მებაჟე ოფიცრებმა სარფში არადეკლარირებული ოქროს ნაკეთობების შემოტანის ორი ფაქტი აღკვეთეს

თბილისში, სასწრაფოს ექიმებმა გადაარჩინეს ტაქსის მძღოლი, რომელსაც ქუჩაში ინფარქტი დაემართა, - ინფორმაციას Facebook-გვერდი "შენი სიცოცხლის გადასარჩენად" ავრცელებს."სასწრაფო დახმარების თბილისის მე-10 ფილიალის 1032 ბრიგადა გამოძახებიდან ბრუნდებოდა, როდესაც ქუჩაში გამვლელები სასწრაფოს მანქანას წინ გადაუდგნენ და შეჩერება მოსთხოვეს.ექიმმა მარინა ჩხეიძემ დაუყოვნებლივ აცნობა ცენტრალურ სადისპეტჩეროს, რომ გაუთვალისწინებელი შემთხვევააა და ბრიგადა ჩერდება.ქუჩაში შუახნის მამაკაცი მოსახლეობას სკამზე ჰყავდა დასმული, გადმოცემის მიხედვით ის ტაქსის მძღოლი იყო, რომელმაც მოულოდნელად გულმკერდის არეში ძლიერი ტკივილი იგრძნო, მანქანა გააჩერა და გამვლელებს დახმარება სთხოვა.სამედიცნო ბრიგადის წევრებმა დაუყოვნებლივ დაიწყეს შესაბამისი დახმარება. დაფიქსირდა დაბალი წნევა. პაციენტი გადაიყვანეს ფარზე და დაიწყეს კარდიოგრამის გადაღება, კარდიოგრამის გადაღების პროცესში მამაკაცმა მოულოდნელად დაკარგა გონება, არ იყო სუნთქვა და პულსი. დაფიქსირდა პარკუჭოვანი ტაქიკარდია, რომელიც წამებში გადავიდა ფიბრილაციაში.ექიმმა დაუყოვნებლივ დაიწყო პროტოკოლით გათვალისწინებეული რეანიმაციული ღონისძიებების გატარება, პაციენტი აიყვანეს მონიტორზე, ელექტროშოკის გამოყენების შემდეგ წამოვიდა სინუსური ტაქიკარდია. პაციენტმა დაიწყო სუნთქვა, გაეწია შესაბამისი სამედიცინო დახმარება და ფორს-მაჟორით გადაყვანილი იქნა კლინიკაში. კლინიკაში შესვლამდე პაციენტი სასწრაფოს მანქანაში გონზე მოვიდა.კლინიკაში დადასტურდა ელევაციით მიმდინარე მიოკარდიუმის მწვავე ინფარქტი, სადაც პაციენტს ჩაუტარდა შესაბამისია მკურნალობა და ამჟამად თავს კარგად გრძნობს.#გვეამაყებაექიმი მარინე ჩხეიძეუმცროსი ექიმი მარიამ ბობოხიძემძღოლი შალვა მამალაძე#შენისიცოცხლისგადასარჩენად", - აღნიშნულია Facebook-პოსტში.

ყველა ადამიანს დიდი მადლობა, ვინც გამოდის ჩემი სურათებით რუსთაველზე, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, გამარჯვება გარდაუვალია.„ყველა ადამიანს დიდი მადლობა, ვინც გამოდის ჩემი სურათებით რუსთაველზე. მათ თანადგომას ძალიან ვაფასებ. ასევე, დიდი მადლობა საერთოდ ყველას, ვინც გამოდის. ჩვენი გამარჯვება გარდაუვალია. სიყვარულით, მიშა“, – წერს სააკაშვილი.

