კაია კალასი – განვიხილავთ, რა შეგვიძლია, გავაკეთოთ კიდევ, ყველა ვარიანტი მაგიდაზეა, მათ შორის უვიზო რეჟიმის შეჩერება, რაც შეაცვლევინებს საქართველოს მთავრობას გათვლებს

საქართველოს ყოფილი პრეზიდენტი სალომე ზურაბიშვილი ევროკავშირის წევრი ქვეყნების საგარეო საქმეთა მინისტრებს, ევროკავშირის ვიცეპრეზიდენტსა და საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს, კაია კალასს წერილით მიმართავს. „მას შემდეგ, რაც ევროპარლამენტმა მიიღო რეზოლუცია, იმ მომენტში, როცა საგარეო საქმეთა საბჭო საქართველოში შექმნილი ვითარების განსახილველად ემზადება, ჩემი ვალდებულებაა, თქვენი ყურადღება გავამახვილო იმ უკიდურესად შემაშფოთებელ შიდაპოლიტიკურ და გეოპოლიტიკურ მოვლენებთან დაკავშირებით, რომელთა წინაშეც ვდგავართ იმ ქვეყანაში, რომელსაც ევროკავშირის კანდიდატის სტატუსი აქვს და, შესაბამისად, თქვენს სერიოზულ ყურადღებასა და რეაგირებას იმსახურებს.გარდა იმისა, რომ ქვეყანაში დემოკრატიის დაჩქარებული უკუსვლაა, რომელიც ნათლადაა წარმოჩენილი ევროპარლამენტის რეზოლუციაში და იმის მიუხედავად, რომ ჩვენი ევროპელი პარტნიორები ათწლეულების განმავლობაში დიდ ძალისხმევას ახმარდნენ დემოკრატიული პირობებისა და ინსტიტუტების შექმნას, ქვეყანა სწრაფად გარდაიქმნება კვაზი ტოტალიტარულ (თითქმის ავტორიტარულ) სისტემად. ნათელია, რომ რუსეთი ცდილობს ამ ქვეყნის დაქვემდებარებას ახალი ჰიბრიდული სტრატეგიით, რომელიც გაყალბებულ არჩევნებს, მასშტაბურ პროპაგანდასა და არაპირდაპირ ჩარევებს ეფუძნება.იმ ფონზე, რომ რუსეთმა ვერ შეძლო უკრაინაში თავისი სამხედრო მიზნების მიღწევა, რთულია, არ დასვათ კითხვა იმ რეაგირების არარსებობაზე (გარდა კონკრეტული დაგმობებისა და ნაწილობრივი სანქციებისა), რომელიც საჭიროა სახელმწიფო ინსტიტუტების „მშვიდობიანად მიტაცების“ შესაჩერებლად. ეს პროცესი არ ხდება სამხედრო ინტერვენციის გზით, მაგრამ ის არანაკლებ შემაშფოთებელია და სერიოზულ საფრთხეს წარმოადგენს.ცნობილია, რომ მსგავსი, თუმცა ჯერჯერობით წარუმატებელი, მცდელობები რუსეთს უკვე ჰქონდა მოლდოვაში, რუმინეთში, სერბეთსა და სხვა ქვეყნებში, რაც ნათლად მიუთითებს როგორც რეგიონის მიმართ დამოკიდებულების სტრატეგიული გადახედვის საჭიროებაზე, ასევე, როგორ უნდა აღვუდგეთ და ვუპასუხოთ რუსეთის ახალ სტრატეგიებს.კავკასიის რეგიონი ევროკავშირის მომავალი გაფართოების აუცილებელ ელემენტად რჩება.