალურად შეუწყნარებელი. რეგიონული სტაბილურობისა და სიმშვიდის შენარჩუნება საერთო პასუხისმგებლობის საგანია, ხოლო, დაძაბულობის თავიდან აცილება საჭიროებს გონივრულობას, თავშეკავებასა და დიალოგს. ხალხებს შორის არსებული ისტორიული და კულტურული კავშირები წარმოადგენს მნიშვნელოვან შესაძლებლობას კრიზისების დაძლევისა და მშვიდობიანი თანაცხოვრების განმტკიცებისთვის. ეს გულწრფელი სამძიმარი წარმოადგენდა ადამიანური სოლიდარობისა და რელიგიური პასუხისმგებლობის გამოვლინებას. ყოველივე ეს შეგვახსენებს, რომ მხოლოდ მოთმინებით, დიალოგითა და ურთიერთპატივისცემით არის შესაძლებელი ბავშვებისა და ხალხებისთვის უფრო უსაფრთხო სამყაროს აშენება. დასავლურ ქვეყნებში მუსლიმური თემების მიმართ ზოგიერთი პოლიტიკური მიდგომა ყოველთვის განხილვისა და კრიტიკის საგანი გახლდათ. ამასთანავე, ქვეყნების გამოცდილება განსხვავებულია, ხოლო ერთგვაროვანი სურათის წარმოდგენა — შეუძლებელი. განსაკუთრებით მნიშვნელოვანი ის გახლავთ, თუ რამდენად პრაქტიკულად იცავენ სახელმწიფოები რელიგიის თავისუფლების, ადამიანის ღირსებისა და მოქალაქეთა თანასწორობის პრინციპებს. დღეს ჩვენ შევიკრიბეთ საქართველოში, სადაც ხელისუფლებას ოფიციალურად აღიარებული აქვს მუსლიმური თემის უფლებები, ხოლო მათი რელიგიური და სოციალური საქმიანობისთვის უზრუნველყოფილი აქვს სამართლებრივი ჩარჩო და ოფიციალური სივრცე, ისევე როგორც სხვა რელიგიებისთვის. ურთიერთპატივისცემასა და მშვიდობიან თანაარსებობაზე დაფუძნებული ეს მიდგომა რეგიონში ღირებულ მაგალითს წარმოადგენს. გასულ წლებში, საქართველოს რელიგიური და პოლიტიკური ლიდერები ირანის ლიდერებთან შეხვედრებსა და დისკუსიებში ხაზს უსვამდნენ რელიგიათაშორისი დიალოგის მნიშვნელობას და ურთიერთობის პოზიტიურ როლს. ამ კონტექსტში უნდა აღინიშნოს საქართველოს მართლმადიდებლური ეკლესიის კათალიკოს-პატრიარქის, მის უწმინდესობას, ილია II-სა და ირანის სულიერ ლიდერს შორის თეირანში ვიზიტის დროს გამართული გულთბილი შეხვედრა და საუბარი, რაც ურთიერთპატივისცემისა და რელიგიური დიალოგის გამოხატულებას წარმოადგენდა. კავკასიის ისტორიული გამოცდილება აჩვენებს, რომ მუსლიმები და ქრისტიანები საუკუნეების განმავლობაში გვერდიგვერდ ცხოვრობდნენ. ეს ფაქტი ადასტურებს, რომ პოლიტიკური კონფლიქტები არ უნდა დავიყვანოთ რელიგიურ ან კონფესიურ დაპირისპირებამდე. გეოპოლიტიკური დაძაბულობა, რაც არ უნდა რთული იყოს, პოლიტიკური ხასიათისაა და მათი გადაჭრის გზები პოლიტიკის, დიალოგისა და საერთაშორისო სამართლის ფარგლებში უნდა ვეძებოთ. ამჟამინდელ ვითარებაშიც აუცილებელია, რომ ნარატივები იყოს გამჭვირვალე, დასაბუთებული და პასუხისმგებლობით გადმოცემული. ის ვითარება, რომ ამერიკა ცდილობს თითოეულ სამხედრო ქმედებას ახალ-ახალი გამართლება მოუძებნოს, უპირველეს ყოვლისა, ხაზს უსვამს დიპლომატიის გზაზე დაბრუნებისა და ესკალაციის თავიდან აცილების აუცილებლობას. რეგიონსა და მსოფლიოს დღეს უფრო მეტად სჭირდება პასუხისმგებლიანი დიალოგი და გამომფიტავი ომების თავიდან აცილება''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს.

უნგრეთის პრემიერ-მინისტრი ვიქტორ ორბანი აცხადებს, რომ ახლო აღმოსავლეთში შექმნილი ვითარება ახალ რისკებს ქმნის.მისი თქმით, კონლიქტმა შესაძლოა, მიგრაციის ახალი ტალღა გამოიწვიოს, ასევე ის საფრთხეს უქმნის უნგრეთის ენერგოუსაფრთხოებას.„ახლო აღმოსავლეთში ომი მზარდ რისკებს იწვევს. ხანგრძლივმა კონფლიქტმა შესაძლოა, მასობრივი მიგრაციის ახალი ტალღები გამოიწვიოს, რომლებიც ირანიდან თურქეთში, ბალკანეთის გავლით ჩვენს საზღვარზე გადმოვა. ამავდროულად, კატარიდან თხევადი ბუნებრივი აირის მიწოდება შეჩერებულია და ენერგიაზე ფასები იზრდება. ეს არის გამოცდის დრო. უნგრეთი უნდა მოემზადოს და დარწმუნდეს, რომ უსაფრთხოება მდგრადია,“- დაწერა ვიქტორ ორბანმა.