თბილისის მერმა კახა კალაძემ, უნგრეთის საგარეო საქმეთა მინისტრ პიტერ სიიარტოსთან ერთად, ცნობილი უნგრელი ფეხბურთელის, იოზეფ ბოჟიკის ძეგლის გახსნაში მიიღო მონაწილეობა.უნგრეთის ფეხბურთის ისტორიაში ერთ-ერთი ყველაზე გამორჩეული სპორტსმენის ძეგლის საზეიმო გახსნას მერი ბუდაპეშტში ოფიციალური ვიზიტით მყოფ საქართველოს დელეგაციის წევრებთან და უნგრეთში საქართველოს ელჩ ნიკოლოზ ლალიაშვილთან ერთად დაესწრო.როგორც მერმა სიტყვით გამოსვლისას აღნიშნა, არაფერია იმაზე დიდი ბედნიერება და სიხარული, ვიდრე საკუთარი ქვეყნის სახელით ასპარეზობა და გამარჯვებების მოტანა სამშობლოსთვის.„მივესალმები ბატონ პიტერ სიიარტოს, რომლის მოწვევითაც მაქვს პატივი, დავესწრო ამ ღონისძიებას. მოხარული ვარ, რომ ბატონ პიტერთან მაკავშირებს ჩვენი ქვეყნების დიდი მეგობრობა, საერთო ბრძოლა სიმართლისთვის და როგორც აღმოჩნდა, ასევე ფეხბურთის განსაკუთრებული სიყვარული. სწორედ ამის გამო ვართ დღეს აქ. სასიხარულოა, რომ ვხსნით უნგრეთის ფეხბურთის ისტორიაში ერთ-ერთი ყველაზე გამორჩეულ ფეხბურთელის, იოზეფ ბოჟიკის ძეგლს. მე, როგორც ყოფილმა ფეხბურთელმა, თამამად შემიძლია ვთქვა, არაფერია იმაზე დიდი ბედნიერება და სიხარული, ვიდრე საკუთარი ქვეყნის სახელით ასპარეზობა და გამარჯვებების მოტანა სამშობლოსთვის. იოზეფ ბოჟიკმა ბევრი წარმატება მოუტანა უნგრულ ფეხბურთს და სამუდამოდ დაიმკვიდრა ადგილი უნგრელი გულშემატკივრის გულში. გილოცავთ ძეგლის გახსნას, უნგრულ ფეხბურთს კი ვუსურვებ კიდევ ბევრ წარმატებას“, – განაცხადა კახა კალაძემ.თავის მხრივ, უნგრეთის საგარეო საქმეთა მინისტრმა პიტერ სიიარტომ ხაზი გაუსვა უნგრული ფეხბურთის ისტორიაში იოზეფ ბოჟიკის როლს და მადლობა გადაუხადა კახა კალაძეს ღონისძიებაზე დასწრებისთვის.„სასიხარულოა, რომ იხსნება ჩვენი დიდი სპორტსმენის იოზეფ ბოჟიკის ძეგლი. მადლობას გიხდით მობრძანებისთვის, განსაკუთრებით თბილისის მერს კახა კალაძეს, რომელიც ცნობილი ფეხბურთელი და ორგზის ჩემპიონია“, – განაცხადა პიტერ სიიარტომ.ღონისძიების ფარგლებში, თბილისის მერმა, უნგრეთის საგარეო საქმეთა მინისტრთან ერთად, ფეხბურთის აკადემიაც დაათვალიერა.ინფორმაციას თბილისის მერია ავრცელებს.  

კარგია, რომ ორმხრივი ინტერესის პროექტების ნუსხაში შეიტანეს შავი ზღვის წყალქვეშა კაბელის პროექტი, ჩვენ მზად ვართ, გავაგრძელოთ თანამშრომლობა ევროპულ სტრუქტურებთან ამ პროექტის განხორციელების კუთხით, – ამის შესახებ პრემიერ-მინისტრმა, ირაკლი კობახიძემ ჟურნალისტის კითხვის პასუხად განაცხადა, რომელიც ევროკომისიის მხრიდან შავი ზღვის წყალქვეშა კაბელის პროექტისთვის „ორმხრივი ინტერესის პროექტის“ სტატუსის მინიჭებას შეეხებოდა.კობახიძის თქმით, აღნიშნული პროექტი ქვეყნისთვის ძალიან მნიშვნელოვანია და საქართველო აქტიურად არის ჩართული მისი პირველი ფაზის განხორციელებაში.„შავი ზღვის კაბელის პროექტი ძალიან მნიშვნელოვანია ჩვენი ქვეყნისთვის, აქედან გამომდინარე, აქტიურად ვართ ჩართული აღნიშნული პროექტის პირველი ფაზის განხორციელებაში. წინასწარ ხდება ვითარების შესწავლა და, რა თქმა უნდა, ჩვენ მზად ვართ, გავაგრძელოთ თანამშრომლობა ევროპულ სტრუქტურებთან ამ პროექტის განხორციელების კუთხით. კარგია, რომ მათ საკუთარი საინტერესო პროექტების ნუსხაში, ორმხრივი ინტერესის პროექტების ნუსხაში შეიტანეს ეს პროექტი,“- განაცხადა პრემიერმა.ევროკომისიამ შავი ზღვის წყალქვეშა კაბელის პროექტს, რომელმაც საქართველოსა და ევროპის ელექტროენერგეტიკული სისტემები უნდა დააკავშიროს, „ორმხრივი ინტერესის პროექტის“ სტატუსი მიანიჭა.

საქართველოს გარემოს დაცვისა და სოფლის მეურნეობის მინისტრი დავით სონღულაშვილი, ქართული დელეგაციის წევრებთან ერთად, იერუსალიმისა და სრულიად პალესტინის პატრიარქს, თეოფილე III-ს შეხვდა.შეხვედრაზე საქართველოსა და იერუსალიმის ეკლესიებს შორის არსებულ ისტორიულ კავშირებზე, მშვიდობისა და სტაბილურობის მნიშვნელობაზე ისაუბრეს.მინისტრმა დავით სონღულაშვილმა იერუსალიმის პატრიარქ თეოფილე III-ს აღსაყდრების 20 წლისთავი მიულოცა.იერუსალიმის პატრიარქმა მინისტრ დავით სონღულაშვილს საპატრიარქოს სიწმინდეები დაათვალიერებინა.მინისტრმა ჩანაწერების წიგნში სამახსოვრო ჩანაწერი გააკეთა. შეხვედრის დასასრულს, იერუსალიმის პატრიარქმა საქართველოს დელეგაციის წევრები დალოცა და წარმატებები უსურვა.ინფორმაციას გარემოს დაცვისა და სოფლის მეურნეობის სამინისტროს პრესსამსახური ავრცელებს.