მარტო სრიალებდა, სამწუხაროდ მათ გიდი არ ჰყავდათ და ისე წავიდნენ სასრიალოდ – ახალი დეტალები უშგულიდან

წყალტუბოს „სამგურალი“ ყოფილი ფეხბურთელის დაღუპვის შესახებ სამწუხარო ინფორმაციას ავრცელებს და სამძიმრის წერილს აქვეყნებს:„სამწუხარო ამბავი გვაქვს: 23 წლის ასაკში მოულოდნელად გარდაიცვალა „სამგურალის“ ყოფილი ფეხბურთელი ლეანდრო ლიმა. ბრაზილიელი ნახევარმცველი „სამგურალში“ 2023 წლის სეზონში თამაშობდა და საქართველოს თასზე გოლიც აქვს გატანილი.ჩვენი კლუბის სახელით ვუსამძიმრებთ გარდაცვლილის ოჯახსა და სრულიად საფეხბურთო სამყაროს“, - ვკითხულობთ პოსტში.

რუსული თავდასხმების გეოგრაფია და სისასტიკე არამხოლოდ ზოგჯერ, არამედ ყოველდღიურად, ყოველ ღამით გვიჩვენებს, თუ რამდენად უგულებელყოფს პუტინი დიპლომატიას, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური მიმართვისას განაცხადა.„უკვე რამდენიმე კვირაა, არსებობს ამერიკული წინადადება უპირობო ცეცხლის შეწყვეტის შესახებ და ყოველდღიურად, ფაქტობრივად, ამ წინადადებაზე პასუხად, რუსული დრონები, რუსული ბომბები და ბალისტიკური იარაღი გამოიყენება. რუსეთი იმსახურებს მასზე ზეწოლის გაძლიერებას – ყველა მკაცრ ნაბიჯს, რამაც შეიძლება, შეასუსტოს რუსეთის ომის წარმოების უნარი და ამ სისტემის მხარდაჭერა, რომელსაც გარდა ომისა, არაფერი სურს. რუსეთის წინააღმდეგ სანქციები აუცილებელია. უკრაინას სჭირდება საჰაერო თავდაცვის მეტი სისტემა. აუცილებელია მეტი თანამშრომლობა და ერთიანობა ყველა პარტნიორს შორის“, – განაცხადა ზელენსკიმ.უკრაინის პრეზიდენტის თქმით, დღეს ფინეთის პრეზიდენტთან სატელეფონო საუბრისას განიხილეს შესაძლო ნაბიჯები, რომლებიც შესაძლოა, დაეხმაროს უკრაინას.„ალექსანდრ სტუბმა ისაუბრა აშშ-ში ვიზიტზე და ამერიკის პრეზიდენტთან საუბარზე. უკრაინა მზადაა, იმოქმედოს ამერიკასთან ერთად მაქსიმალურად სწრაფად. უკრაინა იმედოვნებს, რომ შეერთებული შტატები, ევროპა და ყველა სხვა პარტნიორი, რომლებსაც რეალურად სურთ მშვიდობა და გარანტირებული უსაფრთხოება, გამოიყენებენ ყველა საჭირო ინსტრუმენტს. დიპლომატიის წარმატება ყველას სჭირდება, გარდა პუტინისა. ამიტომ, მასზე ზეწოლაა საჭირო დიპლომატიის წარმატებისა და ადამიანთა სიცოცხლის გადარჩენისთვის“, – აღნიშნა ზელენსკიმ.უკრაინის პრეზიდენტმა განაცხადა, რომ გრძელდება კომუნიკაცია ამერიკასთან იმის შესახებ, თუ როგორ იმოქმედონ ერთად ომის დასასრულებლად.„მსოფლომ იცის, რომ მხოლოდ რუსეთია მიზეზი იმისა, თუ რატომ გრძელდება ომი ამდენი წელი. რუსეთზე ზეწოლა უნდა გაძლიერდეს, ხოლო უსაფრთხოება უნდა იყოს გარანტირებული მათთვის, ვისაც რუსეთი დაესხა თავს – უკრაინელებისთვის და ყველა ევროპელისთვის​​​​​​“, – განაცხადა ზელენსკიმ.

