კაია კალასი და მარტა კოსი საქართველოსთან დაკავშირებით განცხადებას ავრცელებენ

„USAID-ის მკვლელობა არის ყველგან ავტოკრატების გამარჯვება“, – ასეთი სათაურით აქვეყნებს გამოცემა „ნიუ-იორკ თაიმსი“ აშშ-ის განვითარების საერთაშორისო სააგენტოს ყოფილი ხელმძღვანელის, სამანტა პაუერის წერილს, რომელიც ამ თანამდებობას 2021-2025 წლებში იკავებდა. „ჩვენ აშშ-ის ისტორიაში ერთ-ერთი ყველაზე ცუდი და ძვირადღირებული საგარეო პოლიტიკური შეცდომის მოწმენი ვართ. დონალდ ტრამპის მეორე ვადის დაწყებიდან სამ კვირაზე ნაკლებ დროში, მან, ელონ მასკმა და სახელმწიფო მდივანმა მარკო რუბიომ შეაჩერეს აშშ-ის საერთაშორისო განვითარების სააგენტოს დახმარების პროგრამები მთელს მსოფლიოში. ამით მათ საფრთხე შეუქმნეს მილიონობით სიცოცხლეს, ათასობით ამერიკულ სამუშაო ადგილს და მილიარდობით დოლარის ინვესტიციებს ამერიკულ მცირე ბიზნესებსა და ფერმებში და ამავე დროს, სერიოზულად ძირი გამოუთხარეს ჩვენს ეროვნულ უსაფრთხოებას და გლობალურ გავლენას – ეს ყველაფერი მაშინ, როცა ავტორიტარები და ექსტრემისტები თავიანთ წარმატებას ზეიმობენ. მე შოკირებული ვარ ჩვენი საკუთარი მთავრობის მხრიდან გახარებული თავდასხმით USAID-ის პროგრამების და მათზე მომუშავე საჯარო მოხელეების წინააღმდეგ, მაგრამ სააგენტოს ოთხწლიანი მართვის შემდეგ, არ მიკვირს, რომ ამ თავდასხმებს მოსკოვი და პეკინი მიესალმებიან. მათ ესმით, რისი დამალვა სურთ ამერიკელი ხალხისგან მათ, ვინც სააგენტოს დაშლას ცდილობს: USAID გახდა ამერიკის სუპერძალა მსოფლიოში, სადაც არსებობს საფრთხეები, რომლებიც საზღვრებს კვეთს და მზარდი სტრატეგიული კონკურენცია“, – წერს სამანტა პაუერი. სააგენტოს ყოფილი ხელმძღვანელი აღნიშნავს, რომ USAID-ის მიერ გაწეული დახმარება, რომელიც მრავალი ფორმისაა და მისი ბიუჯეტი აშშ-ის მთლიანი წლიური ხარჯების ერთ პროცენტზე ნაკლებია, თავისთავად არ არის პანაცეა მსოფლიოს მსხვილი გამოწვევებისთვის. სამანტა პაუერის განცხადებით, როგორც ყველა სამთავრობო უწყება, ის შესაძლოა, ყოფილიყო უფრო ეფექტიანი, რის გაკეთებასაც, მისივე თქმით, ის თავისი უფლებამოსილების შესრულების დროს ცდილობდა. „მიუხედავად ამისა, მსოფლიოს მოსახლეობის დიდი ნაწილისთვის, USAID-ის ინვესტიციები და მუშაობა წარმოადგენდა ძირითად (და ხშირად ერთადერთ) კონტაქტს ამერიკის შეერთებულ შტატებთან“, – აღნიშნავს სამანტა პაუერი. USAID-ის უკვე ყოფილი ხელმძღვანელის განცხადებით, სააგენტოს ზოგიერთი ინვესტიცია სიცოცხლის მყისიერ გადარჩენას ითვალისწინებდა – ეს იყო წამლები, რომლებიც მიეწოდა 500 ათასს ბავშვს აივ-ინფექციით ან აშშ-ში წარმოებული საკვები ნივთიერებებით მდიდარი პროდუქტები, რომლებმაც ბავშვებს შიმშილით სიკვდილისგან იხსნა. სამანტა პაუერის თქმით, USAID-ის მიერ 2023 ფისკალურ წელს დახარჯული 38 