კაია კალასი – ზუსტად არ მახსოვს როდის, მაგრამ დიდი ხნის წინ, რუსები დათანხმდნენ ჯარების გაყვანას მოლდოვიდან, მაგრამ იგივე სურათი გვაქვს საქართველოშიც და სხვაგანაც

"საქართველოში, ბოლო პერიოდში და განსაკუთრებით "ქართული ოცნების" ხელისუფლებაში მოსვლის შემდგომ, მკვეთრად გაუმჯობესდა სიღარიბის მაჩვენებლები და მოსახლეობაზე სოციალური ზრუნვა მკვეთრად გაიზარდა", - ამის შესახებ განცხადება საქართველოს ფინანსთა მინისტრის მოადგილე მიხეილ დუნდუამ "დებატების" ეთერში განაცხადა.მინისტრის მოადგილის განმარტებით, 540 000 ადამიანი გამოვიდა 12 წელიწადში უკიდურესი სიღარიბის მდგომარეობიდან, როდესაც წინა 9 წლიან პერიოდში, საკითხი პრაქტიკულად ადგილიდან არ დაძრულა."საქართველოში, ბოლო პერიოდში და განსაკუთრებით "ქართული ოცნების" ხელისუფლებაში მოსვლის შემდგომ, მკვეთრად გაუმჯობესდა სიღარიბის მაჩვენებლები და მოსახლეობაზე სოციალური ზრუნვა მკვეთრად გაიზარდა. ამასწინათ გამოქვეყნდა საერთაშორისო სავალუტო ფონდის ანგარიში, სადაც საქართველო 4 პარამეტრიდან 3 პარამეტრში საუკეთესო ქვეყნად დასახელდა რეგიონში. სოციალური დახმარების თვალსაზრისით, ეს არის სოციალური დახმარების ადეკვატურობა, ეფექტიანობა, მოცვა. ერთ-ერთი პარამეტრი - მიზნობრიობა, სადაც საშუალო პარამეტრი გვქონდა, გამომდინარე იქიდან, რომ მოცვის უფრო მაღალი ხარისხი ჰქონდა ქვეყანას ვიდრე მიზნობრივი სოციალური საჭიროებები და ამასთან დაკავშირებით იგეგმება სერიოზული ნაბიჯების გადადგმა.რაც შეეხება უკიდურესი სიღარიბის ზღვარს მიღმა მყოფი მოსახლეობის მდგომარეობას მისი გაზრდის თუ შემცირების მიმართულებით, ეს მაჩვენებელიც მკვეთრად არის შემცირებული, ამას მსოფლიო ბანკი ავრცელებს. მაგალითად: 2004 წელს, 21% იყო უკიდურესი სიღარიბის ზღვარს ქვემოთ მსოფლიო ბანკის მონაცემებით, 2012 წელს 19%, ხოლო ახლა, 2024 წლის მაჩვენებელი არის 4% ანუ 4-5-ჯერ შემცირდა მაჩვენებელი. 540 000 ადამიანი გამოვიდა 12 წელიწადში უკიდურესი სიღარიბის მდგომარეობიდან, როდესაც წინა 9 წლიან პერიოდში პრაქტიკულად არ დაძრულა ადგილიდან საკითხი. პრაქტიკულად არ მოგვარებულა არაფერი", - განაცხადა საქართველოს ფინანსთა მინისტრის მოადგილე მიხეილ დუნდუამ.

საპარლამენტო პოლიტიკური ჯგუფის "ხალხის ძალის" თავმჯდომარის, მიხეილ ხუნდაძის განცხადებით, სოციალურად დაუცველთა ბაზის გაზრდას რამდენიმე მნიშვნელოვანი მიზეზი ჰქონდა და ეს არ იყო გამოწვეული მათი რაოდენობის ზრდით. როგორც ხუნდაძემ "დებატების" ეთერში განმარტა, საქართველოში, საწყის ეტაპზე სიღარიბის მაღალი მაჩვენებელი - 34%-ი იყო, დღეს კი 9%-ია და თავად ციფრები მეტყველებს იმაზე, რომ ბაზა გადახედვას საჭიროებს.ხუნდაძის თქმით, პროცესი უნდა იყოს გამჭვირვალე და დეტალურად უნდა იყოს აღწერილი კრიტერიუმები, პროცესი შედეგზე უნდა იყოს ორიენტირებული."პანდემიის დროს, როდესაც მორატორიუმი გამოცხადდა, რადგან რთული იყო პროცესების მართვა, ოჯახების სოციალურ-ეკონომიკური მდგომარეობის შენარჩუნება, რადგან მათი შესაძლებლობები შეიზღუდა პანდემიის პირობებში, სახელმწიფომ მიიღო გადაწყვეტილება, რომ ბაზიდან არ გამოეყვანა, ანუ გადამოწმებები შეეჩერებინა და თუკი ახალი საჭიროება იქნებოდა, ბაზაში შეეყვანა ახალი მოქალაქე და ამანაც გაზარდა რაოდენობა.დასაქმების პროგრამა, როდესაც მოქალაქეებს მიეცათ საშუალება, რომ დასაქმებულიყვნენ და ამის გამო ბაზიდან არ გამოსულიყვნენ, ანუ მათ ოჯახის წევრებს, 4 წლის ვადით გადაევადათ ოჯახის ამ კუთხით შემოწმება. რა თქმა უნდა, გაიზარდა დიაპაზონი, გაიზარდა მოსარგებლეთა რაოდენობა, მაგრამ გამომდინარე იქიდან, რომ საწყის ეტაპზე იყო სიღარიბის მაღალი მაჩვენებელი - 34%-ი და დღეს არის 9%-ი, თავად ციფრები მეტყველებს იმას, რომ ბაზას სჭირდება განახლება და გადამოწმება. კიდევ ერთხელ ვამბობ, უნდა იყოს გამჭვირვალე პროცესი და დეტალურად უნდა იყოს აღწერილი ის კრიტერიუმები და შედეგზე უნდა ვიყოთ ორიენტირებული, რომ არ მივიღოთ ის, რომ ვისაც სჭირდება ისიც ამოვარდეს ამ ბაზიდან, ან ვისას სჭირდება ის ვერ მოხვდეს ბაზაში",- განაცხადა ხუნდაძემ.

