მანანა თოქმაჯიშვილი: ისეთი სიხარულით აზიარეს ტალახით დასვრილი საფეხმავლო ბილიკის ფოტოები, გეგონება რაღაც სენსაციური მოხდა ან ეს პარკი მტრის საკუთრება იყოს და არა საკუთარი ქალაქის

საქართველოს ტექნიკურ უნივერსიტეტში „ჰორიზონტი ევროპის” ეროვნული ოფისის წარმომადგენლებმა, დოქტორანტებისთვის, პოსტდოქტორანტებისთვის, ახალგაზრდა მეცნიერებისა და მკვლევრებისთვის საინფორმაციო შეხვედრას გამართეს. აღნიშნულის შესახებ ინფორმაციას საქართველოს ტექნიკური უნივერსიტეტი ავრცელებს. მათივე ცნობით, ღონისძიება, საქართველოს ტექნიკური უნივერსიტეტის ვიცე-რექტორმა გახსნა. როგორც პროფესორმა თამარ ლომინაძემ აღნიშნა, საქართველოს ტექნიკურ უნივერსიტეტს მნიშვნელოვანი წვლილი შეაქვს და სამომავლოდაც შეიტანს „ჰორიზონტი ევროპის“ განვითარებაში და ამ პროცესისგან თავადაც დიდ სარგებელს მიიღებს. „ისეთი მნიშვნელოვანი ფონდი, როგორიც „ჰორიზონტი ევროპაა“ მორიგ შეხვედრას საქართველოს ტექნიკურ უნივერსიტეტში ატარებს, რომელიც ნამდვილად არის ინსტიტუცია, სადაც სერიოზული სამეცნიერო პროდუქცია იქმნება და მნიშვნელოვანი წვლილი მეცნიერების განვითარებაში შეაქვს. საქართველოს ტექნიკურ უნივერსიტეტს „ჰორიზონტი ევროპის“ ფარგლებში პარტნიორების მოძიება არ უჭირს, იმდენად, რამდენადაც ჩვენი მეცნიერ-მკვლევრები საინტერესო, მნიშვნელოვან და ღირებულ კვლევებს ატარებენ ევროპისა და ამერიკის წამყვანი უნივერსიტეტების მეცნიერებთან კოლაბორაციაში. ჩვენი სამეცნიერო-აკადემიური პერსონალი აქტიურად თანამშრომლობს ისეთ უდიდეს საერთაშორისო კვლევით ორგანიზაციებთან და ცენტრებთან, როგორიცაა: შვეიცარიაში CERN-ი, იაპონიაში KEK-ი და J-Parc-ი, აშშ-ში FERMILAB-ი, ვთანამშრომლობთ უილიხის ცენტრთან და ორგანიზაცია DAAD-თან. მჭიდრო კონტაქტები გვაქვს ჩინეთის, გერმანიის, იტალიის, საფრანგეთისა და ევროპის სხვა წამყვან უნივერსიტეტებთან. საქართველოს ტექნიკურ უნივერსიტეტში თავმოყრილია ინოვაციური იდეების, გამოგონებების დიდი რაოდენობა, რასაც რეალიზაცია, ინოვაციური პროდუქტის შექმნის ხელშეწყობა სჭირდება. შესაბამისად, „ჰორიზონტ ევროპა“ და ზოგადად, ჩვენს ევროპელ პარტნიორებთან კოლაბორაცია, ამ მიმართულებით განვითარების შესანიშნავ შესაძლებლობას იძლევა. რუსთაველის ეროვნული სამეცნიერო ფონდი და „ჰორიზონტი ევროპა“ არაერთ საინტერესო საგრანტო კონკურსს გვთავაზობს, რომელიც, დარწმუნებული ვარ, ჩვენი უნივერსიტეტის მკვლევრებს დააინტერესებთ. ხაზგასმით მინდა აღვნიშნო, რომ საქართველოს ტექნიკური უნივერსიტეტის რექტორი, აკადემიკოსი დავით გურგენიძე სწორად და ზუსტად ახორციელებს სამეცნიერო პოლიტიკას უნივერსიტეტში, იმ საუნივერსიტეტო დიპლომატიას, რომელსაც ეფუძნება „ჰორიზონტი ევროპის“ პოლიტიკა და ფილოსოფია. წარმატებებს ვუსურვებ ახალგაზრდა მეცნიერებს, რომელთაც უნივერსიტეტი განვითარების ყველა შესაძლებლობას აძლევს“, - განაცხადა თამარ ლომინაძემ. სტუ-ის ინფორმაციით, შეხვედრას ესწრებოდნენ: საქართველოს განათლების, მეცნიერებისა და ახალგაზრდობის სამინისტროს მეცნიერების განვითარების დეპარტამენტის უფროსი, პროფესორი, ქეთევან ქოქრაშვილი, „ჰორიზონტი ევროპის“ საქართველოს ეროვნული ოფისის ხელმძღვანელი, ლევან ხეცურიანი, „ევროპის კვლევების საბჭოს (ERC) დაფინანსების შესაძლებლობები ახალგაზრდა მეცნიერებისთვის“ ეროვნული საკონტაქტო პირი, ეკატერინე სანაია, „მარია სკლოდოვსკა კიურის (MSCA) შესაძლებლობები ახალგაზრდა მეცნიერებისთვის“ პროგრამების ეროვნული საკონტაქტო პირი, თეონა მაისურაძე, „ერა ფელოუშიფი (ERA Fellowships) ახალგაზრდა მეცნიერებისთვის“ გაფართოების ეროვნული საკონტაქტო პირი, ნინო როდონაია, მეცნიერების და ტექნოლოგიების სფეროში ევროპული თანამშრომლობის ასოციაცია COST-ის ეროვნული კორესპონდენტი საქართველოში, ნანა გაბიტაშვილი.