მილიარდი დოლარიდან დაახლოებით 20 მილიარდი დაიხარჯა ჯანდაცვის პროგრამებზე, როგორებიცაა მალარიის, ტუბერკულოზის, აივ-ინფექციის, ინფექციური დაავადებების წინააღმდეგ ბრძოლა, და ჰუმანიტარულ დახმარებაზე საგანგებო სიტუაციების შემთხვევებში და ომით მოცულ რეგიონებში. მისივე თქმით, USAID-ის სხვა ინვესტიციები ნაკლებად თვალსაჩინოა, თუმცა უფრო გრძელვადიანი შედეგი აქვს; ეს არის გოგონათა განათლება და ადგილობრივი ეკონომიკების ზრდის ხელშეწყობა. „სააგენტოს მრავალი ყველაზე მნიშვნელოვანი ინვესტიცია – მაგალითად, დახმარება თემების აღდგენაში ISIS-ის დამარცხების შემდეგ ან ღარიბი ქვეყნების უნარის გაუმჯობესება, აღკვეთონ სასიკვდილო ინფექციური დაავადებების გავრცელება – უაღრესად მნიშვნელოვანია ეროვნული უსაფრთხოებისთვის. და ახლა USAID-ი აღარ აკონტროლებს ფრინველის გრიპს 49 ქვეყანაში, როგორც ამას სამი კვირის წინ აკეთებდა; მან შეწყვიტა მუშაობა რისკის ქვეშ მყოფ ახალგაზრდებთან ცენტრალურ ამერიკაში, რათა აღკვეთოს კრიმინალური დაჯგუფების ძალადობა, რაც ხელს უწყობს მიგრაციას; ეს არ წმენდს ვიეტნამში აგენტ „ორანჟით“ მოწამლულ მინდვრებს; ის არ ებრძვის პოლიომიელიტს; ის არ თანამშრომლობს თემებთან ისეთ ქვეყნებში, როგორიცაა სირია, მაროკო და ყაზახეთი, რათა შეამციროს მოწყვლადობა რადიკალიზაციის მიმართ. ამ პროგრამების გაუქმების საფასურს – და ამგვარად ამ ზიანს – იგრძნობენ მომავალი თაობები. რასაკვირველია, სააგენტოს, რომელიც ახლა აღვწერე, არაფერი აქვს საერთო „რადიკალურ მემარცხენეებთან“ და „კრიმინალურ“ ფანტომთან, რომელსაც ბატონი ტრამპი ებრძვის. კონგრესის ფართო ზედამხედველობის გარდა, USAID-ი ზედმიწევნით დოკუმენტურად აღრიცხავდა ონლაინ მის ყველა პროგრამას და ხარჯს. ალბათ, შემთხვევითი არ არის, რომ იმ კაცების ერთ-ერთი პირველი ქმედება, რომლებსაც განზრახული აქვთ სააგენტოს მოკვლა, USAID-ის ვებგვერდის გათიშვა იყო“, – წერს პაუერი. გამოქვეყნებულ წერილში ის აღნიშნავს, რომ სააგენტომ გამოიმუშავა პოლიტიკური კაპიტალის უზარმაზარი მარაგი 100-ზე მეტ ქვეყანაში, რამაც გაზარდა იმის ალბათობა, რომ როდესაც შეერთებული შტატები სერიოზულ თხოვნებს წაუყენებს ამ ქვეყნების ლიდერებს – მაგალითად, გაგზავნონ სამშვიდობოები ომის ზონაში, დაეხმარონ ამერიკულ კომპანიას ახალ ბაზარზე შესვლაში, ან მოახდინონ კრიმინალის ექსტრადირება შეერთებულ შტატებში – ისინი ამას დათანხმდებიან. „ეს ნაწილობრივ განმარტავს, თუ რატომ მიესალმებიან ავტოკრატები აშშ-ის მთავრობის შიგნიდან თავდასხმებს USAID-ის მუშაობაზე. USAID-ის ადმინისტრატორად ჩემი მუშაობისას, ჩვენ ვნახეთ ჩინეთისა და რუსეთის მხრიდან სააგენტოზე თავდასხმების მნიშვნელოვანი ზრდა. გასული წლის აპრილში, ჩინეთის მთავრობამ 20-გვერდიანი თავდასხმა გამოაქვეყნა USAID-ის მუშაობაზე, რა