მამუკა მდინარაძე – არ მჯერა იმ ადამიანების გულწრფელობის, რომლებიც, ერთი მხრივ, აპროტესტებენ ვიღაცის ძალიან ცუდ შინაარსიან საუბარს, მაგრამ, მეორე მხრივ, ფიზიკურ ძალადობაზე ხმას არ იღებენ

რომის პაპმა ევროპაში სამხედრო ხარჯების ზრდა დაგმო. ამის შესახებ ლეო XIV-მ რომის უნივერსიტეტის სტუდენტებთან გამოსვლისას განაცხადა.პონტიფიკოსმა ევროპაში ხარჯების ზრდას დიპლომატიის ღალატი უწოდა და აღნიშნა, რომ სტუდენტებმა მსგავსი გადაიარაღება „თავდაცვით ხარჯებად“ არ უნდა მოიხსენიონ. მისი თქმით, მსოფლიო „ომებით დასახიჩრებულია“.„არ ვუწოდოთ „თავდაცვა“ ისეთ გადაიარაღებას, რომელიც აძლიერებს დაძაბულობასა და არასტაბილურობას, ამცირებს განათლებასა და ჯანდაცვაში ინვესტიციებს, ანგრევს ნდობას დიპლომატიის მიმართ და ამდიდრებს ელიტებს, რომლებსაც საერთო კეთილდღეობა არ აინტერესებთ“, – განაცხადა რომის პაპმა.ცნობისთვის აშშ-ის პრეზიდენტი არაერთხელ აკრიტიკებდა ევროპელ მოკავშირეებს , რომ ისინი თავდაცვაზე ძალიან ცოტას ხარჯავენ. თებერვალში მან ხელი მოაწერა განკარგულებას, რომლის მიხედვითაც, ამერიკული იარაღის მყიდველთა პრიორიტეტული სია გადაიხედება იმ ქვეყნების სასარგებლოდ, რომლებიც თავდაცვაზე მეტს ხარჯავენ.ტრამპის მოთხოვნით, 2025 წელს ნატო-მ მხარი დაუჭირა წევრი ქვეყნებისათვის თავდაცვითი ხარჯების მშპ-ის 5%-მდე ზრდას.სტოკჰოლმის მშვიდობის კვლევის საერთაშორისო ინსტიტუტის მონაცემებით, 2025 წელს სამხედრო ხარჯების გლობალური ზრდის მთავარი ფაქტორი ევროპაში დანახარჯების 14%-იანი ზრდა გახდა, რომელმაც 864 მილიარდ დოლარს მიაღწია.

მსოფლიო ისტორიაში ერთ-ერთი ყველაზე მნიშვნელოვანი ურთიერთობა, – ასე უწოდა აშშ-ის პრეზიდენტმა, დონალდ ტრამპმა აშშ-ჩინეთის ურთიერთობებს და შეერთებულ შტატებსა და ჩინეთს შორის მჭიდრო და ისტორიული კავშირების პატივსაცემად სადღეგრძელო წარმოთქვა.აშშ-ის პრეზიდენტმა მოლაპარაკებებს „პოზიტიური და პროდუქტიული“ უწოდა და დღეს გამართული „დიდებული მიღების ცერემონიისთვის“ ჩინელ კოლეგას მადლობა გადაუხადა. ასევე, ოფიციალური მიწვევა გაუგზავნა სი ძინპინსა და მის მეუღლეს და ისინი 24 სექტემბერს ვაშინგტონში, თეთრ სახლში მიიპატიჟა.ამასთან, დონალდ ტრამპმა სიტყვით გამოსვლისას მოიხსენია ამერიკელი ვაჭარი სამუელ შოუ, რომელმაც 250 წლის წინ ჩინეთთან ივაჭრა; ბენჯამინ ფრანკლინი, რომელმაც თავის გაზეთში კონფუცის ციტატები გამოიყენა; პრეზიდენტი თეოდორ რუზველტი, რომელიც ჩინეთს დაეხმარა ალმა მატერის დაარსებაში.„ისევე, როგორც ბევრ ჩინელს ახლა უყვარს კალათბურთი და ჯინსები, დღეს ამერიკაში არსებული ჩინური რესტორნები რაოდენობით აღემატება შეერთებული შტატების ხუთ უმსხვილეს სწრაფი კვების ქსელს ერთად აღებულს“, – აღნიშნა ტრამპმა.ამასთან, მან აღნიშნა, რომ ქვეყნებს „ბევრი საერთო აქვთ“ და მიუთითა ისეთ ღირებულებებზე, როგორებიცაა „შრომისმოყვარეობა“, „სიმამაცე“ და „მიღწევა“.„მსოფლიო განსაკუთრებულია, როდესაც ჩვენ ორნი ერთიანები ვართ და ერთად ვართ“, – განაცხადა ტრამპმა მის პატივსაცემად გამართულ ბანკეტზე.

