ირაკლი ჩიქოვანი – ქართული ჯარი დამოუკიდებლობისა და თავისუფლების დაცვის მთავარი ფუნდამენტი, ღირსებისა და სამშობლოსადმი ერთგულების უდიდესი სიმბოლოა

საუდი პრო ლიგის ეს სეზონი დასრულებულია, რასთან ერთადაც ასევე დასრულდა კრიშტიანუ რონალდუს არაბული კარიერაც. 40 წლის პორტუგალიელმა სეზონში 25 გოლი გაიტანა და ჩემპიონატს საუკეთესო ბომბარდირის სტატუსით ტოვებს.“ალ-ნასრმა” ჩემპიონატი მხოლოდ მე-3 ადგილზე დაასრულა და აზიის საკლუბო ტურნირებზე ვერ მოხვდა, ჩემპიონი კი მისი კონკურენტი “ალ იტიჰადი” გახდა, მეორე ადგილზე კი “ალ ჰილალი” გავიდა."ეს ეტაპი დასრულებულია. ისტორია? გრძელდება. დიდი მადლიერი ვარ ყველასი", - დაწერა კრიშტიანუ რონალდომ ინსტაგრამზე, რითაც დაადასტურა, რომ “ალ ნასრიდან” მიდის, თუმცა კარიერას არ ასრულებს.სად გააგრძელებს კარიერას ლეგენდარული პორტუგალიელი სუპერვარსკვლავი უცნობია, იწერება “ალ-ნასრის” მთავარი კონკურენტის “ალ ჰილალისა” და “მანჩესტერ იუნაიტედში” დაბრუნებაზეც თუმცა სხვადასხვა გამოცემის ცნობით, ყველაზე დიდი შანსია კრიშტიანუ მშობლიურ “სპორტინგს” დაუბრუნდეს, სადაც ახალ სეზონში საქართველოს ნაკრების ნახევარმცველი გიორგი ქოჩორაშვილიც ითამაშებს.