სომხეთსა და აზერბაიჯანს შორის ამჟამად მიმდინარე პოზიტიური პროცესები ახალ შესაძლებლობებს ხსნის, რომელსაც რუსეთი პირდაპირი ზეგავლენით ვეღარ აჩერებს, როგორც ამას წლების განმავლობაში ახერხებდა და ცდილობს, ამ პროცესებს საქართველოს ხელისუფლების კონტროლის გზით შეეწინააღმდეგოს. ამით ის აფერხებს მშვიდობიანი, სტაბილური და ერთიანი კავკასიის ჩამოყალიბებას, რომელიც ღია იქნება ევროკავშირთან უფრო მჭიდრო თანამშრომლობისთვის. საქართველოს კონტროლით, რუსეთი ასევე, შავ ზღვაზე ექსკლუზიური გავლენის შენარჩუნებას ცდილობს.ქვეყნის მმართველი რეჟიმი, რომელიც პოლიტიკურად რუსეთის დიქტატსაა დაქვემდებარებული, ჩინური ინვესტიციებისთვის ეკონომიკურ გზებს ხსნის შავი ზღვისპირეთში, მათ შორის, ანაკლიის პორტში, რითიც იქმნება კონკურენცია ევროპული და დასავლური ინვესტიციებისთვის, ეს კი ასევე რუსეთის სტრატეგიულ ინტერესებს შეესაბამება.მინდა, ხაზგასმით აღვნიშნო, რომ საქართველოში დღეს არსებული ვითარება არ არის მხოლოდ გაყალბებული არჩევნებით გამოწვეული შიდაპოლიტიკური კრიზისი, ევროპა ახალი გამოწვევის წინაშე დგას, გამოწვევის, რომელიც მის დემოკრატიულ ხედვას ეწინააღმდეგება და აზიანებს მას; გამოწვევის, რომელიც ევროკავშირის გავლენის ზრდასა და გაფართოებას აჩერებს, რომელიც ნამდვილად ევროპული პოლიტიკური, ეკონომიკური და სამხედრო ძალის ჩამოყალიბებას განსაზღვრავს, ამიტომაც ეს არა მხოლოდ საქართველოს, არამედ ფუნდამენტურად (არსობრივად) ევროპის კრიზისია.ვითარება კრიტიკულ ნიშნულს მიუახლოვდა. თუ ევროკავშირი ვერ მოახდენს რეაგირებას მკაფიოდ, ერთიანად და კონკრეტული შედეგებით, იგი არა მხოლოდ დაკარგავს საქართველოს, როგორც სტრატეგიულ პარტნიორს, არამედ შექმნის სახიფათო პრეცედენტს, როცა ევროპის მეზობლად დემოკრატიის უკუსვლასა და რუსეთის ჩარევას არავინ დაუპირისპირდება.2025 წლის 15 ივლისს დაგეგმილი საგარეო საქმეთა საბჭოს შეხვედრის წინ გადაუდებლად მოვუწოდებ ევროკავშირსა და მის წევრ სახელმწიფოებს: შეაფასეთ ქვეყანაში არსებული მდგომარეობა, როგორც ავტორიტარული გზით ძალაუფლების მიტაცება და რუსეთის მოკავშირეობისკენ მკაფიო სტრატეგიული გადასვლა; მკაფიოდ და უპირობოდ დაუჭირეთ მხარი ქართველ ხალხს, რომელიც ევროპული დროშებით ხელში უპირისპირდება სისასტიკესა და შიშს. ნაკლები რეაგირება ნიშნავს იმ ერის მიტოვებას, რომელმაც არასდროს დაკარგა საკუთარი მიზანი, გახდეს ევროპული ოჯახის წევრი; იმოქმედეთ კოორდინირებული პოლიტიკური ნაბიჯებით: მკაფიოდ, ერთსულოვნად და ქმედითად, როგორც ამას ევროპარლამენტის რეზოლუციები მოითხოვს. ამ ეტაპზე ყოველგვარი დაგვიანება ნიშნავს ავტორიტარიზმისა და რუსეთის ზეგავლენის წინაშე დანებებას.სტრატეგიული მოთმინების დრო ამოიწურა! ახლა აუცილებელია მორალური სიმტკიცე და პოლიტიკური სიცხადე. საქართველოს დემოკრატიული მომავალი, ევროპის სანდოობა და გეოპოლიტიკური მთლიანობა ბეწვის ხიდზეა“, – აღნიშნულია სალომე ზურაბიშვილის წერილში.

