ისრაელის მედიის ცნობით, ირანის წინააღმდეგ მობილიზაციის ფარგლებში, აშშ-ის ძალები თურქმენეთ-ირანის საზღვარზე და ასევე სომხეთში გადაიყვანეს

პარლამენტის თავმჯდომარის პირველმა მოადგილემ, გიორგი ვოლსკიმ საქართველოში ისრაელის საგანგებო და სრულუფლებიან ელჩთან, ვალიდ აბუ ჰაიასთან გაცნობითი შეხვედრა გამართა.მხარეებმა საქართველოსა და ისრაელს შორის არსებული პარტნიორული ურთიერთობები და სხვადასხვა მიმართულებით თანამშრომლობის პერსპექტივები განიხილეს.განხილვის ერთ-ერთ თემას ისრაელსა და საქართველოს ირგვლივ არსებული უსაფრთხოების გარემო წარმოადგენდა. საუბარი შეეხო როგორც მსოფლიოში არსებულ გამოწვევებს, ასევე ახლო აღმოსავლეთსა და სამხრეთ კავკასიის რეგიონში შექმნილ ვითარებას. ყურადღება დაეთმო ორ ქვეყანაში მიმდინარე პოლიტიკურ პროცესებს.

„ნიუ იორკ თაიმსის“ ცნობით, აშშ-მა და ისრაელმა შესაძლოა, დაარტყან ირანის რევოლუციის გუშაგთა კორპუსის შტაბბინას. სტატიის მიხედვით, ამ დარტყმის მიზანია ირანის იძულება, დათანხმდეს ბირთვულ მოლაპარაკებებში დათმობებს, რაზეც თეირანი აქამდე არ მიდიოდა.გამოცემა წერს, რომ ისრაელი აშშ-თან ერთად ამზადებს ერთობლივ სამხედრო ოპერაციას ირანის წინააღმდეგ, რომლის სამიზნეებად შესაძლოა, განიხილებოდეს ბალისტიკური რაკეტების ბაზები, ბირთვული ობიექტები და ისლამური რევოლუციის გუშაგთა კორპუსის შტაბბინა.ამის შესახებ გაზეთი იტყობინება ისრაელის სამხედრო წყაროებზე დაყრდნობით.მათი თქმით, აშშ და ისრაელი გეგმავენ დარტყმის განხორციელებას უახლოეს დღეებში, რათა „აიძულონ ირანი წავიდეს დათმობებზე მოლაპარაკებების მაგიდასთან“ ბირთვულ პროგრამასთან დაკავშირებით.გაზეთის მტკიცებით, აშშ-ის შეიარაღებული ძალების დაჯგუფება ახლო აღმოსავლეთში საშუალებას იძლევა, განხორციელდეს დარტყმები „ირანის ობიექტების ფართო სპექტრზე, მათ შორის მცირე და საშუალო რადიუსის რაკეტების ბაზებზე, საბრძოლო მასალის საწყობებზე, ბირთვულ ობიექტებზე და სხვა სამხედრო სამიზნეებზე, როგორიცაა ისლამური რევოლუციის გუშაგთა კორპუსის შტაბბინა“.ოპერაციის საბოლოო სამიზნეების შერჩევა, ამერიკული წყაროების თქმით, აშშ-ის პრეზიდენტ დონალდ ტრამპზეა დამოკიდებული.მანამდე, ტელეკომპანია CBS-მა გაავრცელა ცნობა, რომ აშშ-ის ადმინისტრაცია განიხილავს ირანზე დარტყმის შესაძლებლობას 21 თებერვალს.

