მართლმადიდებელი ეკლესია დღეს ამაღლების დღესასწაულს ზეიმობს

პარიზის პროკურატურამ SpaceX-ის დამფუძნებლის, ილონ მასკის პლატფორმა X-ის ოფისებში კიბერდანაშაულის გამოძიების ფარგლებში ჩხრეკა ჩაატარა, - იუწყება TheIndependent.პროკურატურის ინფორმაციით, გამოძიება სატელეფონო საჩივრების საფუძველზე გაფართოვდა, რომლებიც საიტის ხელოვნური ინტელექტის ჩატბოტს, Grok-ს ეხება. გამოძიების ფარგლებში, გამომძიებლები შეისწავლიან მათ შორის, ბავშვთა პორნოგრაფიული შინაარსის გამოსახულებების შექმნის საკითხს და სხვა შესაძლო დანაშაულებს."ამ ეტაპზე, გამოძიების ჩატარება კონსტრუქციული მიდგომას წარმოადგენს, რომლის მიზანია საბოლოო ჯამში უზრუნველყოს, რომ X პლატფორმა მოქმედებდეს საფრანგეთის კანონმდებლობის შესაბამისად, თუ ის ქვეყნის ტერიტორიაზე ფუნქციონირებს“- აღნიშნულია პროკურატურის განცხადებაში."The Independent“-ი კომენტარისთვის დაუკავშირდა X-ს. ივლისში ბრალდებების უარყოფის შემდეგ, კომპანიამ განაცხადა, რომ ფრანგი პროკურორები „პოლიტიკურად მოტივირებულ სისხლის სამართლის გამოძიებას" ახორციელებდნენ. კომპანიამ განაცხადა, რომ არსებობს "სერიოზული შეშფოთება გამოძიების მიუკერძოებლობასთან, სამართლიანობასთან და პოლიტიკურ მოტივაციასთან დაკავშირებით", რადგან ამ საქმეში ჩართული იყვნენ ექსპერტები, რომლებიც აკრიტიკებდნენ სოციალურ ქსელს, რომელიც ადრე ცნობილი იყო როგორც Twitter.X მიიჩნევს, რომ გამოძიება "საბოლოო ჯამში ზღუდავს სიტყვის თავისუფლებას" და სწორედ ამიტომ არ ეთანხმებიან საფრანგეთის ხელისუფლების მოთხოვნებს.

ირანელ კოლეგებთან პირდაპირი ურთიერთობის შესაძლებლობა თუ იქნება, შეერთებული შტატები ამისთვის ღია იქნება, – ამის შესახებ აშშ-ის სახელმწიფო მდივანმა, მარკო რუბიომ განაცხადა.რუბიოს განცხადებით, აშშ-ის სპეციალური წარმომადგენელი სტივ უიტკოფი ირანულ მხარესთან შესახვედრად მზადაა. თუმცა, მისივე თქმით, შესაძლოა, შეერთებულმა შტატებმა ირანთან შეთანხმების მიღწევა ვერ შეძლოს.„თუ ირანელებს შეხვედრა სურთ, ჩვენ მზად ვართ. მათ გამოთქვეს შეხვედრისა და საუბრის სურვილი. თუ გადაიფიქრეს, ამას ჩვენც დავეთანხმებით. მაგრამ ჩვენ შეხვედრას და საუბარს ვამჯობინებთ. დარწმუნებული არ ვარ, რომ ამ ბიჭებთან შეთანხმებას მივაღწევთ, მაგრამ ვეცდებით, გავარკვიოთ. ვერ ვხედავთ რაიმე საზიანოს იმის გარკვევაში, შესაძლებელია თუ არა რამის გაკეთება. ეს არის პრეზიდენტი, რომელიც ნებისმიერ კონფლიქტს ან ნებისმიერ გამოწვევას ყოველთვის მშვიდობიან შედეგს ამჯობინებს“, – განაცხადა აშშ-ის სახელმწიფო მდივანმა.ამასთან, მარკო რუბიოს თქმით, იმისთვის, რომ მოლაპარაკებებმა რეალური შედეგი დადოს, მხარეებმა ირანის ბირთვული პროგრამის გარდა, ბალისტიკური რაკეტების სპექტრი, რეგიონის მასშტაბით ტერორისტული ორგანიზაციების დაფინანსების საკითხი და ირანელი ხალხის მიმართ მოპყრობა უნდა განიხილონ.ცნობისთვის, აშშ-სა და ირანს შორის მოლაპარაკებები 6 თებერვალს, სავარაუდოდ, ომანში გაიმართება. „აქსიოსის“ ინფორმაციით, ტრამპის ადმინისტრაცია ირანის თხოვნას დაეთანხმა და მოლაპარაკებები, თურქეთის ნაცვლად, ომანში გაიმართება. გავრცელებული ცნობით, მიმდინარეობს მოლაპარაკებები იმის შესახებ, შეუერთდებიან თუ არა რეგიონის სხვა ქვეყნები ომანში დაგეგმილ მოლაპარაკებებს.