არსებითი მნიშვნელობა არ აქვს, ოპოზიციის საერთო კანდიდატი ვინ იქნება, რადგან ყველა მუნიციპალიტეტში „ქართული ოცნება“ გაიმარჯვებს, – ამის შესახებ დედაქალაქის მერმა, კახა კალაძემ მედიასთან ისაუბრა.კახა კალაძის თქმით, თვითმმართველობის არჩევნები მაღალ დონეზე ჩატარდება და მოქალაქეები თავიანთ არჩევანს თავისუფლად დააფიქსირებენ.„არსებითი მნიშვნელობა არ აქვს, ვინ ეყოლებათ კანდიდატი. მე ერთი რამ შემიძლია გითხრათ, რომ როგორც თბილისში, ასევე ყველა მუნიციპალიტეტში, საკრებულოში, რა თქმა უნდა, გაიმარჯვებს „ქართული ოცნება – დემოკრატიული საქართველო“. არჩევნები ძალიან მაღალ დონეზე ჩატარდება, სადაც ყველა ადამიანს თავისი ნების დაფიქსირების შესაძლებლობა ექნება. ქართველმა ხალხმა უსამშობლო აგენტურას უკვე დაარქვა თავისი სახელი, მათ მიმართ აქვთ შესაბამისი დამოკიდებულება და, რა თქმა უნდა, ყველა პოლიტიკოსი თუ პოლიტიკური პარტია განწირულია მარცხისთვის. როდესაც ემსახურები სხვა ქვეყნის ინტერესებს, გარედან იღებ მითითებებს და საერთოდ არ გადარდებს შენი ქვეყანა და შენი ქვეყნის ინტერესები, ეს ყოველთვის წარუმატებლად დასრულდება“, – აღნიშნა კახა კალაძემ.ჟურნალისტის კითხვაზე, – „კოალიცია ცვლილებისთვის“ თბილისში არჩევნების ჩაშლით იმუქრება, მათ შორის, შიმშილობას აანონსებენ, – დედაქალაქის მერი პასუხობს: „თუ ვინმეს შიმშილობა უნდა, მე ამას არავის ვურჩევ, რადგან ეს დამაზიანებელია, პირველ რიგში, მათი ჯანმრთელობისთვის. წარმოუდგენელია, ამით რა შედეგი უნდა მიიღონ“.

სახალხო დამცველი მწუხარებას გამოთქვამს 14 ივლისს, თბილისში, თევდორე მღვდლის ქუჩაზემდებარე საცხოვრებელი სახლის ფასადის ჩამონგრევით გამოწვეული მსხვერპლის გამო. არსებული ინფორმაციით, მომხდარს ორი ადამიანის სიცოცხლე ემსხვერპლა, ხოლო ერთმა პირმა ჯანმრთელობის დაზიანება მიიღო. სახალხო დამცველი უსამძიმრებს გარდაცვლილთა ოჯახის წევრებსა და მათ ახლობლებს.თბილისის მუნიციპალიტეტის მერიის ცნობით,თევდორე მღვდლის ქუჩაზე მდებარე შენობას მესამე კატეგორიის ავარიულობის ხარისხი ჰქონდა მინიჭებული. წლებია სახალხო დამცველის აპარატსაც მომართავენ სხვადასხვა კატეგორიის ავარიულ სახლებში მცხოვრები მოქალაქეები მათი უსაფრთხო გარემოში ცხოვრების უფლების საკითხებზე. თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის არსებობის მიუხედავად, მრავალ ოჯახს წლების განმავლობაში უწევს საფრთხის შემცველ გარემოში ცხოვრება. ხაზგასასმელია, რომ ასეთი ავარიული შენობა-ნაგებობები საფრთხის შემცველია, როგორც მაცხოვრებლებისთვის, ასევე, მოქალაქეებისთვის, რომლებიც მიმდებარედ შეიძლება გადაადგილდებოდნენ ან/და მუშაობდნენ. წლების განმავლობაში შესწავლილი საქმეები ცხადყოფს, რომ ამ სისტემურ პრობლემასთან გამკლავება დროულ და ეფექტიან ნაბიჯებს მოითხოვს, რასაც არსებული საკანონმდებლო გარანტიები და პროგრამული შესაძლებლობები ვერ უზრუნველყოფს.სახალხო დამცველის აპარატმა დაიწყო თევდორე მღვდლის ქუჩაზე მომხდარი შემთხვევის მოკვლევა და შეისწავლის ავარიულ შენობაში მცხოვრებთა და სხვა მოქალაქეთა უსაფრთხო გარემოში ცხოვრების უფლებასთან დაკავშირებულ საკითხებსა და პასუხისმგებელი უწყებების მხრიდან გატარებულ/გასატარებელ ღონისძიებებს.

რუსულ-ქოცურ თამაშში არანაირად, არცერთი ფორმით არ უნდა მიიღოს მონაწილეობა არცერთმა ნორმალურმა, პატრიოტულმა ძალამ, რომელსაც უნდა, რომ ეს რეჟიმი მშვიდობიანი გზით მოვიცილოთ, – ამის შესახებ „ნაციონალური მოძრაობის“ წევრმა, გია ბარამიძემ განაცხადა.ბარამიძის თქმით, ამისთვის საჭიროა თანმიმდევრული, პრინციპული ბრძოლა ქართველ ხალხთან ერთად, რაც შვიდი თვეა, მიმდინარეობს.„სწორედ ამ ბრძოლას ღალატობენ ისინი, როდესაც ბრძოლაში კი არ შედიან, შედიან რუსულ-ქოცურ სპეცოპერაციაში, რის შედეგადაც მიიღებენ გადმოგდებულ ძვალს, ბიძინა ივანიშვილის მიერ დაწერილ ციფრებს და არა იმას, რომ ვიღაცამ მისცეს მათ ხმა და აზრი გამოხატოს, არამედ მიიღებენ იმ ციფრებს, რა ციფრებსაც დაუწერს ეს რეჟიმი. ეს ორჯერ ორი ოთხია.ოპოზიციამ მოიგო მთლიანობაში და მაშინ წაგვართვეს ხმები, შესაბამისად, ახლა ორი ყველაზე ცუდი პარტიული რეიტინგის მქონე პარტია რომ მიიღებს მონაწილეობას, თან ამ სპეცოპერაციაში, როგორ მოიგებენ? თავებს იდებილებენ, ხალხი ჰგონიათ დებილები. უკაცრავად, მაგრამ ძალიან უხერხულია, რასაც ისინი ლაპარაკობენ, უბრალოდ დგანან და ასე უტიფრად იტყუებიან. ამით ბუნებრივია, ქოცურ თამაშში შევიდნენ და ქოცებს დაემსგავსნენ რიტორიკითაც, ამ სისულელეეების ლაპარაკითაც. ყველასთვის ნათელია, რომ ორი ყველაზე მთავარი, ძლიერი პოლიტიკური პარტია არ იღებს მონაწილეობას და არათუ ჩვენ ვაპირებთ, რომ პასიური ბოიკოტი გამოვაცხადოთ, ამასაც ტყუიან და ეთერებში ლაპარაკობენ, რომ ჩვენ შევდივართ ბრძოლაში და აბა, პასიური ბოიკოტი გვინდა? ვინ თქვა პასიური ბოიკოტი? მილიონჯერ გავუვით ხაზი, რომ არანაირი პასიური ბოიკოტი არაა ჩვენი გზა და სახლში ჯდომა, არამედ ჩვენი გზა არის ბრძოლა, ამ რეჟიმის მხილება, ქუჩა-ქუჩა უბან-უბან, სოფელ-სოფელ მხილება და ხალხის დარწმუნება, რომ ეს რეჟიმი უნდა მოვიშოროთ და არ უნდა მივიღოთ მის მოღალატურ პროცესში მონაწილეობა და მის მიერ დადგმულ რუსულ სქემებში. ეს არის ჩვენი ბრძოლის ერთ-ერთი მიმართულება და არა უბრალოდ პასიური ბოიკოტი. მათ ეს ძალიან კარგად იციან. მილიონჯერ ვთქვით, მაგრამ მაინც ჯიუტად ამ სისულეებს ლაპარაკობენ, მათ მაგივრად შეიძლება, ნორმალურ ადამიანს შერცხვეს“, – აღნიშნა ბარამიძემ.

