ლუის ენრიკე ჩემპიონთა ლიგის ნახევარფინალში გასვლაზე – ვფიქრობ, მსოფლიოში საუკეთესო გუნდს ვწვრთნი

თბილისის პროკურატურაში „კოალიცია ცვლილებისთვის“ ერთ-ერთი ლიდერის, ნიკა მელიას მიმართ ბრალდების წარდგენის პროცედურა მიმდინარეობს. საქმე ეხება საქართველოს პარლამენტის დროებითი საგამოძიებო კომისიის მოთხოვნის შეუსრულებლობას, კერძოდ კი, იქ გამოუცხადებლობას.ცნობისთვის, ნიკა მელია პარლამენტის დროებითი საგამოძიებო კომისიის სხდომაზე ახსნა-განმარტებისთვის დაიბარეს, სადაც ის არ მივიდა.აღნიშნული ქმედება სისხლის სამართლის კოდექსის 349-ე მუხლით გათვალისწინებულ დანაშაულად ითვლება, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს.ეს ქმედება ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების, ან საქმიანობის უფლების ჩამორთმევით ვადით სამ წლამდე.

პარტია „ხალხის ძალის“ წევრი დავით ქართველიშვილი სოციალურ ქსელში ვლადიმერ პუტინის განცხადებას ეხმიანება, სადაც რუსეთის პრეზიდენტი აღნიშნავს, რომ ჩრდილოეთ კორეის სამხედროებმა დიდი როლი ითამაშეს კურსკში მიმდინარე ბრძოლაში. ექსპერტის თქმით, ვრცელდება ინფორმაცია, რომ დონალდ ტრამპის ადმინისტრაცია ჩრდილოეთ კორეასთან მოლაპარაკებებისთვის ემზადება.„როგორ გაუხარდებოდა ეს აღიარება, წარმომიდგენია, მაგრამ ამ "ნიუსს" მეორე მხარეც რომ აქვს? მას აშშ-ს პრეზიდენტი დონალდ ტრამპიც გაეცნო. გაეცნო იმ ინფორმაციას, რომ კურსკის ოლქში 76 ათასი (პუტინის მონაცემებით) განადგურებული უკრაინელის უკან - ჩრდილოეთ კორეელი ჯარისკაცები დგანან. და რას აკეთებს ტრამპი? დამატებითი სანქციები შემოაქვს ფხენიანის წინააღმდეგ? შეშფოთებით აღსავსე, აღშფოთებულ განცხადებას აკეთებს? არა!აშშ-ის პრეზიდენტის, დონალდ ტრამპის ადმინისტრაცია ჩრდილოეთ კორეასთან შესაძლო მოლაპარაკებებისთვის ემზადება. ინფორმაციას გამომცემლობა Axios-ი ავრცელებს. როგორც გამოცემა ანონიმურ წყაროებზე დაყრდნობით აღნიშნავს, ჩრდილოეთ კორეასთან დიალოგის შესაძლო განახლების მიზნით, ადმინისტრაციის თანამშრომლებმა დისკუსიები და კონსულტაციები ექსპერტებთან უკვე დაიწყეს.ამით რისი თქმა მინდა, ვლადიმერ ვისოცკის არ იყოს - თქვენ ან "ჯვარი მოიხსენით", ან "ნიფხავი ჩაიცვით". გაბედეთ და პუტინის ციტირებას - ტრამპს შეაგინეთ. შეეცადეთ აბა, გაბედეთ! მაგრამ, ყარს თქვენი პრინციპულობა, ყვავის თქვენი სიმხდალე. ტკბებით პუტინის აღიარებით? კიმ ჩენ ინთან ტრამპის შეხვედრის გაშუქება არ გამომაპაროთ, ფარჩაკებო!-“ წერს დავით ქართველიშვილი სოციალურ ქსელში.

შალვა პაპუაშვილმა რაც არ უნდა ისაუბროს არალეგიტიმური პარლამენტის ფუნქციონირების შედეგებთან დაკავშირებით, სიმართლე არის ერთი – ეს სიმართლე არის ის, რომ დღეს „ქართულ ოცნებას“ აქვს ლეგიტიმაციის მწვავე პრობლემა, – ამის შესახებ პარტიის „გახარია საქართველოსთვის“ წევრმა, ბექა ლილუაშვილმა განაცხადა.„შალვა პაპუაშვილის პოსტი არის კარგი დამადასტურებელი, რამდენად ცდილობს ეს კაცი რაღაც, თვითდამკვიდრების კომპლექსით შეპყრობილი საზოგადოებას ელაპარაკოს. რადგან საპარლამენტო ტრიბუნიდან ფაქტია, არალეგიტიმურ პარლამენტში არ გამოსდის საზოგადოებასთან საუბარი, გადასულია რაღაც ეპისტოლარულ ჟანრში საზოგადოებისთვის ალტერნატიული სიმართლის შეთავაზებით. გააგრძელოს, ღრმად მჯერა, თვითდამკვიდრების კომპლექსებს მსგავსი ქმედებებით ნამდვილად ვერ დააკმაყოფილებს.პაპუაშვილმა რაც არ უნდა ისაუბროს არალეგიტიმური პარლამენტის ფუნქციონირების შედეგებთან დაკავშირებით სიმართლე არის ერთი – ეს სიმართლე არის ის, რომ დღეს „ქართულ ოცნებას“ აქვს ლეგიტიმაციის მწვავე პრობლემა. შალვა პაპუაშვილი გინდ თავისი ღრმა ენჯეოშნიკური გამოცდილებით, გინდ მხატვრული სიტყვებით შემოსავს ტყუილით სიმართლეს და ეცდება ტყუილი სიმართლედ გაასაღოს, ეს შედეგს არ მოიტანს. ლეგიტიმაციის მწვავე პრობლემას პაპუაშვილის პოსტები და მხატვრული ნაწარმოებები არ ქმნის. ქმნის პირველ რიგში საქართველოს საზოგადოება და საერთაშორისო საზოგადოება.ამიტომ არც ერთი და არც მეორე ამ ადამიანს და ინსტიტუციას არ თვლის ლეგიტიმურად, და აქედან გამომდინარე, პაპუაშვილის ბოდვა, ტყუილების კასკადი პოსტით იქნება თუ სატელევიზიო ეთერით, ამას ვერ ჩაანაცვლებს“,- განაცხადა ლილუაშვილმა.

