მაკო სამხარაძე-კორონა განაჩენი არ არის , აუცილებლად გადაიტანს სამყარო ამ გამოწვევას, მთავარია ვიზრუნოთ არა მარტო საკუთარ,არამედ სხვის ჯანმრთელობაზეც, იმ ნორმების დაცვით,რასაც ამ პერიოდში ავტორიტეტები მიგვითითებენ.

2026 წლის ივნისიდან თბილისს კიდევ ერთი ევროპული დედაქალაქი – კოპენჰაგენი (დანიის სამეფო) დაუკავშირდება პირდაპირი ავიარეისებით. ახალ საჰაერო ხაზზე ფრენებს ცნობილი სკანდინავიური დაბალბიუჯეტიანი ავიაკომპანიის, Norwegian-ის შვილობილი – Norwegian Air Sweden-ი შეასრულებს. ინფორმაციას ეკონომიკის სამინისტრო ავრცელებს.სამინისტროს ცნობით, სამოქალაქო ავიაციის სააგეტნოში წარმოდგენილი განაცხადის შესაბამისად, თბილისსა და კოპენჰაგენს შორის პირდაპირი ფრენები 27  ივნისიდან კვირაში ორი სიხშირით – ყოველ ოთხშაბათსა და შაბათს, ხოლო 15 აგვისტოდან ყოველ ოთხშაბათსა და კვირას შესრულდება.საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ავიაკომპანიას ფრენების განხორციელებისათვის აუცილებელი ნებართვა 23 მარტს მიანიჭა.ეკონომიკის სამინისტროს ინფორმაციით, კოპენჰაგენი-თბილისი-კოპენჰაგენის მიმართულების დამატება გაზრდის საქართველოს დაკავშირებადობას სკანდინავიის ქვეყნებთან და ხელს შეუწყობს ჩრდილოეთ ევროპიდან ტურისტული ნაკადების მატებას ქვეყანაში. ამასთან, კოპენჰაგენის აეროპორტი წარმოადგენს ერთ-ერთ უმსხვილეს სატრანზიტო ჰაბს ევროპის რეგიონში, რაც ქართველ მგზავრებს დამატებით შესაძლებლობებას მისცემს, კოპენჰაგენის გავლით იმგზავრონ სხვა ევროპული თუ ამერიკული მიმართულებებით.

საქართველოს ტექნიკური უნივერსიტეტის ენერგეტიკის ფაკულტეტს, შენობების თბოსაიზოლაციო თვისებების შეფასებისა და ენერგოაუდიტის სწავლების მიზნით, არასამთავრობო ორგანიზაცია “ენერგოეფექტურობის ცენტრმა საქართველომ” (EECG) თბური წინაღობის საზომი მოწყობილობა გადასცა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, თბური წინაღობის საზომი მოწყობილობა, რომელიც ენერგეტიკის ფაკულტეტის ლაბორატორიულ კომპლექსში განთავსდება, ასევე გამოყენებულ იქნება პროექტის - „მდგრადი და მწვანე ბიზნესპრაქტიკების განვითარება საქართველოში“ - ფარგლებში სატრენინგო პროგრამის ეფექტიანი განხორციელების უზრუნველსაყოფად. აღნიშნულ პროექტს “ენერგოეფექტურობის ცენტრი საქართველო” “World Vision საქართველოსა” და საქართველოს ფერმერთა ასოციაციასთან (GFA) პარტნიორობით და ევროკავშირის ფინანსური მხარდაჭერით ახორციელებს.