ვიცი, რომ ამერიკელი და ქართველი ხალხის განსაკუთრებული კავშირი გაუტეხელია, საქართველოს ადგილი დასავლური დემოკრატიების ოჯახშია. ერთად მუშაობით ჩვენი შვილებისთვის უკეთესი მომავლის შექმნა შეგვიძლია, – ამის შესახებ რობინ დანიგანმა გამოსამშვიდობებელი ვიდეომიმართვისას განაცხადა.დანიგანის თქმით, სამუდამოდ იქნება ქართველი ხალხის ნამდვილი მეგობარი.„გამარჯობა, საქართველო. მსურს, ვისარგებლო ამ შესაძლებლობით, რომ დაგემშვიდობოთ და მადლობა გადაგიხადოთ. ჩემო 33-წლიანი დიპლომატიური კარიერის განმავლობაში მსოფლიოს გარშემო არასოდეს შევხვედრივარ ქართველებივით თბილ, სტუმართმოყვარე და დიდსულოვან ხალხს. მადლობა, რომ გაგვიღეთ თქვენი გულისა და სახლის კარი მე და ჩემს ოჯახს. მადლობა, რომ გამიზიარეთ თქვენი გულითადი სადღეგრძელოები და გემრიელი სუფრა, თქვენი დიდებული პოლიფონიური სიმღერა და უნიკალური კულტურა. ჩვენ მოვიარეთ ეს ულამაზესი ქვეყანა სვანეთიდან უშგულამდე, კახეთიდან თუშეთამდე და თბილისის ყველა კუთხის ჩათვლით. სადაც არ უნდა წავსულიყავით, ყველგან საკუთარი ოჯახივით გვიღებდნენ. განცვიფრებული ვართ თქვენი გულუხვი სტუმართმოყვარეობით. ვიცი, რომ ამერიკელი და ქართველი ხალხის განსაკუთრებული კავშირი გაუტეხელია. ვიცი, რომ საქართველოს ადგილი დასავლური დემოკრატიების ოჯახშია. ერთად მუშაობით, ვიცი, რომ ჩვენი შვილებისთვის უკეთესი მომავლის შექმნა შეგვიძლია. საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი. დიდი მადლობა და შეხვედრამდე“, – განაცხადა რობინ დანიგანმა.აშშ-ის საელჩომ 5 ივნისს გაავრცელა განცხადება, სადაც ნათქვამი იყო, რომ რობინ დანიგანი საქართველოში ამერიკის შეერთებული შტატების ელჩის თანამდებობას ტოვებს.„მივიღე პირადი გადაწყვეტილება, გავიდე პენსიაზე, ჩემი გაწვევა ჩემს მთავრობას არ მოუთხოვია“, – განაცხადა რობინ დანიგანმა.რობინ დანიგანი საქართველოში ელჩის თანამდებობაზე 2023 წელს დაინიშნა.