უბრალოდ, ვერ წარმომიდგენია 11 წელი მიუსაჯო ადამიანს, პარალელურად, საქმე აღძრა მისი მშობლების წინააღმდეგ და 50 000-ლარიანი მორიგებით ეს ადამიანი თავისუფლებზე გამოუშვა - გასაგებია, რომ აქ არ გვაქვს საქმე ინსტიტუციურ სამართლებრივ გადაწყვეტილებასთან და როგორც სხვა დანარჩენ შემთხვევაში, ეს გადაწყვეტილებაც არის ერთი პირის, ან პირთა ჯგუფის მიერ არაფორმალურად მიღებული, - ამის შესახებ „გახარია საქართველოსთვის" დეპუტატმა, გიორგი შარაშიძემ განაცხადა, რითაც „თანაინვესტირების ფონდის“ ყოფილი ხელმძღვანელის, გიორგი ბაჩიაშვილის გათავისუფლებაზე საუბრისას განაცხადა.მისივე თქმით, „რა ავტოკრატიული რეჟიმიც გვაქვს, ის შედეგი დადგა“.„ავტოკრატიულ რეჟიმში ბრალის აღიარება იშვიათი გამონაკლისი არ არის. რა ავტოკრატიული რეჟიმიც გვაქვს, ის შედეგი დადგა. სამწუხარო რეალობაა ის, რომ დღეს ამ შეთანხმების არავის სჯერა. არავის სჯერა, რომ ასე შეიძლებოდა ეღიარებინა ბრალი ბატონ ბაჩიაშვილს. მილიარდებზე იყო საუბარი და პრეტენზიები და საპროცესო გარიგების თანახმად, 50 000 ლარი რომ გადაახდევინეს ბაჩიაშვილს, ყველაფერზე მეტყველებს, რამდენად სამართლიანი შეიძლებოდა ყოფილიყო ეს შეთანხმება. სამწუხაროდ, ყველაფრის თავი და თავი არის ის ავტოკრატიული სისტემა, რაც არის საქართველოში. ვინც დაიჭირა, იმან გამოუშვა. გამოუშვა მაშინ, როცა ეს საჭიროდ ჩათვალა. ეს არის პრობლემის მთავარი არსი, თორემ ნებისმიერ შემთხვევაში, ბატონ ბაჩიაშვილს ვულოცავთ თავისუფლებაზე ყოფნას. ამ ადამიანს აქვს საკმარისი უნარები იმისთვის, რომ გაცილებით მეტად გამოადგეს ქვეყანას თავისუფლებაზე, ვიდრე გამოკეტილი 4 კედელში," - განაცხადა შარაშიძემ.ცნობისთვის, „თანაინვესტირების ფონდის“ ყოფილმა ხელმძღვანელმა გიორგი ბაჩიაშვილმა პენიტენციური დაწესებულება 18 თებერვალს დატოვა. პროკურატურაში აცხადებენ, რომ ბაჩიაშვილმა ყველა სისხლის სამართლის საქმეზე დანაშაული აღიარა, აანაზღაურა ზიანი და გაუფორმდა საპროცესო შეთანხმება.შეგახსენებთ, სახელმწიფო უსაფრთხოების სამსახურმა გიორგი ბაჩიაშვილი 2025 წლის მაისში დააკავა. ბაჩიაშვილი მსჯავრდებული იყო „ქართული ოცნების“ დამფუძნებლის, ბიძინა ივანიშვილის კრიპტოვალუტის მითვისებაში. მას ამ საქმეზე 11 წლით თავისუფლების აღკვეთა ჰქონდა მისჯილი.ბაჩიაშვილი მსჯავრდებული იყო კიდევ ერთ საქმეზე, რომელიც სახელმწიფო საზღვრის უკანონოდ გადაკვეთას გულისხმობს. მას სასჯელის სახით 4 წლითა და 6 თვის ვადით თავისუფლების აღკვეთა ჰქონდა მისჯილი.ასევე, გიორგი ბაჩიაშვილს „მტკვარი ჰესის“ საქმეზე ბრალდება საქართველოს სსკ-ის 2201-ე მუხლის მე-2 ნაწილით ჰქონდა წარდგენილი, რაც სპეციალური უფლებამოსილების მქონე პირის მიერ სამსახურებრივი მოვალეობის შეუსრულებლობას ან არაჯეროვნად შესრულებას გულისხმობს, რამაც მძიმე შედეგი გამოიწვია.