ბევრმა ადამიანმა, რომელიც ახლა ჩვენი მოწინააღმდეგეა, უბრალოდ არ იცის, არ გაუგია, ვერ შეესწრნენ, რა იყო რეალური რეპრესია 2003-2012 წლებში, – ამის შესახებ თბილისის საკრებულოს წევრმა, შალვა ოგბაიძემ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე განაცხადა.შალვა ოგბაიძის თქმით, ოპტიმისტურად არის განწყობილი საგამოძიებო კომისიის საბოლოო დასკვნის მიმართ.„ბევრი ჩემი ახლობელი გულწრფელად მეკითხება, რას მოელი ამ კომისიისგანო. საქმე ის გახლავთ, რომ ძალიან ბევრი ადამიანი, რომელიც ახლა ჩვენი მოწინააღმდეგეა, 2003-2012 წლებში ექვსი, რვა, ათი, თორმეტი წლის იყო და მათ უბრალოდ არ იცოდნენ, არ გაუგიათ, ვერ შეესწრნენ, რა იყო რეალური რეპრესია მაშინ. როგორ ხდებოდა სახელმწიფოსთვის, ხელისუფლებისთვის მიუღებელი ადამიანის რეპრესიულ რეჟიმში ჩაყენება. არა მარტო მისი, არამედ მისი ოჯახის წევრებისთვის, ყველაზე რბილი შეფასებით, დისკომფორტის შექმნა. ვიტოვებ ზომიერი ოპტიმიზმის საფუძველს, რომ ამ კომისიის მუშაობის დამთავრების შემდეგ საკმაოდ მძიმე დასკვნა დაიდება, რომელიც დააჩქარებს 2012 წლიდან თავსმოხვეული კოჰაბიტაციის შემდეგ გარკვეული პროცესების დამუხრუჭებას. ვსაუბრობ იმ ადამიანების სახელითაც, რომელთა მიმართაც განხორციელდა ფინანსური, ქონებრივი რეპრესია“, – განაცხადა შალვა ოგბაიძემ.

„ნაციონალურ მოძრაობას“ აქვს ერთი გეგმა – ბრძოლა დიქტატურის წინააღმდეგ და სისტემის დემონტაჟი, სხვა გამოსავალი არ არსებობს, – ამის შესახებ „ნაციონალური მოძრაობის“ წევრმა, ირაკლი ფავლენიშვილმა განაცხადა.მისივე თქმით, ხელისუფლების მხრიდან „ნაციონალურ მოძრაობაზე“ ყველანაირი ზეწოლა მიმდინარეობს.„როდესაც ვსაუბრობთ ჩვენ დიქტატურის დამყარებაზე, რეალურად, ივანიშვილს არ სურს, პოლიტიკურ ველზე არსებობდნენ ოპოზიციური პარტიები, რომლებიც  მას უპირისპირდებიან. მისი გადაწყვეტილებაა, რომ უბრალოდ პოლიტიკური პარტიები აკრძალოს, დიქტატორებისთვის ყველაზე მარტივი გამოსავალია უბრალოდ აკრძალოს, გააუქმოს, გაანადგუროს და გააძევოს ქვეყნიდან. ივანიშვილი არაფერს ახალს არ იგონებს. დიქტატორები იქცევიან ასე, როდესაც შენ გყავს პოლიტიკური მეტოქე, ის უნდა გაანადგურო. „ნაციონალურ მოძრაობას“ აქვს ყველა შემთხვევაში ერთი გეგმა, ჩვენი გეგმა არის ბრძოლა დიქტატურის წინააღმდეგ და სისტემის დემონტაჟი, სხვა გამოსავალი არ არსებობს. პარტიული საარჩევნო პროცესი ისედაც მკვდარია ამ ქვეყანაში, ქაღალდზე „ნაციონალური მოძრაობა“ ეწერება თუ არ ეწერება, დიდი მნიშვნელობა არ აქვს. სახელმწიფო დაფინანსება ისედაც მოხსნილი გვაქვს, ყველანაირი ზეწოლა მიმდინარეობს ჩვენზე. მთავარი და პრინციპული საკითხია, როდის დაამარცხებს ქართველი ხალხი ამ სისტემას“, – აღნიშნა ირაკლი ფავლენიშვილმა.