კალათბურთის მწვრთნელი ზურაბ ტომარაძე გარდაიცვალა

აშშ-ის პრეზიდენტმა დონალდ ტრამპმა სოციალურ ქსელში გამოაქვეყნა ვიდეო, სადაც ირანში ხიდზე აფეთქებები ჩანს და განაცხადა, რომ „კიდევ უფრო მეტი მოჰყვება“.მან დასძინა, რომ ირანმა შეთანხმება უნდა დადოს, სანამ ძალიან გვიანი არ არის.“ირანის ყველაზე დიდი ხიდი ჩამოინგრა და ვეღარასდროს გამოიყენებენ - კიდევ უფრო მეტი მოჰყვება! დროა ირანმა შეთანხმება დადოს, ვიდრე ძალიან გვიანი არ არის და სანამ არაფერი დარჩება იმისგან, რაც ჯერ კიდევ შეიძლება იქცეს დიად ქვეყნად!” - წერს ტრამპი.ირანული მედიის ცნობით, თეირანის მახლობლად მდებარე მთავარ ხიდზე თავდასხმის შედეგად სულ მცირე ორი ადამიანი დაიღუპა.როგორც დასავლური მედია წერს, გაურკვეველია, დარტყმა ისრაელმა დაიწყო თუ ამერიკის შეერთებულმა შტატებმა.

ბრიუსელს სჯერა, რომ რაც მეტი ძალაუფლება ექნებათ, მით უკეთესი იქნება და ისინი ეტყვიან წევრ სახელმწიფოებს, თუ რა გააკეთონ, – ამის შესახებ უნგრეთის პრემიერ-მინისტრი ვიქტორ ორბანი აცხადებს.მისი თქმით, ბრიუსელის ხედვა არასწორია, რადგან ევროპა სუვერენული სახელმწიფოების ერთად მუშაობით აშენდა და არა იმპერიების მშენებლობაზე.ორბანი ასევე აცხადებს, რომ ევროპელი პატრიოტები სახელმწიფოს სუვერენიტეტს აღადგენენ.„ისინი ფიქრობენ, რომ ევროპა გახდება უფრო კონკურენტუნარიანი და მეტი და მეტი ძალა ექნება, თუ კონკურენტუნარიანობასა და ავტორიტეტს წაართმევენ მის წევრ ქვეყნებს და ის ბრიუსელის ცენტრში გადავა. ეს მოიცავს ეკონომიკას, ახლა განათლებასაც და ჯანდაცვასაც. ბრიუსელს სჯერა, რომ რაც უფრო მეტი ძალაუფლება ექნებათ, მით უკეთესი იქნება და ისინი ეტყვიან წევრ სახელმწიფოებს, თუ რა გააკეთონ. ბრიუსელს ძალაუფლების ცენტრალიზაცია სურს. ჩვენ უფრო ძლიერი ერები გვინდა. ევროპა სუვერენული სახელმწიფოების ერთად მუშაობით აშენდა და არა იმპერიების მშენებლობაზე. ჩვენ, პატრიოტები, ამას აღვადგენთ”,- აცხადებს ორბანი. 

ხშირად ადამიანები ყიდულობენ საკვების მარაგს, მაგრამ საბოლოოდ ყრიან, რადგანაც უფუჭდებათ.მაცივრის გარეთ უნდა შეინახოთ:კარტოფილი, ზეითუნის ზეთი, ბანანი, პური, ვაშლი, ციტრუსი, ავოკადო, ეგზოტიკური ხილი, ნიორი და ხახვი, პომიდორი, გოგრა, შოკოლადი, თაფლი, გაუხსნელი კონსერვი. გარდა ამისა, აუცილებელია საკვების ან მზა კერძების სწორად შეფუთვა.შენახვის ყველაზე მავნე მეთოდი ცელოფანის პარკებია. მის ქვეშ კონდენსანტი ძალიან სწრაფად წარმოიქმნება, ამიტომ ბოსტნეული იწყებს ლპობას, ყველი სველდება და ხორცპროდუქტებზე იქმნება ლორწოვანი აპკი.ცელოფანი მხოლოდ დროებით დააფარეთ კონტეინერებს მზა კერძებით, რომელთა ჭამას აპირებთ შემდეგ კვებაზე.ბოსტნეული პარკის გარეშე შეინახეთ პლასტმასის სათავსოში ანტიბაქტერიული ხალიჩით,მოათავსეთ მწვანილი წყალთან ერთად კონტეინერში,ძეხვეული ან ყველი შეფუთეთ პერგამენტის ქაღალდში,თევზი ან ხორცი შეფუთეთ ფოლგაში.მზა კერძები ან გახსნილი კონსერვები მოათავსეთ მინის ჭურჭელში, რძე კი შუშის ქილებში ან ბოთლებში.მძაფრი სუნის პროდუქტები, ან ისეთი საკვები, რომელიც შთანთქავს სუნს, არ უნდა განთავსდეს ერთმანეთთან ახლოს. გარდა ამისა, ნაწლავური ინფექციების გავრცელების თავიდან ასაცილებლად, უმი თევზი, ხორცი და უკვე მოხარშული კერძები ახლოს არ უნდა ინახებოდეს.