აშშ-ის პრეზიდენტი დონალდ ტრამპი აცხადებს, რომ ნებისმიერ ქვეყანას, რომელიც შეეცდება, ისარგებლოს აშშ-ის უზენაესი სასამართლოს გადაწყვეტილებით, გაცილებით მაღალი სავაჭრო ტარიფები დაეკისრება.„ნებისმიერ ქვეყანას, რომელიც მოისურვებს „თამაშს“ სასამართლოს სასაცილო გადაწყვეტილების გამო, განსაკუთრებით მათ, ვინც წლების და თუნდაც ათწლეულების განმავლობაში აშშ-ს „ძარცვავდა“, გაცილებით უფრო მაღალი ტარიფი დაეკისრება, ვიდრე ის, რაზეც ახლახან შეთანხმდნენ“, – წერს დონალდ ტრამპი სოციალურ ქსელში.ცნობისთვის, აშშ-ის უზენაესმა სასამართლომ ქვეყნის პრეზიდენტის, დონალდ ტრამპის მიერ 2025 წლის 3 აპრილს დაწესებული საგანგებო ტარიფები უკანონოდ ცნო. სასამართლომ დაადგინა, რომ დონალდ ტრამპმა დაარღვია ფედერალური კანონი, როდესაც ცალმხრივად დააწესა ფართომასშტაბიანი ტარიფები მთელ მსოფლიოში.

საქართველოს ქალთა ნაკრების იმედისმომცემ თავდამსხმელს, ანანო წიქარიძეს იტალიური „რომა“ იწვევს, – ინფორმაციას სოციალურ ქსელში „ქალთა ფეხბურთის“ დამფუძნებელი ნიკა მითაიშვილი ავრცელებს.მისი ცნობით, რომაულ კლუბთან მოლაპარაკებები ხანგრძლივი პერიოდის განმავლობაში მიმდინარეობდა და საბოლოოდ შეთანხმებით დასრულდა. 16 მარტს ანანო რომში ჩაფრინდება, სადაც საცდელ ვარჯიშებს ჩაატარებს, რის შემდეგაც წინასწარ კონტრაქტს გააფორმებს. სერია A-ს გუნდს ის მას შემდეგ შეუერთდება, რაც სრულწლოვანი გახდება.მითაიშვილი ასევე აღნიშნავს, რომ მოლაპარაკებების პროცესში მნიშვნელოვანი როლი იტალიელმა აგენტმა ლუკა ალბანომ ითამაშა, რომელიც მას პირადად დაუკავშირდა.16 წლის თავდამსხმელმა ეროვნულ ნაკრებში სადებიუტო შეხვედრა 15 წლის ასაკში ჩაატარა, 17-წლამდელთა ნაკრებში კი 19 მატჩში 26 გოლის გატანა შეძლო.