აღდგომიდან მე-40 დღეს, მეექვსე კვირის ხუთშაბათს, მართლმადიდებელი ეკლესია მაცხოვრის ამაღლებას ზეიმობს.როგორც წმიდა სახარება გვაუწყებს, ბრწყინვალე აღდგომიდან 40 დღის განმავლობაში ქრისტე თავის მოწაფეებს ეცხადებოდა და ღვთის სასუფევლის შესახებ მოუთხრობდა. იოანე ოქროპირის სიტყვით, იგი მოწაფეებს ასწავლიდა „სასუფევლის საიდუმლოებებს“, რომელნიც მაცხოვრის აღდგომამდე მათთვის გაუგებარი და მიუწვდომელი იყო.აღდგომიდან მე-40 დღეს კი გალილეიდან იერუსალიმში დაბრუნებული მოწაფეები ერთ სახლში შეიკრიბნენ. აქ მათ მაცხოვარი გამოეცხადათ, რომელმაც შეკრებილთ აღუთქვა, რომ მალე მოუვლენდა სულიწმიდას და უბრძანა, არ გაშორებოდნენ იერუსალიმს.საუბრობდა რა მოწაფეებთან, ქრისტემ გამოიყვანა ისინი ბეთანიის მიმართულებით, ელეონის მთაზე, შემდეგ ხელები ცისკენ აღაპყრო და აკურთხა. შეკრებილნი. კურთხევისას თანდათან დასცილდა მათ და ზეცად ამაღლება იწყო, მცირე ხანში კი ღრუბლებში გაუჩინარდა.ვიდრე მოწაფეები ცას შეჰყურებდნენ, ეჩვენა მათ ორი კაცი, თეთრად მოსილნი რომელთაც უთხრეს: „კაცნო, გალილეველნო, რაისა სდგათ და ჰხედავთ ზეცად. ესე იესო რომელი ამაღლდა თქვენგან ზეცად, ეგრეთვე მოვიდეს, ვითარცა იხილეთ აღმავალი ზეცად“ (საქ. მოც. 1, 11), მოწაფეები სიხარულით დაბრუნდნენ იერუსალიმში, სულიწმიდის მომლოდინენი, განუწყვეტლივ ლოცვაში იყვნენ, ადიდებდნენ და მადლობდნენ ღმერთს.მაცხოვრის ამაღლების მნიშვნელობა რამდენიმე კუთხით შეიძლება განვიხილოთ.პირველი - მოვლენის ონტოლოგიური მხარეა: ძე ღვთისამ მიიღო ადამიანური ბუნება, რომელიც ზეცად აამაღლა და საღმრთო დიდებას აზიარა. იოანე ოქროპირის თქმით, უფლის ამაღლებამ ადამიანი ანგელოზს მიამსგავსა, ადამიანი შეერთო უხორცოთა დასს, იგი მიწისთვისაც კი უღირსი - ზეცაში დამკვიდრდა. კაცთა ბუნება, რომლისაგანაც ქერუბიმები სამოთხეს იცავნდნენ, თვით ქერუბინებზე აღმატებული გახდა. იესო ქრისტეს ზეცად ამაღლებით მოხდა ცისა და მიწის შეერთება, ზეციურისა და მიწიერის შერიგება. ამაღლებით რეალურად განცხადდა ძველი აღთქმისეული წინასწარმეტყველება: „ამაღლდა ღმერთი ღაღადებითა და უფალი ხმითა საყვირისაითა“ (ფს. 46, 5); ამაღლების შემდგომ, პავლე მოციქულის თქმით, „ჩუენი მოქალაქეობაი ცათა შინ არს“ (ფილ. 3, 20).უფლის ამაღლებას აქვს ესქატოლოგიური მნიშვნელობაც, რადგან სწორედ ამაღლება იყო ქრისტეს მიწიერი ცხოვრების დასასრული, ხოლო მისი მეორედ მოსვლა კაცობრიობის მიწიერი მყოფობის დასასრული იქნება. ამაღლებას ზნეობრივი მნიშნვნელობაც გააჩნია. ჩვენ უნდა გვახსოვდეს, რომ არა მხოლოდ მიწას, არამედ ზეცასაც ვეკუთვნით, რომ ჩვენ ვეკუთვნით დროსაც და მარადისობასაც, მატერიასაც და სულსაც და მიწიერი ცხოვრების დროს ჩვენ უნდა ავმაღლდეთ ყოველივე მიწიერზე და მდაბალზე. სარწმუნოების სიმბოლოში (მრწამსში) ვკითხულობთ: „და ამაღლდა ზეცად და დაჯდა მარჯუენით ღვთისა და მამისა“. რას ნიშნავს ეს სიტყვები? ღმერთი ხომ დროისა და სივრცის მიღმიერია? როგორ უნდა გავიგოთ ეს ანთროპომორფისტული მეტაფორა? როდესაც იმპერატორი თანამმართველს ირჩევდა, ან მისი ვაჟი სრულწლოვანი ხდებოდა - მაშინ განსაკუთრებული რიტუალი - ინტრონიზაცია ტარდებოდა. სასახლის დარბაზში ორ ტახტს დგამდნენ. ერთზე ჯდებოდა იმპერატორი, მეორეზე, მარჯვენა მხარეს თანამმართველი. მარჯვნივ ჯდომა იმპერატორის მსგავს ღირსებასა და ძალაუფლებას ნიშნავდა. ამდენად, აღნიშნული სიტყვები მამა ღმერთისა და ძე ღმერთის თანაბარ ძალაუფლებაზე მიუთითებს. ეს სახე-სიმბოლო  კიდევ უფრო წარმოაჩენს ამაღლების აქსიოლოგიურ მნიშვნელობას: ღმერთკაცის სახით მთელ კაცობრიობას დაუსრულებელი სულიერი აღმასვლის შესაძლებლობა მიეცა.ქრისტე გაშლილი, მაკურთხეველი ხელებით ამაღლდა ზეცად. ელეონის მთასთან მდგარი მოწაფეები პირველ ქრისტიანულ ეკლესიას წარმოადგენდნენ. სიყვარულითა და იმედით აღსავსე ეს ეპიზოდი არის ნიშანი და აღთქმა იმისა, რომ კურთხევა ღვთისა მუდამ ჰგიებს ეკლესიაში.

აშშ-ის სახელმწიფო მდივანს, მარკო რუბიოსა და რუსეთის საგარეო საქმეთა მინისტრ სერგეი ლავროვს შორის სატელეფონო საუბარი გაიმართა. ინფორმაციას ამის შესახებ რუსეთის საგარეო საქმეთა სამინისტრო ავრცელებს.როგორც უწყების განცხადებაშია აღნიშნული, ლავროვი რუბიოს სტამბოლში რუსეთ-უკრაინის პირდაპირი მოლაპარაკებების შემდეგი რაუნდისთვის კონკრეტული წინადადებების მომზადების შესახებ ესაუბრა.განცხადების თანახმად, მარკო რუბიომ, თავის მხრივ, ხაზი გაუსვა დონალდ ტრამპის მიზანს უკრაინის კონფლიქტის სწრაფ დასრულებასთან დაკავშირებით და გამოხატა ვაშინგტონის მზაობა ხელი შეუწყოს მხარეთა პოზიციების დაახლოებას.ამასთან, განცხადებაში ნათქვამია, რომ მხარეებმა დაადასტურეს ორმხრივი განზრახვა, გააგრძელონ კონსტრუქციული და ურთიერთპატივისცემით სავსე დიალოგი რუსეთისა და აშშ-ის საგარეო საქმეთა სამინისტროებს შორის.