საქართველოს ტექნიკურ უნივერსიტეტში, Erasmus+ საერთაშორისო მობილობის პროექტის ფარგლებში, სამუშაო ვიზიტით იმყოფებიან პროექტის კოორდინატორი უნივერსიტეტების წარმომადგენლები, პროფესორები: პროექტის კოორდინატორი სიბილა ბოროიევიჩ შოშტარიჩი (Prof. Sibila Borojević Šoštarić) და სტანკო რუჟიჩიჩი (Prof. Stanko Ružičić) ზაგრების უნივერსიტეტიდან (ხორვატია) და პაველ დანიჰელკა (Prof. Pavel Danihelka) ოსტრავის ტექნიკური უნივერსიტეტიდან (ჩეხეთის რესპუბლიკა).ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, სტუმრები სტუ-ის სამთო-გეოლოგიურ და მთის მდგრადი განვითარების ფაკულტეტზე სამუშაო შეხვედრებს გამართავენ, ასევე პრეზენტაციების სახით თავიანთ უნივერსიტეტებს წარმოადგენენ.სტუ-ის საერთაშორისო ურთიერთობების ოფისის ხელმძღვანელის თქმით, საქართველოს ტექნიკური უნივერსიტეტი საერთაშორისო თანამშრომლობის გასაღრმავებლად ევროკავშირის მიერ დაფინანსებულ საერთაშორისო მობილობის პროექტში მონაწილეობს. თეა მურვანიძის განცხადებით, პროექტს, რომლის მიზანია უმაღლესი განათლების სფეროში აკადემიური თანამშრომლობის გაძლიერება, სტუდენტებისა და აკადემიური პერსონალის საერთაშორისო მობილობის ხელშეწყობა, თანამედროვე საგანმანათლებლო პრაქტიკის გაზიარება და ევროპულ საგანმანათლებლო სივრცეში ინტეგრაციის პროცესის გაღრმავება, კოორდინაციას ევროპული უნივერსიტეტები უწევენ.„პროექტის ფარგლებში, საქართველოს ტექნიკური უნივერსიტეტის სტუდენტებსა და პროფესორ-მასწავლებლებს შესაძლებლობა ექნებათ მონაწილეობა მიიღონ გაცვლით პროგრამებში, საერთაშორისო ტრენინგებში, კვლევით აქტივობებსა და ერთობლივ აკადემიურ ინიციატივებში. ამ ტიპის თანამშრომლობა მნიშვნელოვნად შეუწყობს ხელს უნივერსიტეტში განათლების ხარისხის ამაღლებას და საერთაშორისო გამოცდილების გაზიარებას. ERASMUS+ პროგრამაში მონაწილეობა მნიშვნელოვანი ნაბიჯია საერთაშორისო პარტნიორობის გაფართოებისა და ევროპულ უნივერსიტეტებთან თანამშრომლობის გაძლიერების მიმართულებით. პროექტი ასევე ითვალისწინებს ინოვაციური სწავლების მეთოდების დანერგვას, კულტურათაშორისი დიალოგის გაძლიერებას და ახალგაზრდებისთვის ახალი აკადემიური და კვლევითი შესაძლებლობების შექმნას“, - აცხადებს თეა მურვანიძე.სტუ-ის ინფორმაცით, მობილობის პროგრამის ფარგლებში კოორდინატორი უნივერსიტეტების წარმომადგენლები სამთო-გეოლოგიურ და მთის მდგრადი განვითარების ფაკულტეტის სტუდენტებისა და თანამშრომლებისთვის გეოლოგიისა და შრომის უსაფრთხოების მიმართულებით საჯარო ლექციებს გამართავენ, ხოლო ფაკულტეტის პროფესორ-მასწავლებლები და სტუდენტები საუნივერსიტეტო სივრცეში სტუმრებს აკადემიურ, კვლევით და სოციალურ-კულტურულ აქტივობებს შესთავაზებენ.