დროსაც წამოაყენა მთელი რიგი ცრუ განცხადებებისა იმის შესახებ, თუ როგორ „მოქმედებდა შეერთებული შტატები უგუნურად, ჩაიდინა მრავალი დარღვევა და დანაშაული“. ბაიდენის ადმინისტრაციის ბოლო ექვს თვეში ჩვენ დავაფიქსირეთ 80-ზე მეტი უცხოური პროპაგანდისტული კამპანია, რომელიც მიმართული იყო USAID-ის მუშაობის წინააღმდეგ მსოფლიოს ყველა რეგიონში ადგილობრივ ენებზე”, – ნათქვამია პუბლიკაციაში. როგორც ავტორი აღნიშნავს, პრეზიდენტ ჯონ კენედის მიერ დაარსებიდან 60 წლის გამავლობაში USAID-ი კონგრესის ფართო ორპარტიული მხარდაჭერით სარგებლობდა, ხოლო დონალდ ტრამპის წინა საპრეზიდენტო ვადის დროს სააგენტოს ბიუჯეტის შემცირების მცდელობები რესპუბლიკელებმა აღკვეთეს. „ბაიდენის ადმინისტრაციაში ბევრ ჩვენგანს სჯეროდა, რომ ტრამპის გუნდის ეროვნული უსაფრთხოების მაღალჩინოსნებს, რომლებმაც დაინახეს, თუ რამდენად გაბედული გახდა ჩინეთი თავისი გლობალური ინვესტიციების და გავლენის გაფართოებაში – და რომლებმაც ისწავლეს მძიმე გაკვეთილი პანდემიიდან, რომ საფრთხეებმა, რომლებიც საზღვრების კვეთენ, შეიძლება, გამოიწვიოს კოლოსალური ზიანი – აღიარებდნენ, რომ USAID გახდა ძირითადი მოთამაშე აშშ-ის საგარეო პოლიტიკაში“, – აღნიშნავს ის. პაუერის განცხადებით, სახელმწიფო მდივანი რუბიო ამბობს, რომ სააგენტოს პროგრამების ნაწილი უნდა შენარჩუნდეს, თუმცა ადმინისტრაციამ ხუთშაბათს აცნობა თანამშრომლებს, რომ გეგმავს შეინარჩუნოს მხოლოდ 290 თანამშრომელი 14 000-დან მთელს მსოფლიოში. „USAID-ის ამერიკელი პერსონალი და მათი ოჯახები, რომლებიც მოულოდნელად უკან გაწვეულნი არიან, ბევრად უკეთესს იმსახურებენ. ბევრი მივლენილი იყო მსოფლიოს ყველაზე საშიშ რეგიონებში; 100-ზე მეტი თანამშრომელი დაიღუპა სამსახურებრივი მოვალეობის შესრულებისას. ბატონი რუბიო ამბობს, რომ მან გარკვეული პროგრამების გაგრძელების ნებართვა გასცა, მაგრამ მასობრივი გათავისუფლება ნიშნავს, რომ ეს პროგრამები პარალიზებულია. ბევრი მშიერი და ავადმყოფი ადამიანი, რომლებიც დამოკიდებულნი არიან USAID-ზე, სიკვდილის საფრთხის წინაშე არიან. ეს სასტიკი და უზომოდ კონტრპროდუქტიული ქმედებები თუ არ შეიცვლება ადმინისტრაციის მიერ – ან კონგრესში რესპუბლიკელები არ შეუერთდებიან დემოკრატებს მათი გაუქმების მცდელობაში – მომავალ თაობებს გაუკვირდებათ, რომ ჩინეთის ქმედებებმა კი არ შეარყია აშშ-ის პოზიცია და გლობალური უსაფრთხოება და გზა გაუხსნა პეკინს, რომ გახდეს არჩევითი პარტნიორი მთელ მსოფლიოში, არამედ, სწორედ ამერიკის პრეზიდენტმა და მილიარდერმა, რომელსაც მან მისცა შესაძლებლობა, ჯერ ესროლა და შემდეგ დაემიზნა, გაანადგურეს ინსტიტუტი, რომელიც ნაკლებად ძვირად ღირებული მაგალითია იმისა, რაც ოდესღაც შეერთებულ შტატებს ჩვენი მოწინააღმდეგეებისგან განასხვავებდა“, – წერს სამანტა პაუერი.

