ლევან ბეჟაშვილი – რთულია, გაიგო ალეკო ელისაშვილის მოტივაცია, ასევე გასათვალისწინებელია, რომ ჩვენ გვყავს სამართალდამცავი სისტემა, რომელთა მტკიცებულებას სარწმუნოება ვერ ექნება

მივიღეთ გადაწყვეტილება, რომ „ბიბისის“, ცრუ მედიის წინააღმდეგ დავიწყოთ სამართლებრივი დავა საერთაშორისო სასამართლოებში, – ამის შესახებ ნათქვამია პარტია „ქართული ოცნების“ განცხადებაში.როგორც განცხადებაშია ნათქვამი, „გამოიყენებენ ყველა შესაძლო სამართლებრივ გზას, რომ სიცრუის გამავრცელებელმა ეგრეთ წოდებულმა მედიამ პასუხი აგოს ბინძური, ცრუ ბრალდებების გავრცელების გამო“.„დღეს დილით, BBC-მ გამოაქვეყნა სტატია, რომელშიც არაერთი აბსურდული, ცრუ ინფორმაციის გარდა არის ბრალდება საქართველოს ხელისუფლების მიმართ, თითქოს კანონსაწინააღმდეგო აქციების დროს შს სამინისტრომ მოძალადე მომიტინგეების წინააღმდეგ „ქიმიური ნივთიერება“ გამოიყენა. ცხადია, „დიფ სთეითის“ პროპაგანდისტულ იარაღად ქცეულ ეგრეთ წოდებულ მედიას მძიმე ბრალდების დასამტკიცებლად არანაირი ფაქტი არ აქვს წარმოდგენილი.უფრო მეტიც, ყველა ვარაუდი აგებული აქვს კონკრეტული პირების მოსაზრებებზე, მათ შორისაა ექიმი ჩახუნაშვილი, რომელიც კანონსაწინააღმდეგო აქციების ერთ-ერთი აქტიური მონაწილეა, ხოლო მისი ოჯახის წევრი, მამა, გიორგი ჩახუნაშვილი პირადად მონაწილეობდა 4 ოქტომბრის „ხელისუფლების დამხობის“ პროცესში და ფიზიკურად შეიჭრა საქართველოს პრეზიდენტის სასახლის ეზოში. გარდა ამისა, სტატიაში ძირითადად საუბრობენ დაინტერესებული პირები, გიგაური, ბრალდებული ხასაია, ბრალდებული შაიშმელაშვილი, მსჯავრდებული ბაჩიაშვილი და სხვა მსგავსი პირები. „ქართული ოცნების“ კომუნიკაციების სამსახურს სტატიის გამოქვეყნებამდე აქტიური კომუნიკაცია ჰქონდა „გამომძიებელ ჟურნალისტთან“. აბსოლუტურად ყველა შეკითხვაზე, რომელიც BBC-მ მოგვაწოდა, მოვამზადეთ სრულყოფილი პასუხები და პუნქტობრივად, დეტალურად დავაკმაყოფილეთ ბრიტანული მედიის ინტერესი. გამომდინარე იქედან, რომ ბოლო პერიოდში აღნიშნული მედია არაერთ სკანდალში გაეხვა, არაერთხელ დაუდასტურდა სიცრუის გავრცელება და ამის გამო მაუწყებელზე ტოპ მენეჯმენტიც კი შეიცვალა, ჩვენი პასუხის დასაწყისში დავაყენეთ მხოლოდ ორი პირობა – სრულად გაეშუქებინა ჩვენი პოზიცია, შევთავაზეთ ჩვენ მიერ გაგზავნილი თითოეული სიტყვის მტკიცებულების მიწოდება, პარალელურად კი მოვითხოვეთ, რომ მაღალი ჟურნალისტური სტანდარტის დაცვით, ყველა მსჯელობა, რაც სტატიაში იქნებოდა წარმოდგენილი, დაფუძნებული ყოფილიყო მხოლოდ მტკიცებულებებზე. სანაცვლოდ მივიღეთ სიცრუის კორიანტელი, მძიმე ბრალდებები ხელისუფლების მიმართ, რომელიც როგორც აღვნიშნეთ, დაინტერესებული პირების მონათხრობზეა აგებული და ცხადია, არანაირი კავშირი რეალობასთან არ აქვს.