თითქმის 10 წლის წინ, მაგდა პაპიძე ქმრისა და შვილის მკვლელობაში 12-მა ნაფიცმა მსაჯულმა, ერთხმად, დამნაშავედ ცნო. უმძიმეს დანაშაულში ბრალდებულმა, რუსთავის #5 ციხის იმ კორპუსში, სადაც განსაკუთრებით მძიმე კატეგორიის დამნაშავეები ცხოვრობენ, ბინა სამარტოო საკანში დაიდო. უვადო პატიმრობის ათვლაც 2016 წლის 6 ივნისს დაიწყო.უვადო მსჯავრდებული სააპელაციო სასამართლოში საკუთარი სურვილით და კონკრეტული მოთხოვნით დაბრუნდა - ის კანონით განსაზღვრული მკაცრი რეჟიმის შემსუბუქებას ითხოვს.სანამ მთავარ მიზანზე საუბარს დაიწყებდა, ითხოვდა, რომ "კურიერი P.S.-ის" გადამღებ ჯგუფს სხდომა დაეტოვებინა. მოსამართლეებმა ეს შუამდგომლობა უსაფუძვლოდ ჩათვალეს. შემდეგ მოითხოვა დახურული ზონიდან ნახევრად ღია დაწესებულებაში გადასვლა, რაზეც რამდენიმე თვის წინ პირველი ინსტანციის სასამართლომ უარი უთხრა. ახლა, სააპელაციო საჩივრით, ცდილობს, მიზანს მიაღწიოს. ბევრი ისაუბრა, იმაზეც, რომ სურს, ჩაერთოს ციხის ყველა პროგრამაში, იმუშაოს და თანხა დააგროვოს. უვადო პატიმარს ციხიდან გასვლის მოლოდინი აქვს და წლების ფუჭად გატარება არ სურს.მაგდა პაპიძემ საკუთარ ყოფაზე ბევრი ისაუბრა. ციხის ადმინისტრაციას მადლობა არაერთხელ უთხრა, მათ შორის იმისთვის, რომ სამთვიანი კონტრაქტით, ჟოლოს ბაღში მუშაობის უფლება მისცეს. სამარტოო საკანში კი, ძირითადად ხატვას და შემდეგ ნამუშევრებს ყიდის. ხატვა შემოსავლის წყაროდ აქცია. ქმრისა და შვილის მკვლელობის უმძიმეს ბრალდებაზე არაფერი უთქვამს, გარდა იმისა, რომ მომხდარს საკუთარი უბედურება უწოდა.უმძიმეს სასჯელამდე იყო უმძიმესი ისტორია. თბილისში, ფერაძის ქუჩის 2 ნომერში. ფაქტი, რომელიც ქართულ კრიმინალურ არქივს არასდროს დაავიწყდება.2015 წლის 20 დეკემბერი თენდებოდა. 112-ში შემზარავი შეტყობინება შევიდა. სამართალდამცველებს ფერაძის ქუჩაზე, კორპუსის სადარბაზოსთან მაგდა პაპიძის ქმრის ომარ ქაფიაშვილის ცხედარი დახვდათ. იქვე მდგომ ავტომობილში კი, გარდაცვლილი იპოვეს 5 წლის თორნიკე ქაფიაშვილი.გამოძიება პირველ წუთებში ყველა ვერსიას განიხილავდა, გარდა ერთისა - რომ მკვლელობა მაგდა პაპიძემ ჩაიდინა. ქალი იმ დროს ამტკიცებდა, რომ ქმარ-შვილი ხაჭაპურის საჭმელად გავიდა და დააგვიანდა, მოსაყვანად წასულს კი, სადარბაზოსთან ცხედრები დახვდა.მალევე პოლიციამ სულ სხვა სურათი აღადგინა. საგამოძიებო მოქმედებები ჩატარდა საცხოვრებელი კორპუსის პირველ სართულზე, აქ სისხლის კვალი მაგდა პაპიძის საცხოვრებელი ბინის კარამდე მივიდა. უშუალოდ ბინაში ერთი შეხედვით, საეჭვო არაფერი ჩანდა, მოგვიანებით ნაპოვნი 1 წვეთი სისხლის გარდა. წვეთი მაგიდის ქვეშ აღმოაჩინეს. ბინა სპეციალური ხსნარით დამუშავდა. გამოძიებამ დაადგინა, რომ ოთახი მკვლელობის ადგილი იყო.მთავარი ეჭვმიტანილი მაგდა პაპიძე დააკავეს. ის ქმრისა და შვილის მკვლელობას თავიდანვე უარყოფდა, თუმცა აღმოჩენილი ნივთმტკიცებები საპირისპიროს ამბობდა, მათ შორის გარეცხილი გადასაფარებელი და სახლთან ახლოს, ნაგვის ურნიდან ამოღებული სისხლიანი ნივთები.გამოძიებით გაირკვა, რომ მაგდა პაპიძეს მეგობარი მამაკაცი ჰყავდა, რომლისგანაც ბავშვს ელოდებოდა. მეუღლეს ეჭვი გაუჩნდა, ქალმა კი, ახალი ცხოვრების დაწყების სურვილით, დანაშაული დაგეგმა. მოგვიანებით ცნობილი გახდა, რომ დაკავების შემდეგ, უმძიმეს დანაშაულში ბრალდებულს ორსულობა შეუწყდა.მკვლელობამდე ცოტა ხნით ადრეა გადაღებულ ვიდეოკადრებში ჩანს, რომ მაგდა პაპიძე შვილთან ერთად, მაღაზიაში იყო და დიდი ზომის ურო შეიძინა. ურო, რომელიც თორნიკე და ომარ ქაფიაშვილების მკვლელობის შემდეგ, ნაგვის ურნაში სისხლიან ნივთებთან ერთად იპოვეს, საქმეში მკვლელობის იარაღად ჩაიდო. ამოიღეს პაპიძის წერილიც, რაც დანაშაულებრივი გეგმის ნაწილად შეფასდა.გამოძიებით დადგინდა, რომ ქალმა მძინარე ქმარი თავში უროს ჩარტყმით მოკლა, შვილი კი, გაგუდა. შემდეგ ცხედრები დერეფნის გავლით, გარეთ გაიტანა, თუმცა გადამალვა ვეღარ მოახერხა და ღამის საათებში მისი ყვირილის ხმამ მეზობლები გააღვიძა. ქალი შველას ითხოვდა და დანაშაულის ინსცენირებაც ამ დროს მოაწყო.საქმე, უამრავი მტკიცებულებით, სასამართლომდე მივიდა. მაგდა პაპიძემ ბრალი აქაც უარყო.ხმაურიანი განხილვების შემდეგ, ნაფიცმა მსაჯულებმა საზარელი დანაშაულისთვის დაკავებული ქალი, ერთხმად, დამნაშავედ ცნეს. მოსამართლემ მაგდა პაპიძე ციხეში უვადოდ გაუშვა.ეს იყო დაახლოებით 10 წლის წინ. დღეს კი, უვადო მსჯავრდებულს ერთადერთი მიზანი აქვს - დახურული ზონიდან ნახევრად ღიაში გადასვლა სურს. რას გადაწყვეტს სასამართლო - რამდენიმე დღეში გაირკვევა.ვრცლად ↓