SOCAR-მა საქართველოს ეკონომიკისა და მდგრადი განვითარების ყოფილი მინისტრი ლევან დავითაშვილი ნავთობკომპანია Italiana Petroli-ის აღმასრულებელ დირექტორად დანიშნა, - ინფორმაციას აზერბაიჯანული მედია ავრცელებს.„Italiana Petroli (IP) აქციების 99.82%-ის API Holding-ისგან შეძენის დასრულების შემდეგ, SOCAR-ი ლევან დავითაშვილის IP-ის აღმასრულებელ დირექტორად დანიშვნის შესახებ აცხადებს“, - ნათქვამია იტალიური ნავთობკომპანიის განცხადებაში.განცხადების თანახმად, აღნიშნულ თანამდებობაზე საქართველოს ეკონომიკისა და მდგრადი განვითარების ყოფილი მინისტრი, ლევან დავითაშვილი Italiana Petroli-ის ოპერაციებს იტალიაში უხელმძღვანელებს, რათა „უზრუნველყოს ბიზნესის უწყვეტობა, შეინარჩუნოს და შემდეგ გააძლიეროს მისი პოზიცია ადგილობრივ ენერგერტიკულ ბაზარზე და ზედამხედველობა გაუწიოს SOCAR ჯგუფში კომპანიის ფართო ინტეგრაციას“.ლევან დავითაშვილი საქართველოს ეკონომიკისა და მდგრადი განვითარების მინისტრის თანამდებობას 2022-2025 წლებში იკავებდა, ხოლო 2025 წლიდან SOCAR-ის პრეზიდენტის მრჩეველი იყო.

ოპოზიციის ბრმა მორჩილება უცხოეთის მიმართ საზოგადოებაში აპათიას იწვევს. ამომრჩეველმა საპარლამენტო არჩევნებზე ოპოზიციას დიდი ნდობა გამოუცხადა და მათ რა გააკეთეს? ეს ნდობა წყალში გადაყარეს და რევოლუციური ბარიკადების მოწყობა დაიწყეს, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველ არხს განუცხადა.მისი თქმით, ეს საზოგადოებისთვის მიუღებელი იყო.„ხალხი რას ხედავს? ოპოზიცია უცხოეთში კარდაკარ დადის და ქვეყნის დასანქცირებას ითხოვს. მათი მიზანია, რომ საქართველოს რაც შეიძლება ცუდი გაუკეთონ, რათა მოქალაქეების ცხოვრება გაუარესდეს და მათ რევოლუციურ გეგმებს რაღაც საფუძველი შეექმნას. ბუნებრივია, რომ მოსახლეობა მათ არც ხელს ჩამოართმევს და არც კარს გაუღებს. მათი მხრიდან მცდელობაა, რომ 26 მაისი ხალხის გახლეჩვისთვის გამოიყენონ. ალბათ პროვოკაციის გეგმაც ექნებათ“, – განაცხადა ქადაგიშვილმა.