ხუთშაბათი, მაისი 8, 2025

ლაშა ხუციშვილი – ნამდვილად მაქვს მოლოდინი, რომ თუ სხვა გეოპოლიტიკური მოცემულობა იქნება რეგიონში, შუა დერეფანი ტვირთების ძალიან დიდ ნაწილს შეინარჩუნებს

ნამდვილად მაქვს მოლოდინი, რომ თუ სხვა გეოპოლიტიკური მოცემულობა იქნება რეგიონში, მათ შორის, აღარ იქნება სანქციები [რუსეთისთვის უკრაინაში ომის გამო დაწესებული სანქციები], შუა დერეფანი ტვირთების ძალიან დიდ ნაწილს შეინარჩუნებს, – ამის შესახებ ფინანსთა მინისტრმა, ლაშა ხუციშვილმა „ინტერპრესნიუსის“ კორესპონდენტთან ინტერვიუში განაცხადა.

მან ასევე უპასუხა კითხვას, „აზიის განვითარების ბანკის“ (ADB) მთავარი ეკონომისტის, ალბერტ პარკის მოსაზრებაზე, რომ თუ უკრაინაში მშვიდობა დამყარდა, რუსეთისთვის დაწესებული სანქციები მოიხსნა და ტრამპის ადმინისტრაციის პოლიტიკა შეიცვალა, უარყოფითი ეკონომიკური ეფექტი საქართველოზეც აისახება და აქედან გამომდინარე, ქვეყანამ მისი როლი შუა დერეფანში უნდა გააძლიეროს.

ხუციშვილი ამ ნაწილში ყურადღებას ამახვილებს შუა დერეფნის ოთხ საკვანძო ქვეყანაზე (ყაზახეთი-აზერბაიჯანი-საქართველო-თურქეთი) და აღნიშნავს, რომ გეოპოლიტიკური ცვლილებების შემთხვევაში, კონკურენტული უპირატესობის შესანარჩუნებლად საჭიროა, ჩართულ ქვეყნებს შორის მჭიდრო კოორდინაცია.

„მე ნამდვილად მაქვს იმის მოლოდინი, რომ, იმ შემთხვევაშიც კი, თუ სხვა გეოპოლიტიკური მოცემულობა იქნება რეგიონში, მათ შორის, აღარ იქნება სანქციები, ან სხვა შემაფერხებელი ფაქტორები, შუა დერეფანი ტვირთების ძალიან დიდ ნაწილს შეინარჩუნებს, თუმცა, ეს არ არის გარანტია იმისა, რომ 100%-ით მოხდება იმ ტვირთნაკადის შენარჩუნება, რაც დღეს არსებობს. დღეს ყველა კომპანია და ქვეყანა ხვდება, რამდენად დიდი მნიშვნელობა აქვს დივერსიფიკაციას და იმას, რომ ერთ კორიდორზე, ბაზარსა და ქვეყანაზე არ იყოს დამოკიდებული. შესაბამისად, მნიშვნელოვანია ქვეყნებს შორის კოორდინაცია და მინდა გითხრათ, რომ ეს კოორდინაცია ნამდვილად არსებობს“, – აღნიშნა ხუციშვილმა.

კითხვაზე, კონკრეტულად როგორ უნდა შეინარჩუნოს მოსალოდნელი ცვლილებების პირობებში საქართველომ შუა დერეფნის ნაწილში უპირატესობა, ხუციშვილი ინფრასტრუქტურულ პროექტებსა და სატვირთო გადაზიდვების ტარიფებზე საუბრობს.

„ვავითარებთ ლოჯისტიკურ ინფრასტრუქტურას, რაც მოიცავს საგზაო ინფრასტრუქტურას, ასევე, ჩქაროსნული გზას, რომელიც სომხეთიდან და აზერბაიჯანიდან უნდა ჩავიდეს შავ ზღვამდე. თბილისი-შავი ზღვის ჩქაროსნული გზის ნაწილი ძალიან მალე დასრულდება; სომხეთსა და აზერბაიჯანთანაც მიმდინარეობს სამუშაოები; საბოლოო ჯამში შეიკვრება ერთიანი ინფრასტრუქტურის ქსელი, რომელიც საქართველოს მეზობელ ქვეყნებთან დააკავშირებს.

