ლისის ტბაზე „დედამიწის საათის“ მეთერთმეტე რაუნდი იმართება

ჩვენ გვაქვს მნიშვნელოვანი დაბრკოლება და უთანხმოება პრეზიდენტ ზურაბიშვილთან, რაც პრეზიდენტ მიხეილ სააკაშვილის შეწყალების საკითხს შეეხება, განსაკუთრებით, როდესაც სულ რამდენიმე დღეა დარჩენილი, ვიდრე მას ფორმალურად შეუძლია ამ უფლებამოსილების გამოყენება, – ამის შესახებ „ერთიანობა – ნაციონალური მოძრაობის“ ერთ-ერთმა ლიდერმა, თინა ბოკუჩავამ „მთავარის“ ეთერში განაცხადა. მისი თქმით, საერთაშორისოდ აპრობირებული პრაქტიკაა, როდესაც ბოლო დღეებში პრეზიდენტები შეწყალების უფლებამოსილებას ყველაზე აქტიურად იყენებენ. „ერთიანი ფორმატის შექმნა მნიშვნელოვანია, რადგან ეს არის მთავარი საზოგადოებრივი დაკვეთა, თუმცა, უნდა გვესმოდეს, რომ ეს არის ძალიან დიდი პასუხისმგებლობა, რომ ამ ფორმატმა, რომელიც პრეზიდენტ ზურაბიშვილის ეგიდით შედგება, გაამართლოს საზოგადოებრივი მოლოდინი და უზარმაზარი ენერგიის კონვერტაცია კონკრეტულ პოლიტიკურ შედეგში მოახდინოს. ლიდერი არის ის, ვისაც აქვს მაღალი საზოგადოებრივი ნდობა და ასეთი ნდობით დღეს ნამდვილად სარგებლობს პრეზიდენტი ზურაბიშვილი. ჩვენ გვაქვს მნიშვნელოვანი დაბრკოლება და უთანხმოება პრეზიდენტ ზურაბიშვილთან, ეს არის პრეზიდენტ მიხეილ სააკაშვილის შეწყალების საკითხი, განსაკუთრებით როდესაც სულ რამდენიმე დღეა დარჩენილი ვიდრე მას ფორმალურად შეუძლია ამ უფლებამოსილების გამოყენება. ჩვენთვის უწიგნური, ანტიევროპული ყაველაშვილი არ იქნება საქართველოს პრეზიდენტი. პრეზიდენტის ინსტიტუტის ლეგიტიმურ წარმომადგენლად დარჩება სალომე ზურაბიშვილი, მაგრამ 29 დეკემბრამდე მას შეუძლია იმ კონსტიტუციური უფლებამოსილების გამოყენება, რასაც შეწყალება ჰქვია. საერთაშორისოდ აპრობირებული პრაქტიკაა, როდესაც ბოლო დღეებში პრეზიდენტები ამ უფლებამოსილებას ყველაზე აქტიურად იყენებენ“, – განაცხადა თინა ბოკუჩავამ. მისი თქმით, დღეს არის ის მომენტი, როდესაც ყველა უნდა გაერთიანდეს და დაგმოს პოლიტიკური დევნა, რისი მსხვერპლიც „პრეზიდენტი მიხეილ სააკაშვილი არის და რისი მსხვერპლიც შეიძლება თავად პრეზიდენტი სალომე ზურაბიშვილი გახდეს“. „მიუხედავად ამ მნიშვნელოვანი დაბრკოლებისა, ზურაბიშვილს ამ ეტაპზე აქვს დიდი საზოგადოებრივი ნდობა. მეორეა, როგორ ხდება ამ ნდობის კონვერტაცია პოლიტიკურ შედეგში. ეს მთლიანად არის დამოკიდებული პრეზიდენტ ზურაბიშვილზე. მიუხედავად იმ უთანხოებისა, რომელიც შეეხება მისი უფლებამოსილების არგამოყენებას შეწყალების ნაწილში, რაც ძალიან დიდი უსამართლობაა „ნაციონალური მოძრაობისთვის“ და სხვა პარტიებისთვისაც, ვართ და ვიქნებით ყველგან, სადაც არის და იქნება ბრძოლა რუსული რეჟიმის წინააღმდეგ, მათ შორის იმ ფორმატში, რომელიც დგება პრეზიდენტ ზურაბიშვილის ეგიდით“, – განაცხადა თინა ბოკუჩავამ.