საფრანგეთის პრეზიდენტმა, ემანუელ მაკრონმა ისრაელის პრემიერ-მინისტრს, ბენიამინ ნეთანიაჰუს სატელეფონო საუბრისას ღაზაში ომის დასრულებისკენ მოუწოდა. ამის შესახებ ემანუელ მაკრონმა სოციალურ ქსელში დაწერა.როგორც მაკრონი წერს, სატელეფონო საუბრისას ნეთანიაჰუს განუცხადა, რომ ისრაელმა უნდა შეწყვიტოს ღაზაზე დარტყმები და განაახლოს ჰუმანიტარული დახმარების მიწოდება.„ახლახან ვესაუბრე ისრაელის პრემიერ-მინისტრ, ბენიამინ ნეთანიაჰუს. მძევლების გათავისუფლება და ისრაელის უსაფრთხოება საფრანგეთისთვის პრიორიტეტია. მე მოვუწოდე ისრაელის პრემიერ-მინისტრს, შეწყვიტოს დარტყმები ღაზაზე და დაუბრუნდეს ცეცხლის შეწყვეტას. ასევე განვუცხადე, რომ ჰუმანიტარული დახმარება დაუყოვნებლივ უნდა განახლდეს“, – წერს მაკრონი.როგორც მაკრონი აღნიშნავს, სატელეფონო საუბრისას ასევე მოუწოდა ისრაელს, „მკაცრად დაიცვას ცეცხლის შეწყვეტის შეთანხმება ლიბანში“. ამასთან, ემანუელ მაკრონის განმარტებით, ლიდერები შეთანხმდნენ, ერთად იმუშაონ ისრაელსა და ლიბანს შორის სტაბილურობის მისაღწევად. „საფრანგეთი გააგრძელებს მჭიდრო კოორდინაციას ისრაელთან“, – წერს მაკრონი. 

​საქართველოს წარმომადგენელი 2025 წლის ევროვიზიის სიმღერის კონკურსზე მარიამ შენგელიაა. მან უკვე ჩაწერა თავისი საკონკურსო სიმღერა და ცნობილია, რომ მეორე ნახევარფინალში მე-10 ნომრად წარდგება. ​მარიამის კანდიდატურას არაერთგვაროვანი გამოხმაურება მოჰყვა და ბევრმაც გააკრიტიკა.მომღერალი სტუმრად „ნოესთან“ იმყოფებოდა, სადაც ერთ-ერთი კითხვა მის მეგობარს, ასევე მომღერალ ნუცა თოფურიას კომენტარს შეეხო - „მარიამზე არაფერს ვიტყვი“, თქვა ნუცამ, რაზეც მარიამმა გადაცემაში განაცხადა, რომ ეს არ სწყენია.„მე მოლოდინები დიდი ხანია, აღარ მაქვს... იმიტომ, რომ აღარავისგან არაფერს ველი... შესაბამისად, გულდაწყვეტა არ მქონია, იმიტომ, რომ წყენის ფაქტორებიც გადავდე. არავისგან არაფერი მწყინს, ჩემს გზას მივყები და მაქსიმალურად ვარ კონცენტრირებული, საქართველო წარვადგინო ძალიან კარგად. შესაბამისად, რაც ხდება სოციალურ ქსელებში და რა ამბებიც არის, ჩემთვის მეორე ხარისხოვანია... გზები არ გაყოფილა, დღემდე ჩემს გვერდითაა... არ ვიცი, რატომ ხდება ასე ყველაფრის დრამატიზირება... შეიძლება, პოლიტიკური გზები გაიყო, მაგრამ ეს იმას არ ნიშნავს, რომ ადამიანებმა უნდა დავკარგოთ ერთმანეთი. ორივე ასე ვფიქრობთ,“ - თქვა შენგელიამ.ვრცლად ↓