სახალხო დამცველის მიერ შექმნილმა ექიმთა ჯგუფმა კლინიკა „ვივამედში“ „ბათუმელებისა“ და „ნეტგაზეთის“ დამფუძნებელი მზია ამაღლობელი მოინახულეს. როგორც კლინიკიდან გამოსვლის შემდეგ გასტროენტეროლოგმა, გიორგი გვილიამ განაცხადა, ექიმების საერთო აზრია, რომ მზია ამაღლობელმა კლინიკის პირობებში უნდა განაგრძოს ადეკვატური მკურნალობა. „მდგომარეობა დასაფიქრებელია, არ არის მარტივი. მოგეხსენებათ, უკვე მერამდენე დღეა, შიმშილობის. როგორც დოკუმენტებს და ისტორიას გავეცანი, საავადმყოფოში გადმოყვანამდე იყო კიდევ უფრო მძიმე. კლინიკაში გადმოყვანის შემდეგ ნამდვილად ტარდება ყველა საჭირო ღონისძიება, ყველა საჭირო გამოკვლევა. ძალიან ყურადღებით გავეცანით ისტორიას. პრაქტიკულად, ყველაფერი ტარდება, რათა შიმშილობამ მალე მძიმე შედეგები არ გამოიწვიოს. დღესდღეობით, არ არის ძალიან მძიმე მდგომარეობა, რაც შეიძლებოდა, ამდენი დღის შიმშილობის შემდეგ ყოფილიყო, მაგრამ ეს ალბათ დამსახურებაა კლინიკის, ჩემი კოლეგების, რომლებიც ადეკვატურად, დროულად, კარგად მკურნალობენ. მაინც უნდა ითქვას, რომ ამ მდგომარეობას აქვს საზღვარი. ეს საზღვარი სხვადასხვა ადამიანისთვის სხვადასხვანაირია. რაღაც დროის შემდეგ ორგანიზმში მიდის ისეთი ცვლილებები, რომ გარედან მოხმარება, რაც დღესდღეობით სრულიად ადეკვატურად ხდება, აღარ იქნება საკმარისი. ანუ, ადამიანი არ არის მექანიზმი, ისეთი მარტივი, რომ რაღაც დააკლდა, შეავსო და შემდეგ იმუშაოს. შევავსებთ ყველაფერს, მაგრამ შემდეგ შეიძლება, ისეთი ძვრები განვითარდეს, რომ ის ვეღარ დავიჭიროთ“, – განაცხადა გიორგი გვილიამ. გიორგი გვილიას კითხვა დაუსვეს, რა სახის ძვრებზეა საუბარი, რაზეც მან აღნიშნა: „ძვრები ბევრნაირია, გულში, საჭმლის მომნელებელ სისტემაში, თირკმელში, ფილტვში, ღვიძლში. შეიძლება, თანდათანობით მოხდეს ყველაფრის უკმარისობა და მწყობრიდან გამოსვლა. ამიტომ, მე მიმაჩნია და ჩვენი კოლეგები შევთანხმდით, მიგვაჩნია, რომ პაციენტი თუ აგრძელებს შიმშილობას, პაციენტის ინტერესებიდან, მისი სიცოცხლის ინტერესებიდან გამომდინარე, იგი უნდა დარჩეს კლინიკაში და იქ გაგრძელდეს მისი ადეკვატური მკურნალობა. კიდევ ერთხელ ვიმეორებ, იგივე ადეკვატური მკურნალობის პირობებში, ძალიან ყურადღების პირობებშიც კი, რაღაც დროის შემდეგ ვითარდება ისეთი ცვლილებები, რომლებიც კარგად იციან ექიმებმა, დათვლილია, გამოთვლილია ეს ცვლილებები – რომ მერე თუნდაც ძალიან მაღალი დონის სამედიცინო ჩარევა ვეღარ იზამს ისე, რომ პაციენტი გადავარჩინოთ“. ამასთან, როგორც გიორგი გვილიამ აღნიშნა, მზია ამაღლობელს აღენიშნება სისუსტე, თუმცა კრიტიკული ზღვარი ჯერ არ არის. „საკმაოდ სისუსტეა, მაგრამ ძირითადი სასიცოცხლო ცვლილებები, კრიტიკული სასიცოცხლო ცვლილებები ჯერჯერობით დაწყებული არ არის. ესეც არის კლინიკის კარგი მკურნალობის შედეგი. მეტყველებს ჩვეულებრივად, სვენებ-სვენებით, ცოტა შენელებულად. მზია საკმაოდ ნიჭიერი ქალია, განათლებული და ალბათ უფრო ცოცხალი მეტყველება ექნებოდა. ემჩნევა, რომ მეტყველება ცოტა შენელებულია, თუმცა ყველანაირად კარგად აზროვნებს. პალატაში გადაადგილება შეუძლია ნელა, მაგრამ შეუძლია. გულის, ფილტვის უკმარისობა, ღვიძლის ისეთი დაზიანება, რომ რაღაც უკმარისობაზე იყოს ეჭვი, თირკმლის უკმარისობა ჯერჯერობით დაწყებული არ არის, მაგრამ ამისი მზა რეცეპტი ნამდვილად არ არსებობს. შესაძლებელია, რაღაც დროის შემდეგ, ეს ღონისძიებები, რაც ახლა ტარდება, საკმარისი აღარ იყოს. ახლა კრიტიკული ზღვარი ჯერ არ არის. გასტროენტეროლოგიური დაავადება რაც იყო მანამდე, ამას ჰქვია საყლაპავის ანთება, თავისი ეროზიებით, მესამე ხარისხის. საკმაოდ მძიმე დაზიანებაა საყლაპავის, თუმცა მისი მკურნალობა ადეკვატურად მიმდინარეობს. პაციენტი ადეკვატურად რომ იღებდეს საკვებს და იყოს ჩვეულებრივ ვითარებაში, ეს დაავადება მედიკამენტურადაც მორჩენადია. ამ ვითარებაში ძალიან გამიჭირდება პროგნოზი, მით უმეტეს, ისეთ წამლებს იღებს სხვა დაავადების გამო, რომლებიც ძალიან აზიანებს კუჭს, მიუხედავად იმისა, რომ კუჭის მკურნალობა მიმდინარეობს“, – განაცხადა გიორგი გვილიამ. კიდევ ერთ კითხვაზე, რამდენ დღეში შეიძლება იყოს მდგომარეობა უფრო კრიტიკული, როდის შეიძლება, აღარ იყოს საკმარისი მკურნალობა, გიორგი გვილიამ აღნიშნა, რომ ყოველდღიური მონიტორინგია საჭირო და შემდეგ შეიძლება პროგნოზების გაკეთება. „ცოტა ულოგიკო იქნება პასუხი, რადგან დღეების ხანგრძლივობა არ ვიცით არავინ. ყოველდღეა მონიტორინგი საჭირო და რაღაც ნიშნები რომ გამოჩნდება, შემდეგ შეიძლება პროგნოზირება. დავუშვათ, დღეს რაღაც მაჩვენებლები, კალიუმის, ცილის, კარგად არის, ხვალ შეიძლება, სხვანაირი იყოს, მიუხედავად იმისა, რომ ვმკურნალობთ. ამიტომ, მგონია და ჩვენს კოლეგებსაც ჰგონიათ, რომ შიმშილობას თუ ვაგრძელებთ და ეს არის მისი მოქალაქეობრივი გადაწყვეტილება, ალბათ უნდა გავაგრძელოთ კლინიკის პირობებში, სადაც ამის მეთვალყურეობა შესაძლებელია. იმას კი არ აქვს მნიშვნელობა, ამ წუთში რა ლაბორატორიული მაჩვენებლებია, ცვლილების სისწრაფეს აქვს მნიშვნელობა“, – განაცხადა გიორგი გვილიამ. რაც შეეხება ცვლილების სისწარაფეს ბოლო დღეების დღეების განმავლობაში, საკითხზე საუბრისას გიორგი გვილიამ განაცხადა, რომ „ცუდი იყო გადმოყვანამდე, თუმცა მდგომარეობა თანდათან, შედარებით