საზოგადოებისათვის ცნობილია, რომ რამდენიმე კვირის წინ BBC სკანდალში გაეხვა, როდესაც ეგრეთ წოდებულმა მედიამ აშშ-ს პრეზიდენტის, დონალდ ტრამპის უხეშად დამონტაჟებული ინტერვიუ გაავრცელა, სადაც შეცვლილი იყო საუბრის კონტექსტი და შინაარსი. ამ მანიპულაციის გამო მაუწყებლის გენერალურმა დირექტორმა და ახალი ამბების აღმასრულებელმა დირექტორმა თანამდებობები დატოვეს, თუმცა ეს უფრო ჰგავდა აშშ-ის პრეზიდენტისთვის კოჭის გაგორებას, ვიდრე შეცდომაზე პასუხისმგებლობის აღებას. BBC-ს რომ ბინძური დაკვეთების შესრულებასა და სიცრუის გავრცელებაზე არანაირი მორალური თუ პროფესიული დაბრკოლება არ აქვს – ეს დღეს გამოქვეყნებული სტატიიდანაც კარგად ჩანს, ხოლო მათი მენეჯმენტის ცვლილება გვაგონებს ბრიტანეთში ბოლო წლებში რამდენიმე პრემიერ-მინისტრის ცვლილებას, რასაც ამ ქვეყანაში არათუ ძირეული, ფასადური ცვლილებაც კი არ მოჰყოლია და შედეგად „დიპ სტეიტის“ მართული ერთი მთავრობა მეორემ ჩაანაცვლა.იმის გამო, რომ ერთ დროს ავტორიტეტულმა მედიამ, რომელიც დღეს არაფორმალური მმართველობის პროპაგანდის იარაღად არის ქცეული, საჯაროდ გაავრცელა ცრუ ბრალდებები საქართველოს ხელისუფლების წინააღმდეგ და ამ ბრალდებების დასამტკიცებლად თუნდაც ერთი მტკიცებულებაც კი არ მოიყვანა სტატიაში, იმის გამო, რომ ტყუილებზე აგებული ეგრეთ წოდებული „ჟურნალისტური გამოძიება“ ძირითადად კრიმინალების მონათხრობზეა აგებული და არაფერი აქვს საერთო რეალობასთან, იმის გამო, რომ BBC-მ ყველა კითხვაზე მიიღო ამომწურავი პასუხები და სტატიაში დასაბუთებული პასუხების 1%-იც კი არ გამოაქვეყნა, იმის გამო, რომ ეს ბინძური პროპაგანდისტული მასალა არის მცდელობა, ჩირქი მოსცხონ საქართველოს მთავრობას, ქართულ პოლიციას და რაც მთავარია – საქართველოს სახელმწიფოებრიობას – მივიღეთ გადაწყვეტილება, ცრუ მედიის წინააღმდეგ დავიწყოთ სამართლებრივი დავა საერთაშორისო სასამართლოებში. გამოვიყენებთ ყველა შესაძლო სამართლებრივ გზას, რომ სიცრუის გამავრცელებელმა ეგრეთ წოდებულმა მედიამ პასუხი აგოს ბინძური, ცრუ ბრალდებების გავრცელების გამო. აქვე სრულად გთავაზობთ სტატიის გამოქვეყნებამდე, BBC-ის მიერ მოწოდებულ კითხვებს და ჩვენ მიერ გაგზავნილ პასუხებს“, – ნათქვამია „ქართული ოცნების განცხადებაში.