ევროპამ და ფინეთმა უნდა აღიარონ, რომ შეერთებული შტატები იცვლება და აშშ-ის ადმინისტრაციის იდეოლოგია, რომელიც მის საგარეო პოლიტიკას უდევს საფუძვლად, ჩვენს ღირებულებებს ეწინააღმდეგება, – ამის შესახებ ფინეთის პრეზიდენტი ალექსანდრ სტუბი აცხადებს.მისი თქმით, ნატო-ს ევროპელი წევრები, მათ შორის ფინეთი, ბოლო კვირების განმავლობაში თავიანთი საგარეო პოლიტიკური სტრატეგიების გადახედვაში არიან მას შემდეგ, რაც აშშ-ის პრეზიდენტმა დონალდ ტრამპმა გრენლანდიის გამო იანვარში ევროპელ მოკავშირეებთან ურთიერთობები დაძაბა.„ჩვენ გულწრფელად უნდა ვაღიაროთ, რომ შეერთებული შტატები ცვლილებებს განიცდის. მისი მიდგომა მოკავშირეების მიმართ, ასევე საგარეო პოლიტიკის წარმოების წესი, ასევე იცვლება. აშშ-ის ამჟამინდელი ადმინისტრაციის საგარეო პოლიტიკას საფუძვლად უდევს იდეოლოგია, რომელიც ეწინააღმდეგება ჩვენს ღირებულებებს და ევროპის მნიშვნელობას აკნინებს“, – განაცხადა სტუბმა.

საკანონმდებლო ორგანომ „უმაღლესი განათლების შესახებ“ კანონში ცვლილებები მესამე მოსმენით, დაჩქარებული წესით განიხილა და მხარი დაუჭირა.საკითხი პლენარულ სხდომაზე განათლების, მეცნიერებისა და ახალგაზრდობის მინისტრის მოადგილემ ზვიად გაბისონიამ წარადგინა.კანონპროექტის თანახმად, აკადემიური პერსონალის ჩამონათვალს წამყვანი პროფესორის თანამდებობა ემატება.ცვლილებებით ზუსტდება სახელმწიფოს მიერ დაფუძნებული უმაღლესი საგანმანათლებლო დაწესებულებების რეორგანიზაციის სამართლებრივი ჩარჩო.პარლამენტის პრესსამსახურის ცნობით, კანონს ემატება ნორმა, რომლითაც განისაზღვრება, რომ სახელმწიფოს მიერ დაფუძნებულ უმაღლეს საგანმანათლებლო დაწესებულებებს, რომლებსაც საქართველოს მთავრობა განუსაზღვრავს იმ საგანმანათლებლო პროგრამების (კურიკულუმების) ჩამონათვალს, რომელთა განხორციელების უფლებაც აქვთ, მიეცეთ უფლება ის საგანმანათლებლო პროგრამები, რომლებსაც 2026 წლის 1 იანვრის მდგომარეობით საქართველოს კანონმდებლობის შესაბამისად ახორციელებენ და რომლებიც არ არის გათვალისწინებული ზემოხსენებულ ჩამონათვალში, მილევად რეჟიმში კონკრეტული ვადით განახორციელონ.