შეხვედრაში საქართველოს ტექნიკური უნივერსიტეტის ვიცე-რექტორი, პროფესორი თამარ წერეთელი, ენერგეტიკის ფაკულტეტის დეკანი, პროფესორი ქეთევან ქუთათელაძე, ენერგეტიკის ექსპერტი - ფაკულტეტის პროფესორი გია არაბიძე, “ენერგოეფექტურობის ცენტრი საქართველოს” ხელმძღვანელი გიორგი აბულაშვილი, ფაკულტეტის პროფესორები და არასამთავრობო ორგანიზაციის წარმომადგენლები მონაწილეობდნენ. მხარეებმა პროექტის - „მდგრადი და მწვანე ბიზნესპრაქტიკების განვითარება საქართველოში“ - განხორციელების პროცესში საქართველოს ტექნიკური უნივერსიტეტის მონაწილეობის შესაძლებლობებზე იმსჯელეს, რაც ბიზნესკომპანიის თანამშრომლების, პროფესიული სტუდენტების, პრაქტიკოსი ტრენერებისა და მომავალი სპეციალისტების გადამზადებისა და პროფესიული კვალიფიკაციის ამაღლების მიზნით ახალი საგანმანათლებლო პროგრამების შემუშავებას, პროფესიული მომზადებისა და გადამზადების პროგრამების განხორციელებას ითვალისწინებს.ვიცე-რექტორის განცხადებით, 37800 ლარის ღირებულების თბური წინაღობის საზომი მოწყობილობა, რომელიც “ენერგოეფექტურობის ცენტრმა საქართველომ” სატრენინგო პროგრამის ეფექტიანად განხორციელების მიზნით შეისყიდა და საქართველოს ტექნიკურ უნივერსიტეტს გადასცა, უახლოესი მომავლიდან გამოყენებულ იქნება სატრენინგო პროგრამისთვის, ასევე ენერგეტიკის ფაკულტეტზე მიმდინარე სამეცნიერო კვლევებისთვის.“თბური წინაღობის საზომი მოწყობილობის საქართველოს ტექნიკური უნივერსიტეტისთვის გადმოცემა მნიშვნელოვანია როგორც სასწავლო, ისე სამეცნიერო პროცესის გაძლიერების მიმართულებით. მისი საშუალებით ჩვენს სტუდენტებსა და მკვლევრებს ექნებათ შესაძლებლობა, რეალურ პირობებში შეისწავლონ შენობათა თბოსაიზოლაციო თვისებები და ენერგოაუდიტის თანამედროვე მეთოდები. განსაკუთრებულად მნიშვნელოვანია ისიც, რომ პროექტის ფარგლებში დაგეგმილია შენობების ენერგოაუდიტის განმახორციელებელი დამოუკიდებელი ექსპერტებისა და სპეციალისტების გადამზადება და მათი აღჭურვა როგორც მყარი თეორიული ცოდნით, ისე პრაქტიკული უნარებით. ამით მნიშვნელოვნად შევუწყობთ ხელს ენერგოეფექტურობის სტანდარტების ამაღლებას. მადლობას ვუხდით “ენერგოეფექტურობის ცენტრი საქართველოს” მხარდაჭერისა და პარტნიორობისთვის. დარწმუნებული ვართ, რომ ჩვენი თანამშრომლობა ხელს შეუწყობს მწვანე ბიზნესპრაქტიკის განვითარებას“, - განაცხადა თამარ წერეთელმა.როგორც სტუ-ის ენერგეტიკის ფაკულტეტის დეკანმა აღნიშნა, სატრენინგო პროგრამა, რომელსაც ახლო მომავლიდან ჩაეყრება საფუძველი, ენერგოეფექტური პრაქტიკების დანერგვას შეუწყობს ხელს.