რუბენსის ტილო, რომელიც ოთხი საუკუნის წინ დაიკარგა, პარიზის აუქციონზე 2.94 მილიონ ევროდ გაიყიდა.ცნობილი ევროპელი ბაროკოს ოსტატის მიერ XVII საუკუნის დასაწყისში შექმნილი ნამუშევარი „ქრისტე ჯვარზე“ 1613 წლიდან დაკარგულად ითვლებოდა. ის შემთხვევით, 2024 წელს პარიზში, კერძო სახლში აღმოაჩინეს , როდესაც სახლს გასაყიდად ამზადებდნენ. ნახატის ზომებია 73.5x105.5 სანტიმეტრზე.მოულოდნელად აღმოჩენილმა ნამუშევარმა ხელოვნების სამყარო შეძრა და მიიპყრო საერთაშორისო კოლექციონერების, მუზეუმებისა და ისტორიკოსების ყურადღება.პეტერ პაულ რუბენსი 1577 წელს გერმანიის მხარის, ჩრდილოეთ რაინ-ვესტფალიის ქალაქ ზიგენში, ჰოლანდიელი ლტოლვილების ოჯახში დაიბადა.

პარტიების აკრძალვის შესახებ სარჩელზე, ქვეყნის კონსტიტუციაზე, ევროკავშირთან ურთიერთობაზე, შიდა და გარე გამოწვევებზე ისაუბრა საქართველოს პრეზიდენტმა "დოიჩე ველესთვის" მიცემულ ინტერვიუში.მიხეილ ყაველაშვილის განცხადებით, "ქართული ოცნების" მიერ მიღებული კონსტიტუცია უზრუნველყოფს ყველა მოქალაქის, მათ შორის უმცირესობების სამოქალაქო უფლებებს:"ქართული ოცნების" მიერ მიღებული კონსტიტუცია ნათლად აყალიბებს ჩვენს უფლებებსა და ღირებულებებს. ჩვენ ვამაყობთ ჩვენი კონსტიტუციით. ის მკაფიოდ უზრუნველყოფს ყველა მოქალაქის, მათ შორის უმცირესობების, სამოქალაქო უფლებებს. ნებისმიერი ფორმით დისკრიმინაცია მიუღებელია. ქართველები საკუთარ თავს ევროპის ნაწილად მიიჩნევენ. სწორედ ამიტომ ისწრაფვის საქართველო ევროკავშირის წევრობისკენ. ჩვენ მკაფიოდ უნდა განვასხვავოთ ევროპელი ბიუროკრატები და ძირითადი ევროპული ღირებულებები, რომლებიც ქრისტიანულ პრინციპებსა და ტრადიციულ ღირებულებებშია დაფუძნებული. მმართველი პარტია ქორწინებად მხოლოდ მამაკაცსა და ქალს შორის კავშირად აღიარებს. ჩვენი პოლიტიკა ეფუძნება ტრადიციული ღირებულებების დაცვას და იმის უზრუნველყოფას, რომ ახალგაზრდა თაობა დაცული იყოს ლგბტ თემთან დაკავშირებული პროპაგანდის გავლენისგან.- მოდით, გამოხატვის თავისუფლებაზე ვისაუბროთ. საქართველოში რას ნიშნავს ეს, როდესაც სამი ძირითადი ოპოზიციური პარტია აკრძალვის პირასაა? პარლამენტმა უკვე მიიღო ეს გადაწყვეტილება და ახლა საქმე სასამართლოს გადასაწყვეტია.- წინა მთავრობის მიერ ჩადენილი დანაშაულების უამრავი მტკიცებულება არსებობს. ჩვენ ვალდებულნი ვიყავით გამოგვევლინა ეს დანაშაულებრივი მტკიცებულებები, დაგვედგენინა დანაშაულების სრული მასშტაბები ყველა სამართლებრივი სტანდარტის შესაბამისად და უზრუნველყოფილი ყოფილიყო, რომ დამნაშავეები მართლმსაჯულების წინაშე წარდგნენ.ევროკავშირში გაწევრიანების მხარდამჭერი 80%-დან, ბევრი ახლა პარლამენტის წინ დგას, დღე და ღამე, სიცივეშიც კი და პროტესტს გამოთქვამს.ეს ადამიანები, ძირითადად ახალგაზრდები, გარე გავლენის ქვეშ არიან და მოტყუებულები არიან. ჩვენ ფაქტებს ვეყრდნობით. ყველაფერი, რაც გითხარით, ფაქტებს ეფუძნება. ამ პროტესტის უკან დგას ძალა, რომელსაც არ აქვს ინტერესი "ქართული ოცნების" მთავრობასა და ევროკავშირის წევრ ქვეყნებს შორის მჭიდრო ურთიერთობების არსებობის.