მეორე მნიშვნელოვანი საკითხია რკინიგზის სექტორში ინვესტიციები, რომელმაც კიდევ უფრო უნდა გაზარდოს გადაზიდვების მოცულობა. მესამე, კომპონენტია ღრმაწყლოვანი პორტი, რომელმაც ტრანზიტის მოცულობის ზრდის შესაძლებლობა უნდა მოგვცეს. მნიშვნელოვანია მათ შორის თბილისის ახალი საერთაშორისო აეროპორტის ნაწილი, რომელიც, როგორც ჰაბი, შესაძლოა, მოემსახუროს ავიაგადაზიდვებსა და ადამიანთა გადაყვანასაც. ყველას ეს პროექტი ემსახურება იმას, რომ ქვეყანამ შუა დერეფანში თავისი პოტენციალი გაზარდოს.

ინფრასტრუქტურასთან ერთად მნიშვნელოვანია საფასო ნაწილიც. იმ შემთხვევაში თუ რომელიმე ქვეყანაში მაღალი ტარიფები იქნება, ბუნებრივია, პრობლემა მთლიან კორიდორს ექნება. როგორც ტარიფების, ისე ინფრასტრუქტურის ნაწილში სინქრონიზაცია არის ძალიან მნიშვნელოვანი. შუა დერეფანი აერთიანებს რამდენიმე ქვეყანას, თუ ერთ ქვეყანას მაინც აქვს სუსტი წერილი, ეს ითვლება მთლიანი კორიდორის პრობლემად. შესაბამისად, ჩვენი პარტნიორი ქვეყნებიც თავის პროექტებში ახორციელებენ ინვესტირებას, რადგან თუ ყველა ქვეყანა კორიდორში თანაბრად არ განვითარდა, დერეფანი წარმატებული ვერ იქნება“, – აცხადებს ლაშა ხუციშვილი.

გარდა ამისა, ლაშა ხუციშვილმა ისაუბრა „MEGOBARI აქტზე“ და უპასუხა კითხვას, იმ შემთხვევაში თუ კანონპროექტი მიიღებს კანონის სახეს და მოხდება მათ შორის ხელისუფლების სათავეში მყოფი პირების დასანქცირება, მიადგება თუ არა ზიანი სახელმწიფოს რეპუტაციას საერთაშორისო ასპარეზზე, „რაც ასახვას ჰპოვებს არაერთი მიმართულებით, თუნდაც, ინვესტიციების შემოდინების კუთხით და ხომ არ არის მოსალოდნელი, რომ ამ ფონზე საქართველოს როლი შუა დერეფანში შესუსტდება“.

ლაშა ხუციშვილი ამბობს, რომ „შუა დერეფანი საქართველოს გარეშე არ არსებობს“.

„საქართველოს როლი შუა დერეფნის ნაწილში უგულებელყოფილი ვერ იქნება იმ მარტივი მიზეზის გამო, რომ შუა დერეფანი საქართველოს გარეშე არ არსებობს. ჩვენ თუ ვსაუბრობთ შუა დერეფანზე იმ მასშტაბით, რა ტვირთების გატარების საშუალებაც დღეს აქვს, ასეთი ფორმით საქართველოს გარეშე შუა დერეფნის არსებობა შეუძლებელია. ეს ყველა ქვეყანამ და ჩვენმა პარტნიორმა ძალიან კარგად იცის, მათ შორის მათ, ვინც ამ პროცესში მონაწილეობს“, – განაცხადა ლაშა ხუციშვილმა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

დონალდ ტრამპი აცხადებს, რომ რუსეთსა და უკრაინას შორის მოლაპარაკებებით უკმაყოფილოა

აშშ-ის პრეზიდენტი დონალდ ტრამპი აცხადებს, რომ რუსეთსა და უკრაინას შორის მიმდინარე მოლაპარაკებებით უკმაყოფილოა. აღნიშნულის შესახებ მან ჟურნალისტის კითხვის საპასუხოდ განაცხადა.კერძოდ, ჟურნალისტმა ტრამპს კითხვა დაუსვა აშშ-ის ვიცე-პრეზიდენტის, ჯეი დი ვენსის განცხადებაზე, სადაც მან აღნიშნა: „ახლა რუსები ითხოვენ გარკვეულ პირობებს, დათმობებს კონფლიქტის დასასრულებლად. მიგვაჩნია, რომ ისინი ძალიან ბევრს ითხოვენ. ცხადია, უდიდესი მნიშვნელობა აქვს უკრაინასაც. უნდა ვიკითხოთ, რა სჭირდებათ მათ ამ კონფლიქტის წარმატებით დასასრულებლად“.„შეიძლება, ჯეი დი ვენსი მართალია. ჩვენ მივდივართ იმ წერტილამდე, სადაც ზოგიერთი გადაწყვეტილების მიღება აუცილებელი გახდება. ამით კმაყოფილი არ ვარ“, – განაცხადა აშშ-ის პრეზიდენტმა.