რადიკალური ოპოზიცია ზურაბიშვილზე ზუსტად იმას ფიქრობს, რასაც ექვსი წლის წინ, ისინი ცდილობენ, პრეზიდენტს სისხლის სამართლის პასუხისმგებლობის შემცველი ნაბიჯები გადაადგმევინონ, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა საქართველოს პირველ არხს განუცხადა. მისივე თქმით, რადიკალურ ოპოზიციას არაფრის რესურსი გააჩნია. „სალომე ზურაბიშვილი ამბობს, რომ უნდა იყოს არათუ პრეზიდენტი, არამედ მონარქი და იმპერატორი. ფაქტობრივად, სალომე ზურაბიშვილი ამბობს, რომ საკუთარი სკამი ყველას და ყველაფერს ურჩევნია. ყველაზე მეტად მისი ტრაგედია იმაშია, რომ რადიკალური ოპოზიცია აჯერებს ლიდერობას, სინამდვილეში ინსტრუმენტია აგენტურის ხელში. ზურაბიშვილი საქართველოში ამ მოღალატეობრივ ქმედებებს თუ გააგრძელებს, რა თქმა უნდა, ცუდად დაამთავრებს ისიც და რადიკალური ოპოზიციაც. სინამდვილეში, რადიკალური ოპოზიცია და კოლექტიური გვარამიები სალომე ზურაბიშვილზე ზუსტად იმას ფიქრობენ, რასაც ექვსი წლის წინ. ისინი ამოფარებული არიან სალომე ზურაბიშვილს და ცდილობენ, რომ მას სისხლის სამართლის პასუხისმგებლობის შემცველი ნაბიჯები გადაადგმევინონ, რათა ამაზე საკუთარი ხეირი ნახონ. ესენი არიან გიენები, რომლებიც ცდილობენ, სხვები გაიყვანონ წინა ფლანგზე, რათა მათ ნადავლს დაეპატრონონ. ეს მათ მორალურ სახეს აჩვენებს. ამ ადამიანებმა რაც არ უნდა ეცადონ, არაფრის რესურსი არ გააჩნიათ“, – აღნიშნა იონათამიშვილმა.

მიზეზი, რატომაც ზუგდიდის საკრებულოში „ოპოზიციურმა პარტიებმა“ მხარი დაუჭირეს „ქოცების“ ბიუჯეტს, ერთადერთია, საკუთარი უსაზღვროდ გაზრდილი ხელფასები, „ქოცების“ გარდა, ვერცერთ ზუგდიდელს ვერ ნახავთ, რომელიც ამ ბიუჯეტით კმაყოფილია, – ამის შესახებ „ნაციონალური მოძრაობის“ ერთ-ერთი ლიდერი ანა წითლიძე სოციალურ ქსელში წერს. „ზუგდიდის „ოპოზიციურმა“ საკრებულომ „ქართული ოცნების“ ბიუჯეტი დაამტკიცა, სადაც 51% გაზრდილი ხელფასებია იმ ტიტუშკებისთვის, რომლებიც წინასაარჩევნოდ თავ-პირს გვამტვრევდნენ ზუგდიდში და გაყალბებაში მონაწილეობდნენ. ქოცების ბიუჯეტს შეთანხმებულად ხმა მისცეს: „ქოცებმა“, „ახლებმა“ და გახარიამ. როდესაც სხვას მოუწოდებ, დათმონ საკუთხარი ხელფასები ქვეყნის თავისუფლებისთვის და ევროპული მომავლისთვის, იგივე უნდა შეგეძლოს შენც. მიზეზი, რატომაც მხარი დაუჭირეს „ოპოზიციურმა პარტიებმა“ „ქოცების“ ბიუჯეტს, ერთადერთია: საკუთარი უსაზღვროდ გაზრდილი ხელფასები, რომელიც უტოლდება 2020 წლის ხელფასებს პარლამენტში. ბიუჯეტი თუ ვერ დამტკიცდებოდა, მუნიციპალიტეტში პოლიტიკური კრიზისი გარდაუვალი იქნებოდა, რაც თავისთავად საფრთხეს შეუქმნიდა საკრებულოს ხელფასებს. სამაგიეროდ, დაასუსტებდა „ქართულ ოცნებას“ და შეუქმნიდა დიდ კრიზისს ზუგდიდის „ქოც“ მერს და მერიას. თავის გამართლებები, ვითომ სოციალური პროგრამების გამო მხარდაჭერა, ისეთივე ბლეფია, როგორც არგუმენტები, რომ პარლამენტში შესვლა „შიგნიდან რეჟიმის დასანგრევად“ იყო საჭირო. ჯერ საკუთარ ხელფასებს შეელიეთ და მერე მოუწოდეთ სხვებს. „ქოცების“ გარდა, ვერცერთ ზუგდიდელს ვერ ნახავთ, რომელიც ამ ბიუჯეტით კმაყოფილია. ერთობის სულისკვეთებიდან გამომდინარე, პატივს ვცემ ყველა ოპოზოციურ პარტიას, მაგრამ ასეთ შეცდომებს არ უნდა ვუშვებდეთ, მეგობრებო“, – წერს ანა წითლიძე.