გამოკეთდა და ჯერჯერობით სტაბილურია“. ამასთან, კლინიკა „ვივამედიდან“ გამოსვლის შემდეგ მედიასთან კომენტარი გააკეთა კიდევ ერთმა ექიმმა, ენდოკრინოლოგმა ელენე გიორგაძემ, რომელმაც აღნიშნა, რომ ახლა მიზანშეწონილია, მზია ამაღლობელი დარჩეს კლინიკაში. „ველაპარაკებოდით და ბოლოსკენ დაიღალა. თვითონ ამბობს, უარესად ვიყავი და აქ ახლა უკეთესად ვარო. სისუსტე დამრჩა, მაგრამ იქ უფრო მეტი იყოო. ჩვენთან ერთად იყო ექიმი, რომელმაც ორჯერ ნახა დაწესებულებაში და ამბობს, რომ  სისუსტე ახლა უფრო მეტი აქვს, ვიდრე დაწესებულებაში ჰქონდაო. ანუ, ექიმის შეფასებით, სისუსტე აქ უფრო მეტია. დადის თუ არა პალატაში, ამის შესახებ რომ ვკითხეთ, გვითხრა, რომ ცდილობს, იაროს. აქ ძალიან ცოტას დავდივარო, დაწესებულებაში უფრო ვაქცევდი ამას ყურადღებასო. ცუდი ამბავი ისაა, რომ აუცილებლად უნდა დაბრუნება დაწესებულებაში, რაც მიზანშეწონილი არ არის. ექიმი ვალდებულია, უთხრას, რომ შიმშილობა შეწყვიტოს, ყველა თავის სპეციალობას ასრულებს და ექიმი, პირველ რიგში, უნდა ზრუნავდეს ადამიანის ჯანმრთელობაზე. ამიტომ, კატეგორიულად უთხრა, შეწყვიტე შიმშილიო, რაზეც უპასუხა, არ შევწყვეტ შიმშილობასო. ეს გასაგებია, მაგრამ შიმშილს თუ არ შეწყვეტს, უნდა იყოს დაწესებულებაში კონტროლის ქვეშ, რადგან ექიმები მოასწრებენ რეაგირებას, რათა შეუნარჩუნონ არა მარტო სიცოცხლე, ინვალიდიც რომ არ გაგვიხდეს მომავალში. ამ ეტაპზე ყველაფერი ხდება ადეკვატურად, სწორად. გაინტერესებთ, რა დროს რა გართულება შეიძლება მოხდეს – არავინ იცის. თქვენ მომცემთ გარანტიას, რომ დილამდე ემბალია არ დამემართება? ამიტომ, შიმშილის დროს გულ-სისხლძარღვთა სისტემიდან გამომდინარე, არავინ იცის, რა დროს, რომელი გართულება შეიძლება მოხდეს, რადგან საკვებს არ იღებს. ერთადერთი, რაც ცოტა მამშვიდებს, არის ის, რომ არ აქვს კუჭ-ნაწლავის ქრონიკული დაავადება. უნდა გავითვალისწინოთ, რომ ადამიანებს, რომლებსაც კუჭ-ნაწლავის დაავადება აქვთ, სულ აქვთ ვიტამინების დეფიციტი. ამიტომ, ახლა შეიძლება, უკეთესად იტანს ორგანიზმი, ვიდრე გადაიტანდა იმ ადამიანთან, ვისთანაც იქნებოდა სწრაფი ვარდნა. ვთხოვეთ, რამდენიმე დღე დაგვიჯეროს ექიმებს და დარჩეს, რათა შევსება მოხდეს ორგანიზმის“, – განაცხადა ელენე გიორგაძემ. ცნობისთვის, საქართველოს სახალხო დამცველის აპარატმა გუშინ გაავრცელა ინფორმაცია, რომ „ბათუმელებისა“ და „ნეტგაზეთის“ დამფუძნებელ მზია ამაღლობელისთვის პენიტენციური სამსახურის, მათ შორის, კონტრაქტორი კლინიკების მიერ მიწოდებული სამედიცინო მომსახურების ადეკვატურობისა და დროულობის საკითხის შეფასების მიზნით ექიმთა ჯგუფი შექმნა.