„საქართველოში, სიმსივნეზე ჰქონდათ ეჭვი, 8 წლის ბავშვი ჯანმრთელი აღმოჩნდა…“ – რას ჰყვება დედა, რომელმაც შვილი სამკურნალოდ საზღვარგარეთ წაიყვანა

ჟურნალისტი და ბლოგერი ლიკუნა მეგუთნიშვილი ჰყვება, რომ მის 8 წლის შვილს საქართველოში ექიმებმა ფარისებრ ჯირკვალთან რამდენიმე პათოლოგიური წარმონაქმნის დიაგნოზი დაუსვეს და ჰქონდათ ეჭვი, რომ შესაძლოა ის ავთვისებიანი სიმსივნე ყოფილიყო. თუმცა, თურქეთის კლინიკაში გადამოწმებისას, აღმოჩნდა რომ ბავშვი სრულიად ჯანმრთელია.„რატომ დავიწყე გამოკვლევების ჩატარება? ამის მიზეზი არის ის, რომ დაეწყო ოფლიანობა. ალექსანდრა არის 8 წლისა და 6 თვის დაახლოებით. მე არ ვიცოდი, რომ ეს იყო ნორმალური. თურმე ამ ასაკში ბავშვებს დაწყებული აქვთ მომწიფების პერიოდი და ეს ყველაფერი არის ძალიან ნორმალური“, - აცხადებს მეგუთნიშვილი და დიაგნოზს დეტალურად აცნობს საზოგადოებასმისი თქმით, ექოსკოპიის გადაღების შემდეგ ექიმმა ის კონკრეტულ ენდოკრინოლოგთან გადაამისამართა.„ოთახში ვისხედით ბავშვთან ერთად და ენდოკრინოლოგი მეჩხუბება ასეთ რაღაცას: შეიძლება, 90–95% შეიძლება ეს იყოს კეთილთვისებიანი, მაგრამ დანარჩენი პროცენტი ავთვისებიანი... მომენტალურად გავხდი ცუდად. ეს იყო წარმოუდგენელი რამ ჩემთვის. დავდექი საშინელი ფაქტის წინაშე. ბავშვმა დაინახა ტირილი რომ დავიწყე და მას შემდეგ ყოველ დღე თვალებში მიყურებდა — დე, თვალი სველი გაქვს? დაახლოებით 2 კვირის განმავლობაში ჩავატარეთ ძალიან ბევრი ანალიზი...“ - ვიდეოში მშობელი ჰყვება, რომ მათ გადაწყვიტეს ანალიზები კიდევ სხვა ექიმთან გადაემოწმებინათ. თუმცა, დიაგნოზი უცვლელი დარჩა.პაციენტის ოჯახს ახლა უთხრეს, რომ ფარისებრ ჯირკვალთან არსებობდა ჯამში 4 წარმონაქმნი, რომელიც საშიში იყო.„უკვე გადავწყვიტეთ, რომ მივდივართ თურქეთში. ექიმს ვეუბნები, რომ მივფრინავდით თურქეთში გადასამოწმებლად და ამ დროს მიკარგავს ყველანაირ იმედს. მეუბნება ასეთ რაღაცას: თურქეთში წასულან ჩემგან პაციენტები, ვერ დაუსვიათ დიაგნოზი. იგივე პაციენტი წავიდა ისრაელში და იგივე დიაგნოზი უთქვამთ რაც მე.ჩავედით თურქეთში, კლინიკაში. ბოლოს კი ყველაფერი დასრულდა იმით, რომ თვითონ ფარისებრი ჯირკვალი იყო ოდნავ ზომაში გაზრდილი. ეს არ იყო არანაირი პათოლოგია, ეს იყო ვირუსის ფონზე“, — ამბობს ლიკუნა მეგუთნიშვილი.

