![](https://tiflisnews.ge/wp-content/uploads/2024/06/chiqovan_w_h.jpeg)
ირაკლი ჩიქოვანი: დარწმუნებული ვარ, რომ თითოეული თქვენგანი “ჯარის ბანაკიდან” წავა ძალიან დიდი ემოციებითა და ცოდნით, რომელიც მომავალში გამოგადგებათ
„ჩვენთვის დიდი პატივია, ვუმასპინძლოთ ახალგაზრდებს გიორგი ანწუხელიძის სახელობის სერჟანტთა აკადემიაში. დარწმუნებული ვარ, ეს არის ძალიან კარგი თავგადასავლის დასაწყისი, რომ თითოეული თქვენგანი „ჯარის ბანაკიდან“ წავა ძალიან დიდი ემოციებითა და ცოდნით, რომელიც მომავალში გამოგადგებათ“, – განაცხადა საქართველოს თავდაცვის მინისტრმა ირაკლი ჩიქოვანმა კოჯორში, „ჯარის ბანაკის“ ოფიციალური გახსნის ცერემონიალზე.
თავდაცვის მინისტრმა აღნიშნა, რომ ბანაკის მასშტაბები ყოველწლიურად ფართოვდება და მონაწილეობის მსურველთა რიცხვიც მზარდია: „ჩვენ უკვე 2300-ზე მეტ ბავშვს ვუმასპინძლებთ წელს, რაც ორჯერ აღემატება შარშანდელ მონაცემს. წელს ბანაკის დისლოკაციის ადგილები საქართველოს მასშტაბით სამ ადგილას გვაქვს და მოხარულები ვართ, რომ ამ პროექტისადმი ახალგაზრდებში ასეთი გამოხმაურება და დაინტერესებაა“.
თავდაცვის უწყების ხელმძღვანელმა მხარდაჭერისთვის მადლობა გადაუხადა პრემიერ-მინისტრ ირაკლი კობახიძეს როგორც თავდაცვის ძალების, ასევე ახალგაზრდული პოლიტიკის განვითარების მხარდაჭერისთვის, რამაც საზაფხულო ბანაკების მასშტაბების გაზრდის შესაძლებლობა შექმნა. მინისტრმა აღნიშნა პროექტის მხარდამჭერების – საქართველოს პარლამენტის, განათლებისა და მეცნიერების სამინისტროს, ასევე საქართველოს საპატრიარქოს წარმომადგენლების როლი და მათი ჩართულობის მნიშვნელობა.
ირაკლი ჩიქოვანმა განმარტა, რომ თავდაცვის უწყებისთვის მნიშვნელოვანია ახალგაზრდებთან მჭიდრო კომუნიკაცია და თავდაცვის ძალების უკეთ გაცნობა, რის საშუალებასაც იძლევა „ჯარის ბანაკი“. „დარწმუნებულები ვართ, რომ როდესაც დაბრუნდებით სახლებში, გაუზიარებთ გამოცდილებას თანატოლებს, დაფიქრდებით იმაზე, რომ ხვალ და ზეგ შეიძლება თქვენი ცხოვრება დაუკავშიროთ თავდაცვის ძალებს, იმიტომ, რომ განვითარების გზაზე მდგომ თავდაცვის ძალებს სჭირდება მჭიდრო კონტაქტი ახალგაზრდებთან. დარწმუნებული ვარ, რომ თქვენს შორის არიან ადამიანები, რომლებიც მომავალში იქნებიან ღირსეული ოფიცრები, ღირსეული ჯარისკაცები და, რა თქმა უნდა, ემსახურებიან ყველაზე მნიშვნელოვანს, რასაც შეიძლება ადამიანი ემსახუროს – სამშობლოს“, – განაცხადა ირაკლი ჩიქოვანმა.
![](http://tiflisnews.ge/wp-content/uploads/2024/04/უუუუ.png)
About Post Author
ქეთევან ნინუა
Comments
როგორ გამოიყურება პატარა გიო ხუციშვილი – რა კადრები ვრცელდება სამშობიაროდან
ზუკა ხუციშვილსა და მის მეუღლეს პირველი შვილი შეეძინათ. ზუკამ ვაჟს მამის სახელი, გიო დაარქვა. დავით დავარაშვილის კლინიკამ ახლახან პატარა გიოს...
კორეის რესპუბლიკაში გაეროს საჯარო სერვისების მსოფლიო ფორუმის შემაჯამებელი ღონისძიება გაიმართა
ღონისძიების დასასრულს, გაეროს გენერალური მდივნის, კორეის სახელმწიფოს შინაგან საქმეთა და უსაფრთხოების მინისტრის, სხვადასხვა ქვეყნების მინისტრებისა და მოადგილეების მონაწილეობით, პანელური დისკუსია...
მამუკა მდინარაძე: ყოფილი ნაცი არ არსებობს, ყველა ერთი პოლიტიკური ნაგავია. ამიტომ, მათ დაშლა-არმოშლა არ შველით
ყოფილი ნაცი არ არსებობს, ყველა ერთი პოლიტიკური ნაგავია. ამიტომ, მათ დაშლა-არმოშლა არ შველით, - ამის შესახებ საპარლამენტო უმრავლესობის ლიდერმა, მამუკა...
დღეს ლომისობაა
ლომისობის დღესასწაული დუშეთის რაიონში, ყოველ წელს, აღდგომიდან მე-7 კვირას აღინიშნება. მლოცველებს სწამთ, რომ ლომისის წმინდა გიორგის სახელობის ეკლესია გამორჩეული ძალის...
წინასაქორწილო წვეულება – რა ფოტოებს აქვეყნებს გიორგი მამარდაშვილის ულამაზესი საცოლე
გიორგი მამარდაშვილის და მისი რჩეული ელენე ეტიპაშვილი ქორწილისთვის ემზადებიან. ელენე „ინსტაგრამზე“ წინასაქორწილო წვეულების ფოტოებს ავრცელებს.
თბილისში წყალი შეწყდება – ნახეთ, ქუჩების ჩამონათვალი
თბილისის ზოგიერთ ქუჩას წყალმომარაგება შეეზღუდება. კრწანისი, ვახტანგ გორგასლის ქუჩის N7 თან წყალმომარაგების ქსელზე დაზიანების გამო 6/25/2024 23:00 დან 6/26/2024 11:00...