აშშ-ის პირველი ლედი მელანია ტრამპი უკრაინულ ოჯახებს რუსეთ-უკრაინის ომის დროს გატაცებული ბავშვების დაბრუნებაში მეოთხედ დაეხმარა. ინფორმაციას ამის შესახებ თეთრი სახლი ავრცელებს.მათივე ცნობით, ექვსი უკრაინელი არასრულწლოვანი, რომლებიც ამჟამად რუსეთის ფედერაციაში ცხოვრობენ, უკრაინაში, მალე დაბრუნდებიან.„მსოფლიოს ამ რეგიონში ბავშვების საყვარელ ადამიანებთან გაერთიანება დღეს ერთ-ერთ უმნიშვნელოვანეს გლობალურ საკითხად რჩება. მე იმედი მაქვს, რომ ორივე მხარე ერთგული რჩება მუდმივი თანამშრომლობისაკენ“, – განაცხადა მელანია ტრამპმა.თეთრი სახლის ცნობით, პირველი ლედი მელანია ტრამპი და მისი წარმომადგენელი კვლავ ჩართულნი არიან რუსეთთან და უკრაინასთან ერთად მუშაობაში, რათა აღმოაჩინონ და გააერთიანონ ის პირები, რომლებიც მიმდინარე ომის შედეგად იძულებით გადაადგილებული გახდნენ.ამასთან, 2025 წლის აგვისტოში მელანია ტრამპმა ვლადიმერ პუტინს „მშვიდობის წერილი“ მისწერა, რომელშიც მას გატაცებული უკრაინელი ბავშვების დაბრუნებისკენ მოუწოდებდა. დონალდ ტრამპმა წერილი კრემლის ლიდერს ალასკის სამიტამდე გადასცა.

6 აპრილს ეროვნული გამოცდებისთვის რეგისტრაცია იწყება. აბიტურიენტებს და მაგისტრანტობის კანდიდატებს რეგისტრაციის გავლა ელექტრონულად, შეფასებისა და გამოცდების ეროვნული ცენტრის Web-გვერდზე 11 მაისამდე შეეძლებათ. პროცესი 6 აპრილს დილის 10:00 საათიდან დაიწყება.ცენტრი აბიტურიენტებს მოუწოდებს  პროცედურებს გაეცნონ და ყველა ეტაპი დროულად გაიარონ. უმაღლესი განათლების რეფორმის ფარგლებში, სახელმწიფო უნივერსიტეტებში საბაკალავრო და სამაგისტრო საფეხურებზე, ასევე, სახელმწიფო პროფესიული დაწესებულებების საგანმანათლებლო პროგრამებზე სწავლა სრულად დაფინანსდება სახელმწიფოს მიერ."სარეგისტრაციო პერიოდის განმავლობაში, აბიტურიენტებს მიეცემათ შესაძლებლობა შეარჩიონ მათთვის სასურველი რაოდენობის საგანმანათლებლო პროგრამები, ჩასაბარებელი საგნები და საგამოცდო ქალაქი. მიმდინარე წელს აბიტურიენტებისთვის 2 მნიშვნელოვანი სიახლე გვაქვს. მთავარ სიახლეს წარმოადგენს ის, რომ სახელმწიფო უმაღლეს და პროფესიულ საგანმანათლებლო დაწესებულებებში სწავლა სრულად დაფინანსდება სახელმწიფოს მიერ და მეორე სიახლე არის ის, რომ უმაღლეს საგანმანათლებლო პროგრამებთან ერთად, აბიტურიენტებს მიეცემათ შესაძლებლობა, აირჩიონ მათთვის სასურველი რაოდენობის საგანმანათლებლო პროგრამები", - აღნიშნა შეფასებისა და გამოცდების ეროვნული ცენტრის დირექტორმა, თამარ მემანიშვილმა.