დონალდ ტრამპის განცხადებით, მომდევნო 24 საათში მეტი ინფორმაცია გახდება ცნობილი ღაზაში ცეცხლის შეწყვეტისა და მძევლების გათავისუფლების შესახებ პოტენციურ ახალ წინადადებაზე

აშშ-ის პრეზიდენტის, დონალდ ტრამპის განცხადებით, მომდევნო 24 საათში მეტი ინფორმაცია გახდება ცნობილი ღაზაში ცეცხლის შეწყვეტისა და მძევლების გათავისუფლების შესახებ პოტენციურ ახალ წინადადებაზე.„ვნახოთ, რა მოხდება. ამჟამად ბევრი საუბარია ღაზის შესახებ. ასე რომ, სავარაუდოდ, მომდევნო 24 საათში გაიგებთ“, – აღნიშნა ტრამპმა.ისრაელი ღაზაზე თავდასხმას აგრძელებს. გასულ ღამეს, ისრაელმა რამდენიმე საათის განმავლობაში ორჯერ მიიტანა იერიში ღაზაში მდებარე სკოლაზე. ჯამში, 24 საათის განმავლობაში ისრაელის დარტყმების შედეგად ღაზაში, სულ მცირე, 46 პალესტინელი დაიღუპა.

„ის მდგომარეობა, რომელშიც ახლა არის ევროკავშირი, ჩვენთვის დამაკმაყოფილებელი არ არის“ – შალვა პაპუაშვილი

საქართველოს პარლამენტის თავმჯდომარის, შალვა პაპუაშვილის განცხადებით, ის მდგომარეობა, რომელშიც ახლა ევროკავშირი იმყოფება, საქართველოსთვის დამაკმაყოფილებელი არ არის.მისი თქმით, ევროკავშირის მომხიბვლელობა დაწეულია.„ის მდგომარეობა, რომელშიც ახლა არის ევროკავშირი, ჩვენთვის დამაკმაყოფილებელი არ არის. რა თქმა უნდა, აქ მომხიბვლელობა დაწეულია. შევხედოთ ბალტიის ქვეყნებს. გუშინ, ლატვიის დაზვერვის სამსახურის ხელმძღვანელმა თქვა, რომ სანამ უკრაინაში ომია, ჩვენი უსაფრთხოება გარანტირებულიაო. ასე უყურებენ უკრაინელებს, უკრაინის ომს. უკრაინაში ომის გაწელვა სასარგებლოა ლატვიისთვის. ეს გვითხრა დაზვერვის ხელმძღვანელმა, რომ რაც უფრო დიდხანს იქნება ომი, მით უფრო მშვიდად იქნებიან. წარმოიდგინეთ რა მორალური კრიტერიუმებია ზოგიერთ ხელისუფლებაში, რომ ასე ლაპარაკობენ. ლატვიის პრეზიდენტი ჩვენ მოგვიწოდებდა სანქციების დაწესებას. თვითონ ნატოს ქოლგის ქვეშ არიან თბილად, ტკბილად და მშვენივრად და ჩვენ, რომლის ტერიტორიის ნაწილი ოკუპირებული აქვს რუსეთს, მოგვიწოდებდნენ რუსეთთან ესკალაციისკენ“, - განაცხადა შალვა პაპუაშვილმა.

„იმედია, ეს არ გამართლდება… ძალიან მძიმე სანახავი იყო“ – რა იწინასწარმეტყველა გოგა მანიამ

ვრცელდება გოგა მანიას წინასწარმეტყველება, რომელიც 2 მაისით თარიღდება.„ის, რაც ხდება ისრაელში, მოხდება ამერიკაშიც და ბევრ სხვადასხვა ადგილას და მომსწრენი ვიქნებით ცეცხლის და ქაოსის. მინდა გაგაფრთხილოთ, მიწისძვრებია მოსალოდნელი 15 ივნისამდე. განსაკუთრებით უფრთხილდით სარესტორნო, საოფისე ბიზნესს.ყურადღებით იყავით, გაზთან, სანთელთან, დენთან.15 ივნისამდე 3-4 მიწისძვრა უნდა მოხდეს. ბოლოს მქონდა ეს ხილვა, საჰაერო აპარატის ჩამოვარდნა საქართველოს საზღვართან... იმედია, ეს არ გამართლდება, იმიტომ რომ ძალიან მძიმე სანახავი იყო, დამიჯერეთ“, - ამბობს გოგა მანია.ვრცლად, ნახეთ ვიდეო: 

ბოლო სიახლეები