საქართველოს ტექნიკური უნივერსიტეტი ტელეკომპანიების - „რუსთავი 2“-სა და „იმედის“ საინფორმაციო გადაცემებში - „კურიერი“ და „ქრონიკა“, 3 თებერვალს გასულ სიუჟეტებს კიდევ ერთხელ ეხმაურება და უარყოფს გავრცელებულ ინფორმაციას, რომელშიც სიუჟეტების ავტორები აცხადებენ, რომ საქართველოს ტექნიკურ უნივერსიტეტში არსებული სასწავლო პირობები არასათანადოა, ხოლო ინფრასტრუქტურა არ შეესაბამება აკადემიურ სტანდარტებს. აღნიშნულ განცხადებას საქართველოს ტექნიკური უნივერსიტეტი ავრცელებს.ტექნიკური უნივერსიტეტის ინფორმაციითვე, „ტელეკომპანია POSTV-მ, ისე, რომ არც უნივერსიტეტში მოსულა და არც სატელეფონო კავშირის თუ სხვა საკომუნიკაციო არხების მეშვეობით გადაუმოწმებია სხვა ტელეკომპანიების მიერ გავრცელებული ინფორმაცია, სოცქსელში, თავის გვერდზე გაავრცელა სხვა ტელევიზიების კუთვნილი ფოტოები და ინფორმაცია“. ამის გამო უნივერსიტეტი ტელეკომპანიისგან ბოდიშის მოხდას ითხოვს.„ბოლო პერიოდში, მას შემდეგ რაც საქართველოს ტექნიკური უნივერსიტეტის ივანე ჯავახიშვილის სახელობის თბილისის სახელმწიფო უნივერსიტეტთან შერწყმის შესახებ ინფორმაცია გავრცელდა, საინფორმაციო საშუალებები, საქართველოს ტექნიკური უნივერსიტეტის წინააღმდეგ საინფორმაციო გადაცემებსა და სოცქსელებში გადაუმოწმებელ ფაქტებს ავრცელებენ, რითაც მაყურებელი/მკითხველი, ნებსით თუ უნებლიედ, შეჰყავთ შეცდომაში. უნივერსიტეტი გამორიცხავს, რომ მასმედიის მხრიდან ამგვარი არაპროფესიონალური მიდგომა ისეთ მტკივნეულ საკითხზე, რაც საქართველოს ტექნიკური უნივერსიტეტის 104-წლოვანი ისტორიის განადგურებას უკავშირდება, დაკვეთაა, თუმცა გვაქვს საფუძვლიანი ვარაუდი, რომ მედიის წარმომადგენლები მიზანმიმართულად ცდილობენ საზოგადოების თვალში უნივერსიტეტის დისკრედიტაციას და ამ მიზნით ერთგვარი კამპანიის აგორებას.3 თებერვალს საქართველოს ტექნიკურმა უნივერსიტეტმა გაავრცელა სპეციალური განცხადება, სადაც აღნიშნულია: „ტელეკომპანიების - „რუსთავი 2“-სა და „იმედის“ საინფორმაციო გადაცემებში - „კურიერი“ და „ქრონიკა“ - დღეს გასულ სიუჟეტებს ეხმაურება და კატეგორიულად უარყოფს გავრცელებულ ინფორმაციას, რომელშიც სიუჟეტების ავტორები აცხადებენ, რომ საქართველოს ტექნიკურ უნივერსიტეტში არსებული სასწავლო პირობები არასათანადოა, ხოლო ინფრასტრუქტურა არ შეესაბამება აკადემიურ სტანდარტებს“. მიუხედავად ამისა, ტელეკომპანია POSTV-მ, ისე, რომ არც უნივერსიტეტში მოსულა და არც სატელეფონო კავშირის თუ სხვა საკომუნიკაციო არხების მეშვეობით გადაუმოწმებია სხვა ტელეკომპანიების მიერ გავრცელებული ინფორმაცია, სოცქსელში, თავის გვერდზე გაავრცელა სხვა ტელევიზიების კუთვნილი ფოტოები და ინფორმაცია. იმედი გვაქვს, POSTV კოლეგებსაც არ მოექცა უპასუხისმგებლოდ და კადრების გავრცელების თაობაზე მათგან ნებართვა მაინც აიღო.