ბოლო თვეებში ჩვენ შევძელით ეკონომიკური ზრდის მაღალი ტემპის შენარჩუნება იმ პირობებში, როცა, კორუფციასა და კარტელურ გარიგებებთან ბრძოლის ფონზე, მთელი რიგი ინფრასტრუქტურული პროექტების დროებით შეჩერება მოგვიწია, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა.მისივე თქმით, რაც წელს კორუფციის აღმოფხვრისა და კონკურენციის გაჯანსაღების ხარჯზე დააკლდა ქვეყნის ეკონომიკას, მომავალ წელს ერთიორად დაემატება.„ბოლო თვეებში ჩვენ შევძელით ეკონომიკური ზრდის მაღალი ტემპის შენარჩუნება იმ პირობებში, როცა, კორუფციასთან და კარტელურ გარიგებებთან ბრძოლის ფონზე, მთელი რიგი ინფრასტრუქტურული პროექტების დროებით შეჩერება მოგვიწია. ეს ფაქტი, გარკვეულწილად, აისახა თვეების მიხედვით ეკონომიკური ზრდის მაჩვენებელზე, თუმცა რაც წელს დააკლდა კორუფციის აღმოფხვრისა და კონკურენციის გაჯანსაღების ხარჯზე, მომავალ წელს ეკონომიკას ერთიორად დაემატება. ენერგეტიკის, რკინიგზის, ინფრასტრუქტურის სხვა სფეროებში არაჯანსაღი პრაქტიკების აღმოფხვრა ხელს შეუწყობს ეკონომიკის სწრაფ განვითარებას და მომავალ წელს ეს ზრდის ტემპს პირდაპირ დაეტყობა. ყველა პროექტი, მათ შორის ინფრასტრუქტურული პროექტები, განხორციელდება მაქსიმალურად ხარჯეფექტიანად და უზრუნველყოფილი იქნება პროექტების მაღალი ხარისხი. ამაზე საქართველოს მთავრობა სრულ პასუხისმგებლობას იღებს“, – განაცხადა კობახიძემ.

რუსეთ-უკრაინის სამშვიდობო შეთანხმების მიღწევის კარგი შანსი არსებობს, თუმცა უკრაინაში კორუფცია საქმეს არ აადვილებს, – ამის შესახებ აშშ-ის პრეზიდენტმა, დონალდ ტრამპმა განაცხადა.Air Force One-ის ბორტზე ტრამპმა ჟურნალისტებს განუცხადა, რომ უკრაინაში რუსეთის ომის დასრულების შეთანხმების „კარგი შანსი“ არსებობს.„მოლაპარაკებები მიმდინარეობს და ისინი კარგად მიმდინარეობს. ჩვენ გვინდა, რომ ადამიანების მკვლელობა შევაჩეროთ“, – განაცხადა ტრამპმა.აშშ-ის პრეზიდენტის თქმით, უკრაინელ ოფიციალურ პირებთან გამართული მოლაპარაკებების შემდეგ ესაუბრა აშშ-ის სახელმწიფო მდივანს, მარკო რუბიოს და სპეციალურ წარმომადგენელ სტივ უიტკოფს.„მე ვესაუბრე მათ და ისინი კარგად მუშაობენ. უკრაინას რთული პრობლემები აქვს, მაგრამ ვფიქრობ, რუსეთს სურს, რომ ეს დასრულდეს“, – აღნიშნა ტრამპმა.ჟურნალისტის კითხვაზე, რას გულისხმობდა რთულ პრობლემებში, ტრამპმა უპასუხა, რომ კორუფციასთან დაკავშირებულ სიტუაციას გულისხმობდა, რაც მისი თქმით, „საქმეს არ აადვილებს“.„ვფიქრობ, არსებობს კარგი შანსი, რომ შეთანხმებას მივაღწიოთ“, – აღნიშნა ტრამპმა.