ევროკავშირის უმაღლესი წარმომადგენლის, ევროკომისიის ვიცე-პრეზიდენტის, კაია კალასის და გაფართოების საკითხებში ევროკომისარ მარტა კოსის განცხადების წაკითხვისას პირველი თვალში რაც მეცა, ეს მათი მიმართვის ობიექტია-საქართველოს ხელისუფლება! - წერს “ერთიანი ნეიტრალური საქართველოს” წევრი, ლევან ნიკოლეიშვილი, სოციალურ ქსელში. როგორც ის აღნიშნავს, განცხადებით ირკვევა, რომ ევროკავშირი აღიარებს საქართველოს ხელისუფლებას. ნიკოლეიშვილის თქმით, კალასი და კოსი ეუთო/ოდირის მოსაზრებების გათვალისწინებისკენ მოუწოდებენ ხელისუფლებას, თუმცა, ამ ორგანიზაციის პოზიტიური დასკვნა არჩევნებთან დაკავშირებით, მათ არაფრად ჩააგდეს, რადგან შედეგი მათთვის მიუღებელი იყო. “ევროკავშირის უმაღლესი წარმომადგენლის, ევროკომისიის ვიცე-პრეზიდენტის, კაია კალასის და გაფართოების საკითხებში ევროკომისარ მარტა კოსის განცხადების წაკითხვისას პირველი თვალში რაც მეცა, ეს მათი მიმართვის ობიექტია-საქართველოს ხელისუფლება! ოჰო, თურმე ვის მიმართავენ იმ ხელისუფლებას, რომლის ლეგიტიმურობის არც აღიარება და მილოცვა მათგან ჯერ არ გაგვიგონია! ე.ი. დავიწყოთ იმით, რომ აღიარებთ ამ ხელისუფლებას, მაგრამ რახან არ გვილოცავთ და თურმე მის ლეგიტიმურობას ასე გულდაგულ უმალავთ ევროკავშირის ქვეყნებსა და მათ მოსახლეობას, მინიმუმ უხერხული და მაქსიმუმ ამორალური ხომ არაა! ახლა, რომ გვეუბნებიან ეუთო/ოდირის მოსაზრებები გაითვალისწინეთ სანამ თქვენი ქვეყნის კანონებს მიიღებთო, ეს რომელ ეუთო/ოდირზე გვეუბნებით, რომლის დასკვნები არჩევნების შესახებ არაფრად ჩააგდეთ? იმიტომ ხომ არა შედეგები არც თქვენ გაწყობდათ და არც თქვენს ჯაშუშებს? ისე რახან ევრო ბიუროკრატები, მაინც ვერ ეშვებით შანტაჟის ენით საუბარს საქართველოს ხელისუფლებასთან, კაია კალასის და მარტო კოსის მოწოდებები თქვენთვის ჩვეული ორმაგ სტანდარტის გაგრძელებაა. ამ "პატიოსან გვამებს" ალბათ კიდევ ერთხელ უნდა შევახსენოთ, რომ მათ საქმე აქვთ დამოუკიდებელ და სუვერენულ სახელმწიფოს პატრიოტ და პრინციპულ ხელისუფლებასთან, რომელთანაც ასეთ ტონით საუბარი პირველ რიგში მათთვის, ევროპელი მაღალჩინოსნებისათვისაა შეურაცხმყოფელი.” - წერს ლევან ნიკოლეიშვილი.