“თბური წინაღობის საზომი მოწყობილობა თანამედროვე მაღალტექნოლოგიური ინსტრუმენტია, რომელიც გამოიყენება მასალებისა და სამშენებლო კონსტრუქციების თბური თვისებების განსასაზღვრად, ასევე შენობების ენერგოდანაკარგების ანალიზისა და თბოიზოლაციის შეფასებისთვის. მისი მუშაობის პრინციპი ეფუძნება თბური ნაკადის სენსორს: მოწყობილობა ერთ მხარეს აფიქსირებს კონსტრუქციაში გამავალ სითბოს ნაკადს, ხოლო მეორე მხარეს ზომავს ზედაპირების ტემპერატურებს, რის საფუძველზეც ხდება თბური წინაღობის ზუსტი გამოთვლა. მოწყობილობა აღჭურვილია თბური ნაკადის სენსორით, ტემპერატურის სენსორებით, მონაცემთა ლოგერითა და ანალიზის პროგრამით, რაც უზრუნველყოფს მონაცემების სრულყოფილ დამუშავებას. მისი გამოყენება განსაკუთრებით მნიშვნელოვანია როგორც სამეცნიერო კვლევებში, ისე ენერგოეფექტურობის შეფასებასა და შენობების ენერგოაუდიტში, რაც მომავალში მნიშვნელოვნად შეუწყობს ხელს ენერგოეფექტური და გარემოსდაცვითად მდგრადი პრაქტიკების დანერგვას“, - აღნიშნა ქეთევან ქუთათელაძემ.“ენერგოეფექტურობის ცენტრი საქართველოს” ხელმძღვანელის თქმით, ცენტრი აქტიურად მუშაობს ენერგოაუდიტის პროფესიული სტანდარტების განვითარებისა და კვალიფიციური სპეციალისტების მომზადების მიმართულებით, რა პროცესშიც საქართველოს ტექნიკურ უნივერსიტეტს მნიშვნელოვან პარტნიორად განიხილავს.“ჩვენთვის მნიშვნელოვანია, რომ ამ პროექტის ფარგლებში შევძლოთ აკადემიურ სივრცესთან მჭიდრო თანამშრომლობა და ისეთი პრაქტიკული რესურსების გამოყენება, რაც რეალურად გააძლიერებს ენერგოეფექტურობის მიმართულებით სწავლებისა და კვლევის ხარისხს. “ენერგოეფექტურობის ცენტრი” აქტიურად მუშაობს იმისთვის, რომ საქართველოში განვითარდეს ენერგოაუდიტის პროფესიული სტანდარტები და გაიზარდოს კვალიფიციური სპეციალისტების რაოდენობა. ამ პროცესში მნიშვნელოვანია საქართველოს ტექნიკურ უნივერსიტეტთან პარტნიორობა, რაც გვაძლევს შესაძლებლობას, ერთობლივად შევქმნათ გადამზადების პროგრამები“, - განაცხადა გიორგი აბულაშვილმა.

ისრაელის თავდაცვის მინისტრი, ისრაელ კაცი აცხადებს, რომ ირანის სარაკეტო დარტყმების საპასუხოდ ისრაელის დარტყმებიც „გაიზრდება და გაფართოვდება“ .„პრემიერ-მინისტრმა ბენიამინ ნეთანიაჰუმ და მე გავაფრთხილეთ ირანის ტერორისტული რეჟიმი, შეეწყვიტა სარაკეტო დარტყმები ისრაელის მშვიდობიან მოსახლეობაზე. გაფრთხილებების მიუხედავად, დარტყმები გაგრძელდა. ამიტომ ისრაელის თავდაცვის ძალების დარტყმები ირანში გაიზრდება და გაფართოვდება დამატებით სამიზნეებსა და რეგიონებზე, რომლებიც რეჟიმს ეხმარება ისრაელის მშვიდობიანი მოსახლეობის წინააღმდეგ იარაღის შექმნასა და გამოყენებაში“, – განაცხადა ისრაელ კაცმა ვიდეომიმართვაში.ისრაელის თავდაცვის მინისტრის თქმით, გაგრძელდება „ტერორისტული რეჟიმის ლიდერებისა და მეთაურების დევნა, მისი სტრატეგიული შესაძლებლობების განადგურება“.