დღეს ყველა დაინახავს გაბრაზებული ქართველი ხალხის ერთობას, რომელიც არაფრის ფასად არ თმობს მშვიდობას, აფხაზ და ოს ძმებთან თანაცხოვრებას. არ თმობს ტრადიციებს და სურს ღირებული დემოკრატიის მიღება, - წერს სოციალურ ქსელში პარტია „ხალხის ძალის“ წევრი თამარ ჩიბურდანიძე. მისივე თქმით, დღეს ქართველი ხალხი ირჩევს არა მხოლოდ „ქართულ ოცნებას“, არამედ ირჩევს საქართველოს, რწმენას და ქართული ღირებულებების გადარჩენას. „დღეს საქართველო ერთიანია, ისე როგორც არასდროს! დღეს ქართველი ხალხი ირჩევს არა მხოლოდ „ქართულ ოცნებას“, არამედ ირჩევს ჩვენი ქვეყნის, ჩვენი რწმენის, ჩვენი ღირებულებების გადარჩენას! ოპოზიციის მტრულმა ქმედებებმა, დასავლეთის ზეწოლამ და ყალბი დემოკრატიის პროპაგანდით ერის სინდისის შეურაცხყოფამ, საქართველო ფეხზე დააყენა. დღეს კიდევ ერთი ისტორია დაიწერება. დღეს ყველა დაინახავს გაბრაზებული ქართველი ხალხის ერთობას, რომელიც არაფრის ფასად არ თმობს მშვიდობას, აფხაზ და ოს ძმებთან თანაცხოვრებას. არ თმობს ტრადიციებს და სურს ღირებული დემოკრატიის მიღება. დღეს ქართველი ხალხი ღია არჩევნებს ატარებს მთელი მსოფლიოს დასანახად. დღეს ყველა მხოლოდ საქართველოს ვირჩევთ!“ - წერს თამარ ჩიბურდანიძე.

სანამ თავისუფლების მოედანზე შეკრება დაიწყება, “ქართული ოცნების“ მხარდამჭერები, თბილისის ქუჩებში მსვლელობას დილიდან მართავენ. ზაჰესის მიმდებარე ტერიტორიაზე შეიკრიბნენ მოტომოყვარულები - სწორედ აქედან აიღო სტარტი ბაიკერების მსვლელობამ. “კურიერი“ მსვლელობის მონაწილეებს გაესაუბრა. “ვართ ქართველი მოტომოყვარულები, ასე ვთქვათ, ბაიკერები შეკრებილი. ჩვენ გამოვხატავთ ჩვენს მხარდაჭერას “ქართული ოცნების“ მიმართ. მთავარი არის ქვეყანაში მშვიდობა - ამიტომაც ვართ შეკრებილი, რომ გვინდა მშვიდობა, გვინდა ერთიანად და კარგად ყოფნა. მას შემდეგ, რაც მოვივლით ამ მარშით თბილისის ქუჩებს, შემდეგ მივალთ უკვე თავისუფლების მოედანზე,“ - აცხადებს “ქართული ოცნების“ ერთ-ერთი მხარდამჭერი. “ასეთი აზრია საზოგადოებაში, რომ ბაიკერები სხვა მხარეს დგანან და არ ვდგავართ. მშვიდობით, ღირსებით, კეთილდღეობით ევროპისკენ - ვდგავართ ამ მხარეს და ჩვენც ვაფიქსირებთ ჩვენს აზრს, რომ გვინდა ევროპა. გვაქვს დემოკრატია და სიტყვის თავისუფლება - ამიტომ ვუჭერთ მხარს “ქართულ ოცნებას, - აცხადებს “ქართული ოცნების“ ერთ-ერთი მხარდამჭერი.