USAID-ში კორუფციამ ისეთ დონეს მიაღწია, როგორიც აქამდე იშვიათად უნახავს ვინმეს, დახურეთ ის, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს. „USAID-ი რადიკალურ მემარცხენეებს აგიჟებს და მათ არაფრის გაკეთება შეუძლიათ ამის წინააღმდეგ. ფულის დიდი ნაწილი ისე თაღლითურად დაიხარჯა, რომ ამის ახსნა სრულიად შეუძლებელია. კორუფციამ ისეთ დონეს მიაღწია, როგორიც აქამდე იშვიათად უნახავს ვინმეს. დახურეთ ის!“, – წერს დონალდ ტრამპი.

საქართველოს ტექნიკურ უნივერსიტეტში, ინფორმატიკისა და მართვის სისტემების ფაკულტეტის სტუდენტთა და პედაგოგთა ინიციატივით, წიგნის საჯაროდ კითხვის მსოფლიო დღე აღინიშნა. ამის შესახებ ინფორმაციას საქართველოს ტექნიკური უნივერსიტეტი ავრცელებს. სტუ-ის ცნობით, სტუდენტებმა, პროფესორ-მასწავლებლებმა ფრაგმენტები ქართველი და მსოფლიო კლასიკოსების, ასევე, თანამედროვე ქართველი და უცხოელი მწერლების, პოეტების, დრამატურგების, პუბლიცისტებისა და ფილოსოფოსების ცნობილი ტექსტებიდან დედანსა და თარგმანში საჯაროდ წაიკითხეს, გარდა ამისა, შეკრებილ საზოგადოებას საკუთარი ნაწარმოებებიდან ამონარიდები შესთავაზეს. წიგნის საჯაროდ კითხვის საერთაშორისო დღესთან დაკავშირებით, უნივერსიტეტში მიწვეულმა მწერალთა შემოქმედებითი კავშირის გამგეობის წევრმა, მწერალმა და მთარგმნელმა ნანა შალამბერიძემ თავისი შემოქმედება გააცნო, ასევე, საკუთარი ნაწარმოებებიდან და თარგმანებიდან ნაწყვეტები წაიკითხა. ინფორმატიკისა და მართვის სისტემების ფაკულტეტის დეკანის, პროფესორ თალიკო ჟვანიას თქმით, წიგნის საჯაროდ კითხვის მსოფლიო დღე საქართველოს ტექნიკურ უნივერსიტეტში ყოველწლიურად აღინიშნება, ღონისძიებაში კი, პედაგოგებთან ერთად, სტუდენტებიც ენთუზიაზმით ერთვებიან. „ამ თარიღისადმი მიძღვნილ კვირეულში, ყოველწლიურად, სხვადასხვა ქვეყნის 30 მილიონზე მეტი ადამიანი მონაწილეობს. საქართველოს ტექნიკური უნივერსიტეტი წელსაც შეუერთდა ამ საერთაშორისო ინიციატივას, რითაც მასშტაბური ღონისძიების ნაწილი გახდა. მთავარი მიზანი წიგნის კითხვის პროცესით ჩვენი ახალგაზრდების დაინტერესებაა იმდენად, რომ თვითონაც შეიტანონ წვლილი კითხვის პოპულარიზაციაში. მნიშვნელოვანია ისიც, ამით გვიძლიერდება ურთიერთმოტივაცია, რათა სწორედ დაჩქარებული ტექნოლოგიური პროგრესის, სწრაფად ცვლადი ინოვაციების, გაჯეტების, სოციალური ქსელების საუკუნეში შევიყვაროთ კითხვა, ერთმანეთს გავუზიაროთ განუმეორებელი შთაბეჭდილებები, გზა გავუხსნათ ახალგაზრდებს, თამამად გადმოიტანონ თავიანთი ნააზრევი ფურცელზე, აღმოვაჩინოთ ნიჭიერი, ახალბედა ავტორები და წავახალისოთ მათი შემოქმედებითი შესაძლებლობები“, - აღნიშნა თალიკო ჟვანიამ. სტუ-ის ინფორმაციით, ღონისძიების ფარგლებში, თითოეულმა მონაწილემ ფრაგმენტი ერთი კონკრეტული ავტორის კონკრეტული წიგნიდან წაიკითხა. გარდა ამისა, ინფორმატიკისა და მართვის სისტემების ფაკულტეტის სტუდენტებმა ქართველი პოეტების ლექსებზე შექმნილი ცნობილი სიმღერები შეასრულეს.