,,როცა კავკასიონის გულზვიადი მთების მწვერვალებზე მოლივლივე ღრუბლები მზის უკანასკნელ სხივებთან ჭიდილში იყვნენ, რათა ხეობებისთვის საღამოს აზანის მოახლოება ეუწყებინათ, სოფელ მსხალდიდს მივადექი. ეს დასახლება შეფენილია მთების კალთებზე, რომელიც თბილისს გადმოჰყურებს. წინ მიხვეულ-მოხვეული გზა იშლებოდა. ჩემი ერთადერთი თანამგზავრი მთის მსუსხავი ქარი იყო, რომელიც ხან ზურგიდან მიბერავდა და გზის გასაგრძელებლად მახალისებდა, ხან კი წინიდან დაჰბერავდა და მომიწოდებდა, კიდევ ერთხელ დავფიქრებულიყავი, ღირდა თუ არა გზის გაგრძელება. სოფელ მსხალდიდში ერთი ეკლესია და ერთი მეჩეთი არსებობს. ტაძრის ზარის ხმა მთების სიჩუმეში გაისმის. ხოლო მეჩეთი ორმოცდაშვიდი წლის წინ „მოლა-ნამაზის“ ძალისხმევით და ადგილობრივთა მეოხებით აშენდა. მოლა მუჰამედალის — ამ მეჩეთის მეორე იმამის — გარდაცვალების შემდეგ, დაახლოებით ორი წლის წინ, სოფლის მკვიდრმა ორასმა ოჯახმა საკუთარი სახსრებით, ძალისხმევითა და ერთობლივი შრომით ამ ნაგებობას ახალი სიცოცხლე შთაბერა. მეჩეთის აღდგენა მათთვის მხოლოდ კედლების შეკეთება არ ყოფილა, არამედ სოციალური კავშირის და საერთო რწმენის ხელახლა გაცოცხლების აქტს წარმოადგენდა. ეს მეჩეთი, რომელსაც „ბაბ ალ-ჰავაჯი“ ეწოდება, დღეს წამომართულია კავკასიის მთათა კალთებზე. ამაღამ, ნამაზის აღვლენის შემდეგ, სოფლის მცხოვრებნი საუფლო სუფრაზე შეიკრიბებიან. ისინი ცხოვრების სახსარს თბილისში წვითა და გარჯით მოიპოვებენ. საღამოობით კი ამ ნაჯაფს მშობლიურ მიწასა და მამა-პაპათა სოფელს სიყვარულით უბრუნებენ. ისინი ერთად სხდებიან გულუხვ სუფრასთან და იფტარის მიღებას არა მხოლოდ პურითა და წყლით, არამედ სიყვარულითა და თანადგომით იწყებენ. მე მათ სტუმრად ვეწვიე და თითოეული მათგანის უანგარო სიყვარულით დავტკბი. მათ თვალებში სიწმინდე, ხოლო ხელებში სითბო იგრძნობოდა. ისაუბრეს შორეულ წლებზე; იმ დღეებზე, როცა ქვასა და ხეს ზურგით ეზიდებოდნენ, რათა ღვთის სახლი აეშენებინათ. იმ ზამთრებზე, როცა გზები იკეტებოდა, მაგრამ მეჩეთის სინათლე არ ქრებოდა. საუბარში დღევანდელობამდეც მივიდნენ; აღნიშნეს, რომ დღეს მეჩეთის ხარჯებისა და მართვა-გამგეობის ნაწილის დაფინანსება ხდება საქართველოს რელიგიის საკითხთა სააგენტოს მიერ და ეს მხარდაჭერა, ხალხის მუდმივ ძალისხმევასთან ერთად, რელიგიური და კულტურული საქმიანობის უწყვეტობას უწყობს ხელს. მიუხედავად ამისა, მეჩეთის მთავარ საყრდენს კვლავ იმ ოჯახების ნება და ერთსულოვნება წარმოადგენს, რომლებმაც საკუთარი შრომით ეს სალოცავი შეინარჩუნეს. მეჩეთის ახალგაზრდა იმამი, მოლა ჰოსეინ შაჰვერდოვი, საუბრობდა მორწმუნეთა დიდ სურვილზე, მოილოცონ ყუმი, მეშჰედი, ნაჯაფი და ქერბალა. ახალგაზრდა იმამი ასევე საუბრობდა იმ ნატვრებზე, რომლებიც ამ უბრალო, მაგრამ მაღალი სულის მქონე ხალხის გულებში ცოცხლობს და მათ რწმენას გეოგრაფიაზე უფრო შორეულ ჰორიზონტს უკავშირებს. სოფელი პატარა იყო, მაგრამ დიდ ადამიანებს იტევდა. მათი სიდიადე მათ ხასიათში, შემწყნარებლობასა და სტუმართმოყვარეობაში ჩანდა. ისინი ნამაზის აღვლენით დასხდნენ იფტარზე. დაასრულეს მარხვა და მოემზადნენ, რომ თანამოქალაქეებთან ერთად, სხვა ქართველების გვერდიგვერდ, ხვალ ხელახლა დაიწყონ სამუშაო დღე. სოფლის სიმშვიდე რელიგიურად მრავალფეროვანი საზოგადოების ჰარმონიაზეც მიუთითებს, სადაც ერთი ცის ქვეშ წამომართულა მეჩეთი და ეკლესია. კავკასიის საღამოს სიჩუმეში სრულიად ნათელი იყო, რომ ხანგრძლივი თანაცხოვრება ისტორიული გამოცდილებაა, რომელიც თაობიდან თაობას გადაეცა, დღეს კი მსხალდიდის ახალ თაობაში იჩენს თავს. აქ რწმენა ფესვგადგმულია ისლამსა და მართლმადიდებლურ ქრისტიანობას შორის, ხოლო ორივე ერთად ქმნის ამ მთიანი სოფლის მშვიდ და ადამიანურ სახეს''-ამის შესახებ საქართველოში ირანის ელჩი სეიედ ალი მოჯანი სოციალურ ქსელში წერს.