,,ილია, ერთი წლის…უბრალო სახელი, მაგრამ დიდი ტრაგედიის სიმძიმე.მას მთელი ოჯახი ომმა წაართვა და სრულიად მარტო დარჩა — არა მხოლოდ როგორც ბავშვი, არამედ როგორც კაცობრიობის შებღალული სინდისის სიმბოლო.თუ სამყაროს ჯერ კიდევ აქვს გული, ის ილიასთვის უნდა ძგერდეს-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს

ბენზინსა და დიზელზე ფასების ზრდის შესაჩერებლად ან შესანელებლად აუცილებელია, მოვითხოვოთ დროებით საწვავის ფასის ზედა ზღვრის დაწესება ან აქციზის ფასის განახევრება, – ამის შესახებ „ძლიერი საქართველო – ლელოს“ წევრმა, თაზო დათუნაშვილმა განაცხადა.დათუნაშვილის თქმით, ეს გადაწყვეტილება საქართველოს ბიუჯეტისთვის ერთი თვის განმავლობაში დაახლოებით 560 მილიონი ლარის შემცირებას გამოიწვევს.„ახლო აღმოსავლეთში მიმდინარე ომმა საქართველოში საწვავის ფასები გაზარდა. 13 მარტის შემდეგ ფასები სხვადასხვა ტიპის საწვავზე დაახლოებით 10-დან 60 თეთრამდე გაიზარდა. საქართველოს მოქალაქეების დიდი ნაწილი ყოველდღიური არსებობისთვის სარგებლობს ავტომობილით. გარდა ამისა, საწვავის ფასის ზრდა აისახება, პირველ რიგში, სოფლის მეურნეობის პროდუქტზე და ასევე ჩვენს იმპორტდამოკიდებულ ქვეყანაში მკვეთრად გაზრდის ინფლაციის რისკებს, დიდი ალბათობით, ფაქტობრივად, 99%-იანი სიზუსტით, ფასი გაიზრდება აბსოლუტურად ყველა ტიპის პირველადი მოხმარების პროდუქტზე“, – განაცხადა დათუნაშვილმა.მისივე თქმით, საერთაშორისო ბაზარზე კრიზისს ბევრი ქვეყანა პასუხობს ან აქციზის შემცირებით, ან საწვავზე ფასის ზედა ზღვრის დაწესებით.„მაგალითად, 8 მარტს სამხრეთ კორეამ მიიღო გადაწყვეტილება ფასის ზედა ზღვრის დაწესების შესახებ, ასეთივე დროებითი ზომები მიიღეს უნგრეთისა და ხორვატიის მთავრობებმა ევროკავშირში. ამ გადაწყვეტილებით დიზელისა და ბენზინის ფასი იქნება ფიქსირებულ ნიშნულზე შენარჩუნებული, მიუხედავად იმისა, როგორ იცვლება ნავთობის ღირებულება საერთაშორისო ბაზარზე. „ქართულმა ოცნებამ“ როგორც ყველაფერში, აქაც ზომების მიღება დააგვიანა, მაგრამ აუცილებელია ამ ზომების მიღება. ბენზინსა და დიზელზე ფასების ზრდის შესაჩერებლად ან შესანელებლად აუცილებელია, მოვითხოვოთ დროებით საწვავის ფასის ზედა ზღვრის დაწესება ან აქციზის ფასის განახევრება. ეს გადაწყვეტილება საქართველოს ბიუჯეტისთვის ერთი თვის განმავლობაში დაახლოებით 560 მილიონი ლარის შემცირებას გამოიწვევს, რისი დაბალანსებაც ცალსახად შეიძლება, განსაკუთრებულად იმ პირობებში, როდესაც ამ ქვეყნის პრემიერ-მინისტრად წოდებული კაცი ამბობს, რომ ქვეყნის ეკონომიკა არის „ექსელენტური“ და აქვს ძალიან დიდი  პლუსი. შესაბამისად, 50-60 მილიონი ლარის თვეში დაბალანსება სავსებით შესაძლებელია, რათა საქართველოს მოქალაქეებმა არ მიიღონ საკუთარ თავებზე ის წნეხი, რასაც გლობალურ ბაზარზე ნავთობზე ფასის ზრდა გამოიწვევს.აქვე, შეუძლიათ, რომ შეამცირონ კორუფციული მიდგომები, შეამცირონ „სუს-ის“ ბიუჯეტი, რომელიც პოლიტიკური პოლიციის გარდა, სხვა ფუნქციას არ ასრულებს, შეამცირონ ის ბიუროკრატია, რომელიც ჭარბად ემსახურება ამ ხალხს აბსოლუტურად ყველა მიმართულებით. მოკლედ, ბურთი „ქართული ოცნების“ ხელშია. საქართველოს მოქალაქეებს უკვე 60 თეთრით გაეზარდათ ერთი ლიტრი საწვავის საფასური და ხელისუფლებას ერთადერთი ფუნქცია აქვს, იმოქმედოს, რათა საქართველოს მოქალაქეები დაიცვას აბსოლუტური გაღარიბებისგან, რომელიც შეძლება, გამოიწვიოს საწვავის ფასის ზრდამ, შესაბამისად, ფასის ზრდამ აბსოლუტურად ყველა პროდუქტზე“, – განაცხადა თაზო დათუნაშვილმა.