ვერ არევთ ქვეყანას, ეს არც მანამდე გამოგსვლიათ და არც შემდგომში გამოგივათ, - ამგვარად გამოეხმაურა საგარეო ურთიერთობათა კომიტეტის თავმჯდომარის პირველი მოადგილე, მარიამ ლაშხი უკრაინაში მებრძოლი ლადო გამსახურდიას განცხადებას, რომელიც საპარლამენტო არჩევნებში „ქართული ოცნების“ გამარჯვების შემთხვევაში „რევოლუციითა და სისხლით“ იმუქრება. „ვერ არევთ ქვეყანას, ეს არც მანამდე გამოგსვლიათ და არც შემდგომში გამოგივათ. სახელმწიფო და „ქართული ოცნება“ - ხელისუფალი ისე, როგორც არასდროს, არის ძლიერი. ჩვენ ვნახეთ, რომ ნებისმიერი მცდელობა, ნებისმიერი ტიპის პატარა დანაშაულებიც კი თავის დროზე იყო იდენტიფიცირებული. აგრესიის გამოხატულება და რევოლუციის მოწყობა, ქვეყნის, ხალხის წინააღმდეგ არის პირველ რიგში მიმართული. მსგავსი ადამიანების ადგილი ქვეყანაში არ არის”, - განაცხადა მარიამ ლაშხმა. უკრაინაში მებრძოლი ლადო გამსახურდია „ქართული ოცნების“ გამარჯვების შემთხვევაში რევოლუციას აანონსებს.

აშშ-ის თავდაცვის მდივანის ლოიდ ოსტინის განცხადებით, უკრაინის გამარჯვებაში დარწმუნებულია და მიაჩნია, რომ ეს ამერიკული, შორ რადიუსზე მოქმედი შეიარაღების გარეშეც შესაძლებელია. პენტაგონის ხელმძღვანელმა კიდევ ერთხელ დაუჭირა მხარი ამერიკულ შეზღუდვებს, რომელიც ვაშინგტონს შორი რადიუსის იარაღის გამოყენებაზე აქვს დაწესებული. ამასთან, ლოიდ ოსტინი აღნიშნავს, რომ რუსეთმა უკვე გაიყვანა „ატაკამსების“ მოქმედების ზონიდან თვითმფრინავები, რომლებსაც მართვადი ავიაბომბების დასაშენად იყენებდა. „უკრაინას აქვს მრავალი შესაძლებლობა, რომელიც ჩვენ მივაწოდეთ დრონების სახით. ასევე, აქვს შესაძლებლობა, აწარმოოს საკუთარი უპილოტო აპარატები. ისინი ძალიან ეფექტურია. რეალურად ვნახეთ, როგორ ახორციელებენ თავდასხმებსა და ოპერაციებს საზღვრიდან 400 კილომეტრის მოშორებით. უკრაინას აბსოლუტურად შეუძლია გამარჯვება. ჩვენ გამარჯვებას განვსაზღვრავთ, როგორც სუვერენულ სახელმწიფოს, რომელსაც შეუძლია, დაიცვას თავისი ტერიტორია და შეაკავოს აგრესია მომავალში“, – განაცხადა ოსტინმა. ლოიდ ოსტინმა ასევე დაადასტურა, რომ ჩრდილოეთ კორეის შეიარაღებული ძალები რუსეთში იმყოფებიან და ჯერჯერობით უცნობია, რას მოიმოქმედებენ. „არსებობს მტკიცებულება, რომ ჩრდილოეთ კორეის სამხედროები რუსეთში არიან. რას აკეთებენ? ვნახოთ“, – განაცხადა ოსტინმა.