ლატვიის 24 წლის მოქალაქე, რომელსაც ოჯახი თბილისში ეძებდა, იპოვეს

ექსპერტ, გია ხუხაშვილის განცხადებით, შესაძლებელია, ყოფილი ვიცე-პრემიერი ლევან დავითაშვილი ხელისუფლების გაგზავნილია ერთ-ერთ ქვეყანაში მსხვილ ნავთობკომპანიასთან გაფორმებული ხელშეკრულების დეტალების დასაზუსტებლად.როგორც ხუხაშვილმა „პალიტრანიუსის“ გადაცემაში “360 გრადუსი“ განაცხადა, დავითაშვილი შესაძლოა აზერბაიჯანში იმყოფებოდეს. ასევე, ხუხაშვილმა აღნიშნა, რომ გაზის ტრანსპორტირების ოპერატორი კვლავ კომპანია BP-ია, რის გამოც არ გამორიცხავს, რომ იგი ბრიტანეთშიც იყოს ჩასული.„არ მგონია, რომ დავითაშვილი სადმე გაქცეულიყო. დავითაშვილი შეიძლება კითხვებზე პასუხების გასაცემად ერთ-ერთ ქვეყანაში გაემგზავრა, რომ ამ კონტრაქტთან დაკავშირებით რაღაც დაზუსტებები მოხდეს. ხელისუფლებას თუ არ უნდოდა მისი გაშვება, არ გაუშვებდა. გუშინვე ჩამოართმევდა პასპორტს და დამთავრდებოდა. ხელისუფლების გაგზავნილია - შეიძლება აზერბაიჯანში იყოს წასული, ტრანსპორტირების ოპერატორი ჯერ კიდევ BP-ია და შეიძლება ბრიტანეთში იყოს“,- განაცხადა ხუხაშვილმა.რაც შეეხება "თანაინვესტირების ფონდის" ყოფილი ხელმძღვანელის, გიორგი ბაჩიაშვილის საქმეს და მის გათავისუფლებას, ხუხაშვილის შეფასებით, ბაჩიაშვილს ჰქონდა იმედი, რომ საკითხი სხვაგვარად დარეგულირდებოდა, თუმცა საბოლოოდ, როცა სიტუაციის უპერსპექტივობა იგრძნო, კომპრომისზე წასვლა გადაწყვიტა.„ახალგაზრდა კაცია, როდემდე უნდა მჯდარიყო ციხეში?! ხვდებოდა, რომ ხელისუფალი არასდროს გამოუშვებდა. ახალ და ახალ საქმეებს „შეუკერავდა“. შესაბამისად, გარიგებაზე წავიდა. ბაჩიაშვილის დაპატიმრების მიზანი თავიდანვე ხომ არ ყოფილა ციხეში ჩასმა ან პოლიტიკური დევნა, მოტივი იყო ძალიან ბანალური - ფული, როგორც ჩანს. ფული „აახიეს“, რითაც მისი ციხეში ყოფნის საჭიროება გაქრა.იმედი ჰქონდა, რომ საკითხი სხვანაირად დარეგულირდებოდა. იმედი გადაეწურა, სიტუაციის უპერსპექტივობა იგრძნო და გატყდა“, - განაცხადა ხუხაშვილმა.მისივე თქმით, ბაჩიაშვილის გათავისუფლება საზეიმო მოვლენა არ არის და მას „ერთი ახალგაზრდა კაცის გატეხვის სევდიან ისტორიად“ აფასებს.ხუხაშვილმა ასევე აღნიშნა, რომ მსგავსი გზავნილები შესაძლოა სხვა მაღალჩინოსნებსაც ეხებოდეს და ამავე კონტექსტში ახსენა ყოფილი პრემიერ-მინისტრი ირაკლი ღარიბაშვილი და სახელმწიფო უსაფრთხოების სამსახურის ყოფილი უფროსი, გრიგოლ ლილუაშვილი.ხუხაშვილის თქმით, მაშინ, როდესაც არ არის სამართალი და სასამართლო, ქვეყანა „მაფიოზური ომების არენად“ იქცა.„ყველაფერი იქით მიდის, რომ სისხლიანი გარჩევები დაიწყება. მაფიოზური ომების არენად იქცა ქვეყანა. არ არსებობს, არც სასამართლო, არც სამართალი. სასამართლო ჩაცუცქული არჩევს საქმეებს. ბაჩიაშვილის საქმე არ არის ამის დადასტურება? ჯერ სამოქალაქო საქმე სისხლის სამართალში გადაიტანეს. შემდეგ სპეცოპერაცია ჩაატარეს უცხო ქვეყანაში და ქეჩოთი ჩამოათრიეს. ციხეში სცემეს. „აკაჩავეს“, „აკაჩავეს“ და გატეხეს. ბაჩიაშვილის გათავისუფლებაც არ არის საზეიმო. ეს არის ერთი ახალგაზრდა კაცის გატეხვის სევდიანი ისტორია. ღარიბაშვილსაც ეუბნებიან, გადაიხადე, წადი სახლში. ლილუაშვილსაც იმავეს“,- განაცხადა ხუხაშვილმა.ამ ფონზე, ხუხაშვილის თქმით, საქართველომ დაკარგა სახელმწიფოებრიობის ნიშნები, პარალელურად, მისი შეფასებით, დაპირისპირება მიმდინარეობს ორ კრიმინალურ დაჯგუფებას შორის - მოკლული ბიზნესმენის ლევან ჯანგველაძისა და ყოფილი გენერალური პროკურორის ოთარ ფარცხალაძის ჯგუფებს შორის.მისი შეფასებით, პროცესები უკიდურესად იძაბება და არსებობს საფრთხე, რომ დაპირისპირება სისხლიან ანგარიშსწორებაში გადაიზარდოს.„საქართველომ დაკარგა სახელმწიფოებრიობის ნიშნები როგორც საგარეო პოლიტიკით, ასევე ქვეყნის შიგნითაც. ვიქეცით მაფიოზური ომების არეალად. ჯანგველაძის "ქეისი" რომ ავიღოთ, დღეს ვაკვირდებით ორი დაპირისპირებული კრიმინალური დაჯგუფება ებრძვის ერთმანეთს: ჯანგველაძის და ფარცხალაძის დაჯგუფება. ანუ დაწყებულია მაფიოზური ომი. დენთის სუნი ტრიალებს. უმძიმესი პროცესი მიმდინარეობს. ისე იძაბება სიტუაცია, რომ შეიძლება სისხლიანი გარჩევები ვნახოთ. დღეს, რაც ვნახეთ საქალაქო სასამართლოსთან ეს არ არის სახუმარო. მძიმე შემთხვევაა. მაფიოზური ომების არენად იქცა საქართველო. ხელისუფლებაც კრიმინალიზებულია, რადგან ამ პროცესშია ჩართული“, - განაცხადა ხუხაშვილმა.