უნივერსიტეტმა 3 თებერვალს გავრცელებულ წერილში აღნიშნა: „მიუხედავად იმისა, რომ სიუჟეტის ავტორები იმყოფებოდნენ უნივერსიტეტში, მათ მე-2 სასწავლო კორპუსში არსებული ვითარების შესახებ კითხვა არ დაუსვამთ, წინააღმდეგ მათ ეცოდინებოდათ, რომ სტუ-ის მე-2 კორპუსში სასწავლო პროცესი რამდენიმე თვეა არ მიმდინარეობს. აღნიშნული ინფორმაციის მიღების შემდეგ კი ჟურნალისტები ვერ მოამზადებდნენ და შესაბამისად, ვერც გაავრცელებდნენ მსგავსი შინაარსის სიუჟეტებს. როგორც ჩანს, სიმართლე მათ ხელს არ აძლევდათ და საქართველოს ტექნიკური უნივერსიტეტის იმიჯის შელახვა მაყურებლის შეცდომაში შეყვანის ხარჯზე სცადეს, რაც კარგად გამოუვიდათ… საქართველოს ტექნიკური უნივერსიტეტი ხაზგასმით და კიდევ ერთხელ განმარტავს, რომ სიუჟეტებში გამოყენებული ვიზუალური მასალა არ ასახავს არც აუდიტორიების, არც ლაბორატორიებისა და არც სველი წერტილების რეალურ მდგომარეობას. ამის მიუხედავად, სიუჟეტებში გაკეთებულია საპირისპირო დასკვნები, რაც წარმოადგენს მაყურებლის შეცდომაში შეყვანის მცდელობას და პირდაპირ ეწინააღმდეგება საქართველოს კანონს „მაუწყებლობის შესახებ“ (მუხლები: 52 პუნქტი „გ“ - პროგრამებში ფაქტებისა და კომენტარების მკაფიო გამიჯვნის ვალდებულება; 54 - მაუწყებლის ვალდებულება უზრუნველყოს ინფორმაციის სიზუსტე და ფაქტების ჯეროვანი გადამოწმება; 56 - დაინტერესებული მხარისთვის პასუხისა და ინფორმაციის შესწორების უფლება, 59 - მაყურებლის შეცდომაში შეყვანის დაუშვებლობა) და ჟურნალისტური ეთიკის ძირითად პრინციპებს, განსაკუთრებით კი, სიზუსტისა და ობიექტურობის ნორმებს“. იგივე მიდგომა გვაქვს ტელეკომპანია POSTV-ის შემთხვევაში - უნივერსიტეტი კატეგორიულად ითხოვს გადაუმოწმებელი და არაზუსტი ინფორმაციის გავრცელებისთვის ტელეკომპანიამ უნივერსიტეტს ბოდიში მოუხადოს და უარყოს გავრცელებული ინფორმაცია მიუხედავად იმისა, რომ ეს ინფორმაცია მისი მოპოვებული არ იყო. ინფორმაციის გაზიარების ფაქტი ადასტურებს, რომ POSTV-ი ეთანხმება „რუსთავი 2“-სა და „იმედს“, რაც მიგვაჩნია, რომ საქართველოს ტექნიკური უნივერსიტეტის მიზანმიმართული დისკრედიტაციის კამპანიის ნაწილია“,- ნათქვამია განცხადებაში.