ტრამპმა ყოფილი ადვოკატი ემილ ბოვე ფედერალური სააპელაციო სასამართლოს მოსამართლედ წარადგინა-ამის შესახებ  CNN-ი წერს პრეზიდენტმა დონალდ ტრამპმა ემილ ბოვე — მისი ყოფილი პირადი ადვოკატი და ამჟამად აშშ-ის იუსტიციის დეპარტამენტის მაღალი თანამდებობის პირი — ფედერალურ სააპელაციო სასამართლოში მოსამართლეობის კანდიდატად დაასახელა. ტრამპმა ბოვეს ნომინაცია გამოაცხადა სოციალურ ქსელში გავრცელებული განცხადებით, სადაც ის აღწერა როგორც „ჭკვიანი, მკაცრი და ყველას მიერ პატივცემული“ პიროვნება. „ის დაასრულებს მართლმსაჯულების პოლიტიკურ იარაღად გამოყენებას, აღადგენს კანონის უზენაესობას და ყველაფერს გააკეთებს იმისთვის, რომ ამერიკა კვლავ დიდ სახელმწიფოდ იქცეს,“ — დაწერა ტრამპმა. „ემილ ბოვე არასდროს გაგიცრუებთ იმედს!“ ეს ამბავი განვითარებადია და განახლდება.

როცა ლოცვის გრძელი ტექსტის წაკითხვის დრო არ გაქვთ, ან რთულ სიტუაციაში იმყოფებით, სადაც ემოციებს ვერ აკონტროლებთ და ღმერთთან რთული ტექსტით მიმართვაზე კონცენტრირებას ვერ ახდენთ, ძალიან მოკლე ლოცვები დაგეხმარებათ. ასეთი მოკლე ლოცვები თავიანთი ძალით გრძელ ტექსტებს არაფრით ჩამოუვარდება. სასურველია, რომ ასეთი ლოცვა რამდენჯერმე გაიმეოროთ, რომ ღმერთთან კავშირი შექმნათ და მასში ჩაძირვა შეძლოთ.ამ მოკლე თხოვნაში, რომელიც მხოლოდ ორი სიტყვისგან შედგება, თქვენს ნებას გამოხატავთ და ღმერთს მხარდაჭერას სთხოვთ. ნახეთ, რომელ ლოცვებზეა საუბარი და როდის უნდა წაიკითხოთ.1. დამლოცე უფალო! წარმოთქვით ყოველთვის, როცა ღვთის კურთხევა გჭირდებათ. მაგალითად, სახლიდან გამოსვლისას ან გასაუბრებაზე წასვლის დროს. ასევე ახალი საქმის დაწყების და ოჯახის შექმნის დროს. უფლისადმი მიმართული ეს ორი სიტყვა სასწაულს მოახდენს და სიკეთეს მოგიტანთ. 2. უფალო შემიწყალე! ეს ძალიან ძლიერი ლოცვაა, რომელიც მორწმუნე ადამიანს რთულ მომენტში და სახიფათო სიტუაციაში დაეხმარება. ის სულის დახმარებისკენაა მიმართული.ლოცვა მთელი გულით უნდა წაიკითხოთ. ლოცვით შეგიძლიათ დახმარება საკუთარი თავისთვის ან სხვებისთვის ითხოვოთ. მაგალითად, ავადმყოფი ნათესავისთვის ან გასაჭირში მყოფი ადამიანისთვის. ტექსტს 3, 12, 40 ან 100-ჯერ იმეორებენ. რატომ ასე ბევრჯერ? ყველაფერი მარტივია: რომ ლოცვაში უფრო ძლიერად ჩაღრმავდეთ. 3. დიდება უფალს! ამ ტექსტს ამბობენ, რომ უფლის მიმართ მადლობა გამოხატონ და განადიდონ. მას ყოველ ჯერზე ამბობენ, როცა ღვთისგან რაიმე „საჩუქარს“ იღებენ. მაგალითად, როცა დაავადების განკურნებაში დაგეხმარებათ. ჯობს საღამოს საათებში რეგულარულად წარმოთქვათ. ღმერთი ყოველთვის ჩვენთან იმყოფება და გვეხმარება, ამიტომ მას მადლობა უნდა გადავუხადოთ და ვადიდოთ. 4. დამეხმარე, უფალო! კიდევ ერთი ძალიან მოკლე ლოცვა, როცა უფლის დახმარება და მხარდაჭერა გჭირდებათ. მაგალითად, შეგიძლიათ მაშინ წაიკითხოთ, როცა რაღაც არ გამოგდით და სასოწარკვეთაში ვარდებით, ან სიტუაციიდან გამოსავალს ვერ ხედავთ.