პრეზიდენტს ლეგიტიმაციას არ აძლევს ატრიბუტიკა, მით უმეტეს შენობა, ლეგიტიმაციის წყარო ხალხის ნდობაა, პროტესტის დაყვანა შენობიდან გამოსვლა-დარჩენამდე და რეზიდენციის ფიზიკურად დაცვის იდეა, აუფასურებს პროტესტს, – ამის შესახებ „გახარია საქართველოსთვის“ ლიდერმა, გიორგი გახარიამ სოციალურ ქსელში დაწერა. მისი თქმით, რუსთაველზე ხალხი ბევრად უფრო დიდ და მნიშვნელოვან ღირებულებებს იცავს, სწორედ ამიტომ არის პროტესტი წარმატებული. „პრეზიდენტს ლეგიტიმაციას არ აძლევს ატრიბუტიკა, მით უმეტეს შენობა, ლეგიტიმაციის წყარო ხალხის ნდობაა. პროტესტის დაყვანა შენობიდან გამოსვლა-დარჩენამდე და რეზიდენციის ფიზიკურად დაცვის იდეა, აუფასურებს პროტესტს. ხალხი რუსთაველზე ბევრად უფრო დიდ და მნიშვნელოვან ღირებულებებს იცავს, სწორედ ამიტომ არის პროტესტი წარმატებული. უნდა გავუფრთხილდეთ ხალხს! გამარჯვების რწმენას! ერთობას პროტესტის მიზნებისა და ფასეულობების ირგვლივ! მხოლოდ ასე გახდება პროტესტი ჭეშმარიტად ყოვლისმომცველი. 1. უპირობოდ გაათავისუფლეთ უკანონოდ დაკავებული ყველა პოლიტიკური მძევალი! 2. დროულად გამოაცხადეთ ახალი არჩევნების კონკრეტული თარიღი!“, – წერს გიორგი გახარია სოციალურ ქსელში.

ის ხალხი ღელავს და დანაშაულად მიიჩნევს ვეფხვის ბოკვერის მოფერებას, ქუჩაში ხალხი რომ დახოცა, საკუთარ საზოგადოებას 7 ნოემბერი და 26 მაისი მოუწყო, დახოცილი ადამიანები მაღაზიის სახურავებზე შემოაწყო, - ამის შესახებ ფილოსოფოსმა ზაზა შათირიშვილმა განაცხადა. ფილოსოფოსი გამოეხმაურა ოლიმპიურ ჩემპიონ ლაშა ბექაურის მიერ გამოქვეყნებულ ვიდეოზე საზოგადოების ნაწილის უარყოფით რეაქციას. როგორც მან აღნიშნა, პარადოქსია, რომ ვეფხვის ბოკვერის ბედზე ის ხალხი ღელავს, ვინც რეკეტი ცხოვრების ყოველდღიურობად აქცია, ქვეყნის ტერიტორიები რუსეთს ჩააბარა და ჯარისკაცები და მშვიდობიანი მოსახლეობა მიატოვა, მედია დაარბია, ხოლო ქართველ ხალხს ღირსება წაართვა. "ის ხალხი ღელავს და დანაშაულად მიიჩნევს ვეფხვის ბოკვერის მოფერებას, ქუჩაში ხალხი რომ დახოცა, საკუთარ საზოგადოებას 7 ნოემბერი და 26 მაისი მოუწყო, დახოცილი ადამიანები მაღაზიის სახურავებზე შემოაწყო, პატიმრები აწამა, გააუპატიურა და სულში ჩააფურთხა, ბიზნესი დააწიოკა და რეკეტი ცხოვრების ყოველდღიურობად აქცია, ომი დაიწყო, ქვეყნის ტერიტორიები რუსეთს ჩააბარა და ჯარისკაცები და მშვიდობიანი მოსახლეობა მიატოვა, მედია დაარბია და დახურა, ქართველ ხალხს ღირსება წაართვა და მონად გადაქცევა დაუპირა... როგორი პარადოქსია, რომ აი ეს ხალხი ღელავს დღეს ვეფხვის ბოკვერზე," - განაცხადა ზაზა შათირიშვილმა.